Shikespiir : Moroccan Backpaker

23/01/2022

08/07/2019

هاهو السبب الحقيقي علاش بكات هاد البنت , تبع معايا .

أول حاجة حتى واحد معارف ولا يقدر يحكم علاش بكات , لكن أنا متأكد بزاف منكم بكاو وكعاو وكين لي مسوقش , دائما فالحياة يقدر لمشاكل لي كتبان ليك كبيرة , عند وحدين آخرين مسائل تافهة ووحدين آخرين كاعما مسوقين ليها , فالأول والآخر بزاف ديال المشاكل , هي غير وهم , فدماغنا .

Pain of losing

دماغ الإنسان مصمم باش تبقى على قيد الحياة , ماشي باش يخليك تعيش سعيد وإيجابي , فالكون حتى حاجة مكتضيع , ألم الخسارة هو فقط وهم فالعقل , داكشي كنشوفوا بزاف ناس ناجحين ملي كيخسروا كيكملوا لأن دماغ ديالهم مدرب .

Émotion are built to make u weak

العواطف مصممة باش تخليك ضعيف , العواطف معندهاش المنطق ناس تبكي وناس تضحك فالخسارة , أي إنسان كيدير شي ردة الفعل الى وكاين شي سباب علاش , ناس لي ناحجة كتحكم أكثر فالعواطف ديالها .

Relating life to deep meaning

نربطوا حياتنا و لا سعادة ديالنا بفوز و لا خسارة , ولا الأشياء لي ديما كدير لينا الإحباط ماشي ديما فكرة جيدة , كفكرة تربط سعادة ديالك بحب الله و الرسول عليه الصلاة وسلام راه ديما غادي يبغيوك و تبغيهوم , تربط حبك بناس ولا جماعات ,ولا ظروف , هكا كنخرجوا من نطاق التحكم , وكنعانيوا فابور , وماشي لصالح ديالنا .

فالأول و الآخير , المهم عند بزاف نكونوا راضيين و سعاداء , طبعا اذا بغينا , خسارة و رباح كلشي مؤقت , حتى الحياة , سؤال هو واش عارفين علاش عايشين ؟ واش غادي نعيشوا على قبل شي حاجة ولا غير ندوزا وقت بحال لي فاتونا وماتوا ؟ علاش ديما صعيب نتبعوا طريق صحيحة ؟ بغيت آرائكم .

02/07/2019

كاتخاف تبدا و تفشل .. كاتخاف تفشل و يستهزؤا بك !
ديما مني كاتبغي تلونصا فشي حاجة جديدة كاتحس بواحد الاحساس في داخل ديالك كيخنفقك كاتحس بالخوف بالشك وعدم الثقة باش تكمل وللاسف باش تخلص من هاذشي كاتقرر تخلا على كلشي !! و تكمل حياتك عادي تعيش عادي و تموت عادي !!!
بزآاف كيصحاب ليهم الخوف شي حاجة سلبية ولكن بالعكس فينما تبغي تبدا شي حاجة و يجيك الخوف عرف أن ديك الحاجة هي لي خاصك طور و هي لي خصك تخدم عليها ..
كاتخاف تهدر قدام بزاف ديال ناس ولا تلقي شي عرض ؟ كاتخاف تمشي لشي بلاصة لي عمرك مشيتي ليها ؟ كاتخاف تبدا فشي حاجة و تفشل ؟ كاتخاف تحط في المسؤولية ؟ كاتخاف تصرف بطبيعتك قدام ناس و كاتفضل تصنع و تكون شخص آخر ؟ .......... دونك خصك تجرأ وتقاوم الخوف ديالك و دير أي حاجة كاتخوفك باش طور راسك و تزيد القدام .. عندك خيار واحد ماشي جوج يا إما غاتبقا ديما هربان من اي حاجة كاتخوفك و لا غاتقاوم هاذ الخوف ودير أي حاجة كاتخوفك .. ماكينش شي حل آخر !!

تخيل معايا كون سطيف جوبز مني جاتو الفكرة يلونصي آبل خاف من الكريتيك ديال البشر وقرر يتخلا على الهدف ديالو تخيل كون يوسين بولت تخلا على الهدف انه يحقق رقم قياسي حيت جاه الخوف .... والامثلة كثيرة ...
تعلم دائما مني تبغي دير شي حاجة و يجيك الخوف ماتخليهش يسيطر علك تعلم تكونطرولي الخوف ديالك و تبدا .. ماتخليهش يقنعك بأنك ماغاتقدرش و يدفعك باش تخلا على احلامك و اهذافك.
خالي الخوف يكون الصديق ديالك لي فينما حسيتي بيه كاين عرف راسك في الطريق الصحيح سينو هرب منو و عيش مرتاح وبقا شخص عادي !

و دير فبالك أنه عادي يجيك الخوف لي ماعاديش هو تخلي هاذ الخوف يأثر على قراراتك و يرجعك لور !! حيت الى جيتي كل مرة تهرب من الخوف و مادايرش داكشي لي خاصك دير ماغاتزيدش للقدام و عرفتي علاش أغلب الناس كيفشلو ؟؟ كيفشلو حتي كيخافو ! حيت كيخافو يبداو و يفشلو و كيخافو يقولوا عليهم الاخرين بأنهم فاشلين ! كيخافو يتحطو فمواقف محرجة ! ...
ماتسوق لحتى واحد تبع الهدف ديالك واخا قلبك يبغي يخرج بسبب الخوف ! ماهيمكش بنادم مايهمكش الى فشلتي ! المهم هو في الاخير توصل لداكشي لي بغيتي تكون درتي عكس الاغلبية و نتصرتي على الخوف ديالك

03/11/2017

عندي ليكم جديد ، تسناوني

23/09/2017

(الجزء 3 )

طايح كثر من نايض ذاك صباح ، واحلفو لاخلونا نعســـــو مهم بنادم فايق باكري داكشي تاع تجنيد الإجباري ، ولاكيينمن خـــير غادي نصبرو راسنا ب ديك ( يالله نستفدو من نهار %100 ) هههههههههههههههههههههه ، تيشلبخنآا تما مزيآآآان ، و جمعنآآ شطايطنآآا و مشينا لوجهة مجهولة ، من بعــــد ما هبطنا لــٱمسكروط مع احد الاخطاف ب 10 دراهم بقينآا كانتسناو تما الاتوستوب شي 3 ساعات ، وصلنآآ لٱڭاديـــر مسخسخين بضبط ' بارك بيهي للالعآآآب ' دوزنآا العشيا كاملا ف لاكووط ، بنادم راه خاسو شويآ دنيا و شويا الاخيرة ، طاح باش و رجعنآا عند بيهي ولد العبد حط لينا واحد طاجيــــــــــــــــــن مساوب بديك طريق الامازيغيآا و صراحة مع العيآا تاع البحر كانو المقابلة صعيــبة بدنيآآا ههههههههه واللعبنآا فالالعآآب و داكشي يا سلام وا كولشي ديال لله ، جا عمي بابات بيهي مشينا برونج بيضآآا ل دار ، مع وصلنآآ مع قراو علينا صلاة الجنازة و تمـــــا سالآا النهار الثالت بعيدآا عن الديار يتبع ...

19/09/2017

(الجزء 2 )

بعد ما طلعات الشمس ، و كانا ستارحنآ مزيان ديك الليلة جات لوقت لفطور تعلجنآا مزيــان درنآ تصورنــا ، تشلبخو مزيآآن ( انا كانت عندي فوبيآآ من عومآآان ) تعرفنآ على آصدقاء و صديقات جداد ، جمعنآا راسنآا و طلعنا ل لاك مرواني على اساس رجعو فلييل نباتو تاني ف وين تمدوين ، الوغ طريق مزيانا تال الاك كولشي داز في سلام ، واخآ كانا بينا تيخاسمو مع مولات الخبز لي ف دوار على قبل تعامل ديالها مي هانيآا ، كملنا طريقنآا واخا طاح عليينا ضلام وصلنا بخيـــــــر ، مع وصلنآا قادينآا واحد طاجين ، ولقينا قونت كولشي دخل للإسلام ، سبب واحد الاخ هو لي قنع دراري لـــــ صلاة ، مفاجٱ تلاقينا ب اسامة لمشعكاك و سيمو دبوووز وآا بزآاف تاع الضحك ديك الليلة ، هاهومآا محسينين فاقو يصليو الفجر وآ حنا يالله ناعسين ساعة ،،،، و تمـــــا سالآا النهار التانــي بعيدآا عن الديار يتبع ...

15/09/2017

(الجزء 1 )

من بعد واحد شهرين تاع الخدمة ، جات لوقت باش نجمع باكطاج و نمشي نعيش شي مغامرة نتفكرهآا حياتي كاملا ، آخيــر ليلة فالحومة كولشي مجموع هو هدآآآك نفسية محتـــاج هذه المغامرة ، لحســن الحظ دغيآ صباح صباح ، من بعد واحد فطور سانك سانك عند با عمر بالبيصات ف راس درب تلاقيت ب نهيلة و حسن وشدينآا طريق لــــ ' ٱمسكرووط ' ، اول مركووب تيسر لينا تال شيواوا ' شيشاوة ' بعيد على مراكش ب 97 كلم بعد ما تلاقينآا تما ب زكريآ منيين تلاقينا بيه و حنا محنسرين ف ديك قارة سعيدة فدرجة الحرارة وصلات تال 45 من بعد واحد ساعات تاع الانتظار جاء الفرج ههههههه ، وصلنا لـــٱمسكروط تغدينآا واتسنينا حسن و زكارياء يوصلو و شدينآا طريق ل مغارة وين تيمدوين لــي بعيدا على تما ب 13 ، بحكم طاح الليل شدينا خطآآف ب 20 درهم ل واحد ، وصلنآا تعشينآا و كولشي هو هداك و تمـــــا سالآا النهار الاول بعيدآا عن الديار يتبع ...