Marocco e non solo

31/07/2026

فهم تتسطى!!!!!

31/07/2026

*"الموجة ديال سبتة: نسخة حصرية + ضريبة الأمل"*

*مرحبا بكم فـ "المغرب العجيب"*
عندنا كلشي اللي بغاه السائح:
البحر زوين، الشمس فابور، الماكلة كتسلخ اللسان، الفنادق 5 نجوم، ملعب ديال كاس العالم، و طوموبيلات فابور اللي ثمنها كيشري عمارة فـ دولة أخرى.
السياح كيتصورو و كيقولو "الله يحفظ".

*ولكن حنا ولاد الدار؟*
حنا عندنا العرض الخاص:
*"دولة إفريقية... بفاتورة أوروبية"*
الكرا ديال أوروبا + الضو ديال أوروبا + الماكلة ديال أوروبا
والـ "السميك" ديال 180€ فالشهر. إلا لقيتيه، وبالزربة.

180€ ماشي باش تعيش.
180€ باش "تسلك راسك وما تموتش بالجوع".
باغي لحم؟ هادي رفاهية.
باغي دوا؟ سلف.
باغي مستقبل؟ عوم.

*الحكومة فين؟*
ناعسة.
ما كاين حتى بلاغ، حتى توضيح، حتى "سمحو لينا".
كاين غير "الأمن مستتب".
آه مستتب بزاف... مستتبين الشباب فـ قوارب الموت.

*نقطة استفهام كبيرة:*
فالموجة هادي ديال سبتة، فين هما الأفارقة جنوب الصحراء؟
ما بان حتى واحد.
علاش؟ حيت حتى هما داروا دراسة السوق.
سمعو بالـ 180€ وقالو "شكرا، نرجعو للغابة حسن. على الأقل تماك الموز فابور".

وصلنا لمرحلة الهجرة السرية ولات فيها "VIP للمغاربة فقط".

*الخلاصة ديال المحلل الاقتصادي:*
السياح: كيقلبو على البحر باش يرتاحو.
الحكومة: كتقلب على زر "Mute".
الشباب: كيقلب على قارب... حيت القطار غالي، والطيارة مستحيل، والبلاد "غالية".

باغيين ملاعب؟ كاينين.
باغيين تذاكر؟ 2000 درهم.
باغيين مستقبل؟ الكابتان كينتاظركم فالشاطئ.

07/07/2026

---

*مباراة القرن: أسود الأطلس VS أسود "البيروقراطية" بتورينو* 🇲🇦

فالوقت اللي المنتخب الوطني ديالنا داير خدمتو ومفرح 40 مليون وواصل للنهائي ديال كاس العالم، كاين فريق وطني آخر كيلعب ولكن فـ "دوري المماطلة الممتازة"...
*القنصلية المغربية بتورينو*

*مقارنة سريعة بين الفريقين:*

*المنتخب الوطني*
الخطة: هجومية 4-3-3
الأداء: سرعة، قتالية، انضباط
النتيجة: فرحة وتاريخ

*القنصلية بتورينو*
الخطة: دفاعية 0-10-0
الأداء: "السيت مبلوكي" + "السيستيم طايح" + "عاود رجع شهر الجاي"
النتيجة: طابور وأعصاب

*أبرز اللقطات:*
1. *حجز الموعد* = ضربة البداية
المنتخب كيمركي فـ 10 ثواني.
القنصلية: الموعد القادم شهر 12... ولكن ديال 2027.

2. *تقديم الوثائق* = الهجوم
المنتخب: باصات دقيقة بحال أمرابط.
القنصلية: "جيب الورقة... لا القديمة لا، الجديدة... لا خاصها ترجمة... لا السيد مشا عطلة". الكرة كدور 3 شهور.

3. *الرد على التيليفون* = الدفاع
المنتخب: دفاع سايس وأكرد من حديد.
القنصلية: "الرقم غير متاح". إلا جاوب: "سير للموقع".

*الخلاصة:*
احنا فخورين بالأسود اللي فالملعب حيت عارفين قيمة الوقت وقيمة الجمهور.
أما "أسود الإدارة" فتورينو، راه الوقت ديالهم واقف فالـ VAR من 2018.

*الرسالة للقنصل العام المحترم:*
سيدي، حنا ما طالبينش كاس العالم. طالبين غير موعد فالوقت، واحترام، وخدمة فالمستوى.
تعلمو من وليد الركراكي: الروح والعائلة. حنا راه العائلة ديالكم هنا.

إلا قدر المنتخب يربح الكبار، علاش ما نقدروش نربحو "قلة المواعيد"؟

_توقيع: مواطن مغربي مقيم بتورينو، باقي كيتسنى الموعد ديال ورقة إدارية من دور المجموعات_ 😅

#المغرب #تورينو

-❌⭕--ابارطاجيييو اباااارطاجييييو بصوت مهم نعيمة🤣🤣

باسطا

16/02/2026

⛔️ صورتان في اليوم نفسه…وكأن الزمن قرر أن يعقد مقارنة مباشرة دون تعليق
- الأولى من المغرب: توقيع مشروع استثماري ضخم بمئات الملايين من الدولارات مع مجموعة Safran، عملاق الصناعات الجوية العالمي، لإقامة مصنع كبير في الدار البيضاء لإنتاج أنظمة هبوط الطائرات….احتفال بلغة الأرقام، فرص الشغل، نقل التكنولوجيا، والتخطيط لسماء أعلى ومستقبل أبعد.
- الثانية من الجزائر: إقامة مباراة كرة قدم تجمع منتخب الجزائر مع عناصر من جبهة البوليساريو الانفصالية..احتفال بأجواء بروباغندا، شعارات جوفاء، ورسائل لا علاقة لها بالاستثمار أو التنمية.
بين صورة تُوقَّع فيها عقود لبناء مصانع تصمم أجزاء الطائرات، و أخرى تُلتقط فيها أهداف خبيثة على أرضية ملعب…يظهر الفرق واضحًا :
- هناك من يستثمر في هندسة الهبوط الآمن للطائرات،
- وهناك من يستثمر في رفع الأعلام والشعارات و التآمر على الآخرين.
- هناك من يخطط لخلق فرص عمل وتوطين صناعات دقيقة في بلاده،
- وهناك من يخطط لجعل التصفيق أعلى من صافرة الحكم .
- هناك من يصنع معدات تُركّب في طائرات تعبر القارات،
- وهناك من يصنع مشاهد تركب في نشرة الثامنة مساءً
منقول

17/01/2026

16/01/2026

⭕👇اسمع مزيان الناس❤️🇲🇦🦁

04/01/2026

لقطة جميلة ❤️🎉

04/01/2026

🏁 نهايــــة المبـــاراة
☑️ الــــمغـــرب 🇲🇦 يتــــأهل لربع النهائي 🏆 بفوزه على تنزانيا بهدف مقابل لا شـــــيء 👏🏻