На самиот влез во градот Берово се наоѓа куќата АМИКА којашто како вистинска пријателка ќе ви овозможи мирен и релаксиран престој, а притоа со својата блискост до центарот на градот ќе ви овозможи да ѕирнете во ноќниот живот и наредното утро да ја почувствувате беровската кафе-шема.
Куќата АМИКА е пространа и овозможува престој за 12 лица. Располага со 4 трокреветни соби секоја со посебна бања, ТВ
и интернет. На располагање се 2 комплетно опремени кујни со трпезарија и заедничка просторија за дневен престој со кабелска телевизија, музички систем и интернет. Зелената површина во пространиот двор долж целата куќа само уште повеќе го прави релаксиран вашиот престој. Во комбинација со звуците на природата и чистиот воздух оваа средина ве прави исполнети, релаксирани и одморени.
Во зима кога се наоколу е бело, градот Берово нуди можност за прекрасни зимски прошетки и лизгање со санки за помладите. А, во летото кога топлиот асфалт испарува во главниот град, во Берово можете да уживате во чистиот и свеж воздух. Токму така, во дворот на нашата “пријателка” има поставен подвижен базен за разладување во топлите денови кој што во комбинација со чистиот воздух ве прави исполнети, смирени и ви ја дава потребната енергија.
А доколку сакате да пробате здрави и органски мармaлади, сокови, слатка и компоти претежно од шумски плодови, тогаш можете во внатрешноста на куќата да најдете и Мени и контакт од добро проверен производител на овие производи и вистински да го почувствувате вкусот на природата.
Ве очекуваме.
Вашата пријателка Амика.
Идеално место за одмор и дружење со вашите пријатели.
