25/06/2025
ليهوست خاصهم يحدّو من ردّ الفلوس على أي مشكل صغير
مهم بزاف ليهوست يخليو الوقت ديالهم والمصالح ديالهم فالعين الإعتبار فاش كيكونو كيتعاملو مع الشكايات ديال الضياف. إلا كان مشكل كبير وحقيقي، ضروري نعطيوه الاهتمام، ولكن ماشي كل حاجة صغيرة خاصها رد الفلوس.
النقط المهمة:
- فرّق بين المشاكل الحقيقية والشكايات الصغيرة:
رد الفلوس خاصو يبقى غير فالمشاكل الكبيرة اللي كاينة فالإقامة (بحال نقص فالنظافة، ولا شي حاجة ما كيناش فالإعلان، ولا مشكل فالظو،الماء ولى فالتجهيز).
- ماتعوّدش الضياف على أي حاجة :
إلا بديتي كترجع الفلوس على أي حاجة، غادي يبقاو الضياف يقلبو على أي سبب باش ياخدو الفلوس.
- هضر مع الضياف يحاولو يحلو المشاكل الصغيرة:
قول للضياف يحاولو يحلو المشاكل الصغيرة براسهم ,بحال يبدل بولا أو يمسحو شي قطرة ديال الماء بحال فديورهم.
- حافظ على البزنس ديالك:
رد الفلوس بزاف كيضرك مادياً وكيديرليك الضغط بزاف. دير قوانين واضحة وشرح سياسة الرد من الأول.
- وضح التوقعات من الأول:
قول فدليل الدار أو فالرسالة للضياف بأنك كتسعى للكمال، ولكن ممكن يوقع شي مشكل صغير وهذا شي عادي فأي بلاصة.
- رد بالمساعدة، ماشي دايماً بالفلوس:
إلا الضيف عطاك شي مشكل صغير، حاول تعاونوا بنصيحة أو حل، ورد الفلوس يبقى آخر حل، ماشي أول واحد.
الخلاصة:
ليهوست خاصهم يقدموا الضياف ديالهم مكان نقي
ومجهز ومرحبا بهم, ولكن ماشي كل شكاية على أي حاجة صغيرة يكون فيها رد الفلوس. قيس غا بعقلك حاجة ماشي إضطرارية مكاين لاش ، وكون عادل، وحافظ على البزنس ديالك،ومايخلعكش بلي يخلو كومونطير مامزيانش ومن بعد يخليوه من بعد غاتفهم بلي الكومونطيرات ماشي هوما كولشي !
ملحوظة :
و بطبيعة الحال هادشي على حساب أشمن نوع ديال المبيت ليكاتقدم،أنا كانهضر عامة على الشقق المفروشة إما الفيلات و الإقامات الفاخرة هاديك هضرة خرى !
