20/04/2026
လေယာဉ်စီးပြီး နိုင်ငံရပ်ခြားကို ပထမဆုံးအကြိမ်သွားမယ့်သူတွေ Immigration ဖြတ်တဲ့အခါ အဆင်ပြေစေဖို့ ဘာတွေသိထားသင့်လဲ?
(၁) အမေးအများဆုံး မေးခွန်းများနှင့် ဖြေဆိုပုံ
🔸Where are you going / Where is your final destination? (ဘယ်ကိုသွားမှာလဲ?)
မိမိသွားမယ့် မြို့နဲ့ နိုင်ငံကို တိတိကျကျဖြေပါ။
ဥပမာ ဒါမျိုးတွေ ဖြေလို့ရပါတယ်👇
🔹”I am going to Bangkok." (ကျွန်တော်/ကျွန်မ ဘန်ကောက်ကို သွားမှာပါ။)
🔹"Bangkok, Thailand." (ထိုင်းနိုင်ငံ၊ ဘန်ကောက်မြို့ကို သွားမှာပါ။)
🔹"Bangkok for travel." (အလည်အပတ်အတွက် ဘန်ကောက်ကို သွားမှာပါ။)
🔹"Bangkok for a short trip." (ခရီးတိုအလည်အပတ်အတွက် ဘန်ကောက်ကို သွားမှာပါ။)
🔸What is the purpose of your visit? (ဘာကိစ္စနဲ့ လာတာလဲ?)
"For traveling" (အလည်ပတ်), "For business" (အလုပ်ကိစ္စ), "For study" (ပညာရေး) စသဖြင့် ရှင်းလင်းစွာ ဖြေပါ။
🔸How long will you stay? (ဘယ်လောက်ကြာကြာ နေမှာလဲ?)
မိမိအပြန်လက်မှတ်ပါရက်အတိုင်း (ဥပမာ - 5 days, One week) ဖြေပါ။
🔸Where will you stay? (ဘယ်မှာ တည်းမှာလဲ?)
ဟိုတယ်အမည် (သို့မဟုတ်) သူငယ်ချင်းအိမ်ဆိုလျှင် လိပ်စာအပြည့်အစုံကို စာရွက်/ဖုန်းထဲမှာ အဆင်သင့်ပြပါ။
🔹"At (ဟိုတယ်အမည်)." (ဥပမာ - At Baiyoke Sky Hotel.)
🔹"I am staying at (ဟိုတယ်အမည်)." (ကျွန်တော် [ဟိုတယ်အမည်] မှာ တည်းမှာပါ။)
🔹"I have a hotel reservation in Sukhumvit." (ကျွန်တော့်မှာ ဆူကွန်ဗစ် (Sukhumvit) နားက ဟိုတယ်မှာ ဘွတ်ကင် ရှိပါတယ်။)
🔹"At my friend's house in (နေရာ/မြို့နယ်အမည်)." (ကျွန်တော့်သူငယ်ချင်းအိမ် (နေရာအမည်) မှာ တည်းမှာပါ။)
🔹"I'm staying with my relatives." (ဆွေမျိုးတွေနဲ့အတူ တည်းမှာပါ။)
🔸Do you have a return ticket? (အပြန်လက်မှတ် ပါသလား?)
အပြန်လေယာဉ်လက်မှတ် (Return Ticket) ကို ထုတ်ပြနိုင်အောင် ပြင်ထားပါ။
"တစ်ခါတလေမှသာ မေးလေ့ရှိသော ထပ်တိုးမေးခွန်းများ"
🔸"What is your job in your country?" (မိမိနိုင်ငံမှာ ဘာအလုပ်လုပ်သလဲ) နဲ့ "Who are you traveling with?" (ဘယ်သူနဲ့ လာတာလဲ) ဆိုတာမျိုးလည်း မေးတတ်ပါတယ်။ ကိုယ့်အလုပ်အကိုင်ကို အင်္ဂလိပ်လို အကျဉ်းချုံး ပြင်ဆင်ထားပါ။
(၂) အဆင်သင့် ကိုင်ထားရမည့် စာရွက်စာတမ်းများ
Immigration Officer ရှေ့ရောက်မှ ဟိုရှာဒီရှာမဖြစ်အောင် ဒါတွေကို လက်ထဲမှာပဲ ကိုင်ထားပါ -
🔸Passport: သက်တမ်း အနည်းဆုံး ၆ လကျန်ရပါမယ်။
🔸Boarding Pass: လေယာဉ်စီးလာတဲ့ လက်မှတ်ဖြတ်ပိုင်း။
🔸Visa/E-visa: ဗီဇာလိုတဲ့ နိုင်ငံဆိုလျှင် ဗီဇာစာရွက် (Print ထုတ်ထားလျှင် ပိုကောင်းသည်)။
🔸Arrival/Departure Card: လေယာဉ်ပေါ်မှာ (သို့မဟုတ်) လေဆိပ်မှာ ဖြည့်ထားတဲ့ ကတ်ပြား။
🔸Supporting Docs: ဟိုတယ်ဘွတ်ကင် နှင့် အပြန်လက်မှတ်။
(၃) လိုက်နာရမည့် စည်းကမ်းချက်များ
Immigration ဧရိယာဟာ လုံခြုံရေးအင်မတန် တင်းကျပ်တဲ့နေရာဖြစ်လို့ အောက်ပါတို့ကို အထူးသတိထားပါ။
🔸တန်းစီပါ: အဝါရောင်မျဉ်း (Yellow Line) ရဲ့ အနောက်မှာ စောင့်ပါ။ အရာရှိက လှမ်းခေါ်မှသာ ရှေ့ကို တိုးသွားပါ။
🔸ဖုန်းလုံးဝမသုံးပါနဲ့: ဖုန်းပြောခြင်း၊ ဓာတ်ပုံရိုက်ခြင်း၊ ဗီဒီယိုရိုက်ခြင်း လုံးဝ (လုံးဝ) မပြုလုပ်ရပါ။ ဖုန်းသုံးနေလျှင် အရာရှိက သတိပေးခြင်း သို့မဟုတ် ခေါ်ယူစစ်ဆေးခြင်း ခံရနိုင်ပါတယ်။
🔸မျက်နှာကို ရှင်းရှင်းလင်းလင်းပြပါ: Mask၊ မျက်မှန်၊ ဦးထုပ်များ ချွတ်ထားပါ။ ကင်မရာကို ကြည့်ခိုင်းလျှင် ငြိမ်ငြိမ်ကြည့်ပေးပါ။
🔸လက်ဗွေနှိပ်ခြင်း: စက်ပေါ်မှာ လက်ညှိုး (သို့မဟုတ်) လက်ချောင်းလေးချောင်းကို အရာရှိ ညွှန်ကြားတဲ့အတိုင်း ဖိပေးပါ။
