Visit Haputale

10/08/2026

මතක සුවඳින් පිරුණු මීදුම් නගරයක,
සීතල සුළඟට මුසු වූ රසවත් සැඳෑවක,
රසයත්, සංගීතයත්, සතුටත් එකම මාවතක හමුවන
නැවුම් අත්දැකීමක කොටස්කරුවෙකු වන්න...

මීදුම් රසවත් මතකයක් තනාගන්න,
මතක අතර හපුතලේ රසය විඳගන්න...

මේ අගෝස්තුවේ,
හිත නතර කරවන ඒ කඳුකර නගරයට
එන්න... හපුතලේ. 🌫️🤍

Misty Weekend Haputale 2026
අගෝස්තු 21 • 22 • 23

09/08/2026

ඔව්...

Misty Weekend Food Festival 2026 තියෙන්නේ මේ අගෝස්තු 21, 22 සහ 23 දින තුනේ.

මීදුම පිරී ඉතිරුණු තේ වතු මැදින්, කඳුකරයේ සුන්දරම මංපෙත් පසුකරගෙන, අතීත නොස්ටැල්ජියානු මතක තවමත් රැඳුණු හපුතලේ නගරයට එන්න...

සීතල මීදුම නගරය වැළඳගන්නා සැඳෑවක, දුම්රියපොළ පාර පුරා පැතිරෙන ප්‍රණීත ආහාර සුවඳත්, නැටුම්, ගැයුම්, වැයුම් සහ සංගීතයේ රිද්මයත් අතරින් ජීවිතයට තවත් සුන්දර මතකයන් එකතු කරගන්න.

මේක ආහාර සැණකෙළියක් විතරක්ම නෙවෙයි...

මීදුමත්, රසයත්, සංගීතයත්, මිනිසුන්ගේ සතුටත් එකම වීදියක මුණගැසෙන රසවත් සැඳෑවක්.

අගෝස්තු 21 • 22 • 23
📍 Haputale Railway Station Road

මීදුම අතර අමතක නොවන මතකයන් රැගෙන යන්න එන්න. 🌫️🤍

09/08/2026

උදෑසන පළමු හිරු කිරණත් මීදුමට ඉඩ දී නිහඬව පසෙකට වන මේ කඳුකරය, වේගයෙන් දුවන ලෝකයට මොහොතකට නතර වී හුස්මක් ගන්නැයි ඉගැන්වෙන නිහඬ ගුරුවරයෙකි.

තේ දළු නෙළන දෑත්වල වෙහෙසත්, කඳු බෑවුම් දිගේ සැරිසරන සුළඟේ සංගීතයත්, ඈතින් ඇසෙන දුම්රිය හඬත්, උණුසුම් තේකෝප්පයකින් නැගෙන සුවඳ මුසු තේරසත්... මේ සියල්ල එකට මුසු වූ විට, එය "හපුතලේ" නම් හැඟීම බවට පත්වේ.

මෙහි සුන්දරත්වය ඇත්තේ කඳු මුදුන්වල පමණක් නොවේ. ඒ කඳු අතර දිවෙන ජීවිතයේත්, මිනිසුන්ගේ සරලකමේත්, සොබාදහම සමඟ බැඳුණු නිහඬ දෛනිකත්වයේත් එය ජීවත් වෙයි.

ඒ නිසා හපුතලේ යනු පැමිණ බලා යන සංචාරක ස්ථානයක් හෝ නවාතැනක් පමණක් නොවේ. එය වරක් හදවතට ඇතුළු වූ පසු, ජීවිතයේ ඕනෑම දිනක නැවතත් ආපසු කැඳවන නිහඬ ආරාධනාවකි.

03/09/2025