SAFAA Travel

13/01/2026

11/01/2026

Umrexhinjtë tanë në Stamboll tashmë janë nisur drejt Shkupit. Allahu ua pranoftë umren dhe ua bëftë të lehtë kthimin.

11/01/2026

Bismilah rrugës për në vendlindje…
E pranuar për të gjithë umrëxhinjët.🤲

10/01/2026

Vizita e vendeve më të dalluara në Medinën e Muhamedit a.s. e bën edhe më të thellë kuptimin e madhështisë dhe rëndësisë së këtij qyteti të bekuar. Sot, umrexhinjtë patën rastin të vizitojnë disa nga vendet më të veçanta që e zbukurojnë Medinën, duke filluar nga Mesxhidi Kuba, përmes çarshisë së bukur të Medinës, e më pas Xhaminë Kibletejn.

Më tej u vizitua Hendeku, vendi i betejës së njohur historike, i cili ngjall ndjenja të forta dhe reflektim të thellë, si dhe Kodra e Uhudit, ku gjendet trupi i Hazreti Hamzës r.a. dhe dëshmorëve të Uhudit. U vizitua gjithashtu edhe një nga kopshtet e bukura të Medinës, duke e bërë këtë përvojë edhe më të ndjeshme dhe më domethënëse.

E gjithë kjo vizitë u pasurua me informata dhe këshilla të vlefshme nga hoxhallarët e nderuar Hoxhë Hasan Baftijari dhe Xhabir Emini, të cilët e bënë këtë udhëtim edhe më të gjallë shpirtërisht.

Kështu, dalëngadalë po përmbyllet ky udhëtim i mbushur me emocione, njohuri dhe dashuri të thellë ndaj Muhamedit a.s.

Nesër, umrexhinjtë do të kthehen në shtëpitë e tyre për të ndarë me familjet gëzimin e këtij udhëtimi të veçantë në jetën e tyre.

U dëshirojmë umre të pranuar – Allahu ua pranoftë! 🤲

08/01/2026

Me umrexhinjtë, sot pasdite, u realizua edhe vizita e Bedrit, para mbërritjes sonë në Medinën e Ndritshme. Me këtë rast vizituam Xhaminë Arish në Bedër, vendin ku ishte pozicionuar i Dërguari i Allahut, Muhamedi ﷺ, gjatë Betejës së Bedrit.

Në këtë vend me rëndësi të madhe historike, umrexhinjtë patën rastin të përfitojnë njohuri, informata dhe këshilla të vlefshme, të cilat u përcollën nga hoxhë Hasan Baftijari dhe hoxhë Fevzi Musliu.

Në fushën e Bedrit dërguam selame te varrezat e shehidëve të Bedrit, duke përkujtuar sakrificën dhe devotshmërinë e tyre. Po ashtu vizituam edhe kodrën ku, me lejen e Allahut, zbritën melaiket për të ndihmuar besimtarët në këtë betejë madhështore.

Beteja e Bedrit, e njohur si lufta e parë në Islam, shënon fillimin e një epoke të re për besimtarët – epokë e fitores, besimit të palëkundur dhe ndihmës hyjnore.

Lusim Allahun e Madhëruar të na bëjë përfitues nga këto vizita dhe nga mësimet e historisë islame. 🤲