Shan Travels's

17/05/2022

#கடவுச்சீட்டு #விநியோகம் #தொடர்பான #அறிவித்தல்

ஒரு நாள் சேவை மற்றும் சாதாரண சேவையின் கீழ் கடவுச்சீட்டுக்களை விநியோகிக்கும் நடவடிக்கைகள் இன்று(17) முதல் வழமை போன்று முன்னெடுக்கப்படவுள்ளதாக குடிவரவு மற்றும் குடியகல்வு திணைக்களம் தெரிவித்துள்ளது.

இந்த சேவைகளை பெற்றுக்கொள்வதற்கு முன்கூட்டியே திகதி மற்றும் நேரத்தை ஒதுக்கி வருகை தருவது கட்டாயமானதாகும் என திணைக்களம் குறிப்பிட்டுள்ளது.

அதற்காக, www.immigration.gov.lk எனும் இணையத்தளத்தினூடாகவோ அல்லது 070 7101060 எனும் தொலைபேசி இலக்கத்தையோ பயன்படுத்துமாறு மக்கள் கேட்டுக் கொள்ளப்பட்டுள்ளனர்.

குறித்த தொலைபேசி இலக்கத்திற்கு அழைப்பதாயின், அரச கடமை நாட்களில் காலை 8.30 மணி முதல் பிற்பகல் 3 மணி வரை அதற்கான வசதிகள் ஏற்படுத்தப்பட்டுள்ளன.

இதனிடையே, கடவுச்சீட்டிற்கான கட்டணங்கள் அதிகரிக்கப்படும் மற்றும் கடவுச்சீட்டுக்களின் கையிருப்பு முடிவடைவதாக பரவும் வதந்திகளில் எவ்வித உண்மையும் இல்லை என குடிவரவு மற்றும் குடியகல்வுv திணைக்களம் சுட்டிக்காட்டியுள்ளது.

20/03/2022

22/12/2021

05/11/2021

04/11/2021

#இலத்திரனியல் #தடுப்பூசி #அட்டை


நீங்கள் முழுமையாக தடுப்பூசி போட்டுள்ளீர்களா? நீங்கள் இரண்டு தடுப்பு ஊசியையும் எடுத்துக்கொண்டீர்களா?

அப்படி என்றால் நீங்கள் வெளிநாடுகளுக்கும் நாட்டின் பொது இடங்களுக்கும் செல்ல தடுப்பூசி அட்டையை எடுத்து செல்ல வேண்டும். உங்கள் தொலைபேசியில் தடுப்பூசி அட்டை இருந்தால் எடுத்துச் செல்வது எளிது அல்லவா. அதனால்தான் உங்களுக்கு ஸ்மார்ட் தடுப்பூசி சான்றிதழ் (SVC) தேவை.

இதை எப்படி எடுத்துக்கொள்வது?

அதைப் பெற இரண்டு வழிகள் உள்ளன. நீங்கள் அதை ஆன்லைனிலும் பெறலாம். இல்லை என்றால் உங்கள் முகவரி தொடர்பான MOH க்கும் சென்றும் பெறலாம்.

இதைப் பெற உங்களுக்கு என்ன தேவை?

தேசிய அடையாள அட்டை, பாஸ்போர்ட், தடுப்பூசி அட்டை

எடுப்பது எப்படி

நீங்கள் ஆன்லைனில் பெறுவதற்கு 14 நாட்கள் ஆகும். நீங்கள் செய்ய வேண்டியது கீழே உள்ள இணைப்பிற்கு சென்று, வெற்றிடங்களை நிரப்பி சமர்ப்பிக்கவும். https://covid-19.health.gov.lk/certificate/ (இது வெளிநாடு செல்வோருக்காக உருவாக்கப்பட்டது, எனவே நீங்கள் வெளிநாடு செல்லும் நாளை உறுதிப்படுத்தும் ஆவணத்துடன் பதிவேற்ற வேண்டும்.)

இல்லை என்றால் நீங்கள் MOH க்குச் சென்று மேற்கூறியவற்றைக் கொடுக்க வேண்டும். இது சுமார் 30 நிமிடங்களில் செய்யப்படலாம். (தொடர்புடைய MOH இல் பணிபுரியும் நபர்களைப் பொறுத்து)

நீங்கள் எந்த வழியில் சென்றாலும், SVC இணைப்பு இறுதியாக உங்கள் தொலைபேசியில் வரும். நீங்கள் விரும்பினால் அதை பிரிண்ட் செய்து வைத்துக் கொள்ளலாம். Ko

28/10/2021

குடிவரவு மற்றும் குடியகல்வுத் திணைக்களம் விடுத்திருக்கும் அறிவித்தல்.
-------------------------------------
கடவுச்சீட்டுக்களைப் பெற்றுக் கொள்ள வருகை தரும் விண்ணப்பதாரிகள் இணையத்தளம் மூலம் உங்களுக்கான நாளையும், நேரத்தையும் ஒன்லைன் மூலமாக பதிவு செய்து அந்த நாட்களில் அந்த நேரத்தில் வருகை தருமாறு குடிவரவு மற்றும் குடியகல்வுத் திணைக்களம் பொது அறிவித்தல் ஒன்றை விடுத்துள்ளது.

ஒன்லைன் மூலமாக பதிவு செய்யப்படாதவர்கள் அலுவலக வளாகத்தினுள் பிரவேசிப்பதற்கு அனுமதி வழங்கப்பட மாட்டது என்பதை கவனத்திற் கொள்ளவும்.

தயவுசெய்து உங்கள் தேவைகருதி ஒதுக்கப்பட்ட சந்திப்பு நேரத்தில் தவறாது சமூகமளியுங்கள். குறித்த நேரத்திற்கு முந்திய அல்லது தாமதித்த வருகை ஏற்றுக்கொள்ளப்பட மாட்டது. தயவுசெய்து நீங்கள் சமுகமளிப்பதற்கு முன்பாக கடவுச்சீட்டு விண்ணப்பத்தை சமர்ப்பிப்பதற்கான அறிவுறுத்தல்களை கவனமாக வாசித்து சமர்ப்பிக்கவும்.

ஒன்லைன் மூலமான பதிவுகளுக்கு
------------------------------------------
Shan travels OFFICE
Main Street,
Pandiruppu
Kalmunai
Tell:- 076 3292325 / / WhatsApp:- 0763292325

18/10/2021

வெளிநாட்டுக்கு செல்ல இருப்பவர்களுக்கு💐 👍

13/10/2021

🛩கடவுச்சீட்டு விநியோகிக்கும் பிராந்திய அலுவலக தகவல் 📫

கடவுச் சீட்டு (Passport) வழங்கும் பிராந்திய அலுவலகம் வவுனியாவில் அமைந்துள்ளது. அண்மையில் வலைத்தளத்தில் ஒருவர் பகிர்ந்த பயனுள்ள சில தகவல்கள் வருமாறு,

01.கடவுச்சீட்டு வழங்கும் அலுவலகம் வவுனியா புகையிரத நிலையத்திற்கு மிக அண்மையில் உள்ளது.
02.காலை 08.30 மணிக்கு சமூகமளிக்கக்கூடியதாக செல்லல் வேண்டும். பிற்பகல் 01.30 மணி வரை விண்ணப்பங்களைக் கையளிக்க முடியும்.
03. கடவுச்சீட்டு அலுவலகத்திற்கு உட்செல்ல முன்னரேயே தங்களது ஸ்ரூடியோவில் புகைப்படம் எடுக்கலாம். தாங்களே நிரப்பித் தருவோம் என புரோக்கர்கள் வருவார்கள். அவர்களை தவிர்ப்பது நன்மையளிக்கும்.
தேவையான நிழற்பிரதிகளையும் அங்கு பெற்றுக்கொள்ளும் வசதிகள் உள்ளன.
04. நேரடியாக அலுவலகம் செல்லுங்கள்.
05. தேவையான ஆவணங்களை சரியாக உங்களுடன் எடுந்துச்செல்லவும்.
பிறப்பு, விவாகச் சான்றிதழ்களாயின் 06 மாத காலத்திற்கு உட்பட்டதாக பெற்றிருத்தல் வேண்டும்.

பெற்றோர் கடவுச்சீட்டு வைத்திருப்பின் அவற்றினையும் கட்டாயமாக எடுத்துச் செல்லவும்.

உங்களை அடையாளப்படுத்த தேசிய அடையாள அட்டை, அல்லது செல்லுபடியாகும் கடவுச்சீட்டு அல்லது செல்லுபடியாகும் சாரதி அனுமதிப் பத்திரம் இவற்றில் ஒன்று கட்டாயம் தேவை.

06. சான்றிதழ்கள் தமிழில் இருந்தாலே போதுமானது. ஆங்கில மொழி பெயர்ப்புத் தேவையில்லை.

07.அங்கு பாதுகாப்பு உத்தியோகத்தர்களாகக் கடமையாற்றுபவர்கள் உங்களுக்கு சரியான வழிகாட்டுதலைச் செய்வார்கள்.

08.சென்றவுடன் பெண் பாதுகாப்பு உத்தியோகத்தரிடம் இலக்க token இனை உடன் பெற்றுவிடுங்கள். தமிழ் மொழியில் யாவரும் எந்தவோர் விடயத்தினையும் பேசலாம்.

09. அவரிடமே கடவுச்சீட்டு புதுப்பிக்கும் படிவத்தை பெறுங்கள்.
அங்குள்ள உத்தியோகத்தர்கள் அல்லது ஆங்கிலம் தெரிந்த யாராவது பொதுமக்கள் படிவத்தைப் பூரணப்படுத்தித்தருவார்கள்.

10. புகைப்படத்தை அங்கேயே எடுக்க முடியும். நியாயமான கட்டணம் (250/-) அறவிடுவர். அதன் அச்சுப்பிரதி ஒன்றை உங்களிடம் வழங்குவார்கள். அதனை விண்ணப்பப் படிவத்துடன் இணைத்து சமர்ப்பிக்க வேண்டும்.

12. விண்ணப்பத்தில் ” சகல நாடுகளுக்குமான கடவுச் சீட்டு (All Countries ) எனும் கூட்டினுள் சரி அடையாளமிடுங்கள். 3500/- கட்டணம். (01.01.2019 முதல் மத்திய கிழக்கு நாடுகளுக்கு மட்டுமான கடவுச்சீட்டு விநியோகம் நிறுத்தப்பட்டுள்ளது)

11.ஆனால் விண்ணப்பத்தை உள்ளே சென்று கொடுக்கும்போது அங்குள்ள அலுவலர் 'எங்கே போவதற்குப் பாஸ்போட் எடுக்கிறீர்கள்' எனக் கேட்பார்.
இந்தியா போவதற்கு எனக்கூறியவர்களுக்கு 'India Only' என கடவுச்சீட்டில் பதிவிட்டு ஒரு வாரத்தினுள் விநியோகித்து இருக்கிறார்கள். 07 நாட்களுக்குள் கடவுச்சீட்டு அனுப்பிவைக்கப்பட்டுள்ளது.

12. அவ்வாறு பாஸ்போட்டைப் பெற்றவர்கள் திரும்பவும் சென்று 'All Countries' என மாற்றம் செய்வதற்கு அலைந்த சம்பவங்கள் பல உள்ளன.

13. நீங்கள் எந்தத்தேசத்திற்கும் செல்ல முடியும், எனவே அவர் கேட்டால் அவுஸ்திரேலியா, கனடா, சுவிஸ், பிரான்ஸ், நோர்வே போன்றவாறு ஒரு நாட்டின் பெயரை கூறவும்.

14. அவ்வாறு கூறினால் கடவுச்சீட்டு 14 - 21 நாள்களுக்குள் உங்களது முகவரிக்கு அனுப்பிவைக்கப்படுகிறது.

15. நீங்கள் ஒரே நாளில் கடவுச்சீட்டை எடுப்பதானால் கொழும்பு, பத்திரமுல்லவுக்கே செல்லவேண்டும்.

16. வவுனியா போன்ற பிராந்திய நிலையங்களில் எடுக்க முடியாது.

17. வவுனியாவில் விண்ணப்பித்து ஒரே நாளில் பாஸ்போட் எடுத்து தருகிறேன். 10, 000 ரூபா தருகிறீர்களா ...?
எனச் சில ஏமாற்றுப் பேர்வழிகள் உத்தியோகத்தர் போல tip top ஆக காணப்படும் அவ் அலுவலகத்தினுள் ஆள்களிடம் பேச்சுக் கொடுக்கின்றனர்.
ஏமாந்துவிடவேண்டாம்.

18. பதினெட்டு வயதுக்கு உட்பட்ட பிள்ளையின் கடவுச்சீட்டை புதுப்பிப்பதாயின் தாய், தந்தை கட்டாயம் நேரில் செல்லவேண்டும் என்பதுடன்,
பிள்ளையையும் அழைத்துச் செல்ல வேண்டும். (பகிரப்பட்டது)

12/12/2020

வர்த்தக மற்றும் விஷேட விமான சேவைகளை இம்மாதம் 26ம் திகதி ஆரம்பிக்க தீர்மானிக்கப்பட்டுள்ளது -
சிவில் விமான சேவைகள் அதிகார சபை.