තම්බපණ්ණි Travels

03/07/2023

https://www.facebook.com/profile.php?id=100086972948022&mibextid=LQQJ4d

|By: Cinnamon Kingdom|

13/06/2023

https://www.facebook.com/profile.php?id=100093356119849&mibextid=LQQJ4d

Savor The Authenticity Of Ceylon Spices

09/12/2022

https://www.facebook.com/profile.php?id=100087050487920&mibextid=LQQJ4d

Art by Nadun Dinidu

21/09/2022

Mahawali Frills Nature Resort : Gampola

076 876 9994

07/11/2021

🧡🙏☸️

22/08/2021

ලොකේක නාථ වදනම් ඛුජ රාජ හංසං
වේනෙය්ය කොමුද වනං වලි සීතලංහි
අද්ධින්දුකාර වර රූප විරාජ මානං
වන්දාමි සාදු මමලං - ජින දන්ත ධාතුං

උතුම් වූ ශ්‍රී දළදා වහන්සේගේ බලයෙන්, ආනුභාවයෙන් සියලු වසංගත රෝග දුරලා රටවැසි, ලෝවැසි සියලූම සත්ත්වයෝ නිදුක් නීරෝගී සුව ලබත්වා! 🙏

සාදූ! සාදූ!! සාදූ!!! 🙏

සිරිලක් පිං බිමට මීටත් වඩා ආශිර්වාදයක්, පිංබර ආඩම්බරයක් තියෙනවද 🇱🇰☸️🙏

09/08/2021

මාකෙළි ඇල්ල....🏞🌿

📷 unique travelers

02/06/2021

"X-PRESS PEARL නැවේ ඛේදවාචකය" 🛳️

X-PRESS PEARL නමැති බහාලුම් ප්‍රවාහන නෞකාව සිංගප්පූරුවේ X-Press Feeders සමගාමට අයත් 2021 වර්ෂයේ චීනයේ Zhoushan Changhong International Shipyard Co. Ltd විසින් නිපද වූවක්.

දිගින් මීටර් 185 ක් වූ අතර, පළල මීටර් 36 ක් වුණ X-PRESS PEARL නැවේ බර මෙට්‍රික් ටොන් 31,629 ක් වන අතර, එහි ගෙන යා හැකි බහලුම් වල උපරිම බර වෙන්නේ මෙට්‍රික් ටොන් 36,150 ක්.

මැලේසියාවේ Klang සිට සිංගප්පූරුව හා එමීර් රාජ්‍යයේ Jebel Ali හරහා කටාර් හි Hamad වරායට ගමන් කළ X-PRESS PEARL නැවේ නැවත එන ගමන යෙදී තිබුණේ ඉන්දියාවේ Hazira සහ ශ්‍රී ලංකාවේ කොළඹ හරහායි. මේ නැවත එන ගමනේදී තමයි මෙම අනතුර සිදු වුණේ.

නැවේ නයිට්‍රික් ඇසිඩ් ගබඩාවේ ලීක් එකක් ගැන නැවේ කාර්ය මණ්ඩලය සොයාගන්නේ කටාර් වලදී. එහෙත් එවැනි අවස්ථාවකට සුදුසු ය තමුන් ළඟ නැති බව පවසමින් Hammad සහ Hazira වරායන් දෙකම නැවෙන් ඒවා ඉවත් කිරීම ප්‍රතික්ෂේප කරනවා.

එවැනි පසුබිමක තමයි නැව කොළඹට පැමිණෙන්නේ.

කොළඹ වරායට කිලෝමීටර් 18 ක් වයඹ දිශාවෙන් මැයි 19 වෙනිදා නැංගුරම් දාන නැව පලමු වරට ගින්නක් පිලිබඳ වරායට දැනුම් දෙන්නේ මැයි 20 වෙනිදා.
නැවේ කාර්ය මණ්ඩලය විසින් තමන්ගේ ගිනි නිවීමේ ක්‍රම මගින් ගින්න පාලනය කරගන්න උත්සාහයක් දෙනවා.
නාවුක ගමනාගමනයේ කේන්ද්‍රස්ථානයක් වන කොළඹ වරාය තමන්ට සිටින විශේෂඥයන්ගේ සහය නැවට ලබා දීමට සූදානම් වෙන්නේ ඔය අතරෙයි.

මැයි 21 වෙනිදා ගින්න පැතිරෙන එක වැඩි වීමත් සමඟම ශ්‍රී ලංකා වරාය අධිකාරියේ ගිනි නිවීමේ යාත්‍රා සහ ගුවන් හමුදාවේ Bell 131 ගුවන් යානාවක් නැව තියෙන ප්‍රදේශයට පිටත් කර හරිනවා.
ශ්‍රී ලංකා වරාය අධිකාරියේ පිරිස නැවට ඇතුල් වූ පසුවයි තේරුම් ගන්නේ වාර්තා කලාට වඩා දරුණු ගින්නක් නැවේ පවතින බව.

මේ මුදාගැනීමේ මෙහෙයුමට Posh Teal, Posh Hardy, Megha, Hercules සහ Mahawewa ගිනි නිවීමේ යාත්‍රා යොදා ගැනුනා.

මැයි 23 වෙනිදා නැවේ කාර්ය මණ්ඩලයේ 12 දෙනෙක් නැවෙන් ඉවත කෙරෙනවා. ඒ අතර ගිනි නිවීමේ භටයන් 12 දෙනෙක් නැවට ඇතුල් වෙනවා.

මැයි 24 වෙනිදා නැවේ සෑහෙන්න ප්‍රමාණයකට ගින්න පැතිරෙන එක සිදු වෙනවා.

මැයි 25 වෙනිදා සිදු වුන විශාල පිපිරුමත් එක්කම නැවේ ඉතිරි කාර්ය මණ්ඩලයේ 13 දෙනාත්, ගිනි නිවීමේ භටයන් 12 දෙනාත් නැවෙන් ඉවත් කරගන්නවා.

දවස් කීපයක් නාවික හමුදාවේ සහ ඉන්දියානු වෙරළාරක්ෂක බලකායේ යාත්‍රා ගින්න මැඩපැවැත්වීමට මහත් පරිශ්‍රමයක් යොදනවා.
ගින්න නිවා දැමීමෙන් අනතුරුව එය ගැඹුරු මුහුදට ඇද ගෙන යාමේ මෙහෙයුමක් දියත් වුණත් නැවට පිරුණු වතුර නිසාම නව අස්ථාවර වීමෙන් නැව ක්‍රමයෙන් ඉන්දියන් සාගරයේ ගිලුනා.

මෙම X-PRESS PEARL නැවේ,
මෙට්‍රික් ටොන් 297 ක දැවි තෙල් ද,
මෙට්‍රික් ටොන් 51 ක සමුද්‍රීය දැවි තෙල් ද,
මෙට්‍රික් ටොන් 25 ක නයිට්‍රික් අම්ලය ද,
මෙට්‍රික් ටොන් 78 ක් බර ප්ලාස්ටික් පබළු (Nurdles) බිලියන 4 ක් පමණ ද,
අන්තර්ගත වුනා.

මේ වනවිට ඇති වී තියෙන පාරිසරික ගැටළු පිලිබඳ තවම හරි තක්සේරුවක් නැහැ. ඒත් එය මේ ඉතිහාසයේ සිදු වුණු විශාලතම පාරිසරික ව්‍යසනය හැටියටයි පරිසරවේදීන් හඳුන්වා දෙන්නේ.

- විකුම් හර්ෂණ -

උපුටා ගැනීමකි ©️

01/06/2021

අවසානයේ එය මෙසේ නිමාවිය..😔😥

Hikkaduwa..Srilanka 🇱🇰

25/05/2021

බුදුරජාණන් වහන්සේගේ තෙමඟුල සිදු වූයේ වෙසක් පොහොය දිනයේ දීය...

වෙසක් පොහොය දිනය බෞද්ධ ජනතාව ඉතාමත් උත්කර්ෂවත් අයුරින් සැමරීමට ප්‍රධාන හේතුව වන්නේ සිදුහත් කුමරුගේ ඉපදීම, බුදුවීම, සහ බුදුන්වහන්සේගේ පිරිනිවන් පෑම වෙසක් පුර පසළොස්වක පොහොය දිනයක දී සිදුව තිබීම යි. එදා ලුම්බිණි සල් උයනේ දී සිද්ධාර්ථ කුමාරයා ලෙසින් උප්පත්තිය ලැබූ බෝසතාණන් වහන්සේ ජීවිතය පිළිබඳව කලකිරීමෙන් පසුව 29 හැවිරිදි වියේ දී ගිහිගෙයින් නික්ම ගියා. ඉන් අනතුරුව වසර 6ක් දුෂ්කර ක්‍රියා කළත් බුද්ධත්වයට පත්වීමට හැකිවුණේ නැහැ. නමුත් ඉන් පසුව අත්ථ කිලමතානු යෝගය සහ කාම සුඛල්ලිකානු යෝගය අත් හැර මධ්‍යම ප්‍රතිපදාව අනුගමනය කළ බෝසතාණන් වහන්සේ ටික කලකින් බුද්ධගයාවේ ඇසතු බෝ රුක් මුලක දී බුද්ධත්වයට පත්වුණා. එලෙස බුද්ධත්වයට පත්වුණු අප මහා බුදුරජාණන් වහන්සේ වසර 45ක් ලෝක වාසීන්ගේ හිත සුව පිණිස කටයුතු කළා. එදා ලෝක වාසීන්ගේ යහපත වෙනුවෙන් කටයුතු කළ අප මහා බුදුරජාණන් වහන්සේ 80 හැවිරිදි වියේ දී පරිනිර්වාණය කළේ කුසිනාරා නුවර මල්ල රජදරුවන්ගේ සල් උයනේ දී යි.

සුමේධ තාපසයා දීපංකර බුදුරාජානන් වහන්සේගෙන් නියත විවරණ ලැබීම...

බුදුරජාණන් වහන්සේ එක් ආත්ම භවයක ධනවත් පවුලක සුමේධ නම් තරුණයෙකු ලෙසින් උප්පත්තිය ලැබුවා. නමුත් සුමේධ තරුණ වියට එළඹෙන විටම ඔහුගේ දෙමාපියන් කළුරිය කළා. ඉන් පසුව සුමේධ තරුණයාගේ දෙමාපියන්ගේ මුදල් පාලනය කළ තැනැත්තා මේ ඔබගේ පියාගේ, මවගේ, සහ සීයාගේ ධනය ලෙස පවසා විශාල ධන සම්භාරයක් ඔහුට ලබාදුන්නා. සිය දෙමාපියන් සහ සීයා මියයන විට එකදු රන් කහවණුවක්වත් රැගෙන ගියේ නැහැ. එම නිසාම ජීවිතයේ යථාර්ථය අවබෝධ කරගත් සුමේධ තරුණයා සියළු ධනය ජනතාවට බෙදා දී තාපසයෙකු වනගත වී භාවනා කළා. ඉන් පසුව සෘධි බල ලබාගත් සුමේධ තාපසයා දිනක් සෘධියෙන් ගමන් කරන විට ගමක පිරිසක් පාරක් සකසමින් සිටියා. එම අවස්ථාවේ දී සුමේධ තාපසයාට දැනගැනීමට ලැබුණේ දීපංකර බුදුන් වහන්සේ වැඩීමට නියමිත මඟ එලෙස සකස් කරන බව යි. එදා සුමේධ තාපසයාත් මාර්ගයේ කොටසක් සකස් කිරීමට දෙන මෙන් ඉල්ලා සිටීමෙන් පසුව ඔහුට මඩ වලවල් පිරි දුෂ්කර කොටසක් ලැබුණා. සුමේධ තාපසයා වෙහෙස මහන්සි වී මාර්ගය පිළියෙල කළත් දීපංකර බුදුන් වහන්සේ වඩින අවස්ථාව වන විට එක මඩ වලක් පුරවා තිබුණේ නැහැ. එම අවස්ථාවේ දී සිය සිරුරෙන් මඩ වල වසාගත් තවුසා ඔහුගේ සිරුර උඩින් වැඩමකරන ලෙස බුදුන් වහන්සේගෙන් ඉල්ලා සිටියා. එදා සුමේධ තවුසා එලෙස වීර්යය පාරමිතාව පිරීමෙන් පසුව දීපංකර බුදුන් වහන්සේගෙන් නියත විවරණ ලැබුවේ වෙසක් පොහොය දිනයක දී යි.

සතර පෙරනිමිතිවල ව්‍යාධි රූපය දැකීම...

සිද්ධාර්ථ කුමාරයා සතර පෙරනිමිති දැකීමෙන් පසුව ලෝකවාසීන් දුකින් මුදාගැනීම සඳහා ගිහිගෙය හැර ගියා. සිද්ධාර්ථ කුමාරයා එලෙස දුටු සතර පෙරනිමිතිවලින් ව්‍යාධි රූපය දුටුවේ වෙසක් පුර පසළොස්වක පොහොය දිනක දී යි. ඒ අනුව වෙසක් පොහොය දිනයක සිදුවුණු වැදගත් සිදුවීම් අතරට එයත් ඇතුළත් වනවා.

යමා මහා පෙළහර පෑම...

බුදුරජාණන් වහන්සේ බුද්ධත්වයට පත්වී දස මසකින් සිය උපන් ගම වුණු කිඹුල්වත් පුරයට වැඩම කළා. එම ගමනේ දී බුදුරජාණන් වහන්සේගේ ඥාතීන් තුළ තිබුණු මාන්නය දුරු කරලීම සඳහා යමා මහා පෙළහර පානු ලැබුවේත් වෙසක් පොහොය දිනයක දී යි.

ආනන්ද හිමියන් පිරිනිවන් පෑම...

බුදුරජාණන් වහන්සේගේ අග්‍ර උපස්ථායකයා ලෙසින් කටයුතු කළේ ආනන්ද තෙරුන් වහන්සේ යි. බුද්ධ පරිනිර්වාණයෙන් පසුව රෝහීණී ගඟ මධ්‍යයේ වාසය කළ ආනන්ද මහා රහතන් වහන්සේ වසර 120ක් ආයු වළදා පිරිනිවන් පෑවේ වෙසක් පොහොය දිනයක දී යි.

බුදුරජාණන් වහන්සේගේ තෙවන ලංකාගමනය සිදුවීම...

බුදුරජාණන් වහන්සේ බුද්ධත්වයට පත්වී වර්ෂ 8කට පසුව මණිඅක්ඛිත නා රජුගේ ආරාධනයෙන් කැළනියට වැඩම කළේ වෙසක් පොහොය දිනයක දී යි. එදිනම සුමන සමන් දිව්‍ය රාජයාගේ ආරාධනයෙන් බුදුන් වහන්සේ සමනල කන්දට වැඩම කර එහි දී දිවා විහරණය කළා.

විජය කුමරුගේ ලංකාගමනය...

බුදුරජාණන් වහන්සේගේ පරිනිර්වාණය සිදු වුණු වෙසක් පොහොය දිනයේම විජය කුමරු ඇතුළු සත් සියයක් පිරිස ලංකාවට පැමිණියා. එලෙස පැමිණි විජය රජතුමා පසුව කුවේණියගේ ආධාරය ද ඇතිව ලංකාවේ පළමු රජතුමා ලෙසින් අභිෂේක ලැබුවා.

දේවානම්පියතිස්ස රජුගේ දෙවන රාජාභිෂේකය සිදුවීම...

දේවානම්පියතිස්ස රජුගේ හොඳම මිතුරෙකු වුණු ධර්මාශෝක රජතුමා විසින් එවන ලද සිංහාසනය, කඩුව, ඔටුන්න, හක්ගෙඩිය, සහ මිරිවැඩි සඟල යන පංච කකුධ භාණ්ඩ සහිතව දේවානම්පියතිස්ස රජතුමා දෙවන වරටත් රාජාභිෂේකය ලැබුවේ වෙසක් පොහොය දිනයක බව ලංකා ඉතිහාසයේ සඳහන් වනවා.

වෙසක් පොහොය දිනයේ සිදුවුණු තවත් විශේෂ සිදුවීම්...

ඉහත සිදුවීම්වලට අමතරව රුවන්වැලි සෑයේ වැඩ ආරම්භ කිරීම සහ මහා විහාරයේ උපසම්පදා උත්සවය මුල්ම වරට ආරම්භ වීම වැනි සිදුවීම් ද සිදුවුණේ වෙසක් පොහොය දිනයක දීයි. ඊට අමතරව අතීතයේ දී සිංහල බෞද්ධ රජවරුන්ගේ අභිෂේකය කර තිබෙන්නේ ද වෙසක් පොහොය දිනයක යි.

බෞද්ධ ජනතාවට වඩාත්ම වැදගත් පොහොය දිනය වන්නේ වෙසක් පොහොය දිනය යි. එම නිසාම බෞද්ධ ජනතාව එම පොහොය දිනයේ වැදගත්කම මනාව වටහාගෙන සැදැහැ සිතින් යුතුව වතාවත් කළයුතු වනවා.

තෙරුවන් සරණයි !