Mazoga

02/12/2019

السلام عليكم،
بلا شك إلى هبطتي فالحاءط ديال المجموعة غادي تشوف بزاف ديال الصور والمنشورات علا الحادت ديال تازة لفصارحة مفجعة وكانو فيها خسارة ديال بزاف ديال الأرواح والحصيلة مهددة بالارتفاع وبالمناسبة فريق المجموعة كيتقدم لاسر ضحايا الحادث باحر التعازي وإن لله وإن إليه راجعون .
كدالك كنستغلو الفرصة باش نحسسو سائقي المجموعة صحاب السيارات لكيديو ومعاهوم ناس من الgروب رآه ديك ناس أمانة فعاتقكم ،خودو جميع الاحتياطات قبل وأثناء السفر ومنهم وخاصتا
-النوم الكافي وعدم اخد مواد لتقدر تأتر على دهن الساءق
-مراقبة حالة السيارة الميكانيكية خاصتا لكتعلق بالأمان كحالة العجلات + الفرامل ....
واخيرا كنتمناو سفر مريح وأمن للجميع .
Eqp Mazoga.

26/12/2018

للاستفادة

إلى كنتي كتكري طونوبيلات 🚗🚗🚘🚘 قرا باش نستافد 👇👇

بالنسبة لناس كي كيكريو الطنوبيل وكيحطو شيك ضمانة
للتذكير : داك الشيك ضمانة ماشي قانوني و لي شدو ارتكب جريمة ، لكن كيفاش تحمي راسك .

-اولا ضروري تسول مول الوكالة اينا نوع من التأمين دايرة واش "tous risques" ولا العادي ، لا ماكانش "tous risques" ماتكريش من عندو هرب بحالك راك غتصيد وتندم حياتك كاملة.

-تانيا بعد على الطموبيل الغالية ولا لي عاطية للعين أو جديدة لانها ماشي في صالحك....كيفاش ... حيت فاش غدير كسيدة غتقام غالية فالإصلاح يعني نتا غتخلص كثر .اختر وحدة على قد الحال امارش باش تا للا طرات شي حاجة المصاريف غتكون اقل و غتخلص اقل .

-تالثا هداك الشيك لي غتعطي ضروري دير فيه التاريخ وخا يقولك لا.... ديرو صحة ولا ماتكريش من عندو وهاد التاريخ غيلعب دور كبير باش تخليه هو يقلبك عليك و يقلب يفاريها معاك بالتي هي احسن فالوقت لي هو لي كان غادي يبتزك . ( غنشرح كيفاش)

فاش كدير كسيدة مول الكرا راه داير تأمين على الطموبيل إدن غتعوضو الشركة. لكن لا يعني انك ماغتخلص والو ،لان التأمين ماغيعوضوش 💯 ، نتا غتخلص واحد الفرق لي هو 10% او 5% لي باقي كتسما "Franchise "،باش مول الوكالة يرجع لو رزقو كامل لي خسر عليها باش تصايبت مايمكنش يتعوض ب90% مثلا و 10% يخلصها من جيبو لانه كراها ليك و نتا لي درتي كسيدة .

دابا مالين وكالات اش كيديرو ، و اغلبيتهم نصابة ولقاو الشعب مكلخ يجهل القانون و كينصب عليك ، متلا الخسائر كاملة 4 ديال المليون ، كتعوضو شركة التأمين ب 3 ديال المليون (سقف التعويض ) و كيقولك تانتا خلص ليا 3 ديال المليون تعويض...وهكا كيصدق ضارب 6 ديال المليون و الخسائر اصلا كلها قيمتها غير 4 ديال المليون... صدق صاوب طموبيلتو كيما كانت و ربح 2 دالمليون من الفوق (نصب).

مامبغيتيش كيكتب فالشيك لي عندو خاوي 3 ديال المليون و كيدير فيه التاريخ و نتا ديجا سانيه و كيدفعو للبنكة كان عندك الرصيد كيتقطع ليك ماكانش كتقيد عليك اصدار شيك بدون رصيد و تمشي للمحكمة و كتحكم عليك بالحبس زائد غرامة وخا دبر على الفلوس وتخلص مول الشيك باش تعتق راسك زعما، لكن غدوز الحبس و تخلص الغرامة، لانك درتي جريمة تابتة فحقك وهي اصدار شيك بدون رصيد عاد خلص خونا ولا كاع ماتخصلو لان ماكيبقاش عندك موشكيل معاه، كيولي مع المخزن .

كيفاش قالب التاريخ فالشيك...

التاريخ فالشيك لا درتيه نهار عطيته ليه ،و بقا يستفزك بيه لان غالبا ماكيدفعوش حيت لا دفعو نتا غدوز الحبس و تخلص غرامة للمحكمة و هو يكب لما على كرشو ....

لنفرض الشيك درتيه فيه التاريخ ، غتبقا تراوغ معاه باش يدوز الوقت ...وغير يكمل شهر غتمشي دير بيه دعوة قضائية انه ارغمك و خدا من عندم شيك ضمانة....الشيك الفلاني نهار الفلاني بهاد التاريخ و ها النمرة ديالو...وغتحرك المسطرة القانونية و غيمشي عندو المخزن و غيلقا عندو الشيك فيه التاريخ يعود لشهر و غيقولو لو هاد الشيك عندك شهر دابا علاش ماصرفتيهش ماعندو مايقول لان الشيك يفوت شهر وهو عندك بلا ماتصرفو كتسما خديتيه ضمانة ، ادن تهمة اخد الشيك كضمانة تاتبثة و غيمشي للحبس و يخلص غرامة كبيرة و هانتا فرعتيه.

من جهة اخرى ديما خصك تعرف شركة التأمين واش عوضت خونا ولا لا و شحال عوضاتو باش نتا تخلص غا الفرق لي غيكون قليل لي هو 10 % من الخسائر،وكاين شي خسائر نتا ماخصك تخلص تاريال هو اصلا علاش داير التأمين ،وفي حالات مثلا كنتي سكران او حرگتي ضو الحمر و درتي كسيدة راه نتا عندك فيها المسؤولية ادن خصك تخلص 10 %.

الخسائر كيقيمها خبير ماشي ميكانيسان عندو كراج هو لي كيديك عندو حيت عشيرو ،بان ليك داكشي مبالغ فيه قلو نجيبو خبير .ماتخليهيش يلعب عليك العشرة و كون زيزوار معاه فيما بغا سير معاه.درت كسيدة مرحبا شحال ديال الخسائر ،شحال عوضاتك شركة التأمين ،شحال جا فحقي نعطيك و نبينا عليه السلام...

بغا ييبان عليك نزق و يقولك خلصني فكلشي. دير داكشي لي قلت ليك الفوق ، يبقا يقولك ها لعار اعطيني غا لي بغيتي.

لا قريتي هادشي راه عمرك تقولب وعمر ينصب عليك شي قرد ،

29/09/2018

نصائح أساسية للشباب للحفاظ على نظافة السيارة

من أجل السلامة، وتقليل الإجهاد والتوتر، وتحقيق الراحة، من المهم أن تصبح سيارتك مكانًا نظيفًا ومريحًا خلال الوقت الذي تقضيه فيها. فنحن نقضي أوقات طويلة من حياتنا في ....

23/08/2018

Aniss Bennani
ه هوا واحد العضو نشيط تقريبا هادي عامين وهوا كايدير عروض بشكل منتضم كل نهاية اسبوع وبدون انقطاع . حسب تقديرات ديالو غادي يكون دار اكتر من 200 كوفواتراج دهابا و ايابا ونقل معاه اكتر من 700 مسافر
كنشكروه وكانشكرو جميع الاعضاء على المجهودات لدارو باش يساهمو فنشر هاد الثقافة الجديدة لي الحمدلله ليوم بزاف ديال المغاربة بداو كيعتبروها وسيلة نقل ممكن يعتامدو عليها اتناء السفر ديالهوم.

22/08/2018

Est ce que c' est valable aussi au Maroc hh?

10/06/2018

راجت هاد نهار بعض الصور لكتأكد ان الناس وخصوصا المهنيين ستاجبو لنداء عدم تحريك السيارة ليوم الاحد اوحتا اناواحد منهم شكرا لروح التضامن وموعدنا في المحطات القادمة .

09/06/2018

تذكير

09/06/2018

Bien dit

08/06/2018

يبدو أن شركة “طوطال” الفرنسية، استساغت حملة المقاطعة التي يقودها مغاربة ضد ثلاث شركات مغربية ضمنها شركة للمحروقات، بعدما سجلت أرباحا مالية مهمة. الشركة الفرنسية، ...

08/06/2018

تذكير.
قرر الشعب المغربي ان يقاطع كل اصناف وانواع الوقود يوم الاحد القادم 10 يونيو و سيكون يوم بدون سيارات.... وستتم مقاطعة كافة شركات توزيع المحروقات لمدة 24 ساعة قابلة للتمديد كخطوة اولى و كإندار اولي .... و ذلك بعد المساس بكرامة المواطنين عبر الزيادة المقصودة في المحروقات ... !!!!
إذن في هذه الحالة وجب على كافة شرائح ومكونات الشعب المغربي المشاركة المكثفة في هذه المقاطعة وايضا عدم استعمال السيارات الا في الحالات الضرورية والمستعجلة وذلك لمحاولة ردع وإيقاف الحكومة و العصابة و اللوبي الفاسد المتحكم في اسعار المحروقات ..
لا يعقل شعب بطول وعرض تتحكم فيه عصابة ...،
بارطاجي يامقاطع ...والحاضر يعلم الغايب ....!!!
مقاطعون كل الوقود وعلى العهد باقون ...!!!
#مقاطعون