06/05/2026
⚠️ ПРЕДУПРЕДУВАЊЕ ЗА СИТЕ КОРИСНИЦИ НА BOOKING.COM
НАТА ги известува сите патници и корисници за зголемен ризик од измами по пријавен безбедносен инцидент на платформата Booking.com.
Според информациите од Службата за високотехнолошки криминал при Министерството за внатрешни работи на Србија, неовластени лица успеале да пристапат до одредени податоци, како што се имиња, контакти и детали од резервации. Овие информации сега се користат за таргетирани фишинг напади.
Booking.com потврди дека можеби се компромитирани кориснички податоци, вклучувајќи име и презиме, е-маил адреси, телефонски броеви и информации за резервации. Сепак, податоците за платежни картички не се директно засегнати.
⚠️ Се предупредува дека измамниците користат реални информации од резервации за да изгледаат убедливо и потоа бараат итни дополнителни плаќања или „верификација“ на картички.
👉 На патниците им се препорачува зголемена внимателност при добивање пораки кои изгледаат како официјална комуникација од сместување или платформа, особено ако се бара итно плаќање или внесување на податоци од картичка.
❗ Во случај на сомнеж за злоупотреба:
-веднаш контактирајте ја вашата банка
- блокирајте ја картичката
- пријавете го случајот до надлежните институции
Бидете внимателни и проверувајте ја секоја комуникација пред да реагирате.
Затоа патувајте со проверени агенции.
