02/01/2020
#ခက်တဲ့အလုပ်ကိုလုပ်ပါ_ဒါပေမဲ့_လွယ်အောင်လုပ်ပါ။ (SC4LP)
Hard Working & Smart Working
ကျွန်ုပ်တို့သည် နေ့စဉ်လုပ်ငန်းဆောင်တာများကို လုပ်ကိုင်ဆောင်ရွက်ရာတွင် အလုပ်တစ်ခုကို ပင်ပင်ပန်းပန်းဖြင့် ကြိုးစား ပမ်းစား အားထုတ်လုပ်ကိုင်ကြသော်လည်း နည်းလမ်းမကျသည့်အခါ (သို့မဟုတ်) တစ်စုံတစ်ခု မှားယွင်းသွားသည့်အခါတွင် ကျွန်ုပ်တို့၏ ကြိုးစားအားထုတ်ခဲ့သမျှ အရာအားလုံး အရာမထင်ဘဲ အချည်းနှီး ဖြစ်သွားခဲ့ရသည်။
Smart Work (လိမ္မာ ပါးနပ်စွာဆောင်ရွက်ခြင်း) ဆိုသည်မှာ အလုပ်တစ်ခုကို မြန်ဆန်၍ ထိရောက်သောနည်းလမ်းကို အသုံးပြု၍ ဆောင်ရွက်ခြင်း ဖြစ်သည်။ တစ်နည်းအားဖြင့် အချိန်၊ ငွေ၊ အင်အား စသည့် အရင်းအမြစ်များကို အကောင်းဆုံးအသုံးချ၍ လုပ်ငန်း ဆောင်ရွက်ခြင်းဖြစ်ပြီး ထိုသို့ပြီးမြောက်အောင် ဆောင်ရွက်ခြင်းအားဖြင့် အခြားလုပ်ငန်းဆောင်တာများကို လုပ်ဆောင်ရန် အချိန်ပိုမိုရရှိလာမည်ဖြစ်သည်။
Hard Work & Smart Work ဆိုသည့် စကားသည် အလုပ်အကြောင်းကို ပြောဆိုခြင်း မဟုတ်ဘဲ အလုပ်ကို မည်သို့ဆောင်ရွက်ရမည်ကို ပြောဆိုခြင်းဖြစ်သည်။ ဥပမာ- ရေတိုင်ကီအတွင်းသို့ ရေဖြည့်ရာတွင် ရေပုံးများအား လက်ဖြင့်ဆွဲ၍ ရေဖြည့်မည်ဆိုပါက Hard Work ဖြစ်ပြီး လက်တွန်းလှည်းကို အသုံးပြု၍ ရေပုံးများအား တင်ဆောင်ပြီး သယ်ယူ၍ ရေဖြည့်မည်ဆိုပါက Smart Work ဖြစ်သည်။
Hard Work & Smart Work ဆိုသည့် သဘောတရားအား အောင်မြင်စွာအသုံးချနိုင်ရန် အောက်ပါ နည်းလမ်းများကို လိုက်နာဆောင်ရွက်သင့်ပါသည်-
(၁) အရေးကြီးသောအရာကို ဦးစားပေး(၁)အနေဖြင့် ဆောင်ရွက်ပါ။
(၂) အလုပ်တစ်ခုပြီးမှ တစ်ခုလုပ်ပါ။
(၃) ပြောင်းလွယ်ပြင်လွယ်ဖြစ်ပါစေ။
(၄) အဆင်အပြေဆုံးနည်းလမ်းကို အမြဲရွေးချယ်ပါ။
(၅) အရေအတွက်ထက် အရည်အချင်းကို အလေးထားပါ။
(၆) တိုတောင်းသည့် လမ်းကိုလိုက်ပါ။
(၇) အာရုံပျက်ပြားစေမည့်ကိစ္စများကိုရှောင်ကြဉ်ပါ။
(၈) အချိန်ကို မဆိုင်းပါနှင့်။
(၉) အလုပ်မလုပ်နိုင်သည့် အချိန်များကို ထည့်သွင်းစဉ်းစားပါ။
(၁၀)ခေတ္တခဏအနားယူပါ။
စသည်တို့ဖြင့် အလုပ်တစ်ခုကို လုပ်ကိုင်သည့်အခါတွင် ရည်ရွယ်ချက်ကို နားလည်သဘော ပေါက်၍ ပန်းတိုင်ကို မည်သို့ရောက်ရှိအောင်ဆောင်ရွက်ရမည်ကို သိရှိခြင်းအားဖြင့် ပိုမိုအောင်မြင်မှုရရှိစေရန် လွယ်ကူမည် ဖြစ်ပါကြောင်း မျှဝေလိုက်ပါတယ်ခင်ဗျာ....။
to BGV_Institute
