Tourism Standards in Lao PDR

13/08/2026

04/08/2026

👏👏👏👏👏

ມຸ່ງໝັ້ນພັດທະນາ ເພື່ອການບໍລິການທີ່ດີ ແລະ ໃສ່ໃຈສິ່ງແວດລ້ອມ 🍃
ໂຮງແຮມ ສີສົມບັດ ພລາຊາ ພູມໃຈຢ່າງຍິ່ງທີ່ໄດ້ຮັບໃບຢັ້ງຢືນມາດຕະຖານ ASEAN Green Hotel Standard (2026-2028).
ພວກເຮົາຈະຍັງຄົງຮັກສາມາດຕະຖານການບໍລິການທີ່ດີ ແລະ ຮ່ວມເປັນສ່ວນໜຶ່ງໃນການອະນຸລັກສິ່ງແວດລ້ອມຢ່າງຍືນຍົງ 🏨✨
​
​Committed to excellence and eco-friendly hospitality! 🍃
Sisombat Plaza Hotel is deeply honored to be awarded the ASEAN Green Hotel Standard (2026-2028). We promise to continue providing exceptional service while caring for our green future. 💚🏨

27/07/2026

👏👏👏👏👏

21/06/2026

21/06/2026

ສາຍປະຈົນໄພຕ້ອງລອງ ພູ1800 ເມືອງຜົ້ງສາລີ
1800 Mountain in Phongsaly

#ແຄມປິງ

#ພູ1800

21/06/2026

“ລາບ” ອາຫານແຫ່ງຈິດວິນຍານ ແລະ ຄວາມໂຊກດີຂອງຄົນລາວ ກ້າວສູ່ການເປັນ ມໍລະດົກໂລກ

"ລາບ" ເມນູອາຫານຍອດນິຍົມຂອງ ສປປ ລາວ ທີ່ແຝງໄວ້ດ້ວຍຄວາມໝາຍອັນເປັນສິລິມຸງຄຸນ

ຄຳວ່າ "ລາບ" ອອກສຽງຄືກັນກັບຄຳວ່າ "ໂຊກລາບ" (Fortune), ເຮັດໃຫ້ອາຫານເຍື່ອງນີ້ກາຍເປັນສັນຍະລັກຂອງຄວາມຮັ່ງມີ, ຄວາມສຸກ ແລະ ເປັນຊີວິດຂອງຄົນລາວ ຕິດພັນກັບທຸກໆກາລະໂອກາດອັນສຳຄັນເຊັ່ນ: ງານພົບປະສັງສັນ, ງານຄອບຄົວເພື່ອຝູງ, ງານດອງ, ງານບຸນປີໃໝ່, ຫຼື ງານຂຶ້ນເຮືອນໃໝ່, "ລາບ" ຈະຕ້ອງເປັນເມນູຫຼັກຢູ່ໃນພາເຂົ້າສະເໝີ.
ໃນປີ 2026 ນີ້, "ລາບ" ກຳລັງກ້າວເຂົ້າສູ່ການເປັນ ມໍລະດົກໂລກທາງດ້ານວັດທະນະທຳ (UNESCO), ເຊິ່ງເປັນການຢືນຢັນເຖິງສິລະປະການປຸງແຕ່ງທີ່ປານີດ ແລະ ວິຖີຊີວິດທີ່ຜູກພັນກັບທຳມະຊາດຂອງຄົນລາວ.

ວີດີໂອສາລະຄະດີ ກ່ຽວກັບ “ລາບ” ຖືກນຳຂຶ້ນໃນເວັບໄຊ້ຂອງອົງການ ຢູເນສໂກ (UNESCO) ຢ່າງເປັນທາງການແລ້ວ
ການນຳສະເໜີດັ່ງກ່າວ ເລີ່ມຕົ້ນຕົ້ນປີ 2025 ໂດຍສະມາຄົມນັກທຸລະກິດແມ່ຍິງ ເປັນເຈົ້າການ ໂດຍຜ່ານກະຊວງວັດທະນະທຳ ແລະ ການທ່ອງທ່ຽວ.

ປະມານເດືອນ 9 ປີ 2026 ນີ້ ທາງອົງການຢູເນສໂກ (UNESCO) ຈະໄດ້ປະກາດຜົນຢ່າງເປັນທາງການວ່າ #ລາບ ຂອງລາວເຮົາ ຈະໄດ້ຮັບເປັນມໍລະດົກໂລກ ຫລື ບໍ່? ຖ້າຕິດຕາມເບິ່ງຜົນໄປນຳກັນ.

ເພື່ອຕ້ອນຮັບຜົນສຳເລັດອັນຍິ່ງໃຫຍ່ຂອງ ສສປ ລາວທີ່ໃກ້ຈະມາເຖິງນີ້. ໄລຍະນີ້ຂໍຄວາມຮ່ວມມືນຳປະຊາຊົນລາວບັນດາເຜົ່າໃນຂອບເຂດທົ່ວປະທດ ມື້ໃດທ່ານໄດ້ຮັບປະທານອາຫານ ລາບ ກໍຂໍໃຫ້ທ່ານໂພສລົງໂຊຊຽວ ໂຄສະນາ ເພື່ອເປັນກະບອກສຽງໃຫ້ໂລກຮູ້ວ່າ ລາບ ເປັນສ່ວນໜຶ່ງໃນຊີວິດປະຈຳວັນຂອງຄົນລາວ ເພື່ອໃຫ້ໂລກໄດ້ຮັບຮູ້ວ່າລາບແມ່ນອາຫານລາວແທ້ໆ.

ພາບປະກອບ: ລາບກ້ອຍ ຊອຍແຊບ
#ໜັງສືພິມລາວພັດທະນາ #ຂ່າວພາຍໃນ #ອາຫານລາວ #ລາບ
_______@_______
ສະໜັບສະໜູນຂ່າວໂດຍ: ຊາລິບຕັນ ສົ້ມ ແຊບ ຊ່າ
_______@_______
ຂ່າວອື່ນໆ >> www.laophattananews.com
Youtube: www.youtube.com/channel/UCfSwYXQ8r6NOMO_vlp7bZYw
Twitter: https://X.com/laophattana
Whatsapp: https://whatsapp.com/channel/0029Va9dcYjHFxPArwc63g17
Tiktok: https://www.tiktok.com/
ສົນໃຈລົງໂຄສະນາໂທ: 020 9999 7139
ຕິດຕໍ່ຫານັກຂ່າວໂທ: 020 2345 0088

21/06/2026

10/06/2026

👏👏👏🏆🏆🏆

06/06/2026

24/05/2026

👏 ຈາກຕົວເລກຫຼັກລ້ານ ສູ່ການສ້າງເຂັມທິດເສດຖະກິດ: ກ້າວໃໝ່ຂອງການທ່ອງທ່ຽວລາວໃນຍຸກດິຈິຕອນ

ເມື່ອຕົວເລກນັກທ່ອງທ່ຽວເພີ່ມສູງເປັນປະຫວັດການ ມັນບໍ່ໄດ້ເປັນພຽງແຕ່ຄວາມສຳເລັດທີ່ໜ້າພາກພູມໃຈເທົ່ານັ້ນ, ແຕ່ມັນຄືຈຸດເລີ່ມຕົ້ນຂອງການປ່ຽນແປງຄັ້ງໃຫຍ່ ທີ່ລັດຖະບານລາວຕ້ອງເລັ່ງຍົກລະດັບລະບົບຂໍ້ມູນ ເພື່ອປ່ຽນກະແສນັກທ່ອງທ່ຽວໃຫ້ກາຍເປັນພະລັງຂັບເຄື່ອນເສດຖະກິດທີ່ຍືນຍົງ!

ບັນຍາກາດການທ່ອງທ່ຽວໃນ ສປປ ລາວ ພວມກັບມາຄຶກຄັກຂັ້ນສຸດ! ຫຼັງຈາກປີ 2025 ສາມາດດຶງດູດນັກທ່ອງທ່ຽວໄດ້ທະລຸເປົ້າໝາຍເຖິງ 4,5 ລ້ານຄົນ, ກະແສຄວາມນິຍົມຍັງຄົງແຮງຕໍ່ເນື່ອງ ໂດຍໃນໄຕມາດທຳອິດຂອງປີ 2026 ນີ້ ມີນັກທ່ອງທ່ຽວຕ່າງຊາດຫຼັ່ງໄຫຼເຂົ້າມາແລ້ວເຖິງ 1,31 ລ້ານຄົນ (ເພີ່ມຂຶ້ນຈາກໄລຍະດຽວກັນຂອງປີກ່ອນ). ຕົວເລກທີ່ເຕີບໂຕຢ່າງກ້າວກະໂດດນີ້ ໄດ້ກາຍເປັນແຮງຊຸກຍູ້ສຳຄັນໃຫ້ລັດຖະບານຕ້ອງເລັ່ງຍົກລະດັບ "ລະບົບສະຖິຕິ ແລະ ບັນຊີການທ່ອງທ່ຽວ" ໃຫ້ທຽບເທົ່າມາດຕະຖານສາກົນ ເພື່ອໃຫ້ສາມາດວັດແທກຜົນກະທົບຕົວຈິງທີ່ມີຕໍ່ລະບົບເສດຖະກິດລວມຂອງຊາດໄດ້ຢ່າງຊັດເຈນທີ່ສຸດ.

ເພື່ອຮັບມືກັບການເຕີບໂຕທີ່ບໍ່ຢຸດຢັ້ງນີ້, ອີງຕາມການລາຍງານ ຈາກໜັງສືພິມ ວຽງຈັນທາຍ, ພາກສ່ວນກ່ຽວຂ້ອງດ້ານການທ່ອງທ່ຽວທົ່ວປະເທດ ຈຶ່ງໄດ້ເຕົ້າໂຮມກັນທີ່ແຂວງຄຳມ່ວນ (19-21 ພຶດສະພາ 2026) ເພື່ອປັບປຸງໂຄງຮ່າງບັນຊີການທ່ອງທ່ຽວຕາມມາດຕະຖານອົງການທ່ອງທ່ຽວສະຫະປະຊາຊາດ (UN Tourism). ທ່ານນາງ ດາລານີ ພົມມະວົງສາ, ຮອງລັດຖະມົນຕີກະຊວງ ວັດທະນະທຳ ແລະ ທ່ອງທ່ຽວ ໄດ້ຊີ້ໃຫ້ເຫັນວ່າ ການທ່ອງທ່ຽວຄືເສັ້ນເລືອດໃຫຍ່ທີ່ຫຼໍ່ລ້ຽງຫຼາຍຂະແໜງການ ທັງການຂົນສົ່ງ, ການຄ້າ, ທີ່ພັກ ແລະ ການສ້າງວຽກເຮັດງານທຳ. ດັ່ງນັ້ນ, ລະບົບບັນຊີໃໝ່ນີ້ຈະບໍ່ເປັນພຽງການນັບຈຳນວນຄົນອີກຕໍ່ໄປ, ແຕ່ເປັນເຄື່ອງມືສະທ້ອນເມັດເງິນທີ່ໄຫຼວຽນໃນລະບົບເສດຖະກິດຢ່າງແທ້ຈິງ ທັງຍັງກຽມພ້ອມເຊື່ອມໂຍງຂໍ້ມູນດິຈິຕອນເຂົ້າກັບພາກພື້ນອາຊຽນ ແລະ ສາກົນ.

ນອກຈາກການນັ່ງປຶກສາຫາລືແລ້ວ, ບັນດາເຈົ້າໜ້າທີ່ຍັງໄດ້ລົງພື້ນທີ່ເກັບກຳຂໍ້ມູນຕົວຈິງຢູ່ດ່ານຊາຍແດນ ແລະ ແຫຼ່ງທ່ອງທ່ຽວຫຼັກໃນແຂວງຄຳມ່ວນ ເພື່ອຮັບປະກັນວ່າທຸກພາກສ່ວນຈະສາມາດຈັດຕັ້ງປະຕິບັດໄດ້ໃນມາດຕະຖານດຽວກັນທົ່ວປະເທດ. ບາດກ້າວເທື່ອນີ້ ຖືເປັນການກະກຽມຄວາມພ້ອມຄັ້ງສຳຄັນເພື່ອຮອງຮັບຍຸດທະສາດການທ່ອງທ່ຽວອາຊຽນ ປີ 2026-2030 ຢ່າງເຕັມຮູບແບບ ເຊິ່ງປິດທ້າຍດ້ວຍປະໂຫຍກທີ່ສ້າງແຮງບັນດານໃຈຈາກທ່ານຮອງລັດຖະມົນຕີທີ່ວ່າ: “ຂໍ້ມູນສະຖິຕິທີ່ຊັດເຈນ ແມ່ນເຂັມທິດທີ່ນຳພາໄປສູ່ການພັດທະນາຢ່າງຍືນຍົງ” ເປັນການຢ້ຳເຕືອນວ່າ ທຸກກ້າວຕໍ່ໄປຂອງການທ່ອງທ່ຽວລາວ ຈະຕ້ອງຖືກຂັບເຄື່ອນດ້ວຍຂໍ້ມູນທີ່ຖືກຕ້ອງ, ຊັດເຈນ ແລະ ເປັນມືອາຊີບ.