المها للسفريات

08/11/2022

08/11/2022

21/06/2020

#الجبهة
#الجبهة.
اليوم هنهضر على واحد المنطقة جمييلة و كتحمقني اللي هي الجبهة ..
الجبهة بعيدة على الحسيمة ب 100 كم من جهة تطوان..
و قريية لسطيحات..
مدينة الجبهة من كتوصليها كتبانلك المرسى و البلايا ديالها عادية و شحال من واحد كيسحبلو صافي هاد الشي اللي كاين ...لكنها كتمتاز ب 4 ديال البحار زوينين و نقيين بزاف الما صافي ..
كاين 2 طرق باش توصيلهم :
1: اللي عندو مع المشي يقدر يسول اي واحد على الدخلة ديال الطريق لبحر الاول اللي هو بحر #مرسدار..انا كنفضل نمشي حيت غير كيبانلك البحر واحد الصورة بانورامية رائعة ..صافي كتنزليه من تماك كيبانلك الطريق للبحور اخرين.
كاين مونيكا 1 و مونيكا 2 هادو صغيورين ..و كاين الاحواض اللي كبيييير بزاف..
ضروري تكونو لابسي صندالة ديال الماء حلومة ..انا كنلبس سبرديلة لانه البحورة معروفين بالحجر ما كاينش الرملة نهاائيا و انا من تجربتي كنفضل سبرديلة كتسهل علي نتمشى بيها و حتى نعوم بيها..نجيو الطريقة التانية هي فالمرسى كاين الفلوكة ..بحال الطوبيس هههه كتركب و كيدير بيك دويرة و موراها كتختار البحر اللي بغيتي تنزل فيه .. الا كنتي بوحدك واحد 20 درهم لكن خص تكون عامرة الفلوكة يعني تركب مع ناس اخرين..كنتو غروب بيكم كتجي ما بين 120/150 درهم ..بغيتو تفاهمو معاه على مشي و مجي كتجي 200 درهم....
بالنسبة للاكل بما ان البلاصة لقات رواج كبير كاين اللي تماك كيعدل الشواية و اتاي..انا كنفضل نجيب سندويش ولا غي شي حاجة عادية حتى نرجع و ناكل بيصر عند المامون..هنا كنجيو للمبيت..
كاين فندق متواضع اسمو عند المامون جا قبالت المرسي و لكن ضروري الحجز من قبل ..اولا كاين الكراء تماك..بالنسبة لي طونط ممنوع فهاد البحور ..كاين قبل منوم من كتكون علاين توصل ..
و خلي ديما بلاصتك نقية ..
اه نسيت كاين واحد الكهف سميتو عبد الكريم الخطابي الا كان البحر ما طالعش الفلوكة كدخل ليه ..ماشي كبير لكن واحد الاحساس زوين..نتمنى تكونو عرفتو شوية .

21/06/2020

اقشور ... او جنة المغرب كما يسميها البعض, هي واحدة من أبرز الوجهات السياحية التي يفضلها المغاربة لما تتميز به من خصائص جغرافية متميزة لن تجدها بمكان آخر ...

انتظرونا قريبا في رحلة ببرنامج مميز نحو هذه الوجهة ....

20/06/2020

السفر الحقيقي بالنسبة لينا ماشي هو نسافرو لمدينة أو نمشيو لفندق "خمس نجوم" أو نكريو "ربع حيوط" أو نقلبو على أحسن "القهاوي " أو كترت الأضواء و الشوارع المكتضة بالناس او زيد او زيد ... السفر هو ذاك الإحساس بجمالية ما خلق الله من طبيعة كل ما فيها متناغم و خارق حيث تتحس براسك لا شيئ امام قدرة الله.
السفر هو تعارف مع الآخرين او منين كتقاسم مع شي أفراد الحلوة و المرة ، بخلاصة السفر كيخليك تحس بالحرية أكثر , تشوف مناظر رائعة , وتعيش مغامرات كاتبقا فالذاكرة , تجربة اللي كاتغير بزاف فالشخصية ديال كل واحد فينا للأفضل و تحل المشاكل النفسية كذلك , ملي كانهضرو على السفر كانأكدو على سفر المشي لمسافات طويلة و النعاس فالخيمة فالطبيعة . إلى عمرك جربتي هاد السفر لي كيتلقب ب "trip" مترددش غي زعم و جرب و غاتشوف....
لي غايسولني على البلايص هما: كرابلانكا نواحي الناظور . واد القنار. شاطئ 700 درجة نواحي الحسيمة.شاطئ دشارنة...

20/06/2020

السفر و السياحة من اسباب الراحة ...

بقرية تامراغت الشاطئية... على بعد 21 كلم من مدينة أگادير... يتواجد هذا الفندق الرائع... يجمع بين الأناقة والجمال... بين الراحة والهدوء... بين الإبداع والأصالة... يوفر لك فرصة الإستمتاع والتأمل... يمنحك إطلالة ساحرة على شاطئ تاغزوت... يتوفر على مسبح أقل ما يقال عنه انه خارج عن المألوف... اليوغا ، التسلق، ركوب الأمواج كلها أنشطة يمكنك ممارستها عند زيارتك للفندق... بصراحة فندق يجعلك تدخل غمار تجربة جديدة واكتشاف قرية من أجمل قرى المحيط الأطلسي... هنا سوف تلملم افكارك، تتشبع بالأمل، تغدي نفسك بكل ما هو إيجابي، تسقي روحك حبا، وتستعد للمستقبل بكل قوة...

20/06/2020

المسابح الطبيعية بغابات الارز المغربية.. ب 30 درهم فقط
🌳هادشي في إطار التعريف السياحية الإيكولوجية🌳
في قلب جبال الاطلس المتوسط بين اشجار الارز، بقرية تسمى "عين اللوح" تبعد حوالي 40 كلم عن مدينة ازرو، يتواجد هذا المأوى الإيكولوجي الجميل الذي يتميز بمناظر طبيعية رائعة ومسبح ذو إطلالة بانورامية ساحرة، زوين فهدشي كامل هو الثمن ديال المسبح غير ب 30 درهم ليوم كامل والأجمل هي المياه اللي فيه طبيعية ونقيا بزاف.
المنطقة زوينا بزاف وفيها بزاف مايتشاف انصحكم بزيارتها
المأوى سميتو "atlas jennate" كاين على بعد 3 كلم عن القرية وسط اشجار الأرز .