08/06/2025
အတိတ်ဆီသို့ စက္ကန့် 60
"ဝေါ" ခနဲ ဖြတ်သွားတဲ့ကားသံကြောင့် အတိတ်ဆီကို စိတ်နဲ့ပဲ ခဏလေး အလည်ပြန်ရောက်ခဲ့တယ်။
ဒီလိုညချမ်း ဒီလိုအချိန်တွေမှာ ဖုန်းတွေခေါ်လိုက်၊ အဝင်ဖုန်းတွေ လက်ခံဖြေလိုက်နဲ့ အလုပ်တွေ ရှုပ်ခဲ့ဖူးတယ်။
ည ၉ နာရီ ဝန်းကျင်
"အကို့ ဧည့်သည်တွေ မရောက်သေးဘူး"
"အကိုရေ ကားမတွေ့ဘူးနော် ကျန်ခဲ့ပြီလား မသိဘူး"
မနက် ၄ နာရီဝန်းကျင်
"အကိုရေ Early Check In ပေးမဝင်လို့"
"အကိုရေ Early Check In မှာ AC မရလို့"
စသည် စသည် .....
ဒီလိုနဲ့ပဲ လုပ်ရင်းကိုင်ရင်း အမှားတွေက သင်ယူရင်းကနေ အောင်မြင်မှုလမ်းမပေါ် ခြေချရုံလေးရှိသေး၊ အကြောင်းကြောင်းကြောင့် နားခဲ့ရတယ်။
Travel & Tour ဆိုတဲ့ ဒီလောကကြီး အကျယ်ကြီးထဲမှာ ကိုယ်သွားနိုင်သလောက်လေးနဲ့ နေရာလေးတစ်ခုရောက်ခဲ့တာ အရွေ့လေးရှိခဲ့တာ၊ လုပ်ဖော်ကိုင်ဖက်တွေနဲ့ ခိုင်မာတဲ့ ဆက်ဆံရေးတွေ ယုံကြည်မှုတွေ တည်ဆောက်နိုင်ခဲ့တာ၊ ခရီးသွားဧည့်သည်တွေကဲ့ ယုံကြည်မှုတွေရခဲ့တာ အမြတ်တွေပါပဲ .... ဒီနေ့အထိလည်း ခရီးသွားမိတ်ဆွေအချို့၊ တချိန်ကလုပ်ဖော်ကိုင်ဖက်တွေနဲ့ မိသားစုလို ဆက်ဆံရေးရှိနေတုန်းပါပဲ .... ခင်ရာဆွေမျိုးပေါ့။
Package တစ်ခုကို ဘယ်လို စီစဉ်ရလဲဆိုတာ ဘာမှမသိတဲ့အနေအထားကနေ Company အဖွဲ့ လူအများကြီးတွေကို Complain တစ်ခုမတက်ရစေဘဲ ခရီးစဉ်တစ်ခုလုံးကို စီစဉ်ပေးနိုင်ခဲ့တာတွေက အခုချိန်ထိလည်း ကိုယ့်ကိုကိုယ် ဂုဏ်ယူတယ် ... အဲ့တုန်းက လက်တွဲခေါ်ခဲ့တဲ့ ညီအကိုတွေကိုလည်း ကျေးဇူးတင်ရပါတယ် ....
အခုချိန်အထိ တောင့်ခံပြီး ဒီလောကထဲ ဆက်လက်ရပ်တည်နိုင်သေးတဲ့ အရင်ကလုပ်ဖော်ကိုင်ဖက် အခုတော့ ညီအကိုတွေပေါ့ သူတို့တွေ အတွက် ဝမ်းသာ ဂုဏ်ယူပါတယ်။
ဒီလောကကို လက်ပြသွားသူတွေအတွက်လည်း အစစအရာရာ အဆင်ပြေပါစေပေါ့ ...
ကိုယ်တိုင်လည်း ပြန်လုပ်နိုင်မယ့်တစ်နေ့အတွက် အားယူရင်းပေါ့ ....
My Friend- Travels & Tours
