Mavrovo365

03/07/2026

Некои места се гледаат однадвор.
А некои вреди да се доживеат одвнатре. 🦇

Шаркова Дупка е отворена за посети и подготвена за нови љубопитни екипи. ⛰️

Кратка тура, малку мистика, многу добра енергија — и уште една причина зошто Маврово секогаш има што да понуди.

Кој влегува следен? ✨

18/06/2026

Учење покрај река, пештера и планина. 🌿💧

Со учениците од Средното економско училиште од Гостивар имавме нова теренска активност посветена на апликацијата CrowdWater.

Денот го започнавме со посета на Шаркова Дупка, а потоа покрај Мавровска Река разговаравме за водата, природата и за тоа како младите можат да бидат дел од собирање важни податоци од терен.

Кога учениците ќе излезат надвор од училница, сè станува појасно:
водата не е само тема за учење,
туку ресурс што треба да го набљудуваме, разбираме и чуваме.

Благодарност до учениците и наставниците за вниманието, прашањата и убавата енергија. 🙌

Маврово повторно беше наша училница на отворено.

#Маврово #ШарковаДупка #МавровскаРека УчилницаНаОтворено ЕдукацијаВоПрирода

08/06/2026

💧 Одлично поминато време со учениците од прва година од
СОУ „Маврово - Ростуше„

Најпрво разговаравме за тоа како секој од нас може да придонесе во следењето и заштитата на водните ресурси преку апликацијата CrowdWater.
Наместо само да зборуваме за тоа, излеговме и на терен.

Кај Велојца, учениците имаа можност практично да ја користат апликацијата, да набљудуваат, собираат податоци и да видат како нивните мерења можат да станат дел од вистински научни истражувања.

Најдоброто учење често се случува надвор од училницата, кога знаењето се поврзува со природата, локалната средина и реалните предизвици околу нас.

Благодарност до учениците и нивната професорка по биологија Ema Gavriloska , за интересот, активното учество и одличната енергија.
💧🌿📱

Науката не мора секогаш да се случува во лабораторија. Понекогаш доволни се еден поток, мобилен телефон и љубопитност.

#ГраѓанскаНаука #Ростуше #УчењеВоПрирода #МладиЗаПриродата

21/05/2026

Денес со учениците од четврто одделение од ОУ. Гоце Делчев од Гостивар, ја посетивме пештерата Шаркова Дупка — вистинска мала авантура во срцето на природата. 🕳️🌿

Преку истражување, дружење и учење на терен, децата имаа можност одблиску да се запознаат со светот на пештерите, природните процеси и важноста на зачувувањето на природата. ⛰️💚

Насмевките, љубопитноста и возбудата беа нашиот најголем доказ дека ваквите искуства остануваат долго во сеќавање. 🌍✨



#ШарковаДупка #Маврово

07/04/2026

🌿⛰️😊 Прекрасно поминат ден со учениците од Ростуше и нивните гости од Србија

Заедно ја посетивме пештерата „Шаркова Дупка“ во Маврово и уживавме во откривањето на природните убавини што ги крие овој регион 🌿⛰️

Ден кој долго ќе се памети - исполнет со насмевки, нови знаења и незаборавни моменти – 🤍✨

03/04/2026

¡Vámonos! 🔥 Hike day in Bistra!

Today with our amazing guests from Spain 🇪🇸, we explored one of the most stunning trails in the Bistra mountains, from Lazaropole to Tresonche. 🏞️

⛰️ Trails full of stories, and beauty.
🌿 Wild nature, local history, and smiles all around.
✨ This is what we call Adventure Into the Wild.

22/03/2026

❓ Дали знаеш дека твојата следна прошетка покрај река може да придонесе за вистинска наука?

Денес, на Светскиот ден на водите, ве повикуваме сите – планинари, рибари, рекреативци и љубители на природата – да станете дел од нешто поголемо, затоа што секој може да биде научник! 💧

Маврово365 спроведува проект за заштита на реките во Националниот парк Маврово преку апликацијата CrowdWater – алатка што го претвора вашиот паметен телефон во средство за мониторинг на водите.

📍 Како функционира?
– Ја отвораш апликацијата и согледуваш дали на истата река (или езеро, неважно за каква водена површина станува збор) има претходно некој отворено “станица за набљудување“
– Доколку ти си првиот кој во таа близина отвора нова, ја сликаш водената површина и поставуваш „референтна“ фотографија
– Следниот пат, доколку се враќаш на истото место би било супер да споредиш
– Бележиш дали водостојот или водотекот се променил

📊 Можеш да следиш и:
– дали потокот/реката пресушил/а или тече
– влажност на почвата
– присуство на пластика и друго загадување на водата

🌍 Со ова:
– се пополнуваат празнините во податоци за реките
– се подобруваат научни модели и предвидувања
– секој, без разлика на искуство, придонесува за науката

🚶‍♀️ Следниот пат кога ќе поминеш покрај река – направи нешто повеќе од фотографија.

📲 Преземи ја CrowdWater и приклучи се:
App Store: https://apps.apple.com/us/app/crowdwater-spotteron/id1213513623
Play Store: https://play.google.com/store/apps/details?id=com.spotteron.crowdwater

📣 Сподели ја веста за оваа забавна апликација со твоите пријатели – бидејќи колку сме повеќе, толку подобро ги разбираме и штитиме нашите води.

🤝 Заедно ја унапредуваме науката – и заедно ги чуваме нашите води.

Проектот е поддржан од Eko-svest и Prespa Ohrid Nature Trust - PONT

21/03/2026

🍃21ви март меѓународен ден на шумите🍃

Шумата не е само особено значаен ентитет во однос на нашето здравје туку и здравјето на целата планета, таа е нашиот дом во кој владее суштината на животот и во кој се чуствуваме исполнето и силно.🍀

🌿 Да ги чуваме и заштитиме! 🌿

21/03/2026

02/12/2025

Нашата нова мерна станица на Бојков кладенец е поставена!

Со големо задоволство споделуваме дека го направивме првиот практичен чекор во рамки на проектот „Секој може да биде научник“ – отворивме "мерна станица" на коритото на реката на Бојков кладенец во Маврово, место кое често го посетуваме и препознаваме по неговата природна убавина. Воедно, често излетничко место каде минуваат многу туристи.

Напоменуваме: Не е потребно да поставите физичка мерна референца како онаа на сликата за да отворите “мерна станица или точка на набљудување“ - апликацијата сама генерира виртуелно решение што симулира мерна референца.

Сега наштиот ентузијазам е уште поголем - да ги следиме промените во нивото на водата и состојбата на реката.

Ова е само првиот чекор – и доказ дека секој од нас може активно да учествува и да придонесе кон науката.

🌱 За проектот

Проектот што го реализира Маврово365 има една едноставна, но многу важна цел: да ја вклучи заедницата во мониторинг и заштита на реките во Националниот парк Маврово** преку бесплатната апликација CrowdWater.

Со CrowdWater, секој – турист, планинар, рибар, ученик или локален жител – може да забележи водостој, ерозија, барички, снежни топења и други природни појави и истите да ги внесе директно од својот смартфон.

Ова е суштината на Citizen Science – наука во која заедницата има реална улога. Научениот модел е веќе докажан ширум светот, а сега конечно станува дел и од Маврово.

💧 Зошто е важно?

Реките во Маврово не се само пејзаж – тие се живот, екологија, биодиверзитет и иднината на регионот.
Со секоја фотографија и со секое мерење внесено во апликацијата, ние заедно:

* создаваме база на податоци што им помага на научници и организации,
* го следиме влијанието на климатските промени,
* ја градиме свеста за заштита на водните ресурси.

📲 Како да се приклучиш?

Едноставно – преземи ја CrowdWater апликацијата и почни да ги бележиш состојбите на реките што ги посетуваш:

App Store: https://apps.apple.com/us/app/crowdwater-spotteron/id1213513623
Google Play: https://play.google.com/store/apps/details?id=com.spotteron.crowdwater&hl=en

Проектот е поддржан од Eko-svest и Prespa Ohrid Nature Trust – Prespa Ohrid Nature Trust - PONT.