24/06/2017
ඉපදෙමින් මැරෙමින් යන මේ නිමක් නැති සසර ගමනේ සැබෑ ස්වරූපය විදහා දක්වන ත්රිමාන තාක්ෂණයෙන් නිම වූ “බියකරුය මේ සසර“
කරන ලද පාප කර්මයන් අති බිහිසුනු ලෙස විපාක දෙන බියකරු නිරයේ ස්වභාවය ඔබගේ නෙත් ඉදිරියේ විදහා දක්වන... ශ්රී ලාංකීය ඉතිහාසයේ ප්රථම වරට 3D සජීවීකරණ තාක්ෂණය ඔස්සේ නිම වූ නවතම රූප පෙළහර.
බියකරුය මේ සසර… ත්රිමාන සජීවීකරණ කෙටි චිත්රපටය…
පොල්ගහවෙල මහමෙව්නාව භාවනා අසපුවේ දී,
වැරදි කාම සේවනය, ගබ්සා කිරීම ආදී පාපී ක්රියා නිසා මරණින් මතු නිරය ආදී දුක්ඛිත ලෝකයනිහි ඉපිද විඳින්නට සිදුවන බිහිසුණු විපාක පිළිබඳව මෙමගින් නිරූපණය කරන අතර තම දරුවන් පිළිබඳ නිසි අවධානය සහ සැළකිල්ලක් නොමැතිකමින් දරුවන් නොමඟ ගොස් වරදේ බැඳී දුකට පත්වන ආකාරය ද මින් නිරූපණය වේ. එමෙන්ම තමා අතින් දැන හෝ නො දැන සිදුවන වැරදි අඩුපාඩු පිළිබඳ වැටහීමක් ඇති කරගෙන ඒවායින් වැළකී යහමඟට යොමුවන ආකාරයත් මින් නිරූපණය වේ. තායිලන්තයේ සිදු වූ සත්ය සිදුවීමක් ඇසුරෙන් ගොඩ නැගී ඇති, වර්තමාන සමාජයට ඉතා වැදගත් දහම් පණිවුඩයක් ලබා දෙන මෙම චිත්රපටය, සංකීර්ණ ජීවන රටාවක් තුළ ජීවිතය ගත කරන සෑම අයෙකුටම ස්වයං ජීවිතාලෝකනයක් සඳහා ආරාධනා කරයි. ශ්රී ලංකාව තුළ ප්රදර්ශනය වන පළමු සිංහල මාධ්ය ත්රිමාන චිත්රපටය මෙය වන අතර ඒ සම්බන්ධයෙන් ශ්රී ලංකාවේ ජනමාධ්ය දැනුවත් කොට ප්රචාරණයක් ලබා දීම මෙම ප්රදර්ශනයේ අරමුණයි. නො මඟ ගිය ඇත්තවුන් සුමඟට යොමු කරන්නට සිත් ඇති කරවන මෙම චිත්රපටය ප්රදර්ශනය කිරීමෙන් රැස් වූ සියලු පින් කැමති සියලුම දෙවියන්ට ද, සියලු බ්රහ්මයින්ට ද, සියලු නාගයින්ට ද, අනුමෝදන් වෙත්වා! මේ සඳහා අපට අනුශාසනා කළ ගුරුදේවෝත්තම පින්වත් ලොකු ස්වාමීන් වහන්සේට ද, ඉතාමත් උනන්දුවෙන් මේ සඳහා උපදෙස් දුන් මහමෙව්නාවාසී පින්වත් ස්වාමීන් වහන්සේලාට ද, මේ සඳහා වෙහෙසුනු ශ්රද්ධා කාර්ය මණ්ඩලයේ සියලු දෙනාට ද, ජාතික චිත්රපට සංස්ථාවේ සභාපතිතුමා ඇතුළු කාර්ය මණ්ඩලයේ සියලු දෙනාට ද, ලංකාවාසී ලෝකවාසී සියලූම පින්වත් ස්වාමීන් වහන්සේලාට ද, අනගාරිකා මෑණිවරුන්ට ද , පැවදි අපේක්ෂක දරුවන්ට ද නන් අයුරින් උදව් උපකාර කළ සියලූම පින්වතුන්ට ද, දැකබලා අනුමෝදන් වන ඔබ සැමට ද උතුම් චතුරාර්ය සත්ය ධර්මය අවබෝධ වීම පිණිස මේ පින් හේතු වාසනා වේවා!
