02/11/2025
Train එකේ දවසින් Trinco ගිහින් එන්න ආස ඔයාල අනිවාර්යයෙන්ම කියවන්න.🚂💚🌅😍🛤️🌊🇱🇰
🛑කොළඹ කොටුවට Train 🚂 එක රෑ 9.10 විතර වගේ වෙද්දී එනවා. කොළඹ කොටුවෙන් ගමන් ආරම්භ කරන්නෙ රෑ 9.30ට. සමාන්යයෙන් සිකුරාදාට හැර අනිත් ඕනම දවසක Train එකේ ලේසියෙන්ම සීට් එකක් ගන්න පුලුවන්. Long weekend වල එන්න හිතන් ඉන්නව නම් seat එකක් Book කරගන්න එක හොදයි.
Train ටිකට්
1st class - රු: 1850
2nd class- රු: 950
3rd class - රු: 460
🚂Train එක සාමාන්යයෙන් ත්රිකුණාමලයට එද්දී උදේ 5.30- 6.00 විතර වගේ වෙනව. ඔයාලට station එකෙන් වොෂ් එකක් දාගෙන ලෑස්ති වෙන්න පුළුවන් .
🛑Station එකේ ඉදන් බස් stand එකට 1.5km වගෙ දුරක් තියෙනව. ඔයාලට ඕන නම් pick me 🛺 එකක් දාගන්නත් පුළුවන් .
කැමති අයට මුහුදු හුලන් වැදෙන ගමන් පයින්ම යන්නත් පුළුවන් 🚶.
🛑Bus stand එක ලග සයිවර් කඩ තියෙනවා. ඒවගෙන් ඔයාලට උදේ කෑම ගන්න පුළුවන් . තෝසෙ, රොටී, පිට්ටු, ඉදිආප්ප, උප්පුමා, කඩල 🫓🧆වගේ දේවල් තමා වැඩිපුර තියෙන්නේ . හැබැයි බත් ඕනම අයට බත් කන්නත් පුළුවන් .
🛑ඔයාලට bus stand එකේ ඉදල ගෝකණ්ණ පන්සලට පයින් යන්න පුළුවන් . 950m තියෙනව. පන්සලේ ඉදල කෝණේෂ්වරම් කෝවිලට තියෙන්නෙ 850 m යි..
🛑මේ place දෙකට ගිහින් ඔයාල අයෙමත් Bus stand එකට ඇවිත් තමයි මාබල් බීච් හරි නිලාවේලි හරි යන්න බස් එකක් ගන්න ඕන. එක දවසක ට්රිප් එකක් නිසා මේ බීච් දෙකෙන් එකකට විතරයි ඔයාලට යන්න වෙන්නෙ.
🛑මාබල් බීච් යනවනම් කින්නියා හරි මූතූර් හරි බස් එකක ගිහින් කින්නියා පාලම ලගින් බහින්න ඕන.
එතන ඉදන් බීච් එකට 2km වගෙ තියෙනව. ඔයාලට ත්රීවීල් එකක යන්නත් පුළුවන් .
මාබල් බීච් ගිහින් ඔයා එන ගමන් කින්නියා පාලම ලග photo එකක් ගහන්නත් අමතක කරන්න එපා.... 🌊එතන හවසට නම් හරිම ලස්සනයි. ආ තව දෙයක් ඔයාලට කින්නියා ටවුන් එකට ගියොත් අඩු ගානකට බඩ පැලෙන්න කන්නත් පුළුවන් හොදේ....🍗🍖🌭
🛑නිලාවේලි යනවනම් ඔයා නගින්න ඕන පුල්මුඩේ bus එකක. ඒකෙ ගිහින් නිලාවේලි වලින් බැහැල බීච් එකට ටික දුරක් පයින් යන්න වෙනව.
🛑ඊට පස්සෙ ඉතින් ඔයාලට තියෙන්නෙ ආයෙම trinco බස් එකක ඇවිත් ටවුන් එකේ බහින්න. හවස 5 විතර වෙද්දි එන්න පුළුවන් ඔයාලට.
ඊට පස්සෙ trinco ටවුන් බීච් එකෙ වාඩි වෙලා කඩල ගොට්ටයක් කාල ඉස්සො වඩෙ එකක් කන ගමන් මුහුද දිහා බලන් ඉන්න පුළුවන් .
ඕන නම් මෙතනිනුත් අයෙම නාන්නත් පුළුවන් .
ඔයා ආවෙ දවසක ට්රිප් එකක් නිසා ඉතින් දැන් ඔයාට යන්න වෙනව station එකට.
🛑දවස් දෙකක් හරි තුනක් හරි ඉන්න බලගෙන් ඔයා trinco ආවොත් බලන්න තැන් ගොඩක් තියෙන්ව.
1. ගෝකණ්ණ විහාරය
2. තිරුකෝණේෂ්වරම් කෝවිල
3. මාබල් බීච්
4. නිලාවේලි
5. පරවි දූපත
6. මනයාවෙලි බීච්
7. කින්නියා පාලම
8. පිච්චමල් විහාරය
9. ආන්දම්කුලම වැව
10. කන්නියා උණුවතුර ලිද
11. ගිරිහඩු සෑය
12. ටවුන් බීච් වගේ තවත් ලස්සන තැන් ගොඩක් බලන්න පුළුවන් .
🛑Trinco වලින් train eka 7ට පිටත් වෙනව. ඉතින් ඔයාලට අයෙම පාන්දර 4 විතර වගේ වෙද්දී කොළඹ කොටුවට එන්න පුළුවන් .
🛑මේ සම්පූර්ණ ට්රිප් එකම අඩුම වියදමකින් ඔයාට ගිහින් එන්න පුළුවන්...
සටහන -: Travel Odyssey
