10/11/2026
БУКУРЕШТ И ТРАНСИЛВАНИЈА
Термин: 04-07.12.2026
Божиќниот пазар во Букурешт е само една од причините зошто вреди да се посети главниот град на Романија во зима. Букурешт за време на Божиќ е неверојатен, вистинска бајка. Малите дрвени куќички во кои се продава храна сувенири и греено вино поставени низ целиот град, како и празничните песни што можете да ги слушнете насекаде и светлата што го украсуваат градот го прават Букурешт спектакуларен. Времето во Декември е исто така прилично добро, температурата не е толку екстремна како што може да ги достигне во другите европски градови.
ЦЕНА НА АРАНЖМАНОТ: 189 €
ПРОМО ЦЕНА НА АРАНЖМАНОТ: 149 €
ЦЕНАТА НА АРАНЖМАНОТ ВКЛУЧУВА:
- Автобуски превоз
- 2 Ноќевања со појадок во хотел 3*
- Разглед на градот Букурешт со водич
- Туристички придружник за време на целиот престој
ЦЕНАТА НА АРАНЖМАНОТ НЕ ВКЛУЧУВА:
- Факултативен излет „Трансилванија“ : Посета на замокот Пелеш со вклучена влезница и посета на местото Бран со истоимениот Замок на Дракула( Влезницата за замокот не е вклучена. Цената за возрасни 100леи/19€ за студенти 50/9€) и посета на градот Брашов (со превоз и пратител) – возрасни 65€ - студенти 55€
- Факултативна посета на Термалните бањи во Букурешт (45 евра превоз и влезница за бањите со користење на сите простории за 3 часа.)
- Вечерна посета на стариот дел од градот- 5€
*Секој патник при уплата ЗАДОЛЖИТЕЛНО се изјаснува за посетата. Во случај да се изјасни дополнително а нема слободни влезници, агенцијата не превзема одговорност
- Доплата за еднокреветна соба 60 евра за двете вечери.
- Патничко осигурување.
- Туристичка такса 5€ по лице се плаќа во автобус.
ПРВ ДЕН - 04.12.2026 (ПЕТОК) БИТОЛА - БУКУРЕШТ
Состанок на групата на Спортска Сала во Битола во 16:45 часот. Поаѓање кон Романија во 17:00 часот. Ноќно возење преку Бугарија до Романија.
ВТОР ДЕН - 05.12.2026 (САБОТА) БУКУРЕШТ
Очекувано пристигнување во утринските часови во Букурешт по што веднаш се започнува со разглед на градот:Парламентот, Плоштадот на Револуцијата, Calea Victoriei, Куртија Веке. Сместување во хотел. Слободно време за одмор. Вечерна организација: Организирана факултативна посета на Божиќен Маркет, со организиран превоз и придружник. Враќање во хотел. Ноќевање.
ТРЕТ ДЕН - 06.12.2026 (НЕДЕЛА) ПЕЛЕШ - БРАН - БРАШОВ
Појадок. По појадокот се упатуваме на факултативен излет кон Трансилванија. Посета на преубавиот замок Пелеш, замокот Бран и магичното гратче Брашов.
Пелеш
Во прекрасниот планински пејзаж на Карпатите е сместена една од најдобро зачуваните Кралски палати, на постоечка средновковна патека помеѓу Трансилваниа и Влашка, изградена во Нео-ренесансен стил- грандиозната палата на замокот Пелеш. Изградена да служи како летна резиденција на првиот Романски крал, е комбинација од различни класични Европски стилови, воглавно ја следи италијанската елеганција, германската естетика и ренесансните линии. На 3,200 квадратни метри површина се простираат 30 купатила и 170 соби уредени и категоризирани по стил или по одредена светска култура, а во нив, галерии, библиотеки,канцеларии. Самиот дворец поседува една од најубавите колекции на уметност во Источна и Централна Европа составена од статуи, слики, оружје, мебел, сликано швајцарско стакло,таписерии, кинески порцелан... Преку 6,000 парчиња кои ви го одземаат здивот.
БРАН “домот на Дракула”Бајковитиот замок Бран, според легендарниот роман на Брам Стокер – домот на Дракула. Историски замокот прв пат е користен за одбрана против Отоманската империја, а подоцна станал место за царина на планинскиот премин помеѓу Трансилванија и Валахиа(Влашка). Владетелот и воин Влад Цепеш, никогаш не живеел во овој замок, но се верува дека во времето на контрола од Отоманската империја, поминал два дена затворен во занданите на замокот. Од 1920год. замокот станува Кралска резиденција и дом на Кралицата Мари, чија ќерка го наследила за подоцна да биде превземен од комунистичкиот режим. По новите воведени закони во 2006, Романската Влада одлучила да му додели сопствеништво на замокот на Тосканскиот принц и војвода од Австрија – Доминик Вон Хапсбург, кој по дилемата да го продаде, се одлучил да го создаде денешниот музеј – посветен на темната легенда за Дракула, митовите, интригите историјата и магијата на ова место.
Брашов
Лоциран во централна Романија. Брашов уште се нарекува и "Градот на Саксонците" и е еден од нејзините најголеми градови опколен со јужните Карпати.Стариот град како дел од Брашов е еден од најдобро зачуваните во цела Европа и несомнено вреден да се истражи. Фантастичната архитектура ја пренесува историјата и влијанијата од Германија, Австрија, Унгарската империја и старата комунистичка држава. Основан е од тетонските витези и развиен од Саксонците, познати ракотворци, кои ги издигнале тврдините на градот, неодамна обновени од Унеско. Градот има најмалку два влеза/ порти кои сеуште постојат. Центарот е најзабележлив по маркантната поранешна административна зграда, Casa Sfatului, плоштадот кој ја опколува како и една од најстарите куќи, Хиршер Хаус, сопствеништво на богат трговец. Во близина ќе ја посетиме и Црната Црква, за која некои тврдат дека е најголемата црква изградена во готско-ренесансен стил во Југо-Источна Европа. На нејзино место постоела друга црква уништена од Монголската инвазија во 1242 год. Враќање во хотелот во Букурешт. Ноќевање.
ПОСЛЕДЕН ДЕН - 07.12.2026 (ПОНЕДЕЛНИК) ТЕРМАЛНИ БАЊИ - БИТОЛА
Појадок. Напуштање на хотелот. Околу 10:00 часот факултативно заминување кон Термалните Бањи кој се наоѓаат во Северниот дел на Букурешт на само 30 км од ценарот на градот. Дозволете си едно поинакво утро и 3 часовно целосно опуштање во Термалните Бањи. Располага со 9 базени со термални води, 6 сауни, 4 парни бањи и 16 лизгалици на вода.Во склоп на самата бања има прекрасна ботаничка градина со преку 800.000 илјади растенија, вклучувајќи ги и 1,500 палми, многубројни орхидеи и многу други уникатни видови на растенија. Идеално место за да избегнете од секојдневниот градски живот. За сите останати што нема да ги посетат Термалните бањи имаат слободно време во трговскиот центар. Поаѓање за Македонија во договорено време со водичот. Очекувано пристигнување во Битола во раните утрински часови на 08.12.2026 (вторник).
ПОПУСТИ И ДОПЛАТИ:
- Деца до 2.99г. во придружба на две возрасни, плаќаат само за превоз 50 евра (не користат легло)
- Деца од 3 до 11,99г. -плаќаат полна сума ( добиваат попуст само на факултативите)
НАПОМЕНА:
- За реализација на аранжманот потребен е минимум од 40 патници.
- Резервација се прави со авансна уплата од 30% од цената на аранжманот и копија од пасош, комплетна доплата 7 дена пред поаѓање.
- Цените се дадени во евра, уплата се врши исклучиво во денарска противвредност по курс 1€ = 62мкд
- Важност на патните документи мин. 3 месеци по завршувањето на патувањетo.
- Агенцијата го задржува правото за отказ на аранжманот најмногу 5 дена пред тргнување.
- Во случај на отказ на еден од патниците, за сместување нема поврат на средства.
- Агенцијата го задржува правото по пат на ultra first или last minute понуда да ги објави и продаде слободните капацитети по цени кои се разликуваат од оние кои се веќе објавени во ценовникот. Лицата кои го уплатиле аранжманот по ценовник немаат право на надомест на средства за разликата во цена.
- Агенцијата го задржува правото на промена на хотел/апартман во случај на технички причини или Overbooking, организаторот ќе го смести патникот според можностите во даден момент во објект од иста категорија или од повисока категорија без надомест
- Реализацијата на излетите е во зависност од временските услови, организаторот го задржува правото во случај на неповолни временски услови да ги откаже излетите или да направи промена во редоследот на факултативните излети.
047236628
075342757
www.karadzatours.com
