19/04/2026
🌿 කතරගම යන්න කලින් මේ ටික අනිවාර්යයෙන්ම කියවන්න! 🌿
🌱 කතරගම, දෙවුන්දර, ඔකඳ වගේ පුණ්ය භූමිවලට වන්දනා ගමන් යන කාලය එන්නේ තව ඉස්සරහටයි.
හැමෝගෙම එකම ප්රාර්ථනාව දෙවියන්ගේ බැල්ම, ආරක්ෂාව සහ දේවාශීර්වාදය ලබාගැනීමයි. පූජා වට්ටි, පඬුරු, භාරහාර... මේ හැමදේම කරන්නේ ඒ වෙනුවෙන්.
⚖️ නමුත්, අපේ බොහෝ දෙනෙක් වන්දනා ගමනක් ගිහිල්ලා එන්නේ නියම පිළිවෙත් මොනවාදැයි හරිහැටි නොදැනයි.
ඇත්තටම දේවාකර්ෂණය ලබාගැනීමට නම්, පූජා වට්ටියක් තැබීම පමණක් ප්රමාණවත්ද?
දෙවියන්ගේ සැබෑ ආශිර්වාදය ලබාගැනීමට නම් ඔබ අනුගමනය කළ යුතුම පුරාණ පිළිවෙත් සහ ඔබ තුළ තිබිය යුතු මානසික පාරිශුද්ධත්වය කුමක්ද?
ඔබ මෙතෙක් නොදැන සිටි, ඔබේ වන්දනා ගමන අර්ථවත් කරන ඒ පූර්ණ මඟපෙන්වීම් ඇතුළත් විශේෂ ලිපියයි මේ.
ඔබත්, ඔබේ පවුලේ අයත් දේවාශීර්වාදය සැබැවින්ම ප්රාර්ථනා කරන්නේ නම්, මෙය අනිවාර්යයෙන්ම කියවා බලන්න.
🥥 මුදල් අපහසුතා තිබෙනවා නම් පලතුරු වට්ටියක් තියන්නම ඕනේ කියලා නියමයක් නැහැ.
සල්ලි අමාරුකම් නිසා පලතුරු වට්ටියක් තිබ්බේ නැහැ කියලා දෙවියෝ කවදාවත් තරහා වෙන්නේ නැහැ. ඒ වෙනුවට ඔබ කළ කුසල් සිහිපත් කර දෙවියන්ට පින් අනුමෝදන් කරන්න. එයයි උතුම්ම පූජාව.
🍎 ඔබට වත්කමක් තිබෙනවා නම්, පලතුරු පූජාවක් තබන විට හොඳම සහ නැවුම් පලතුරු පමණක් මිලදී ගන්න.
පුළුවන්කම තිබියදීත් ලෝබකමට බාල, නරක් වූ පලතුරු පූජා කළොත් දෙවිවරුන් ඔබ ගැන කලකිරෙනවා.
🚫 මේක Trip එකක් නෙවෙයි. මේ යන්නේ දෙවියන්ගේ ආශිර්වාදය පතාගෙනයි.
ඒ නිසා ගමන අතරතුර හෝ දේවාලය වැඳ අවසන් වී එදා රාත්රියේ මත්පැන් පානයට, දඩමස් කෑමට සූදානම් වෙන්න එපා. සම්පූර්ණයෙන්ම නිර්මාංශව, පිරිසිදුව මේ දින කිහිපය ගත කළ යුතුයි.
දේවාලයක් ඇතුළට යන විට ඔබේ කුස තුළ මස්, මාළු, කරවල, බිත්තර වැනි කිසිවක් නොතිබිය යුතුයි.
වන්දනාවේ යන බොහෝ බැතිමතුන් සතියකට පෙර සිටම නිර්මාංශ වන්නේ මේ නිසයි. ඔබ නිවැරදිව පේ වී, දේවාලය ඇතුළේදී භක්තිමත්ව හැසිරුණා නම් දේව ආකර්ෂණය අනිවාර්යයෙන්ම ලැබෙනවා.
වැන්දාට පසුවත් එදින සම්පූර්ණයෙන්ම නිර්මාංශව සිටින්න.
🌸 හින්දු කාන්තාවන් කිසිම අවස්ථාවක මාසික අසනීප දිනවලදී දේවාලයකට ඇතුළු වන්නේ නැහැ.
මෙය අපේ ආදරණීය මව්වරුන්ට හෝ දියණියන්ට කරන අගෞරවයක් නෙවෙයි. නමුත් හින්දු දහම මුල් කරගත් දේවාලවලට යන විට ඒ පූජනීය ස්ථානවල පවතින සම්ප්රදායන්ට අපි ගරු කළ යුතුයි.
🤫 දේවාල භූමිය කියන්නේ දෙවියන්ගේ අඩවියයි. එහිදී නිශ්ශබ්දව, ගෞරවයෙන් හැසිරෙන්න ඕනෑ.
ට්රිප් එකක් ගියා වගේ හයියෙන් කෑගසා හිනාවෙමින් හැසිරෙන්න එපා.
භක්තිමත් නිශ්ශබ්ද පරිසරයක් නිර්මාණය කරගන්න.
දේවාල භූමියට ඇතුළු වීමට පෙරම ඔබගේ ජංගම දුරකථනය සම්පූර්ණයෙන්ම Off කර තබන්න.
🐘 දේවාල භූමියට ගිය පසු මුලින්ම ගණදෙවියන්ගේ දේවාලයට ගොස් උන්වහන්සේට වඳින්න.
ගණදෙවියන්ගේ ආශිර්වාදය ලැබුණු පසු අනෙක් සියලුම දෙවිවරුන්ගේ ආශිර්වාදය ලබාගැනීම ඉතා පහසුයි.
🙏 වාසියට පමණක් වඳින අයෙක් වෙන්න එපා.
බොහෝ දෙනෙකුට දෙවියන්ව මතක් වෙන්නේ කරදරයක් ආවාම හරි, ආයෙම අවුරුද්දකට පස්සේ වන්දනාවේ ගියාම හරි විතරයි. එය වැරදියි. හැමදාම දෙවියන් වඳින්න, පින් දෙන්න.
නිවසේ වෙනම පූජාසනයක් නැති වුණත්, බුදුන් වඳින අවස්ථාවේදී විශේෂයෙන් නම කියලා දෙවියන්ට පින් අනුමෝදන් කරන්න.
සැබෑ දේව ආකර්ෂණය සහ ආශිර්වාදය හිමිවන්නේ බාහිර ආටෝපයට වඩා අභ්යන්තර පාරිශුද්ධත්වයටයි. මේ කරුණු ගැන සැලකිලිමත් වී ඔබේ වන්දනා ගමන ජීවිතයට අර්ථවත් එකක් කරගන්න.
ධර්ම දානයක් ලෙස මෙය තවත් කෙනෙකුට කියවන්න Share කරලා ඔවුන්ටත් යහපතක් කරන්න.
- Gallage Astro Vision -
අපි කතා කරන්නේ සම්ප්රදායෙන් එහා ගිය ඇත්ත ජ්යොතිෂය ගැන පමණයි.
✨ ඔබේ ජීවිතය සාර්ථක කරගන්න අවශ්ය නිවැරදි ජ්යොතිෂ මඟපෙන්වීම් ලබා ගැනීමට අපේ පිටුව Follow කරන්න.
