21/09/2025
සිරා ඇල්ල...
පන්විල ප්රාදේශීය ලේකම් කොට්ඨාසයේ අළකොල රාජ්ය වතුයායේ එක් පසෙකින් මෙම " සිරා ඇල්ල " පිහිටා තිබේ.මෙය මහවැලි ගඟේ අතු ගංඟාවක් වන හුළුගඟ ඇසුරින් නිර්මාණය වූවකි. මෙම සිරා ඇල්ල තලිය වැටුණු ඇල්ලට ඉහළින් පිහිටා තිබේ.
මෙය නැරඹීම සඳහා ප්රවේශ විය හැකි ප්රවේශ මාර්ග දෙකක් ඇත.මින් එක් මාර්ගයක් වන්නේ මහනුවර නගරයේ සිට කටුගස්තොට නගරය හරහා මඩවල නගරය ඔස්සේ පන්විල නගරයට පැමිණිය යුතුය.එතැන් සිට හුළුගඟ නගරයට පැමිණිය යුතුය.එසේ හුළුගඟ නගරයට පැමිණි පසු,නගරයේ කඩවීදිය අසළින් වම් පසට දිවෙන අළකොල රාජ්ය වතුයායට යන මාර්ගයේ තවත් කි.මී. 02 ක් ගමන් කිරිමෙන් පසු මාර්ගයේ වම්පස දෙසට වන්නට තලිය වැටුණු දිය ඇල්ල දර්ශනය වේ.මෙම දිය ඇල්ල අසළින් ඉහළට පා ගමනින් ගමන් කිරිමෙන් මෙම දිය ඇල්ල අසළටම පහසුවෙන් ළගා විය හැකිය.
අනෙක් ප්රවේශ මාර්ගය වන්නේ පන්විල නගරයට පැමිණ එතැන් සිට මඩුල්කැලේ හන්දිය පසුකර මඩුල්කැලේ නගරයට පැමිණිය යුතුය.එතැන් පටන් මහපතන රෝටු කඩේ හරහා වටකැලේ වත්තට පැමිණ මෙම දිය ඇල්ල වෙත ප්රවේශ විය හැකිය.
විශේෂයෙන්ම වර්ෂාව සහිත කාලයේදි මෙම දිය ඇල්ල ඉතාමත් අලංකාර ලෙස දර්ශනය වේ.
ඉතින් දවසක එන්න...මෙම සොබාදහමේ අපුර්වත්වය විඳින්න...එසේම මෙම කලාපයේ සංචාරය කිරිමේදි පරිසරයට කිසිඳු හානියක් සිඳු නොකිරිම අප සැමගේ යුතුකමකි...පා සටහන් පමණක් තබා යන්න..!!🌏🐾️🌍
✍️ Wasantha Kumara
