Southern Laos Tourism

17/09/2026

11/09/2026

09/09/2026

#ພະແນກວັດທະນະທໍາແລະການທ່ອງທ່ຽວແຂວງຈໍາປາສັກ
------===+++===-------
#ກອງປະຊຸມ ເຜີຍແຜດ້ານນີຕີກຳ, ລະບຽບກົດໝາຍ ແລະ ການຄຸ້ມຄອງ ສະມາຊີກ ພະນັກງານນໍາທ່ຽວ ລະດັບແຂວງ.
ໃນຕອນເຊົ້າ ຂອງວັນທີ 9 ກັນຍາ 2026 ກຸ່ມພະນັກງານນໍາທ່ຽວ ລະດັບແຂວງໄດ້ເປິດກອງປະຊຸມ ເຜີຍແຜ່ ດ້ານນີຕີກຳ, ລະບຽບຫົດໝາຍ ແລະ ການຄຸ່ມຄອງ ສະມາຊີກພະນັກງານນໍາທ່ຽວ ລະດັບແຂວງຂື້ນທີ່: ຫ້ອງປະຊຸມ ພະແນກວັດທະນະທໍາ ແລະ ການທ່ອງທ່ຽວແຂວງ ໂດຍໃຫ້ກຽດ ເປັນປະທານ ຮ່ວມຂອງທ່ານ ນາງ ເຕດາວັນ ແກ້ວພິລາວັນ ກຳມະການພັກແຂວງ, ຫົວໜ້າພະແນກ ວັດທະນະທໍາ ແລະ ການທ່ອງທ່ຽວ ແຂວງຈໍາປາສັກ, ທ່ານ ນາງ ມາລາ ຈັນທະລາມ ຕ່າງໜ້າ ສະພາການຄ້າແຂວງ ແລະ ທ່ານ ທໍາມະໂນນ ສີລິປັນໂຍ ປະທານກຸ່ມ ພະນັກງານນໍາທ່ຽວ ລະດັບແຂວງ , ມີສະມາຊິກເຂົ້າຮ່ວມທັງໝົດ 50 ທ່ານ, ແຂກຖືກເຊີນ ແລະ ຕ່າງໜ້າ ຈາກບັນດາ ບໍລິສັດທ່ອງທ່ຽວ ຈໍານວນ 9 ທ່ານ.
#ຈຸດປະສົງ: ແມ່ນເພື່ອເຜີຍແຜ່ ນິຕິກຳ, ລະບຽບກົດໝາຍ ແລະ ການຄູ້ມຄອງ ຕໍ່ສະມາຊິກ ພະນັກງານນໍາທ່ຽວ ​​ທັງເປັນການສ້າງຕັ້ງບ່ອນປະຈໍາການ(ຢູ່ພະແນກວັດທະນະທໍາ ແລະ ການທ່ອງທ່ຽວແຂວງ) ທັງເປັນບ່ອນເຕົ້າໂຮມ ຂອງສະມາຊິກ ພະນັກງານນໍາທ່ຽວລະດັບແຂວງ #ໂອກາດນີ້ ທ່ານ ທຳມະໂນນ ສີລິປັນໂຍ ປະທານກຸ່ມ ພະນັກງານນໍາທ່ຽວ ພ້ອມຄະນະ ໄດ້ອະທິບາຍຂໍ້ມູນ ກ່ຽວກັບນິຕິກໍາ , ລະບຽບກົດໝາຍ ແລະ ການຄຸ້ມຄອງ ຕໍ່ສະມາຊິກ ຢ່າງລະອຽດ, ພ້ອມທັງ ໄດ້ໃຫ້ຂໍ້ມູນ ດ້ານຜົນສຳເລັດ ຂອງການເລື້ອກຕັ້ງເອົາຄະນະ ແລະ ປະທານກຸ່ມ ພະນັກງານນໍາທ່ຽວ ຊຸດໃໝ່, ປະຈໍາປີ 2026 ແລະ ແຜນການຈັດຕັ້ງປະຕິບັດ ວຽກງານໃນປິຕໍ່ໄປ,
#ຈາກນັ້ນ ປະທານກອງປະຊຸມ ທ່ານ ນາງ ເຕດາວັນ ແກ້ວພີລາວັນ , ຫົວໜ້າພະແນກ ວັດທະນະທໍາ ແລະ ການທ່ອງທ່ຽວແຂວງ ກໍ່ໄດ້ຕີລາຄາສູງ ແລະ ໃຫ້ຄໍາແນະນໍາເພີ່ມເຕີມ ທັງໄດ້ສະຫຼຸບເອົາເນື້ອໃນ ຂອງກອງປະຊຸມ ແລະ ໄດ້ເນັ້ນໃສ່ ການປະຕິບັດກົດລະບຽບ ແລະ ການຄຸ້ມຄອງພະນັກງານນໍາທ່ຽວ ໃຫ້ເຂັ້ມຫງວດ ແລະ ຖືກຕ້ອງຕາມລະບຽບກົດໝາຍ ພ້ອມທັງໃຫ້ທິດຊິ້ນໍາ ຕໍ່ກອງປະຊຸມ ແລະ ສະມາຊິກພະນັກງານນໍາທ່ຽວທັງໝົດ ໄດ້ເອົາໃຈໃສ່ ສືກສາເອົາຂໍ້ມູນດ້ານການນໍາທ່ຽວ, ຄົ້ນຄວ້າຮໍ່າຮຽນ, ສ້າງຂິດຄວາມສາມາດຂອງຕົນ ເພື່ອໃຫ້ເປັນພະນັກງານນໍາທ່ຽວທີ່ດີເດັ່ນ. ມີຄວາມຮູ້-ຄວາມສາມາດ ບໍລິການນັກທ່ອງທ່ຽວ ພາຍໃນ ແລະ ຕ່າງປະເທດ ໃຫ້ໄດ້ມາດຕະຖານ ສາກົນ ແລະ ມີຄຸນນະພາບສູງ, ພ້ອມກັນ ສ້າງກຸ່ມພະນັກງານນໍາທ່ຽວ ໃຫ້ມີຄວາມເຂັ້ມແຂງ, ມີຄວາມສາມະຄິ ແລະ ມີຄວາມຢືນຢົງຕະຫຼອດໄປ.

04/09/2026

🇱🇦 Vat Phou Returns to State Management

Champasak authorities have taken over management of the UNESCO World Heritage site after a 15-year private tourism concession expired in June.

⬇️ Read more:

04/09/2026

#ພະແນກວັດທະນະທໍາແລະການທ່ອງທ່ຽວແຂວງຈໍາປາສັກ
​​ #ພະແນກ ວທ ຈຳປາສັກ-ຄໍຳມ່ວນ ''ຈັບມືແລກປ່ຽນບົດຮຽນ ເພື່ອຍົກລະດັບການພັດທະນາຮ່ວມກັນ''
ໃນວັນທີ 3-5 ກັນຍາ 2026, ພະແນກວັດທະນະທຳ ແລະ ການທ່ອງທ່ຽວ ແຂວງຄຳມ່ວນ ນຳໂດຍ ທ່ານ ມະໂນທອງ ພົງສະຫວັດ ວ່າການຫົວໜ້າພະແນກ ພ້ອມຄະນະນຳ ແລະ ວິຊາການຈຳນວນໜື່ງ ໄດ້ເດີນທາງມາຢ້ຽມຢາມ ແລະ ເຮັດວຽກຮ່ວມກັບພະແນກວັດທະນະທຳ ແລະ ການທ່ອງທ່ຽວແຂວງຈຳປາສັກ ເພື່ອພົບປະແລກປ່ຽນ, ຖອດຖອນບົດຮຽນຮ່ວມກັນ ເພື່ອຍົກລະດັບການພັດທະນາວຽກງານ ວທ ຮ່ວມກັນ, ໂດຍການຕ້ອນ ຮັບຂອງທ່ານ ນາງ ເຕດາວັນ ແກ້ວພິລາວັນ ຫົວໜ້າພະແນກ ພ້ອມຄະນະ.
ໃນການພົບປະ ແລກປ່ຽນຖອດຖອນບົດຮຽນໃນຄັ້ງນີ້ ທັງສອງຝ່າຍໄດ້ຮ່ວມກັນແລກປ່ຽນດ້ານວິຊາການຮ່ວມກັນ ເປັນຕົ້ນ: ການສ້າງບ້ານວັດທະນະທໍາຕົວແບບ, ການຄຸ້ມຄອງທາງດ້ານສິລະປິນ, ການນໍາເຂົ້າ-ສົ່ງອອກສິລະປິນ, ການຄຸ້ມຄອງ ແລະ ການຊຸກຍູ້ສົ່ງເສີມການສະແດງສິລະປະວັນນະຄະດີ, ການຄຸ້ມຄອງ ແລະ ພັດ ທະນາສົ່ງເສີມດ້ານມໍລະດົກ, ການຈັດງານບຸນນະມັດສະການຜາສາດຫີນວັດພູ, ການຄຸ້ມຄອງຜູ້ປະກອບການທຸລະກິດດ້ານການທ່ອງທ່ຽວ ເປັນຕົ້ນ: ຫົວໜ່ວຍທຸລະກິດໂຮງແຮມ, ຮ້ານອາຫານ, ສະຖານທີ່ທ່ອງທ່ຽວ, ການເກັບກໍຳສະຖິຕິນັກທ່ອງທ່ຽວພາຍໃນ ແລະ ສາກົນ, ການປະເມີນ ແລະ ຈັດລະດັບດາວ, ດອກຈຳປາ, ການຄຸ້ມຄອງສະມາຄົມທຸລະກິດການທ່ອງທ່ຽວກ່ຽວກັບຈັດຕັ້ງປະຕິບັດໃນການຈັດເກັບ ແລະ ການນໍາໃຊ້ເງິນກອງທຶນການທ່ອງທ່ຽວ ແລະ ວຽກງານອື່ນໆອີກຈຳນວນໜື່ງ.

03/09/2026

#ສິ້ນສຸດການລົງທຶນຂອງບໍລິສັດເອກະຊົນ, ພາກລັດ ສືບຕໍ່ປົກປັກຮັກສາ ແລະ ພັດທະນາວັດພູຈຳປາສັກ
------===+++===------=

ນັບຕັ້ງແຕ່ວັນທີ 1 ກັນຍາ 2026 ເປັນຕົ້ນໄປ, ພາກລັດໄດ້ເຂົ້າຄຸ້ມຄອງ ແລະ ປົກປັກຮັກສາແຫຼ່ງທ່ອງທ່ຽວມໍລະດົກໂລກວັດພູຈຳປາສັກຢ່າງເຕັມຮູບແບບ. ທັງນີ້, ກໍຍ້ອນວ່າໂຄງການພັດທະນາແຫຼ່ງທ່ອງທ່ຽວດັ່ງກ່າວ ຂອງກຸ່ມບໍລິສັດ ຍິ່ງໂຊກໄຊ ຈຳກັດຜູ້ດຽວ ຕາມໃບອະນຸຍາດລົງທຶນ ສະບັບເລກທີ 014-11/ຈຂ.ຈສ, ລົງວັນທີ 22 ມິຖຸນາ 2011 ໄດ້ສິ້ນສຸດກຳນົດອະນຸຍາດລົງທຶນແລ້ວ ໃນວັນທີ 22 ມິຖຸນາ 2026 ທີ່ຜ່ານມາ.
ອີງຕາມໜັງສືແຈ້ງການຂອງຄະນະກຳມະການສົ່ງເສີມ ແລະ ຄຸ້ມຄອງການລົງທຶນແຂວງ ສະບັບເລກທີ 761/ຄລທຂ, ລົງວັນທີ 14 ກໍລະກົດ 2026 ແມ່ນບໍ່ອະນຸຍາດໃຫ້ສືບຕໍ່ການລົງທຶນ. ການຕັດສິນໃຈດັ່ງກ່າວ ເປັນໄປຕາມມາດຕາ 75 (ຂໍ້ 2) ຂອງກົດໝາຍວ່າດ້ວຍມໍລະດົກແຫ່ງຊາດ ສະບັບເລກທີ 11/ສພຊ, ລົງວັນທີ 16 ພະຈິກ 2021 ເຊິ່ງຫ້າມສຳປະທານມໍລະດົກແຫ່ງຊາດທາງດ້ານວັດທະນະທຳ ແລະ ປະຫວັດສາດ ລະດັບຊາດ ໂດຍບໍ່ໄດ້ຮັບອະນຸຍາດຈາກກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ; ພ້ອມທັງສອດຄ່ອງຕາມຄວາມເປັນເອກະພາບຂອງຄະນະກຳມະການສົ່ງເສີມ ແລະ ຄຸ້ມຄອງການລົງທຶນແຂວງ ຄັ້ງທີ 3 ສະບັບວັນທີ 26 ພຶດສະພາ 2026, ມາດຕາ 84 ຂອງກົດໝາຍວ່າດ້ວຍການສົ່ງເສີມການລົງທຶນ ສະບັບເລກທີ 62/ສພຊ ແລະ ມະຕິກອງປະຊຸມຄະນະປະຈຳພັກແຂວງ ສະໄໝສາມັນ ສະບັບເລກທີ 06/ຄຈພຂ.ຈສ.
ເພື່ອຈັດຕັ້ງປະຕິບັດຕາມແຈ້ງການດັ່ງກ່າວ, ຄະນະກຳມະການປົກຄອງແຂວງຈຳປາສັກ ໄດ້ອອກຂໍ້ຕົກລົງ ສະບັບເລກທີ 805/ຄປຂ, ລົງວັນທີ 20 ສິງຫາ 2026 ອະນຸມັດໃຫ້ພະແນກວັດທະນະທຳ ແລະ ທ່ອງທ່ຽວ (ຖວທ) ແຂວງ ເຂົ້າປົກປັກຮັກສາ ແລະ ຄຸ້ມຄອງແຫຼ່ງທ່ອງທ່ຽວມໍລະດົກໂລກວັດພູຈຳປາສັກ. ພ້ອມດຽວກັນນັ້ນ, ໄດ້ອອກຂໍ້ຕົກລົງ ສະບັບເລກທີ 806/ຄປຂ ແຕ່ງຕັ້ງຄະນະຮັບຜິດຊອບຄຸ້ມຄອງໂດຍເກັບຮັກສາພື້ນທີ່ ແລະ ແຈ້ງການ ສະບັບເລກທີ 25/ຄປຂ, ລົງວັນທີ 31 ສິງຫາ 2026 ເພື່ອໃຫ້ພະແນກ ວທ ແຂວງ ຈຳປາສັກ ປະສານສົມທົບກັບພະແນກການທີ່ກ່ຽວຂ້ອງຂອງແຂວງ ແລະ ເມືອງຈຳປາສັກ ເຂົ້າຄຸ້ມຄອງຕາມສິດ ແລະ ພາລະບົດບາດ.
ເລີ່ມຕັ້ງແຕ່ວັນທີ 1 ກັນຍາ 2026 ເປັນຕົ້ນມາ, ຄະນະກຳມະການຮັບຜິດຊອບໄດ້ເຂົ້າປະຕິບັດໜ້າທີ່ຕົວຈິງ. ຜ່ານການຈັດຕັ້ງປະຕິບັດ ເຫັນວ່າໄດ້ຮັບການຮ່ວມມືເປັນຢ່າງດີຈາກທຸກພາກສ່ວນ ໂດຍສະເພາະການບໍລິຫານຈັດການຂາຍປີ້ເຂົ້າຊົມ, ປີ້ລົດກ໊ອບ ແລະ ການຈັດສັນສະຖານທີ່ຝາກລົດຜ່ານປະຕູກາງ ເພື່ອຄວາມເປັນລະບຽບຮຽບຮ້ອຍ. ປັດຈຸບັນ, ແຫຼ່ງທ່ອງທ່ຽວຍັງເປີດບໍລິການໃຫ້ນັກທ່ອງທ່ຽວເຂົ້າຊົມຕາມປົກກະຕິ ເຊັ່ນ: ໂຮງນາງສີດາ ແລະ ຈຸດສຳຄັນຕ່າງໆ. ນອກຈາກນີ້, ພາກລັດຍັງໄດ້ວາງແຜນຄຸ້ມຄອງ ແລະ ພັດທະນາພື້ນທີ່ທັງໄລຍະສັ້ນ ແລະ ໄລຍະຍາວ ເປັນຕົ້ນແມ່ນການຮັກສາຄວາມສະອາດ, ການປັບປຸງສິ່ງແວດລ້ອມ, ຈຸດນັ່ງພັກເຊົາ ແລະ ສູນບໍລິການນັກທ່ອງທ່ຽວ.
ໃນໂອກາດນີ້, ຂໍເຊີນຊວນບັນດາທ່ານແຂກ, ນັກທ່ອງທ່ຽວພາຍໃນ, ຕ່າງປະເທດ ແລະ ພໍ່ແມ່ປະຊາຊົນ ເຂົ້າມາທ່ຽວຊົມ, ສະແຫວງບຸນ ແລະ ກາບໄຫວ້ສັກກາລະບູຊາສິ່ງສັກສິດ ຢູ່ສະຖານທີ່ທ່ອງທ່ຽວມໍລະດົກໂລກ ວັດພູຈຳປາສັກ ແຫ່ງນີ້.

Government Takes Over Management of Wat Phou Champasak
Starting 1 September 2026, the government officially took over the management and protection of the Wat Phou Champasak World Heritage Site following the expiration of the private investment concession on 22 June 2026.
The Provincial Department of Information, Culture and Tourism is now responsible for managing and protecting the site in cooperation with relevant authorities.
Wat Phou remains open to domestic and international visitors as usual, including Nang Sida Temple and other important sites. The government also plans to improve cleanliness, the environment, visitor facilities, and long-term site management.

Visitors are warmly invited to visit, explore, make merit, and pay respects at this important World Heritage Site.

31/08/2026

#ພະແນກວັດທະນະທໍາແລະການທ່ອງທ່ຽວແຂວງຈໍາປາສັກ
------===+++===------
#ການມອບເຄື່ອງເພື່ອຍົກລະດັບ-ມາດຕະຖານຂອດການບໍລິການ ຂອງພະນັກງານນໍາທ່ຽວ(ໄກ ທ້ອງຖີ່ນ) ປະຈໍາບ້ານ ໜອງຫຼວງ ເມືອງປາກຊ່ອງ ແຂວງຈໍາປາສັກ.
ໃນວັນທີ 30 / 08 / 2026 : #ກິດຈະກໍາການລົງມອບເຄື່ອງໃຫ້ກັບພະນັກງານນໍາທ່ຽວທ້ອງຖີ່ນ (s) #ບ້ານໜອງຫຼວງ ເມືອງປາກຊ່ອງ.
#ພິທີມອບໂດຍ ທ່ານ ນາງ ເຕລະວັນ ແກ້ວພີລາວັນ ກຳມະການພັກແຂວງ ຫົວໜ້າພະແນກ ວັດທະນະທໍາ ແລະ ການທ່ອງທ່ຽວແຂວງ #ອຸປະຖໍາໂດຍ: ທ່ານ ອາລຸນໄຊ ສູນນະລາດ ເລຂາພັກແຂວງ ຈໍານວນ 50 ໂຕ, #ໃນນັ້ນມີຜູ້ເຂົ້າຮ່ວມ ມອບເຄື່ອງໃນຄັ້ງນີ້ ປະກອບມີ ທ່ານ ຄໍາສອນ ສຸວັນນະຄິລິ ຕ່າງໜ້າ ຄະນະກຸ່ມພະນັກງານນໍາທ່ຽວລະດັບແຂວງ ແລະ ທ່ານ ອຸຍ ວັດຈາຣີນຕຣາ (ຜູ້ອຸປະຖໍາຮ່ວມ ຈໍານວນ 50ໂຕ ) ໃນນາມຕ່າງໜ້າໃຫ້ຜູ້ປະກອບກອບການທ່ອງທ່ຽວປະຈໍາບ້ານໜອງຫຼວງ #ພິທີ ໄດ້ມອບ ມີເສື້ອແຂນສັ້ນ, ເຄື່ອງແບບ ຂອງພະນັກງານນໍໍາທ່ຽວ ໃຫ້ກັບການຈັດຕັ້ງບ້ານ ແລະ ພະນັກງານນໍາທ່ຽວພາຍໃນບ້ານ ຈໍານວນ 100 ໂຕ, ລວມເປັນມູນຄ່າ ຫຼາຍກວ່າ 15,000,000 ກີບ ເພື່ອໄດ້ນໍາໃຊ້ໃນການບໍລິການນັກທ່ອງທ່ຽວ ເວລາເດີນປ່າ ແລະ ນອນແຄມປີງ.
#ຈຸດປະສົງຫຼັກ : ເພື່ອຮັບປະກັນຄວາມເປັນລະບຽບຮຽບຮ້ອຍ,ຈົບງານ ແລະ ຖື້ກຕາມຫຼັກການຂອງພະນັກງານນໍາທ່ຽວຂັ້ນທ້ອງຖີ່ນ. #ໂອກາດນີ້ ທ່ານ ນາງ ເຕລະວັນ ແກ້ວພີລາວັນ ກຳມະການພັກແຂວງ ໄດ້ເນັນໃສ່ ແລະ ໃຫ້ຄໍາແນະນໍາເພີ່ມເຕີມກ່ຽວກັບ ຂອດການບໍລິການພາຍໃນບ້ານຄື: (1)ປະຕິບັດຕໍ່ກົດລະບຽບ : ເອົາໃຈໃສ່ ແລະ ເພີ່ມຄວາມເປັນລະບຽບ-ຮອຽບຮ້ອບ, ຄວາມສະຫງົບ-ປອດໄພ ພາຍໃນບ້ານ ແລະ ຕໍ່ກັບນັກທ່ອງທ່ຽວ, (2)ການບໍລິການທີ່ພັກແຮມ(ໂຮມສະເຕ): ແມ່ນໄດ້ເນັນໃສ່ ປະຕິບັດຕາມກົດລະບຽບ ແລະ ມາດຕະຖານຂອງການພັກແຮມ ກັບເຮືອນຂອງຊຸມຊົນ, ມີຄວາມສະອາດ, ມີອາຫານ ທີ່ເປັນເອັກກະລັກ ປະຈໍາທ້ອງຖີ່ນ,ຖືກຫຼັກອະນາໄມ້ ແລະ (3) ການມີສ່ວນຮ່ວມຂອງຊຸມຊົນ: ເນັນໃຫ້ປະຊາຊົນພາຍໃນບ້ານ ໄດ້ເປັນເຈົ້າການ, ເປັນຜູ້ຮັບຜິດຊອບ ແລະ ຈັດຕັ້ງປະຕິບັດ ເຮັດໜ້າທີ່ຂອງຕົນໃຫ້ສຳເລັດເຊັ່ນ: ເປັນພະນັກງານນໍາທ່ຽວ, ເປັນຜູ້ແຕ່ງກີນ ແລະ ເປັນຜູ້ດູແລ ນັກທ່ອງທ່ຽວ, ເປັນຜູ້ປົກປັກຮັກສາຄວາມສະອາດ,ຮັກສາສີ່ງແວດລ່ອມ ແລະ ການບໍລິການ ໃຫ້ມີຄວາມປະທັບໃຈ, ມີຄວາມປອດໄພ-ສະຫງົບສຸກ, ເພື່ອເຮັດໃຫ້ມີນັກທ່ອງທ່ຽວ ເຂົ້າມາທ່ຽວຫຼາຍຂື້ນກວ່າເກົ່າ ແລະ ໃຫ້ເກີດມີຄວາມຍືນຍົງຕະຫຼອດໄປ.
#ການທ່ອງທ່ຽວແຂວງຈໍາປາສັກ
#ການທ່ອງທ່ຽວລາວໃຕ້

See less

28/08/2026

#ກິດຈະກຳອະນາໄມສະຖານທີ່ແຫຼ່ງທ່ອງທ່ຽວພູສະເຫຼົ້າ "ເດືອນລະ 10 ຖົງ"
---===+++===---
#ໃນຕອນບ່າຍຂອງວັນທີ28/08/2026. ຢູ່ທີ່ສະຖານທີ່ແຫຼ່ງທ່ອງທ່ຽວພູສະເຫຼົ້າ ເມືອງໂພນທອງ ແຂວງຈຳປາສັກ.
# ພະແນກວັດທະນະທໍາ ແລະ ການທ່ອງທ່ຽວແຂວງຈໍາປາສັກ(ຂະແໜງທ່ອງທ່ຽວ)
ໄດ້ຮ່ວມກັບຫ້ອງການ ວທ ເມືອງໂພນທ່ອງ ແລະ ກຸ່ມພະນັກງານນໍາທ່ຽວ.
#ຮ່ວມກັນສ້າງຂະບວນການເພື່ອຕ້ອນຮັບວັນສຳຄັນຕ່າງໆຂອງພັກຂອງຊາດ,ພ້ອມທັງເຮັດໃຫ້ສະຖານທີ່ດັ່ງກ່າວໃຫ້ມີຄວາມສະອາດຈົບງາມ, ປົກປັກ ແລະ ຮັກສາສີ່ງແວດລ້ອມຂອງທຳມະຊາດ ໃຫ້ສວຍງາມ, ພ້ອມທັງ ເປັນການໂຄສະນາການທ່ອງທ່ຽວໃນຊວງລະດູຜົນ ໃຫ້ມີນັກທ່ອງທ່ຽວ ເຂົ້າມາທ່ຽວໃນພື້ນທີ່ດັ່ງກ່າວ ຫຼາຍຂື້ນກວ່າເກົ່າ.
#ການທ່ອງທ່ຽວແຂວງຈໍາປາສັກ
#ລາວທ່ຽວລາວ
#ທ່ອງທ່ຽວລາວໃຕ້
www.tourismlaos.org
www.tourismlaos.org

20/08/2026