18/04/2026
كايقولو ليا: سعداتك… ديما مسافر وعندك أحسن خدمة
كنبتاسم ونقول: الحمد لله،ولكن ماشي كلشي كيبان ..!
حيت اللي كتشوفو فالصورة، هو غير لحظات زوينة،
أما اللي ما كيبانش،هو المسؤولية اللي كنعيشها كل دقيقة..!
كنفكر،كنفيق وكنفكر،وحتى ملي كننعس، كننعس
وأنا كنخمم.واش كلشي مزيان؟
واش شي واحد ناقصو شي حاجة؟
واش البرنامج دايز كيف خاصو؟
كنفكر فالتفاصيل الصغيرة قبل الكبيرة،
حيت حتى حاجة بسيطة تقدر تبدل تجربة كاملة.
وحتى إلا كنت عيان…
كنبقى ضاحك حيت بالنسبة ليا، الضحكة ديالي هي راحة لناس آخرين،كاين الضغط، كاين التعب، كاين مواقف خاصها تركيز وصبر،ولكن كاين حتى واحد الإحساس ما يتشراش…
ملي كتشوف شي واحد فرحان،
ولا كيقوليك: هاد الرحلة عمرني نساها…
كتعرف بلي داك التعب كامل كان عندو معنى
سبحان الله… شحال هاد البلاد عظيمة،
والحمد لله اللي عطانا فرصة نعيشوها بهاد الطريقة ..❤️
