ຂ່າວວັນນີ້Today's news

ຂ່າວວັນນີ້Today's news ປະຊາສຳພັນ ມ່ວນຊື່ນ ສາລະໜ້າຮູ້ ສ້າງສັນສູ້ສັງຄົມລາວ ຂໍມູມຂ່າວສານເພື່ອສັງຄົມ

19/08/2026

ນໍ້າປ່າໄຫລຊຸແຮງ ເຂດບໍ່ຖ່ານຫີນ ເມືອງກະລຶມ ແຂວງເຊກອງ
ຕອນເຊົ້າວັນທີ 19 ສິງຫາ 2026 ເກີດເຫດນໍ້າປ່າໄຫລຊຸ ຢູ່ເຂດບໍ່ຖ່ານຫີນ ເມືອງກະລຶມ ແຂວງເຊກອງ ເຮັດໃຫ້ລົດຈັກຄົນງານເສຍຫາຍຈຳນວນຫລາຍຄັນ.

#ດັບເດດລະດັບນ້ຳເຊໂດນ ຢູ່ ເມືອງ ສາລະວັນ ວັນທີ19/8/2026ໃນປະຈຸບັນແມ່ນນ້ຳເຊໂດນໄດ້ເພີ້ມຂື້ນ ແລະຝົນຍັງຕົກຢູ່ໄດ້ມີນ້ຳຖ້ວມຂື້ນທ...
19/08/2026

#ດັບເດດລະດັບນ້ຳເຊໂດນ ຢູ່ ເມືອງ ສາລະວັນ ວັນທີ19/8/2026
ໃນປະຈຸບັນແມ່ນນ້ຳເຊໂດນໄດ້ເພີ້ມຂື້ນ ແລະຝົນຍັງຕົກຢູ່
ໄດ້ມີນ້ຳຖ້ວມຂື້ນທາງທຽວເຂດ ບ້ານນາເຫຼັກ, ໂພນບົກ, ວັດກາງ ແລະ ບ້ານເຕົ້າປູນ ເມືອງ ແລະ ແຂວງສາລະວັນ
#ຝາກ: ເຕື່ອນພໍ່ແມ່ປະຊາຊົນທີ່ມີຄວາມສ່ຽງໃນຟື້ນທີ່ຕໍ່າໃຫ້ມີຄວາມກຽມພ້ອມລະມັດລະວັງຕໍ່ສະພາບນຳ້ທີ່ອາດຈະເພີ່ມຂື້ນ.
ພາບຈາກ: ປະຊາຊົນ

#ນໍ້າຖ້ວມໜັກຫຼາຍບ້ານໃນເມືອງພິນ, ເລັ່ງຍົກຍ້າຍພຣະສົງ ແລະ ປະຊາຊົນຂຶ້ນບ່ອນປອດໄພເມື່ອວັນທີ 19 ສິງຫາ 2026, ໄດ້ເກີດສະຖານະການນໍ...
19/08/2026

#ນໍ້າຖ້ວມໜັກຫຼາຍບ້ານໃນເມືອງພິນ, ເລັ່ງຍົກຍ້າຍພຣະສົງ ແລະ ປະຊາຊົນຂຶ້ນບ່ອນປອດໄພ
ເມື່ອວັນທີ 19 ສິງຫາ 2026, ໄດ້ເກີດສະຖານະການນໍ້າຖ້ວມ ຢູ່ຫຼາຍບ້ານພາຍໃນເມືອງພິນ, ແຂວງສະຫວັນນະເຂດ ເຊິ່ງສົ່ງຜົນກະທົບຕໍ່ການດຳລົງຊີວິດຂອງປະຊາຊົນໃນພື້ນທີ່. ລະດັບນໍ້າທີ່ເພີ່ມສູງຂຶ້ນ ໄດ້ໄຫຼເຂົ້າຖ້ວມບ້ານເຮືອນປະຊາຊົນ ແລະ ວັດວາອາຮາມຕ່າງໆ.
ຈາກສະຖານະການດັ່ງກ່າວ, ພຣະສົງ ແລະ ພໍ່ແມ່ປະຊາຊົນໃນພື້ນທີ່ທີ່ໄດ້ຮັບຜົນກະທົບ ຕ້ອງໄດ້ຮີບຮ້ອນຊ່ວຍກັນເກັບກຳສຳພາລະທີ່ຈຳເປັນ ແລະ ຍົກຍ້າຍອອກຈາກພື້ນທີ່ສ່ຽງ ໄປສູ່ສະຖານທີ່ທີ່ປອດໄພຢ່າງຮີບດ່ວນ ເພື່ອປ້ອງກັນອັນຕະລາຍທີ່ອາດຈະເກີດຂຶ້ນຕໍ່ຊີວິດ ແລະ ຊັບສິນ.
ທັງນີ້, ຂໍແຈ້ງເຕືອນໃຫ້ປະຊາຊົນທີ່ອາໄສຢູ່ໃນເຂດໃກ້ຄຽງ ຫຼື ລຽບຕາມແຄມນໍ້າ ໝັ່ນຕິດຕາມສະພາບອາກາດ ແລະ ລະດັບນໍ້າຢ່າງໃກ້ຊິດ ເພື່ອກຽມພ້ອມຮັບມືກັບສະຖານະການ, ພ້ອມທັງຂໍກຳລັງໃຈ ແລະ ການຊ່ວຍເຫຼືອຈາກພາກສ່ວນຕ່າງໆ ລົງຊ່ວຍເຫຼືອຜູ້ປະສົບໄພໃນຄັ້ງນີ້.
ຂໍ້ມູນ ແລະ ພາບໂດຍ: ພຣະ ວິຊຽນ ແກ່ນແກ້ວ

19/08/2026

#ນ້ຳປ່າໄຫຼເຂົ້າຖ້ວມໂຄງການຢູ່ເມືອງກະລືມ ແຂວງເຊກອງ
ໃນຕອນເຊົ້າວັນທີ 19 ສິງຫາ 2026. ປັດຈຸບັນ,
ຍັງບໍ່ທັນມີລາຍງານຜົນເສຍຫາຍ

ນ້ຳຖ້ວມເນື້ອທີ່ນາ ຢູ່ເມືອງນານ ໄດ້ຮັບຄວາມເສຍຫາຍຢ່າງໜັກໜ່ວງ ຮຽກຮ້ອງພາກສ່ວນກ່ຽວຂ້ອງເຂົ້າຊ່ວຍເຫລືອຂປລ. ແຫລ່ງຂ່າວຈາກ ແຂວງ​ຫລວ...
19/08/2026

ນ້ຳຖ້ວມເນື້ອທີ່ນາ ຢູ່ເມືອງນານ ໄດ້ຮັບຄວາມເສຍຫາຍຢ່າງໜັກໜ່ວງ ຮຽກຮ້ອງພາກສ່ວນກ່ຽວຂ້ອງເຂົ້າຊ່ວຍເຫລືອ
ຂປລ. ແຫລ່ງຂ່າວຈາກ ແຂວງ​ຫລວງພະບາງ ໃຫ້ຮູ້ວ່າ: ເນື່ອງຈາກຝົນຕົກໜັກ ຫລາຍຊົ່ວໂມງ ໃນວັນທີ 18-19 ສິງຫາ 2026 ນີ້ ເຮັດໃຫ້ນ້ຳຫ້ວຍພຽງ ມີປະລິມານຫລາຍຂຶ້ນ ໄຫລ້ຂົ້າຖ້ວມເນື້ອທີ່ນາປະຊາຊົນ ເຂດນາທົ່ງພຽງ ເມືອງນານ ຫລາຍກວ່າ 20 ຄອບຄົວ ໄດ້ຮັບຜົນກະທົບຫລາຍເຮັກຕາ.
ຕາມການໃຫ້ຂໍ້ມູນຂອງປະຊາຊົນ ໃຫ້ຮູ້ວ່າ: ສາເຫດຫລັກທີ່ເຮັດໃຫ້ນ້ຳຖ້ວມໃນຄັ້ງນີ້ ແມ່ນເກີດຈາກລະດັບນ້ຳຂອງ ຄອງເໝືອງນ້ຳແສງ ມີປະລິມານສູງຂຶ້ນ ບໍ່ສາມາດລະບາຍນ້ຳໄດ້ທັນ ເຮັດໃຫ້ນ້ຳໄຫລລົ້ນອອກຈາກຄອງ ເຂົ້າສູ່ເນື້ອທີ່ນາຂອງປະຊາຊົນ, ຊຶ່ງຜົນເສຍຫາຍໃນຄັ້ງນີ້ ຄາດວ່າຈະເຮັດໃຫ້ເຂົ້ານາທີ່ພວມຂຽວງາມ ໄດ້ຮັບຄວາມເສຍຫາຍຢ່າງໜັກໜ່ວງ.
ຕໍ່ກັບເຫດການທີ່ເກີດຂຶ້ນ, ປະຊາຊົນຜູ້ໄດ້ຮັບຜົນກະທົບ ໄດ້ຮຽກຮ້ອງເຖິງພາກສ່ວນທີ່ກ່ຽວຂ້ອງ ໃຫ້ເລັ່ງລົງກວດກາພື້ນທີ່ຕົວຈິງໂດຍດ່ວນ ເພື່ອເຂົ້າຊ່ວຍເຫລືອປະຊາຊົນໃນການລະບາຍນ້ຳອອກ ແລະ ເກັບກູ້ຄວາມເສຍຫາຍ ໃຫ້ທັນສະພາບການ, ປັດຈຸບັນສະພາບນ້ຳຍັງມີປະລິມານທີ່ເພີ່ມຂຶ້ນ ໂດຍສະເພາະ ສາຍນ້ຳນານ ເກີດມີນ້ຳນອງໃຫຍ່ ເນື່ອງຈາກຍັງມີຝົນຕົກຢ່າງຕໍ່ເນື່ອງ. ປັດຈຸບັນ ປະຊາຊົນພວມຈັດຕັ້ງການເຝົ້າລະວັງ ແລະ ຍົກຍ້າຍເຄື່ອງຂອງສຳຄັນໄປໄວ້ບ່ອນທີ່ປອດໄພ.

ອຸຕຸເຕືອນ! ຝົນຕົກໜັກ (ສະບັບ 2) 13 ແຂວງ ເຝົ້າລະວັງນໍ້າຖ້ວມ ໄລຍະວັນທີ 19-21 ສິງຫາ 2026⤵️@ผู้ติดตาม
19/08/2026

ອຸຕຸເຕືອນ! ຝົນຕົກໜັກ (ສະບັບ 2) 13 ແຂວງ ເຝົ້າລະວັງນໍ້າຖ້ວມ ໄລຍະວັນທີ 19-21 ສິງຫາ 2026⤵️
@ผู้ติดตาม

19/08/2026

ລະດັບນ້ຳເຊຢູ່ທີ່ ເມືອງ ສາລະວັນ
19 / 8 / 2026

#ເຕືອນການເດີນທາງ #ສະພາບເສັ້ນທາງຕະໂອ້ຍ ຫາ ສາລະວັນໃນຕອນນີ້ເຊົ້າວັນທີ19/8/2026 ຢູ່ ບ້ານ ກາປາ ເມືອງ ຕະໂອ້ຍ ແຂວງ ສາລະວັນ
19/08/2026

#ເຕືອນການເດີນທາງ
#ສະພາບເສັ້ນທາງຕະໂອ້ຍ ຫາ ສາລະວັນໃນຕອນນີ້
ເຊົ້າວັນທີ19/8/2026 ຢູ່ ບ້ານ ກາປາ ເມືອງ ຕະໂອ້ຍ ແຂວງ ສາລະວັນ

🇻🇳 ຫວຽດນາມປະກາດໄວ້ອາໄລລະດັບຊາດເປັນເວລາ 2 ມື້ ໃຫ້ແກ່ສະຫາຍ ໄຊສົມພອນ ພົມວິຫານ.ອີງຕາມສຳນັກຂ່າວສານຫວຽດນາມ ເພື່ອສະແດງຄວາມເສົ້າ...
10/08/2026

🇻🇳 ຫວຽດນາມປະກາດໄວ້ອາໄລລະດັບຊາດເປັນເວລາ 2 ມື້ ໃຫ້ແກ່ສະຫາຍ ໄຊສົມພອນ ພົມວິຫານ.
ອີງຕາມສຳນັກຂ່າວສານຫວຽດນາມ ເພື່ອສະແດງຄວາມເສົ້າສະລົດໃຈຢ່າງສຸດຊຶ້ງ ຕໍ່ການຈາກໄປຂອງ ສະຫາຍ ໄຊສົມພອນ ພົມວິຫານ ອະດີດກໍາມະການກົມການເມືອງສູນກາງພັກປະຊາຊົນປະຕິວັດລາວ, ອະດີດ ປະທານສະພາແຫ່ງຊາດ ແຫ່ງ ສປປ ລາວ ແລະ ບົນພື້ນຖານສາຍພົວພັນພິເສດ ລະຫວ່າງ ຫວຽດນາມ ແລະ ລາວ, ຄະນະບໍລິຫານງານສູນກາງພັກກອມມູນິດຫວຽດນາມ, ສະພາແຫ່ງຊາດ, ປະທານປະເທດ, ລັດຖະບານ ແລະ ຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ຕົກລົງໄວ້ອາໄລລະດັບຊາດ ເປັນເວລາ 2 ວັນ ໃຫ້ແກ່ ສະຫາຍ ໄຊສົມພອນ ພົມວິຫານ, ແຕ່ວັນທີ 10 ຫາ 11 ສິງຫາ.
ບັນດາອົງການ, ຫ້ອງການທົ່ວປະເທດ ແລະ ບັນດາອົງການຕົວແທນຫວຽດນາມ ຢູ່ຕ່າງປະເທດ ໄດ້ຮັບການຊີ້ນຳໃຫ້ຫຼຸດທຸງຊາດລົງເຄິ່ງເສົາ ແລະ ພັນຜ້າແພດຳ. ພ້ອມດຽວກັນນັ້ນ, ກິດຈະກຳບັນເທີງ ແລະ ການສະຫຼອງມ່ວນຊື່ນຕ່າງໆໃນຂອບເຂດທົ່ວປະເທດກໍຈະໄດ້ງົດໃນໄລຍະໄວ້ອາໄລດັ່ງກ່າວ.
--------------------------------
©️Vietnam News Agency , ປະເທດລາວ

ການນໍາຂັ້ນສູງພັກ-ລັດ ແລະ ພາກສ່ວນຕ່າງໆເຂົ້າວາງພວງມາລາ ໄວ້ອາໄລ ຕໍ່ການຈາກໄປຂອງ ສະຫາຍ ໄຊສົມພອນ ພົມວິຫານຂປລ. ໃນວັນທີ 9 ສິງຫາ ...
10/08/2026

ການນໍາຂັ້ນສູງພັກ-ລັດ ແລະ ພາກສ່ວນຕ່າງໆເຂົ້າວາງພວງມາລາ ໄວ້ອາໄລ ຕໍ່ການຈາກໄປຂອງ ສະຫາຍ ໄຊສົມພອນ ພົມວິຫານ
ຂປລ. ໃນວັນທີ 9 ສິງຫາ 2026 ນີ້, ການນໍາຂັ້ນສູງຂອງພັກ-ລັດ, ບັນດາອົງການ, ກະຊວງ, ສໍານັກງານ, ຄອບຄົວການນໍາ, ອະດີດການນຳ ແລະ ພາກສ່ວນຕ່າງໆ ໄດ້ພ້ອມກັນເຂົ້າວາງພວງມາລາ ແລະ ໄວ້ອາໄລ ຕໍ່ການຈາກໄປຂອງ ສະຫາຍ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ ແຫ່ງ ສປປ ລາວ.
ການວາງພວງມາລາຄັ້ງນີ້, ເປັນການສະແດງເຖິງຄວາມກະຕັນຕູ, ຮູ້ບຸນຄຸນ ແລະ ຄວາມເຄົາ ລົບຮັກທີ່ມີຕໍ່ ສະຫາຍ ໄຊສົມພອນ ພົມວິຫານ ຜູ້ໄດ້ອຸທິດເຫື່ອແຮງ, ສະຕິປັນຍາ ແລະ ກໍາລັງກາຍ-ກໍາລັງໃຈ ເຂົ້າໃນພາລະກິດປົກປັກຮັກສາ ແລະ ສ້າງສາ ພັດທະນາປະເທດຊາດ ໂດຍສະເພາະໃນຂົງເຂດນິຕິບັນຍັດ ແລະ ສະພາແຫ່ງຊາດ.
ຄະນະທໍາອິດທີ່ເຂົ້າວາງພວງມາລາ ແມ່ນ ຄະນະບໍລິຫານງານສູນກາງພັກ ນໍາໂດຍ ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດ. ຈາກນັ້ນ ເເມ່ນຄອບຄົວສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ; ຄະນະປະຈໍາສະພາແຫ່ງຊາດ ນໍາພາໂດຍ ທ່ານ ນາງ ສູນທອນ ໄຊຍະຈັກ ຄະນະເລຂາທິ ການສູນກາງພັກ, ຮອງປະທານສະພາແຫ່ງຊາດ; ຄະນະລັດຖະບານ ນໍາພາໂດຍ ສະຫາຍ ສອນໄຊ ສີພັນດອນ ກຳມະການກົມການເມືອງສູນກາງພັກ, ນາຍົກລັດຖະມົນຕີ; ຄະນະຄອບຄົວ ພົມວິຫານ ນໍາພາໂດຍ ສະຫາຍ ສັນຕິພາບ ພົມວິຫານ ກຳມະການສູນກາງພັກ, ຮອງນາຍົກລັດຖະມົນຕີ, ລັດຖະ ມົນຕີກະຊວງການເງິນ; ຄອບຄົວສີພັນດອນ ນຳໂດຍ ສະຫາຍ ສອນໄຊ ສີພັນດອນ; ຄະນະຈາກຫ້ອງວ່າການສູນກາງພັກ ນໍາພາໂດຍ ສະຫາຍ ເພັດ ພົມພີພັກ ກຳມະການກົມການເມືອງສູນກາງພັກ, ຫົວໜ້າຫ້ອງວ່າການສູນກາງພັກ.
ນອກຈາກນັ້ນ, ຍັງມີຄະນະພວງມາລາຈາກ ສູນກາງເເນວລາວສ້າງຊາດ ນໍາໂດຍ ສະຫາຍ ກິແກ້ວ ໄຂຄຳພິທູນ ກຳມະການກົມການເມືອງສູນກາງພັກ, ປະທານສູນກາງເເນວລາວສ້າງຊາດ; ຄອບ ຄົວ ທ່ານ ຄໍາພັນ ພົມມະທັດ ກຳມະການກົມການເມືອງສູນກາງພັກ, ລັດຖະມົນຕີກະຊວງຍຸຕິທໍາ; ຄະນະໂຄສະນາອົບຮົມສູນກາງພັກ ນໍາໂດຍ ສະຫາຍ ຄຳພັນ ເຜີຍຍະວົງ ກຳມະການກົມການເມືອງສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ; ຫ້ອງວ່າການສໍານັກງານນາຍົກລັດຖະມົນຕີ. ພ້ອມນີ້, ຍັງມີຄະນະພວງມາລາຈາກບັນດາກະຊວງ, ສໍານັກງານ, ອົງການ, ຄອບຄົວການນໍາ, ອະດີດການນຳພັກ-ລັດ, ບັນດານັກທຸລະກິດ, ບໍລິສັດ ເເລະ ອື່ນໆຕາມລໍາດັບ.
ຂ່າວ: ທະນູທອງ
ພາບ: ຂັນໄຊ-ເກດສະໜາ

Address

Vientiane

Website

Alerts

Be the first to know and let us send you an email when ຂ່າວວັນນີ້Today's news posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ຂ່າວວັນນີ້Today's news:

Shortcuts

Share

Category