មន្ទីរទេសចរណ៍ ខេត្តស្ទឹងត្រែង-Stung Treng Department of Tourism

03/09/2026

#ទីតាំងស្វែងរកសម្រស់ធម្មជាតិដ៏ស្រស់បំព្រងនៅខេត្តស្ទឹងត្រែងរដូវកាលបៃតង!
១. សហគមន៍អេកូទេសចរណ៍សម្រស់កោះហាន (Somros Koh Han)ចម្ងាយ៖ ២៥ គីឡូម៉ែត្រ
ចំណុចពិសេស៖ ទស្សនាព្រៃលិចទឹក មើលព្រៃធម្មជាតិ ស្ដាប់សំឡេងបក្សាបក្សី និងជិះទូកកម្សាន្តតាមដងទន្លេមេគង្គ។ ព្រមទាំងមានម្ហូបអាហារសហគមន៍ដ៏ឆ្ងាញ់ពិសា!
ទំនាក់ទំនងកក់កន្លែង៖ 097 383 2578 / 097 809 6624 / 090 778 869
២. សហគមន៍អេកូទេសចរណ៍បុរីអូរស្វាយ (Borei O'Svay)
ចម្ងាយ៖ ៥៥ គីឡូម៉ែត្រ
ចំណុចពិសេស៖ សម្រស់កោះ និងកោះតូចៗជាច្រើន ទស្សនាជីវភាពអ្នកស្រុកតំបន់ព្រំដែន រមណីយដ្ឋានធម្មជាតិ និងឈ្វេងយល់ពីប្រវត្តិសាស្ត្រ។
ទំនាក់ទំនងកក់កន្លែង៖ 011 224 4828 / 097 688 6213
ℹ️ ព័ត៌មានបន្ថែមពីមន្ទីរទេសចរណ៍ខេត្តស្ទឹងត្រែង៖
☎️ (+855) 012 33 47 17 / 097 480 9068
☎️ (+855) 071 583 6655 / 097 995 5275
#ទេសចរណ៍ខេត្តស្ទឹងត្រែង

01/09/2026

ស្ទឹងត្រែង៖ ចុះស្ទង់មតិភ្ញៀវទេសចរ ដើម្បីរួមចំណែករៀបចំផែនការអភិវឌ្ឍន៍ទេសចរណ៍ភូមិភាគឦសាន ២០២៦-២០៣០
======
នៅព្រឹកថ្ងៃទី១ ខែកញ្ញា ឆ្នាំ២០២៦ មន្ទីរទេសចរណ៍ខេត្តស្ទឹងត្រែង សហការជាមួយនគរបាលទេសចរណ៍ បានចុះស្ទង់មតិ និងប្រមូលព័ត៌មានពីភ្ញៀវទេសចរជាតិ និងអន្តរជាតិ នៅតាមសណ្ឋាគារ ផ្ទះសំណាក់ និងក្រុមហ៊ុនដឹកជញ្ជូនភ្ញៀវទេសចរ ក្នុងខេត្តស្ទឹងត្រែង។
ការស្ទង់មតិនេះ ធ្វើឡើងដើម្បីប្រមូលព័ត៌មានជាក់ស្តែង និងទស្សនៈរបស់ភ្ញៀវទេសចរ ដែលជាធាតុសំខាន់សម្រាប់ការរៀបចំ ផែនការ និងយុទ្ធសាស្ត្រអភិវឌ្ឍន៍ទេសចរណ៍តំបន់ភូមិភាគឦសាន ឆ្នាំ២០២៦-២០៣០ ឱ្យកាន់តែមានប្រសិទ្ធភាព និងឆ្លើយតបនឹងតម្រូវការជាក់ស្តែង។
សកម្មភាពនេះ ក៏ជាការរួមចំណែកអនុវត្តច្បាប់ទេសចរណ៍ ស្តីពីការរៀបចំផែនការអភិវឌ្ឍន៍ទេសចរណ៍នៅថ្នាក់ជាតិ ថ្នាក់តំបន់ និងថ្នាក់ក្រោមជាតិ ដោយផ្តោតលើការអភិវឌ្ឍទេសចរណ៍ប្រកបដោយចីរភាព តាមរយៈសក្តានុពល ទេសចរណ៍វប្បធម៌ ទេសចរណ៍ធម្មជាតិ និងអេកូទេសចរណ៍។
ការចុះស្ទង់មតិនេះ ត្រូវបានអនុវត្តតាមការជំរុញរបស់ក្រុមការងារនាយកដ្ឋានផែនការអភិវឌ្ឍន៍ទេសចរណ៍ នៃអគ្គនាយកដ្ឋានអភិវឌ្ឍន៍ទេសចរណ៍ និងសហប្រតិបត្តិការអន្តរជាតិ នៃក្រសួងទេសចរណ៍។

30/08/2026

24/08/2026

សេចក្តីជូនដំណឹង
ស្តីពីចលនាប្រឡងប្រណាំងបង្គន់សាធារណៈអាស៊ាន លើកទី៤ (ASEAN Public Toilet Awards) ឆ្នាំ២០២៧–២០២៨
🧼🚻 បង្គន់ស្អាត សុវត្ថិភាព មានអនាម័យ និងស្តង់ដារ គឺជាផ្នែកមួយដ៏សំខាន់ក្នុងការលើកកម្ពស់គុណភាពសេវាទេសចរណ៍ និងបង្កើតបទពិសោធន៍ល្អជូនភ្ញៀវទេសចរ។
អាស្រ័យហេតុនេះ សូមស្ថាប័ន អង្គភាព អាជីវកម្ម និងអ្នកពាក់ព័ន្ធ ចូលរួមក្នុង ចលនាប្រឡងប្រណាំងបង្គន់សាធារណៈអាស៊ាន លើកទី៤ ឆ្នាំ២០២៧–២០២៨ ដើម្បីរួមគ្នាលើកកម្ពស់អនាម័យ សោភ័ណភាព សុវត្ថិភាព ភាពងាយស្រួល និងគុណភាពបង្គន់សាធារណៈ ឱ្យកាន់តែប្រសើរ ស្របតាមស្តង់ដារទេសចរណ៍អាស៊ាន។
🌿 រួមគ្នា ដើម្បីបង្គន់ស្អាត – គោលដៅទេសចរណ៍ប្រកបដោយគុណភាព!
🇰🇭✨ អនាម័យល្អ បង្កើនភាពទាក់ទាញ និងទំនុកចិត្តរបស់ភ្ញៀវទេសចរ។


#បង្គន់សាធារណៈអាស៊ាន
#ទេសចរណ៍កម្ពុជា
#អនាម័យនិងសុវត្ថិភាព

22/08/2026

ពេលរាត្រីនៅក្រុងស្ទឹងត្រែង ក្នុងរដូវកាលបៃតង
=====
ពេលថ្ងៃលិច ភាពស្រស់ស្អាតខ្យល់ត្រជាក់ បូករួមជាមួយពន្លឺភ្លើងពេលរាត្រី បង្កើតបានជាទេសភាពដ៏មានមន្តស្នេហ៍ សម្រាប់ការដើរកម្សាន្ត មើលពីការអភិវឌ្ឍន៍សម្រាកលំហែ និងរីករាយជាមួយភាពស្រស់បៃតងនៃទីក្រុង។
🎥- Prung Thort - ប្រឹងថត

22/08/2026

21/08/2026

#សូមតាមដានព័ត៌មានអាកាសធាតុជាប្រចាំ។ 🙏
#សូមប្រុងប្រយ័ត្ន #គ្រោះទឹកជំនន់ #សុវត្ថិភាពប្រជាពលរដ្ឋ #

21/08/2026

មន្ទីរទេសចរណ៍ខេត្តស្ទឹងត្រែង សហការជាមួយក្រសួងទេសចរណ៍ ចុះពិនិត្យ និងផ្សព្វផ្សាយការកាត់បន្ថយហានិភ័យគ្រោះមហន្តរាយតាមគោលដៅទេសចរណ៍
======
នៅថ្ងៃទី ២០–២១ ខែសីហា ឆ្នាំ២០២៦ មន្ទីរទេសចរណ៍ខេត្តស្ទឹងត្រែង សហការជាមួយក្រសួងទេសចរណ៍ បានចុះត្រួតពិនិត្យ និងវាយតម្លៃស្ថានភាពតាមបណ្ដាគោលដៅទេសចរណ៍នានា នៅតាមដងទន្លេមេគង្គ ដើម្បីពង្រឹងសុវត្ថិភាព និងបង្ការកាត់បន្ថយហានិភ័យដែលអាចកើតមានក្នុងវិស័យទេសចរណ៍ នារដូវកាលបៃតង។
សកម្មភាពនេះផ្តោតលើការផ្សព្វផ្សាយ និងណែនាំដល់ សហគមន៍ទេសចរណ៍ ប្រតិបត្តិករទេសចរណ៍ និងអ្នកពាក់ព័ន្ធ ឱ្យយកចិត្តទុកដាក់លើការគ្រប់គ្រងហានិភ័យ ការត្រៀមលក្ខណៈបង្ការ និងការឆ្លើយតបឱ្យបានទាន់ពេលវេលា ដើម្បីធានាសុវត្ថិភាពជូនភ្ញៀវទេសចរ និងប្រជាពលរដ្ឋ។
🤝 រួមគ្នាបង្ការ រួមគ្នាការពារ ដើម្បីឱ្យទេសចរណ៍ស្ទឹងត្រែងកាន់តែមានសុវត្ថិភាព ទំនុកចិត្ត និងទាក់ទាញភ្ញៀវទេសចរ។
#ស្ទឹងត្រែង #ទេសចរណ៍សុវត្ថិភាព #កាត់បន្ថយហានិភ័យគ្រោះមហន្តរាយ #ទេសចរណ៍សហគមន៍ #ទន្លេមេគង្គ #ក្រសួងទេសចរណ៍ #មន្ទីរទេសចរណ៍ខេត្តស្ទឹងត្រែង