04/08/2024
باش كيعجبوك المطلقات ملي كيطلقو كيبقاو يبكيو يبوكيو و سادين عليهوم فالبيت كيسمعو دوك الڤيديوهات ديال التنمية الذاتية
و داكشي ديال : سوف انهض و سوف اصبح اقوى و اغاني ايليسا بحال: "عكس اللي شايفينها" و يا "مرايتي" و "انا كثيرة عليه"
كاتبقا هاكاك واحد 6 اشهر ولا عام ، من بعد كيجيب ليها الله راها ولات قوية الشخصية و راها تبدلات و كتبدا تدفع للسطاجات ولا شي مدرسة و لا كونكور التعليم و لا الكابلاج
كاتبغي دير شي حاجة باش تبدا حياة جديدة New life هههه جهدها كاتتقبل فالتعليم ولا شي شركة هادي ايلا لعبات معاها الحياة المزيان ...
كتقطع شعرها و ايلا كانت دايرة الزيف كاتحيدو و عاد كتولي تعكر الشلاقم مساكن هادا جهدهم كيسحاب ليها ايلا نجحات فكونكور التعليم ولا الكابلاج و حيدات الزيف و عكرات راها تجاوزات المرحلة و ولات انسانة قوية ...
حتا كاتلقا راسها عايشة مع خوتها و باها حاضينها من الزلالة و كاتغسل 20 طبسيل و 30 فورشيطة و 15 الكاس بعدما كانت كاتغسل غي 3 كيسان ديالها و ديال راجلها ...
كاتولي عايشة فالحرمان الجنسي و العاطفي و نظرات المجتمع كاتفرس فيها ، الراجل اللي سمعها مطلڭة كيهرب
كولشي باغي ياكلها كولشي باغي يقضي مصلاحتو فيها ، ضايرين بيها غي الذياب و الزلالة ...
حياة المطلقة حياة العذاب ولكن دارتها بيديها ماصبراتش ، ماسخناتش بلاصتها
بقات عاطياها لقسوحية الراس و العناد و التعاويد و العائلة و الصحابات و نصائح الراقصة مايا حتا خرجو عليها و طلقات و رجعات لدارهوم تنقي العدس... ڭطع آه نعاون ولكن منصرفش
