01/07/2025
ما يمكنش إلا نصفقو لهاذ المبادرة الإنسانية ديال السيد الوالي الناجم أبهي 👏
وقف مع فراجي أميدان فواحد اللحظة صعيبة، وتكفّل بعلاجو وقال كلمة كبيرة للعائلة:
"هذا ذرك ولدي أنا ماهو ولدكم." 🙏
ولكن فوسط هاذ اللفتة الطيبة، كيبقى سؤال مؤلم ومحوري:
فين هو السبيطار الجهوي؟
علاش فراجي خصو يمشي لكلينيك خاص، والسبيطار التحتاني ما فيه لا أطباء اختصاصيين، لا تجهيزات، لا أبسط شروط العلاج؟!
راه ماشي كل نهار غايكون فراجي، وماشي كل نهار غايكون الوالي حاضر،
وماشي كل مريض عندو الحظ يلقى من "يتكفل به" فمصحة خاصة.
الوالي دار موقف نبيل، ولكن الواجب اليوم هو إعادة النظر فالمنظومة الصحية فجهة وادنون كاملة.
ماشي غير باش نداوي فراجي، ولكن باش ما يبقاش فراجي ثاني وثالث ورابع تايتمحن.
