Co-hôtes Airbnb

Co-hôtes Airbnb مجتمع ديال co-hôtes فمراكش 🌟
كنشاركو تجاربنا، كنعاونو بعضنا، وكنطورو الخدمة ديال Airbnb مع بعض.
📩 تواصل معنا وكون جزء من العائلة! Le but ?

مرحبا بكم فصفحة "Co-Hôtes Airbnb Marrakech"!
هنا ماشي غير كنقدمو خدمات ديال co-hébergement بحال الاستقبال، التنظيف، وتنظيم الحجوزات،
ولكن حتى كنتقاسمو تجاربنا، كنستافدو من بعض، وكنعاودو المشاكل باش نلقاو حلول.
الهدف ديالنا هو أننا نكونو مجتمع صغير ديال الناس لي خدامين فمجال Airbnb فمراكش ونتعاونو كاملين باش الخدمة تولي أزين وأسهل.
📍مراكش والنواحي
📩 تواصلو معنا لأي استفسار!
------------------------------------------
Bienvenue sur "Co-Hôtes Airbnb Marrakech" ! Ici, nous offrons bien plus que des services de co-hébergement (accueil, ménage, gestion de réservations). Nous partageons aussi nos expériences, discutons des difficultés rencontrées, et trouvons des solutions ensemble. Créer une petite communauté d'hôtes actifs à Marrakech, qui s'entraident pour offrir une meilleure hospitalité.
📍 Basés à Marrakech
📩 Contactez-nous en MP pour en savoir plus.

🏠 **إلا كنت كتفكر تشري appartement فمراكش باش تكريه… واش الحي فعلاً كيهم؟**من خلال اللي كنشوف فالسوق، مراكش ماشي كلها بح...
18/09/2026

🏠 **إلا كنت كتفكر تشري appartement فمراكش باش تكريه… واش الحي فعلاً كيهم؟**

من خلال اللي كنشوف فالسوق، مراكش ماشي كلها بحال بحال.

كاينين مناطق اللي كيبقاو ديما حاضرين فالنقاش ديال location:

📍 **Guéliz**
📍 **Hivernage**
📍 **Agdal / Prestigia**
📍 **Semlalia**
📍 **Izdihar**
📍 **Allal El Fassi**
📍 **Targa**
📍 **Route de Casablanca**

ولكن السؤال الحقيقي ماشي غير:
**“شنو هو أحسن quartier؟”**

السؤال هو:

👉 فين كاين الطلب؟
👉 شكون هو الـclient اللي غادي يكري؟
👉 واش المنطقة مناسبة أكثر للـcourte durée ولا longue durée؟
👉 واش الثمن ديال العقار كيتناسب مع الدخل اللي ممكن يجيب؟
👉 واش الحي هادئ ولكن باقي قريب من الأماكن اللي كيحتاجها الـclient؟
👉 وواش appartement فـنفس الحي يقدر ينجح بنفس الطريقة ديال appartement آخر؟

مثلاً، **Guéliz وHivernage** عندهم positioning مختلف على **Targa أو Izdihar أو Allal El Fassi**، وبالتالي حتى طريقة التفكير فـ l’investissement كتبدل.

وزيد عليها حاجة مهمة:

**ماشي غير “quartier معروف = investissement مضمون”.**
حتى الشارع، résidence، parking، qualité du bâtiment، charges وtype d'appartement كيقدرو يفرقو بزاف.

🤔 **دابا بغيت نعرف رأي الناس اللي خدامين فـ Marrakech:**

إلا كان عندك **budget باش تشري appartement واحد فقط بهدف location**…

**شنو هو quartier اللي غادي تختار؟ وعلاش؟**

كتب ليا **الحي + السبب** فـcomment 👇

خلينا نشوفو شكون عندو نفس الرأي وشكون غادي يخالفو. 😄

🏠 **من بعد واحد البوسط اللي نشرت على مشاكل Airbnb، تواصلات معايا وحدة من الـhosts باش نشوف الـlisting ديالها ونعاونها تع...
13/09/2026

🏠 **من بعد واحد البوسط اللي نشرت على مشاكل Airbnb، تواصلات معايا وحدة من الـhosts باش نشوف الـlisting ديالها ونعاونها تعرف علاش الحجوزات ماشي بالمستوى اللي كتتمنى.**

دخلنا للـannonce ديالها وبدينا نشوفوها بعين الـguest، ماشي غير بعين المالك.

🔎 ولقينا أن المشكل غالباً ماشي فالأبارتمون بوحدو، ولكن فـ**الطريقة اللي كيتقدم بها للضيف**.

من أهم الحوايج اللي خاص أي Host ينتبه ليها:

💰 **1. السعر**
واش الثمن مناسب فعلاً مقارنةً مع المنافسين فنفس المنطقة؟
ماشي دائماً الأرخص هو اللي كيربح، ولكن خاص الـguest يحس أن **القيمة اللي غادي ياخد مقابل الثمن واضحة**.

📸 **2. الصور**
الـguest كيشوف الصور قبل أي حاجة.
إلا كانت الصور عادية، مظلمة، أو الترتيب ديالها ما كيبرزْش نقاط القوة، ممكن يخرج من الإعلان قبل حتى ما يقرا الوصف.

📝 **3. الـTitle والـDescription**
“Appartement magnifique” بوحدها ما كتبيعش.
خاص العنوان والوصف يجاوبو بسرعة على سؤال:
**علاش نختار هاد الشقة وما نختارش وحدة أخرى؟**

📍 **4. الموقع**
ما يكفيش نقولو “الشقة فـمنطقة مزيانة”.
خاص نوضح للـguest شنو قريب ليه: المطار، المطاعم، shopping، business districts، الأماكن السياحية… حسب الموقع.

⭐ **5. Reviews**
حتى إلا كان عندك appartement ممتاز، قلة الـreviews ممكن تخلي guest يفضل منافس عندو عشرات أو مئات التقييمات.

📅 **6. Pricing strategy**
الثمن ما خاصوش يبقى ثابت طول الشهر.
كاين week-end، low season، high demand، last minute… وكل فترة خاصها strategy مختلفة.

📱 **7. Marketing خارج Airbnb**
ما نعتمدوش غير على Airbnb.
Reels، TikTok، Instagram وFacebook يقدرو يجيبو traffic جديد للإعلان، خصوصاً إلا كان المحتوى كيجاوب على أسئلة حقيقية ديال المسافرين.

🎯 **وفي الأخير، السؤال المهم:**
إلا كنتي Guest وشفتِ جوج شقق متشابهين تقريباً فنفس المنطقة ونفس الثمن…

**شنو غادي يخليك تختاري وحدة منهم بالضبط؟**

أنا شخصياً كنشوف أن الفرق غالباً ما كيكونش فالشقة فقط، ولكن فـ**كيفاش الـHost كيسوق للقيمة ديالها**.

💬 **بالنسبة للـHosts هنا: شنو هو أكبر مشكل لقيتيه فـlisting ديالك؟**
الصور؟ الثمن؟ الموقع؟ الـreviews؟ ولا الحصول على الحجوزات أصلاً؟

شارك معانا تجربتك، يمكن المشكل اللي عندك يكون حتى هو نفس المشكل اللي عند Host آخر. 👇

🏠 **عندك Appartement على Airbnb ولكن الـBookings ماشي كيف كنت متوقع؟**مرات المشكل ماشي فـ l’appartement نفسه…ممكن يكون ف...
07/09/2026

🏠 **عندك Appartement على Airbnb ولكن الـBookings ماشي كيف كنت متوقع؟**

مرات المشكل ماشي فـ l’appartement نفسه…

ممكن يكون فـ **الموقع 📍، الصور 📸، description 📝، reviews ⭐، الثمن 💰**… أو ببساطة أن الـGuest ما لقا حتى سبب واضح يخليه يختار الإعلان ديالك من بين عشرات الإعلانات اللي حداك.

هاد التفاصيل كلها كتلعب دور كبير فقرار الـGuest قبل ما يدير **Réserver**.

👀 **ولكن السؤال هو:**
واش عارف بالضبط فين كاين المشكل فـ ton annonce؟

إلى عندك annonce و باغي غير **واحد النظرة من برّا** عليها،
صيفط ليا **lien ديال ton Airbnb فـ privé** ونشوفها معاك.

ممكن نلقاو شي حاجة بسيطة ما كنتيش واخد بالك منها. 👌

**صيفط الرابط فالخاص.**

"شنو الحاجة اللي ندمت عليها ملي بديتي Airbnb؟"سؤال للـHosts والـCo-Hôtes 👇إلا رجع بيك الوقت لأول نهار بديتي فيه Airbnb…ش...
02/09/2026

"شنو الحاجة اللي ندمت عليها ملي بديتي Airbnb؟"

سؤال للـHosts والـCo-Hôtes 👇

إلا رجع بيك الوقت لأول نهار بديتي فيه Airbnb…

شنو هي الحاجة اللي كنت باغي شي واحد يقولها ليك قبل ما تبدا؟

ماشي النصائح العامة بحال "خدم مزيان وخلي Guest happy" 😅

كنهضر على شي حاجة تعلمتيها بالطريقة الصعيبة:

Guest دار ليك مشكل؟
Review ظلمك؟
خسرتي فلوس فشي قرار؟
اكتشفتي مصاريف ما كنتيش حاسب ليها؟
وقع ليك مشكل فالـcheck-in؟
مشكل مع cleaner؟
اكتشفتي أن الربح ماشي كيفما كنتي متوقع؟
ولا بالعكس، لقيتي شي technique خلات الخدمة أسهل؟

كل واحد يحكي لينا موقف واحد فقط 👇

يمكن تجربة ديالك توفر على واحد آخر نفس الغلطة.

🚨 **واش Airbnb فعلاً كتحمي الـHost ملي كيدخل المشكل فمرحلة خطيرة؟**شوفو هاد القصة اللي قريتها، وبصراحة بغيت نعرف **شنو ك...
30/08/2026

🚨 **واش Airbnb فعلاً كتحمي الـHost ملي كيدخل المشكل فمرحلة خطيرة؟**

شوفو هاد القصة اللي قريتها، وبصراحة بغيت نعرف **شنو كنتو غادي تديرو فبلاصتو؟**

Host عندو دار Airbnb، وفواحد من أهم أسابيع الموسم جاو عندو 6 ديال الضياف لمدة 5 ليالي.

من بعد الـcheck-in، شاف 3 ديال الكلاب فالكاميرات الخارجية، مع العلم أن الـlisting كاتقول بوضوح: **No Pets**.

قالو ليه: *“راهوم service animals.”*
ولكن المشكل أن من بعد دقائق، الضياف **غطّاو الكاميرات الخارجية بورق الألمنيوم** 😳

الـHost تاصل بـAirbnb، وبعث ليهم الفيديوهات، وAirbnb قررات **تنهي الإقامة** وتبلغ الضياف أنهم خاصهم يخرجو.

ولكن المفاجأة؟
❌ الضياف رفضو يخرجو.
❌ حتى الـMarshal جا للمكان وقال ليهم خاصكم تخليو الدار.
❌ ومن بعد ما مشى، عاودو غطاّو الكاميرات.

فالآخر خرجو بعد تدخل ثاني، ومن بعد لقا الـHost أضرار بسيطة فالدار.

وزيد عليها، الضيف دار **1-star review**، ولكن Airbnb حيداتو بسبب التوثيق اللي كان عند الـHost.

وهنا جات الصدمة الكبيرة:

بعد جوج سيمانات، Airbnb تاصل بالـHost وقالو ليه بأن الضياف **غادي ياخدو refund بقيمة 4,000$** 😳

والأغرب من هادشي، قالو ليه تقريباً أن الـHost خاصو يحاول يحل المشاكل مباشرة مع الضيف قبل ما يدخل الـlaw enforcement.

مع العلم أن الـHost كيقول:
**“منين Airbnb أنهات الإقامة، ما بقاوش ضياف… وولاو trespassing.”**

🔥 وهنا السؤال اللي بغيت نطرح على الـHosts:

**واش فهاد الحالة Airbnb كانت على حق ملي رجعات ليهم 4,000$؟**

ولا

**الـHost كان خاصو يدير شي حاجة أخرى قبل ما يتاصل بالـMarshal؟**

وشنو رأيكم فالجملة ديال Airbnb:
**“خاص الـHost يحاول يحل المشكل مباشرة مع الضيف قبل تدخل السلطات”؟**

💬 عطونا الرأي ديالكم، خصوصاً الناس اللي عندهم تجارب مع Airbnb أو مشاكل مشابهة.
**واش الـHost عندو حماية حقيقية من المنصة، ولا فالأخير كيبقى بوحدو فالمواجهة؟**

22/08/2026

🏠 واش كتسناو الـGuest حتى يوصل باش تصيفطو ليه تعليمات الـCheck-in؟

قريت واحد التجربة ديال Guest كيقول بلي هو ديما كيتوصل بـ Check-in Instructions قبل 48 ساعة ومعاها PDF فيه House Guide.

وبصراحة، كنشوف أن هاد النقطة مهمة بزاف، خصوصاً مع الناس اللي جايين من مدينة أو دولة أخرى.

حيت مرات الـGuest كيكون فالسفر، فالطريق، ولا توّا وصل للمطار، وكيقدر يلقى صعوبة باش يتاصل بالإنترنت 📵.

ومن بعد كيبدا المشكل:

"فين كاين الباب؟"
"فين ناخد المفتاح؟"
"شنو هو الكود؟"
"كيفاش ندخل للعمارة؟"
"فين نركن؟"

وإلا كان الـHost كيسنا حتى يعيط ليه الـGuest باش يعطيه هاد المعلومات، يقدر يلقى راسو حتى هو ما قادرش يتاصل بيه فداك الوقت.

💡 النصيحة اللي كنشوفها مهمة:

ما تسناش حتى نهار الوصول.

صيفط للـGuest قبلها بـ24 حتى 48 ساعة:

📍 العنوان والموقع
🔑 طريقة الدخول
🚪 طريقة فتح الباب/الـGate
🚗 معلومات الـParking
📶 شنو يدير إلا ما كانش Internet
📞 رقم للتواصل فحالة الطوارئ
📄 ويفضل يكون عندو House Guide فيه المعلومات كاملة.

وحتى من بعد، نهار الوصول، ممكن تعاود تصيفط ليه رسالة قصيرة فيها أهم 3 أو 4 معلومات.

حيت الهدف ماشي غير نعطيوه المعلومات…

الهدف هو نضمنو أنه يقدر يدخل للشقة حتى إلا كان عندو مشكل فالإنترنت.

بغيت نعرف من الـHosts والـCo-Hôtes هنا:

شنو هي الحاجة اللي كتوقع ليكم أكثر فـCheck-in وكتخلي الـGuest يعاود يتاصل بيكم؟ 👇

واش فعلاً Airbnb كيفما كيتباع فبعض التكوينات؟ 🤔واحد الحاجة لاحظتها بزاف مؤخراً:كاينين ناس كيشوفو فيديو، ولا كيديرو Forma...
16/08/2026

واش فعلاً Airbnb كيفما كيتباع فبعض التكوينات؟ 🤔

واحد الحاجة لاحظتها بزاف مؤخراً:

كاينين ناس كيشوفو فيديو، ولا كيديرو Formation على Airbnb، وكيخرج عندهم تصور بحال:

"خد appartement → حطو فـAirbnb → دير شوية marketing → وغادي تبدا تدخل الفلوس."

ولكن الواقع ماشي ديما هكا.

كاين Guest problems، cancellations، reviews، cleaning، check-in، maintenance، مشاكل مع الجيران، التواصل، الضرائب والقوانين، ومصاريف ما كتبانش فالأول...

والمشكل بالنسبة ليا هو أن بعض الناس كيركزو غير على الجانب الإيجابي ديال المجال، وكيخليو الشخص يدخل وهو ما عارفش شنو ممكن يلقا قدامو.

أنا ماشي ضد الـFormations، بالعكس، إلا كانت كتعلّمك حاجة حقيقية فهي مفيدة.

ولكن قبل ما الواحد يخلص Formation، خاصو يسول:

شنو غادي نتعلم بالضبط؟
واش غادي نشوف حتى الجانب الصعيب؟
واش كاين أرقام ومصاريف حقيقية؟
واش غادي نفهم المخاطر قبل الأرباح؟

ودابا بغيت ندير واحد النقاش مختلف معاكم:

👇 كل واحد كان عندو فكرة على Airbnb قبل ما يدخل للمجال، ومن بعد اكتشف أن الواقع مختلف، يحكي لينا شنو كانت الفكرة وشنو لقى فالحقيقة.

الضيف طالب استرجاع المبلغ كامل حيث تسنى 15 دقيقة.جبنا عاملة نظافة جديدة، ونسات تصيفط تعليمات الدخول للشقة. ولكن قدرنا نص...
14/08/2026

الضيف طالب استرجاع المبلغ كامل حيث تسنى 15 دقيقة.

جبنا عاملة نظافة جديدة، ونسات تصيفط تعليمات الدخول للشقة. ولكن قدرنا نصيفطوها ليه فمدة ما كتفوتش 15 دقيقة.

الضيف تعصب بزاف، عيط ليا، وملي حاولت نشرح ليه، سد التليفون من بعد ما طالبني باسترجاع المبلغ كامل. قلت ليه لا فالتليفون وحتى فالمحادثة.

هو ادعى بشكل كاذب أنه تسنى 3 سوايع، ولكن كاميرا ديال موقف السيارات كتبين أنه وصل غير 15 دقيقة قبل ما يعيط ليا. يعني هادشي ما كانش صحيح، هو تسنى غير 15 دقيقة.

منين دخل للشقة، هدا شوية ملي شاف الحلوى الطايبة فالفور محضرة ليه، وحوايج آخرين كتعويض على الإزعاج.

من بعد، ملي سالات الإقامة وخرج، الضيف رجع وطالب بـ50% من المبلغ كاسترجاع. وأنا رفضت.

الضيف عطى تقييم بنجمة وحدة، وحتى جميع التفاصيل عطاهم نجمة وحدة، وقال:

"الشقة كانت مقبولة."

هاد الوحدة هي أصلاً وحدة من أكثر الوحدات المحبوبة فـAirbnb، وهاد التقييم كان سيئ بزاف بالنسبة ليها.

كيفاش نقدر نتفادى بحال هاد الموقف؟

أنا صعّدت الموضوع بالأدلة والصور، أولاً على أساس أنه تقييم انتقامي، ومن بعد على أساس أنه كان كيطالب بالفلوس مقابل إعطاء تقييم.

# # # ⚠️ غلطة صغيرة من Co-Hôte… كادت تقلب ليا ليلة كاملة!بغيت نحكي ليكم واحد الواقعة اللي وقعات ليا مع واحد السيد كنت ك...
13/08/2026

# # # ⚠️ غلطة صغيرة من Co-Hôte… كادت تقلب ليا ليلة كاملة!

بغيت نحكي ليكم واحد الواقعة اللي وقعات ليا مع واحد السيد كنت كنعاونُه فـAirbnb.

الشقة كانت عندها شرط واضح: **ممنوع استقبال الأزواج إلا بوثيقة الزواج.**

نهار جا واحد الشخص وبغا يحجز الشقة لمدة جوج أيام.

هضرت معاه وقلت ليه:

— *واش عندك عقد الزواج؟*
قال ليا: **آه عندي.**

قلت ليه:
— *صيفط ليا صورة ديالو باش نتأكد.*

جاوبني:
— *دابا ما عنديش فالتليفون، ولكن ملي نوصل للدار نصيفطو ليك.*

وهنا… **درت أول غلطة.**

قلت ليه:
— *واخا، ماشي مشكل.*

داز الوقت، وكل مرة كنعاود نسول:

— *صيفط ليا الوثيقة؟*
— *غدا نصيفطها ليك.*
— *إن شاء الله، غير نوصل.*

حتى وصل نهار الـcheck-in…

الساعة قربات لـ22:00، وأنا كنت متافق معاه يرسل ليا الوثيقة قبل ما يدخل.

عيطت ليه:

— *واش قريب توصل؟*
— *لا، غادي نتعطل شوية.*

قلت ليه:
— *صافي، غير صيفط ليا عقد الزواج باش نتأكد.*

وبدا كيقول ليا:
— *غادي نصيفطو ليك، ما تخافش.*

المشكل؟

**أنا حتى أنا نسيت نبلغ الـSyndic بوضوح أنه ما يدخل حتى نتأكد من الوثيقة.**

وفجأة…

كيعيط ليا وكيقول:

**«راه وصلنا!»**

ومن بعد كيعطيني الخبر اللي ما كنتش باغي نسمعو:

**«الناس دخلو للشقة.»**

😳

هنا فهمت أنني ما بقيتش قدام مجرد حجز عادي.

كنصوني ليه فتيليفون والو مبغاش يجوب صافي تما هزيت موطوري من محاميد تال جنان اوراد وصلت كنصوني والو مبغاش يجوب وانا مبغيتش ندق فالباب ناس ناعسين 4 ديال صباح صافي بديت كندق بشوية او هو يحل الباب مع حل الباب دفعت الباب او دخلت قلت ليه دب غدي تخرج او لا نجيب ليك لبوليس

بدا كيطلب فيا نخليه يبات غير ديك ليلة انا لا صافي.

والو بقيت معاه حتى خرجتو.

القرار كان صعب، ولكن واضح: القاعدة كانت معروفة من البداية، والوثيقة ما توفراتش. اعتذرت له بكل احترام: "ما نقدرش نتحمل مسؤولية وضعية ما تأكدتش منها."

**الدرس اللي خرجت بيه:**
الثقة فالزبون حاجة مزيانة، ولكن ماشي بديل عن التحقق. كـCo-Hôte، دورك ماشي غير تستقبل الحجوزات، ولكن تضمن أن كل الشروط متوفرة ومؤكدة قبل ما تعطي الضوء الأخضر للـcheck-in.

فـAirbnb، تفصيل صغير مهمل فالبداية يقدر يتحول فالعشرة ليلاً لأزمة كبيرة تخليك تسافر باش تحلها.

والخلاصة الأهم: الغلط ماشي أنك تثق فالناس، الغلط هو أنك تبني قرار مهم على معلومة ما تحققتيش منها.

واش سبق ليك عشتي شي تجربة مشابهة مع guest؟ شاركونا التجربة ديالكم فالكومنتيرات 👇

Address

Marrakech
Marrakesh
40000

Website

Alerts

Be the first to know and let us send you an email when Co-hôtes Airbnb posts news and promotions. Your email address will not be used for any other purpose, and you can unsubscribe at any time.

Shortcuts

Share

Category