28/03/2024
ගැට කිඹුලා / Saltwater Crocodyle / Estuarine Crocodile (Crocodylus porosus)
ශ්‍රී ලංකාවේ හමුවන කිඹුල් විශේශ දෙකෙන් විශාලතමයා මෙන්ම මෙරට ජලජ පරිසරවල හමුවන විශාලතම විලෝපිකයාද ලොව විශාලම උරගයා වන්නේද,සියලු සතුන් අතරින් වැඩිම සපාගැනීමේ ශක්තිය සහිත සත්වයා වන්නේද ගැට කිඹුලා වේ.
ප්‍රමානයන් මීටර් 6.00 හෝ ඊටත් වඩා තරමක් විශාලත්වයකට වැඩේ.පිරිමි සතුන් වඩාත් විශාලය.ශරීරයේ පහල කොටස් ලාපාටින් යුතු අතර යට පැත්තේ බොහෝවිට කහ පාටක් තිබේ.
බොහෝවිට සෙමින් පිහිනමින් හෝ නිශ්චලව කල් ගත කරත්,අවශ්‍ය විට ඉතා සීඝ්‍රයෙන් පිහිනා යාමට සහ ගොදුරු වෙත කඩා පැනීමට හැක.
හොඳින් හිරු එලිය සහිත දිනවල දහවල් කාලයේදී ජලයෙන් පිට්තට විත් මුඛය විවෘත කරගෙන අව්ව තැපීමේ නිරත වේ.මේ ඡායාරූපයේ සිටින්නේ ඒ ආකාරයෙන් අව්ව තපිනා අවස්ථාවකි.
ක්ශීරපායී සතුන්,වෙනත් උරගයන්,පක්ශීන්,මත්ස්‍යයන් සිට අපෘශ්ථවංශී සතුන් දක්වා ඉතා පුලුල් පරාසයක සතුන් ආහාරයට ගන්නා විලෝපිකයෙකි.ගැට කිඹුලා සාමාන්‍යයෙන් වාසය කරන්නේ ලුනු ගතිය (කිවුල) සහිත ජලයේ නිසා මේ කිඹුලා බොහෝවිට වෙරලට ආසන්න ප්‍රදේශවල හමුවේ.නමුත්,පාලනයකින් තොරව වැලි ගැනීම සහ ජල මාර්ග හෑරීම මගින් ජලමාර්ග ඔස්සේ වඩ වඩාත් ඉහලට කිවුල්දිය ඇදී ඒම නිසා ගැට කිඹුලාගේ ව්‍යාප්තියේ පැහැදිලි වැඩිවීමක් පෙන්නුම් කරයි.එසේම මේ විශේශය කොලඹ සහ තදාසන්න නගරවල තිබෙන නාගරික තෙත්බිම් රාශියකත් මේ වන විටත් ව්‍යාප්තවී තිබේ.
