වන්දනාකරුවෝ - Wandanākaruwo

12/01/2026

~අකුරට හයියක් 2026~

මේ වැඩේට හයියක් වෙන්න මූල්‍යමය දායකත්වය ලැබුනේ මෙන්න මේ ආදරණීය හදවත් නිසයි...

වන්දනාකරුවෝ අපේ සෙට් එක ගයාන්, ළහිරු, මංජු, චින්තක, ක්‍රිශා, ප්‍රගීත්
Two wheel dreamers සෙට් එක
ප්‍රසාද් ඇතුලු තම්බපණ්ණි සෙට් එක
මහකන්දේ රුක්ශාන් රජික, ශෙහාන්, අසිත ඇතුලු පිරිස
සමිත වටගොඩ
පමුදු
සදුනි පලවින්න
ධනුශ්ක අසිත
ශශික හේරත්
නිශාදි ආරියසිංහ
රාජේන්ද්‍රන් කෙයාශිනි
ඉසුරු සදරුවන්
යාමිනී ඉමල්කා
තනුශි ප්‍රසාදිනී
ඉරෝශා විජේරත්න
ගලබඩ ධනංජය
ප්‍රභාත් මධුශංක
සන්තුශ ඉදුමාල්
සුරංජන් රොද්‍රිගූ
සම්පත් (තලාතුඔය)
විරාජ් දිසානායක
ලක්මාල් දමින්ද
ඩිලාන් චින්තක
විමුක්ති අමියන්ගොඩ
ශාලිත සචිත්‍ර
බුද්දික දමිත්
සමින්ද සදුන් ශ්‍රී
කසුන් ගිහාන්
වරුණිකා ආරියසිංහ
සුරංග අත්තනායක
මිලාන් මධුශංක
සහන් ශ්‍රී
මංජුගේ අම්මා
පේරාදෙණියේ උදාර, ගයාන්, තාරක
සහ තවත් නම් සදහන් නොවූ දෙදෙනෙක්

ඒ වගේම පොත්පත් පෑන් පැන්සල් ආදී පාසල් උපකරණ ලබා දී හයියක් වූ පිරිස

අනුර, අරුණ, දමයන්ති
යසෝධ සදරුවන්
මදූශ බස්නායක
ඉන්දික රුවන්ජිත්
මධුර විදත්
උමිදු අකිල
සුපුන් පීරිස්
ජනනි ප්‍රියසාද්
කමලනී
කණිශ්ක රත්නායක
සමිතා චානුකී
සදුනි පලවින්න
උමංග
දිනේශ් මලුද්දෙනිය
ටිශිනි
ඉන්දික
මලින්ද

යම් හෙයකින් අතපසුවීමකින් නමක් සදහන් කරන්න බැරි වූ අයෙක් වේනම් ඒ වෙනුවෙන් සමාව ඉල්ලා සිටින්නම ඕනෙ...
ඉතිං මේ සෑම ආදරණීය හදවතකටම ආයෙමත් වන්දනාකරුවෝ අපේ වන්දනීය ස්තූතිය.... 💚

07/01/2026

ඒ හයියට තුති...!
“දයාබර නංගියේ මල්ලියේ
දිරියෙන් ඉගෙන ලොවක් දිනන්නට මේ පුංචි තෑග්ග ශක්තියක්ම වේවා”
~අකුරට හයියක් 2026~

“Dear sister and brother,
May this small gift give strength to study hard and win the world”
~Akurata haiyyak 2026~

“அன்புள்ள தங்கையே! தம்பியே! இந்த சிறிய பரிசு கடினமாகப் படித்து உலகை வெல்ல பலமாக இருக்கட்டும்.”
~எழுத்திற்கான வலிமை 2026~

මෙහම පූර්විකාවක් ගන්නට හිතුවේ ඇත්තටම අපි හැමෝගෙම ප්‍රාර්ථනාව වුනේ මේ කියන කාරණයම නිසාමයි. අපි හැමෝටම ඕනේ මේ පොඩ්ඩන්ගේ ඉගෙනීමට ශක්තියක්, එහෙමත් නැත්නම් හයියක් වෙන එක. ඒක අපි හැමෝම එකතුවෙලා කරා. ඒ හින්දාම අපි හැමෝම එකතුවෙලා දුන්න අපිට හිතෙන විදියට පුංචි තෑග්ග දිරියෙන් ඉගෙන ලොවක් දිනන්නටම ශක්තියක් වේවා. එතනින් එහා දෙයක් නෑ. කවදාහරි දවසක ඒ සිතුවිල්ල මේ පොඩ්ඩෝ අතින් ඉෂ්ඨ සිද්ධවෙනවානම් අපි හැමෝටම සතුටක් වේවී.
ඒ දවස පටන්ගත්තේම වැහිබර මන්දාරමකුත් එක්ක. කඩින් කඩ මද වැස්සක්. සරසවිගමට යන පාර ගොඩක් තැන් නාය ගහින්. ගලහ පාරෙන් ඇවිත් හල්ඔයෙන් හැරෙන තැන ලොකු නායක්. ඒක දැක්කාමත් එදා පරිසරයත් එක්ක අපිටනම් දැනුනේ හිතට තිගැස්මක්. කොහොමෙන් කොහොමහරි අපි ඉස්කෝලෙට සේන්දු වුනේ 10 කිට්ටු කරලා. ඒ වෙනකොටනම් වැස්ස තදකරලා. පරෙස්සමට ගෙනාපු කට්ටල ටික ඉස්කෝලේ පොඩ්ඩොයි අපියි ඔක්කොම එකතුවෙලා නොතෙමී පරෙස්සටම ඉස්කොලෙට එකතැන් කරගත්තේ සීරුවෙන්. අප්ලන්ඩ් කියන්නේ හරි සුන්දර කඳු ප්‍රදේශයක්. හන්තාන පාමුල. ඒත් වෙච්ච සිදුවීමත් එක්ක ඒ පරිසරය අද තියෙන්නේ වෙනස්ම තත්වයක්. ඒත් එක්කම වැස්සත් වැටෙද්දී මිනිස්සුන්ගේ හිත් අකුණක් වගේ සලිත වෙනවා. ඒ හැමදෙයක්ම එක්ක අඳුර යටින් ඒ පොඩ්ඩන්ට ආලෝකයක්, ශක්තියක් වෙන්නට අපි හැමෝම උත්සාහයක යෙදුනා. අපේ වචනෙන් හයියක් වෙන්න. ඉස්කෝලෙම ලමයි 207කට තමා අපි පොත්පත් පෑන් පැන්සල් ආදී දේවල් අරගෙන ගියේ. ඒ හැමෝටම ඕනේ කරන දේවල් අඩුවක් නැතිව උසස්ම තත්වයෙන් අපි ලස්සනට ඒ ඒ පංතිවල ලමයින්ට ඕනේ කරන විදියට කට්ටල හදලා ගෙනිච්චා. අපි පුලවන් වුනා ඒ ටික හරියාකාරවම බෙදලා දෙන්න. කිසි අඩුපාඩුවක් නොකරම. හැබැයි එදාත් ළමයි ඉස්කෝලෙ ඇවිල්ලා හිටියේ හරි අඩුවෙන්. ඒ ආවෙ නැති පොඩ්ඩන්ගේ පොත්පත් ටික අපි ඉස්කොලෙට දීලා අවා ඒ ළමයින්ට බෙදලා දෙන්න කියලා.. සමහරක් ළමයින්ගේ දෙමව්පියෝ ඒ නායෙන් නැතිවෙලා. එක ළමයෙකුත් නැතිවෙලා. සමහරක් පවුල්වලට ඒ තැන් වලින් ඉවත්වෙන්න කියලා. ඒ වගේ විවිධ බාධක ඒ පැත්තේ හැමෝටම.
අපි ඉතින් ඒ පොඩ්ඩන්ට හයියක් උනා. වචනයේ පරිසමාප්තියෙන්ම. කියන්නම ඕනේ කාරණය මේ හයියට හයියක් වුනු සුන්දර හදවත් බොහෝමයි.. අපි වටේ එකතු වුනු අපිව විශ්වාස කරපු අපේ හිත මිත්‍රාදින්... ඒ වගේම විදෙස් රටවල ඉන්න හිතවතුන්.. මහකන්දේ තරුණ පිරිසත්.. ඒ වගේම එක රෑනත් හැමදාමත් වගේ අපේ ආත්මිය බන්ධකයෝ.. වන්දනාකරුවෝ ගැනත් මතක් කරන්න ඔනේ.. ඒ වගේම තවත් සංචාරක කණ්ඩායම් කිහිපයක්ම ලොකු දායකත්වයක් දුන්නා.. ඒ නිසාම තමා මේ හැමදෙයක්ම ලස්සන වෙන්නේ.. ආයෙමත් හයියට තුති කියන්නේ ඒක හයියක් නිසාමයි.. වචනයෙන්ම නම් සඳහන් නොකලත් හැමෝටම වන්දනීය ස්තූතිය..
වචනයෙන්.. පෑනෙන් පැන්සලෙන්.. මුදලින්.. දායකත්වයෙන්.. එකි මෙකී නොකී නන්අයුරින් උපකාර කරපු හැමෝම මතක් කරනවා වන්දනීයවම. ඒ පොඩ්ඩෝ වෙනුවෙන්..
ජීවිතේ කියන්නේම වන්දනාවක්. ඉතින් අපි ටික කාලයකට ගොඩවෙන මේ ආත්ම කතාව මේ කාර්තුවට අර්ථාන්විත කරගතයුතුමයි. මිනිසාට කල හැකි එකම දේ මිනිසා වෙනුවෙන් සිටීමයි. එනිසාවෙන් අපි අපේ ජීවිත සේම අන් අයගේත් ජීවිත අරුත් ගන්වන්නට අංශුවකින් හරි දායකවෙමු. පරිසරයට සොබාදහමට සමාජයට අරුත්බර මිනිසෙකු ලෙසින් නික්ම යමු. එතෙක් අපි ජීවන ගමන සුන්දර වන්දනාවක්ම කරගමු....
ඒ හයියට තුති....! 💚

04/01/2026

"හෙට එකතුවෙමු - අකුරට හයියක් වෙමු"
ඔන්න එහෙනම් අකුරට හයියක් වැඩසටහන හෙට දිනයේදී ඒ කියන්නේ 2026.01.05 දින පෙරවරු10.00ට සරසවිගම අප්ලන්ඩ් විදුහලේදී ඉෂ්ඨ සිද්ද කරන්න සියලුම කටයුතු සුදානම් කරලා තියෙන්නේ..
ඉතින් අපේම සහෝදර සහෝදරියන්ගේ ශක්තියෙන් තමා අපි මේ වැඩේට ලෑස්ති වෙන්නෙ.. එහෙම පටන් ගත්ත වැඩේ පොඩ්ඩන්ගේ ජීවිතය අරුත්ගන්වන්නට, අධ්‍යාපනයට ශක්තියක් වෙන්නට හැකියාවක් වීමම ආත්මීය සතුටක්..
කොහොමෙන් කොහොම හරි මේ කාරණයට සම්බන්ධ උන සියලු දෙනා වෙනුවෙන් හෙට දවසේ ඒ වැඩ කටයුත්ත හරියාකාරවම කරන්නම්.. ඒ විශ්වාසයත් එක්ක.. කිසි බාධාවක් නෑ..මේකට සම්බන්ධ උන නොවුන ඕනේම කෙනෙක්ට එන්න පුලුවන්... ආරාධනා කරනවා එන්න කියලා හෙට දවසේ ඒ හයියට හයියක් වෙන්න.
වැඩි විස්තර වැඩේ කරලාම සවිස්තරව කියන්නම්..
හමුවෙමු හෙට දවසේ.... 💚

28/12/2025

හෙට දින පැවැත්වීමට තිබූ "අකුරට හයියක්" වැඩසටහන නව පාසල් ආරම්භයත් එක්ක 2025/01/05වන දින කරන්න වෙලා තියෙනවා.. ඒ කියන්නෙ හෙට වැඩේ කෙරෙන්නෙ නෑ.. හෙට දවස නිවාඩු දවසක් නිසා තමා එහෙම කරන්න උනේ. කලින් දුන්න නිවාඩුව ජනවාරී 05 වෙනකන් දීර්ඝ කරල නිසා විදුහල්පතිතුමාත් කියන්නේ පාසල් පැවැත්වෙන දිනයකම කරමු කියලා.. ඒ හින්දා කල් යන එක ගැන අහිතක් නොහිතාම, අපි විදුහල්පතිතුමා කියන දවසටම වැඩේ කරමු.. 🤍💚

18/12/2025

දිනය වෙනස් විය දෙසැම්බර් 29 දිනට...

අපි සැලසුම් කරගත්ත විදියට අනිද්දා එහෙමත් නැත්නම් එළැඹෙන දෙසැම්බර් 20 වෙනි සෙනසුරාදා සරසවිගම අප්ලන්ඩ් විදුහලේ පොඩ්ඩන්ට අකුරට හයියක් වැඩසටහන කිරීමට නොහැකියාවක් පවතිනවා. මොකද කියනවානම් විදුහල්පතිතුමාත් එක්ක කතාකරද්දි කිව්වේ හෙට ආයේම ඒ පාසල් නිවාඩු දෙන නිසා සති අන්තයේ දවසක් නිසා පවතින අවදානම් තත්වයත්, ආයේ වැස්සත් පටන් ගත්ත නිසා අවදානම් කලාපයක පවතින ඉස්කෝලේට ලමයින්ව කැදවන එක අවදානමක් කියන එකයි.
ඒ හින්දා විදුහල්පතිතුමාගේ යෝජනාව උනේ නිවාඩුවෙන් පස්සේ ආයේ ඉස්කෝලේ පටන් ගන්නේ 29 වෙනිදා, එදාට මේ වැඩේ කරමු කියන එක.
අපි මේ වැඩේ ලස්සනටම කරමු දෙසැම්බර් 29 වෙනි සඳුදා දවසේ. අලුත් දවසක් අලුත් බලාපොරොත්තු එක්කම....
ජය... 💚

17/12/2025

~•යතාර්ථයක් වෙන්නට යන අකුර•~

ස්තූතියම මූලික කරගෙන මේ කතාවට මුල පුරන්න හිතෙන්නෙ මේ වෙනකොට සරසවිගම අප්ලන්ඩ් විදුහලේ ලමයි 207 දෙනාගෙ අධ්‍යාපනයට අවැසි දෑ ගන්න, අපේ වචනෙන් කිව්වොත් අකුරට හයියක් වෙන්න අවශ්‍ය සියලු දේ ගොඩක්ම දුරට ලැබිලා ඉවරයි.. පොත්පත් ලැබුනා.. ඊට ප්‍රධානවම මූල්‍ය දායකත්වයත් ලැබෙනවා. කොහොම වුනත් ඒ කර්තව්‍යය අදින් අහවර කරන්නයි අපේ කල්පනාව... ඒ සියල්ල වෙනුවෙන් ඒ දායකත්වය දුන් සියලු දෙනාටම වන්දනීය ස්තූතිය පුදකරන්නට කැමතියි.... ඔබ නිසා තමයි ඒ දරුවන්ගෙ අනාගතයට ශක්තියක්, අර්ථයක් වෙන්නෙ කියන එක සටහනක් වේවී..
සියල්ල හරියාකාරයි... දැන් තියෙන්නෙ ලැබුනු පොත්පත් කලමනා ටිකට අමතරව අවශ්‍ය අනිකුත් දේවල් ටික ගන්න. ඒ ටික හෙට අනිද්දම අරගෙන පිලිවෙලට පැක් කරගෙන අපි එලැඹෙන 20 වෙනිදා අප්ලන්ඩ් විදුහලේ පොඩ්ඩෝ බලන්න යන්න කියලා සැලසුම් කරගෙන තියෙන්නෙ.. වැඩිවිස්තර දවස ලංවෙලා කියන්නම්. එදාට ඒ වැඩේ වෙනුවෙන් ඇවිල්ලා යන්නත් කාටවත් බාධාවක් එහෙම නෑ කියලත් මතක් කරන්නම ඕනෙ...
ආයෙමත්, මේ වැඩේ සාක්ශාත් කරගන්න එහෙම නැත්නම් අකුරට හයියක් උනු සියලු දෙනාට වන්දනීය ස්තූතිය.. ඒ හයියෙන් අපේ පොඩ්ඩන්ගේ අනාගතය, අධ්‍යාපනය අරුත්බරවනු නොඅනුමායි...
ජය

12/12/2025

~•අරුත්බර වෙන අකුර•~

කියන්න සන්තෝසයි මේ වෙනකොට අපි එකතු වෙලා පටන් ගත්ත වැඩේ සාර්ථක වේගෙන යනවා... එහෙම සාර්ථක වේගෙන යනවා කියන්නේ පොඩ්ඩන්ගේ ජීවිතත් සාර්ථක වෙනවා. ඒ ජීවිත අර්ථවත් වෙනවා කියනකොට අපිට තවතවත් හයියක් දැනෙනවා.. කොහොමහරි මේ වෙනකොට පොත්පත්, පෑන්, පැන්සල් ආදී නොයෙකුත් දේවල් අපිට ලැබිලා තියෙනවා... ඒ වගේම මූල්‍යමය දායකත්වයත් ලැබිලා තියෙනවා සහ ලැබෙන්නත් තියෙනවා.. ඒ ඔක්කොමත් එකතුකරගෙන එන සතියෙ දවසක අපි මේ වැඩේ එකලාසයක් කරගමු... දවසක් දාගෙන ඒ ඉස්කොලෙට ගිහින් අපේ හයියට එකතු කරගත්ත දේවල් වලින් ඒ පොඩ්ඩන්ගේ හිත් හයිය කරලා එමු.. අනාගතය අර්ථවත් කරගන්න හයියක් වෙලා එමු..
මේ වෙනකොට එකතු උන දේවලුයි, එකතුවෙන්න තියෙන දේවලුයි, පොඩ්ඩො වෙනුවෙන් මූල්‍යමය වශයෙන් ලැබුනු දායකත්වයයි ඔක්කොම එකතු කරගෙන මේ සඳුදා ඒ කියන්නේ 15 වෙනිදා අපි අප්ලන්ඩ් ඉස්කෝලේ ලමයි 207 දෙනාටම ඕනේ දේවල් ටික ගන්න සැලසුම් කරලා තියෙන්නෙ.. ඒ හින්දා පුංචි ඉල්ලීමක් කරනවා.. මේ වැඩේට හයියක් වෙන්න හිතාගෙන හිටිය සහ ඉන්න හැමෝටම ඒ දවසට කලින් හරි එදාට හරි ඒ වැඩ ටික ඉවරකරගමු කියලා.. ඊටපස්සේ ඒ සතියෙම දවසක් දාගෙන අපි යමු ඉස්කොලේට.. පුලුවන් හැමෝම එන්න ඕනේ එදාට.. ඒ විස්තරේ අපි කියන්නම් පොඩ්ඩන්ට ඕනේ දේවල් ටික ලෑස්ති කරගත්තාට පස්සේ..
පොත්පත්, පෑන්, පැන්සල් වගෙ දේවල් තියෙනවානම් අපේ කෙනෙක්ට කතා කරලා දෙන්න... ඒ ටික අපි ගන්න එන්නම්...
අපි හැමෝම එකතු වෙමු.. ඒ හයියෙන් ඒ පොඩ්ඩන්ගෙ ජීවිතය අනාගතය ලස්සන කරමු....
ජය

08/12/2025

~•අකුරට හයියක් - සරසවිගම අප්ලන්ඩ් විදුහලට•~

විස්තරේ කලින් කිව්වනේ.... වැඩි කාලයක් ගන්නෙ නැතිව අපි මේ ලෑස්තිය අපේ පොඩ්ඩන්ගේ අකුරට සවියක් වෙන්න කියලා.. ආයේ අමුතුවෙන් අටුවා ටීකා ටිප්පනි අතෑරලා මිනිස්සුන්ගේ හිත් වලට වේදනාවක් ගේන්න ඕනේ නෑ ගිය දවස් ටිකේ සිද්ධි ආයේ ආයේ කියලා.. මොකද ඒ දේවල් මතක් කරන්නත් හිත ලැස්ති නෑ.. දැන් තියෙන්නෙ ඊළගට කරන්න තියෙන දේකට හිත හයිය කරගන්න කියලා හිතාගෙන තමා අනාගතයටම හයියක් වෙන්න ඒ ප්‍රදේශවල ඉස්කොලේ යන පොඩ්ඩන්ට අකුරු කරන්න ඕනෙ කලමනා ටික අරන් දෙන්න තීරණය කලේ.. ඒ දේවල් කොහොම කොයි කාලෙටත් උවමනා වෙන වටිනා දේවල්..
ඒ හින්දාම ඒ පොඩ්ඩන්ගේ ජීවිතත් අනාගතයත් අර්ථවත් කරගන්න හිත් අරමුණු කොටගෙන මේ ලෑස්තිය පේරාදෙණිය මහකන්ද සරසවිගම ගමේ තියෙන ඉස්කෝලේ පොඩ්ඩන්ට ඒ කාර්යය ඉෂ්ඨ සිද්ධ කරන්න.. ඉස්කෝලේ ලමයි 207ක් ඉන්නවා.. 1 වසරේ ඉදන් 11 වසරට යනකන් පංති තියෙනවා.. ඒ ඒ පංතිවලට ඕන වෙන පොත්පත් කලමනා වල විස්තරෙත් අපි පහලින් දාන්නම්.. හොදම දේ මූල්‍යමය ශක්තියක් වෙන එක.. එහෙම උනොත් අපිට එකම තැනකින් ඒ ඕනෙ කරන දේවල් ටික ගන්න පුලුවන් එකම විදියට.. එහෙම කියලා අපෙ එකාලා හිතේ සතුටින් දෙන පෑනක, පැන්සලක ඉදන් ඕනෙම දෙයක් අපි ඒ පොඩ්ඩන්ට දෙන්න ලෑස්ති.. අනික් කාරණේ මේ පලවෙනි වැඩේ.. මෙතනින් එහාට අපි ඔක්කොම එකතුවෙලා එකින් එක ඉස්කෝලවල පොඩ්ඩන්ට හයියක් වෙමු.. එකතුවෙමු...
වැඩේ පුලුවන් ඉක්මනින් කරන්නයි ලැස්තිය. එහෙම උනොත් ඊළඟ ඉස්කොලේට අපිට හයියක් වෙන්න පුලුවන්.. මේ වැඩේට තරාතිරමක් නෑ, සීමාවක් නෑ, ඕනම කෙනෙක්ට එකතුවෙන්න පුලුවන්... වැඩේට සම්බන්ධ වෙන්න පුලුවන්.. ලංකාවේ ඕනේ තැනකින් අපිට පොත්පත් එකතු කරලා ගෙනත් දෙන්න ඒ ටික පිලිවෙලට එක ලමයට අවශ්‍ය පොත් පැක් එක හදලා කරලා ඉස්කෝලේ ඉන්න ලමයි ටිකටම දෙන්නම්..කොහෙවත් අඩුපාඩුවක් දොසක් නොවෙන්නම.. ඒ නිසා මේක එක රෑනට කරන වැඩක්.. වැඩේ විස්තර ගැන දැනගන්න.. අපේ කට්ටියගෙන් ඕනෙ කෙනෙක්ට කතා කරන්න..

ගයාන් 0716459190
ළහිරු 0714314361
ප්‍රගීත් 0719809634
ක්‍රිශා 071 630 7234
මංජු 0716521258
චින්තක 0758896575

049200230007980
පී.පී.සිරිවර්ධන
මහජන බැංකුව
හෝමාගම ශාඛාව

මේ තියෙන්නෙ අවශ්‍ය කරන පොත්පත්,කලමනා වල විස්තරේ...

පිටු 120 තනිරූල් පොත්- 468
පිටු 160 තනිරූල් පොත්- 780
පිටු 200 තනිරූල් පොත්- 300
පිටු 160 කොටුරූල් පොත්- 65
පිටු 200 කොටුරූල් පොත්- 25
පිටු 80 ජැෆ්නා රූල් පොත්- 80
අගල් 1/2 කොටුරූල් පොත්- 234
පිටු 80 CR තනිරූල් පොත්- 154
පිටු 80 චිත්‍ර පොත්- 117
පිටු 80 blank sheet පොත්- 234
පැන්සල්- 351
මකන- 117
පාට පෙට්ටි- 117
කටර්- 117
කතුරු- 117
අඩි 1/2 කෝදු- 117
පෑන් (නිල්/රතු)
වතුර බෝතල්
කෑම පෙට්ටි
පැන්සල් පෙට්ටි
කවකටු පෙට්ටි

අපි ඔවුන්ගේ ජීවිතවලට අරුත සොයා දෙමු.. හයියක් වෙමු..
ජය
ජීවන ගමන සුන්දර වන්දනාවක්ම වේවා..

https://www.facebook.com/reel/1834036683543064

06/12/2025

~•අකුරට හයියක්•~

අම්මාට හරිම මහන්සි දැන්... එහෙම කිව්වාම දැනෙන දේ අමුතුවෙන් කියන්න ඔනෙ නෑ නේද..? සතියක් තිස්සේ අපේ ලක් අම්මා මේ දේවල් දරාගෙන හිටියා... මේ හැමදෙයක්ම... හැමතැනම තුවාල වෙලා.... ලේ ගලාගෙන ගියා... හුස්ම ගන්නෙත් හරි හයියට.. ඒ අම්මාගේ දරුවො ආයෙ නොඑන්නම ඈතට ගියා... සමහරු තාමත් හුස්ම ගන්නවා.. ඒත් ඒ කිසිම දෙයක් හිතමතා කරපු දේවල් නෙවෙයි කියලා සොබාදහමට අවනත අපි හැමොම දන්නවා... අපි ආයෙත් නැගිටින්න ඕනේ... අපේ අම්මාට අපේ ලංකාවටම පණදෙන්න ඕනේ... ඒකට හයියක් වෙන්න ඕනේ... ලංකාවේ එකාලා කියන්නෙ එහෙම වැටෙන ජාතියක එවුන් නෙවෙයි... වැටෙන තරමට නැගිටින... නැගිටින තරමට හයිය හත්තිය තියෙන යක්කු වගේ ජාතියක් කියලා අමුතුවෙන් කියන්න ඕනේ නෑනේ... ඒක අපි මේ දවස් ටිකේ හැබැහින්මත් දැක්කනෙ... මේ ලෑස්තිය අපි හැමෝටම වේදනාවක් වුනු, අපි හැමෝටම වෙහෙසක් වුනු, උන්හිටි තැනින් බිමට ඇදලා දැම්ම ඒ කුනාටුවෙ පශ්චාත් ගැටලුවකට පිලියමක් හොයලා දෙන්න... "ජීවිතයට අරුතක් සොයා වන්දනාකරුවෝ" හැමෝම දන්නවානේ.. ආයෙත් අපි එතනින්ම පටන් ගමු... අපිත් එක්ක හිටපු හැමෝම එකතුවෙනවා නොඅනුමානයි.. අපි හෙට දවසට ශක්තියක් වෙමු... මේ වෙනකොට ලංකාවේ හතර දිග්බාගේ අපේ පුංචි පැංචියො හැමෝම අසරණ වෙලා ඉන්නෙ... අලුත් ඉස්කෝල වාරේ පටන් ගන්න තව සති කීපයයි.. සමහරක් පුංචි පැංචියන්ට ආයේ ඉස්කෝලේ යන්නම බැරිවෙලා... ඒ කාරණය මතක් කරගන්නවත් හිත හයිය නෑ... ඒත් අපි හිත හයිකරගමු වැටෙන්නෙ නැතුව ඉමු ඉස්කෝලේ යන්න ඉන්න පුංචි පැංචියන්ට ශක්තියක් වෙන්න.. මේ වෙනකොට හැමෝම තියෙන තත්වෙට ශක්තියක් වෙලා ඉන්නවා.. අපි තව සති කීපයක් මාස කීපයක් ඉස්සරහට එන ප්‍රශ්නෙට උත්තරයක් දැන්ම තියාදෙමු.. ලෑස්තිවෙමු.. හයියක් වෙමු...
අපේ රටේ අනාගතයට ශක්තියක් වෙමු.. අකුරකින් හරි.. අකුරක් කරන්න හරි... ඉස්කෝල නැත්නම් පංසලක් හරි ගහක් යට හරි උගන්නන්න පරිසරයට ඕනෙ කලමනා ටික අපි හදමු.. අපි හදලා දෙමු..
මේක රෑනේ වැඩක් කරගමු. එක රෑනට අපි එකතුවෙමු.. රෑනේ එකාලා සීමවක් නැතිවම එකම ලේ වෙනුවෙන් එකතුවෙමු.. අපි අනාගතය අකුරෙන් අකුර ගොඩනගමු.. අපි අර්ථවත් කරමු ඒ ජිවිත.. ඒ අර්ථවත් වීමම සමාජයෙත් රටෙත් අපි හැමෝගෙම ජීවීත අර්ථවත් වෙන්නම හේතුවේවි... අපි හැමෝම ගෙවන්නෙ සීමිත ජීවිත කලාවකාශයක්.. ඉතින් අපි හැමොගෙම ස්ව්භාවය වෙන්නේ අනික වෙනුවෙන් ජිවත් වීමයි.. අපි අකුරට හයියක් වෙමු.. අපේ අනාගතයට හයියක් වෙලා..ඒ අඩිතාලම දාල දෙමු... එතනින් අපේ ලක් අම්මට හයියක් වෙමු...

හෙට අනිද්දාම මේ වැඩේ පටන් ගන්න සැලසුම් කරලා තියෙන්නෙ...
ඒ වෙනුවෙන් අවශ්‍ය පොත් පත්, පෑන් පැන්සල්, නැත්නම් ඒ පොඩ්ඩන්ට අවශ්‍ය ඕනෙම දෙයක් අපිට ගෙනත් දෙන්න... නැත්නම් හරියටම ඒ ඒ පාසල් වලට ඊලග පාසල් වාරයට අවශ්‍ය කරන පොත් ලිස්ට් එක ගන්න අවශ්‍ය වෙන මූල්‍යමය ආධාරයක් විදියට හරි දෙන්න පුලුවන්... අපි ඒ ටික අරන් දෙන්නම්...
මේ දේවල් බාර දෙන්න පුලුවන් තැන් ගැන දැන ගන්න අපිට කතා කරන්න... මූල්‍යමය ශක්තියක් වෙනවනම් පහත ගිණුම් අංකයට බැර කරල අපිට දැනුම් දෙන්න...

ගයාන්- 0716459190
ළහිරු- 0714314361
ප්‍රගීත්- 0719809634

049200230007980
පී.පී.සිරිවර්ධන
මහජන බැංකුව
හෝමාගම ශාඛාව

30/10/2025

අමතක කරන්නම බැරි ගමන්... 💚
එක රෑන 2023 - තංගප්පුවට

22/10/2025