Mawlamyine Express

05/07/2025

ကဲ အခုဆိုရင်တော့ မိုးရာသီလဲ ရောက်ပြီးဖြစ်လို့ ဇင်းကျိုက် ရေတံခွန်မှာ ရေတွေ ကျနေပါပြီးနော် 🌊 🌊

သဘာဝအလှတရားကို ခံစားဖို့ ခရီးထွက်ချင်သူတွေအတွက်! ရေတံခွန်ဆိုတာ သဘာဝအလှအပအတွက် တန်ဖိုးရှိတဲ့ သံမဏိတစ်ခုပါ။ စွန့်စားခန်းကိုချစ်သူများ၊ သဘာဝကိုချစ်သူများအတွက် အေးချမ်းလှပတဲ့ တိတ်ဆိတ်တဲ့နေရာတစ်ခုဖြစ်ပါတယ်။

မိုးရာသီမှာ ခရီးသွားရတာကြိုက်တယ်ဆိုရင် မွန်ပြည်နယ်ရဲ့ အလှပဆုံး ရေတံခွန်တစ်နေရာဖြစ်တဲ့ ဇင်းကျိုက်ရေတံခွန်ကို လှမ်းလာခဲ့ဖို့ဖိတ်ခေါ်ပါ တယ်နော်
————————————————-

🛺🛺🛺

25/06/2025

အခုရက်ပိုင်း လူငယ်တွေကြားမှာ အရမ်းကိုရေပန်းစားနေတဲ့ မွန်ပြည်နယ်က ခလောက်အင်းရေတံခွန် 🌊 🌊

🌧 မိုးရာသီရောက်ပြီးဆိုတော့ မွန်ပြည်နယ်၊ပေါင်မြို့နှင့် ဇင်းကျိုက်မြို့မှာ ရေတံခွန်များစွာရှိပါတယ်။နေရာအစုံလည်ဖို့ စီစဉ်ရခက်နေပြီဆိုရင် Mawlamyine Express ကိုသာ ဖုန်းတစ်ချက်ဆက်လိုက်ပါ။ သွားလိုရာကို အိုးဝေဖြင့် ဘေးကင်းလုံခြုံစွာ လိုက်ပို့ပေးဖို့အသင့်ပါပဲနော်...

☎️ 09787919157 ကိုဆက်ပြီး Booking တင်လိုက်ရုံနဲ့ မိတ်ဆွေရှိရာကို လာကြိုပေးတယ်နော်။
————————————————-

🛺🛺🛺 #ခလောက်အင်းရေတံခွန်

28/06/2023

05/04/2023

မုတ္တမမြို့ရှိ (၁၆ )ဌာနသမိုင်းဝင် ​စေတီ​​တော်မြတ်များ

🙏 ဌာနအမှတ်(၂) ကျိုက်​မလိုင်​စေတီ​တော်
​
ကျိုက်မလိုင်​စေတီ​တော်သည် ယခုဘွဲ့​တော်အမည်ဖြစ်ပြီး ယခင်ဘွဲ့​တော်အမည်မှာ ကျိုက္ကဗာဘုရားဖြစ်ခဲ့သည်။မုတ္တမ ​ဇေတဝန်ရပ်ကွက်တွင် တည်ရှိသည်။ဇေတဝန်မှ ​မြောက်ဘက်အရပ်၌ စမ်းတစ်ခုရှိ၏။၎င်း​နေရာ၌ မြတ်စွာဘုရားနှင့်တစ်ကွ ရဟန္တာတို့သည် ​ရေသပ္ပါယ်ကြကုန်၏။

၎င်းအရပ် မြတ်စွာဘုရား ​ရေသပ္ပါယ်​တော်မူ​သော​ကြောင့် ၎င်းဘုရားကို (ကျိုက်)ကာဘုရား (ကဗာ)ကား ​ရေသပ္ပါယ် ဟုဆို၏။ဆံ​တော်(၄)ဆူကို ​​တောင်း၍ရသဖြင့် ၎င်းအရပ်၌ ထာပနာပြီးလျှင် ကျောက်တိုင်စိုက်ထူ​လေ၏။

🙏 ဌာနအမှတ်(၁၁) ဓနသိဒ္ဓိ​အောင်​စေတီ​တော်

ဓနသိဒ္ဓိ​အောင်​စေတီ​တော်သည် ယခုဘွဲ့​တော်အမည်ဖြစ်ပြီး ယခင်ဘွဲ့​တော်အမည်မှာ ကျိုက်ဒဲ့ယိုက်ဘုရားဖြစ်ခဲ့သည်။မုတ္တမ ဝါရီရှူ(၁)ရပ်ကွက် ၁၂လမ်းတွင်တည်ရှိသည်။မြတ်စွာဘုရားသည် ထိုဗဲ့ဘုန်အရပ်မှကွယ်၍ ​​တောင်အရပ်၌ ​ခေတ္တ​နေ​တော်မူ၏။ထိုအရပ်၌ နတ်သမီးတစ်​ယောက်သည် ဘုရားရဟန္တာတို့ကိုမြင်၍ ကြည်ညိုသဖြင့် ​တောင်သလဲသီးကိုဆွတ်ခူး၍ ဘုရားအားလှူဒါန်း​လေ၏။

ဆံ​တော်(၂)ဆူကို ​​တောင်း၍ရသဖြင့် ၎င်းအရပ်၌ ထာပနာပြီးလျှင် ​စေတီကဲ့သို့ တည်ထား​လေ၏။၎င်းအရပ်၌ နတ်သမီးသည် ​တောင်သလဲသီးကိုလှူ​သော​ကြောင့် ၎င်းဘုရားကို မွန်ဘာသာအားဖြင့် ကျိုက်ဒဲ့ယိုက်ဘုရားဟု​ခေါ်၏။မြန်မာလို(ကျိုက်)ကာဘုရား(ဒဲ့ယိုက်)ကား ​တောင်သလဲသီးဟု ​ခေါ်ဆို၏။(​တောင်သလဲသီးဘုရားဟု​ခေါ်၏)မွန်(ဒယ)

🙏 ဌာနအမှတ်(၁၂) ဗုဒ္ဓ​စေတီ​တော်

ဗုဒ္ဓ​စေတီ​တော်သည် ယခုဘွဲ့​တော်အမည်ဖြစ်ပြီး ယခင်ဘွဲ့​တော်အမည်မှာ ကျိုက်​ပေါ​လောဘုရားဖြစ်ခဲ့သည်။မုတ္တမ ​တောင်တန်း​ပေါ်တွင် တည်ရှိသည်။မြတ်စွာဘုရားသည် ကျိုက်ဒဲ့ယိုက်ဘုရားမှ ကွယ်၍ အ​ရှေ့​မြောက်​ထောင့်တစ်ခု​သော အရပ်၌ ​မြေညီ​သော​နေရာတစ်ခုရှိ၏။ထို့အရပ်၌ ဘုရားရဟန္တာတို့ ဆင်းသက်၍ ၎င်းအရပ်၌ ​ခေတ္တ​နေကုန်မူကြကုန်၏။နတ်သားတစ်​ယောက်သည် တစ်ခု​သော​ကျောက်ဖျာက်ို ယူ​ဆောင်ပြီးလျှင် ဘုရားအားလှူဒါန်း၏။၎င်းအရပ်သို့ အခြား​သောနတ်တို့သည် များစွာလာ​ရောက်ကြကုန်၏။

မြတ်စွာဘုရားသည် နတ်သမီးနှစ်​ယောက်တို့အား ကုသိုလ်​ဖြစ်​စေခြင်းဌာ ၎င်းသစ်သီးတို့၏ အခွံကို ခွာ​စေပြီးလျှင် အ​ဖျော်လုပ်​စေ၏။ဘုရားအား​ကျောက်ဖျာလှူဒါန်း​သော နတ်သားသည် သစ်သီးတို့၏အခွံခွာ​စေ​သော အရပ်ဖြစ်​သော​ကြောင့် ၎င်းဘုရားကိုမွန်ဘာသာအားဖြင့် ကျိုက်​ပေါ​လော
ဘုရားဟု​ခေါ်၏။မြန်မာဘာသာဖြင့်(ကျိုက်)ကာဘုရား(​ပေါ​လော)ကား အခွံနွှာသည်။(အခွံနွှင်ဘုရားဟု​ခေါ်သည်)

ကိုးကား
မုတ္တမရာဇဝင် အကျဥ်းချုပ်စာတန်း

Mawlamyine Express 🛺🛺🛺
☎️ 09787919157

​မုတ္တမမြို့ရှိ သမိုင်းဝင်​နေရာများကို တုတ်တုတ် ​လေးနဲ့ လည်မယ်ဆို Hello ​လေး လုပ်လိုက်ပါ​နော် 🤗

07/03/2023

မော်လမြိုင်မြို့ရှိ ရှေး​ဟောင်းနေရာများနှင့် အထင်ကရ ​နေရာများ

​နှစ် ၁၃၀​ကျော်သက်တမ်းရှိ ကော့လှာ​ကျောင်းတိုက်

​ မော်လမြိုင် ရှမ်းစုရပ်ရှိ ကော့လှာ​ကျောင်းစာသင်တိုက်သည် ​ခေတ်​ဟောင်းမှ ​ကျောင်းကြီးတစ်​ကျောင်းဖြစ်သည်။​

ကော့လှာ​ကျောင်း စတင်တည်​ထောင်သည့်ခုနှစ်ကို အ​ထောက်အထားမ​တွေ့ရ​သော်လည်း အင်းဝ​ကျောင်း​ရေစက်ချစာတမ်းအရ၊​ကောဇာသက္ကရာဇ် (၁၂၄၉) ခုနှစ်​ရေစက်ချအခမ်းအနားသို့ ​ကော့လှာ​ကျောင်းဆရာ​တော်ကြွ​ရောက်​ကြောင်း အ​ထောက်အထား​တွေ့ရသဖြင့် ​ကော့လှာ​ကျောင်းမှာ အင်းဝ​ကျောင်းထက် ​စော​ကြောင်းသိရသည်။​

ရွှေ​တောင်​ကျောင်းနှင့် ​ခေတ်ပြိုင်​ကျောင်းကြီးဖြစ်ရာ၊နှစ်​ပေါင်း ၁၃၀​ကျော်မည်ဟု ခန့်မှန်းရပါသည်။​ကျောင်းတိုက်ကြီးတွင် ငါးထပ်ကြီးဘုန်းကံရှင် ရုပ်ပွား​တော်ကြီးလဲ တည်ရှိပါသည်။

အမှတ်(၂)အထက​ကျောင်း

အမှတ်(၂)အထက​ကျောင်း ​မော်လမြိုင်ရဲ့သက်တမ်းဟာ ခရစ်နှစ် ၂၀၂၃မှာ နှစ်(၇၃)ပြည့် ​ရောက်ခဲ့ပါပြီ။​ကျောင်းဖွင့်စ ၁၉၄၈ခုနှစ်တုန်းကအမှတ်(၂)အထက အစိုးရ​ကျောင်း မဟုတ်​သေးဘူး။ဒိုင်းဝန်ကွင်းရပ်ကွက် ရပ်မိရပ်ဖများ၊မြန်မာလူငယ်များအစည်းအရုံး၊​မော်လမြိုင်(ဗ.လ.စ.ခ)အမှု​ဆောင်လူကြီးများ ကြိုးပမ်းချက်​ကြောင့် အမျိုးသား​ကျောင်းအ​နေနဲ့(၁၉၄၈)ခုနှစ်မှာ ​ပေါ်​ပေါက်ခဲ့ပါသည်။

၁၉၅၀ ခုနှစ်​ရောက်မှ အစိုးရအသိအမှတ်ပြုပြီး အထက(၂)လို့ ​ပေါ်ထွန်းခဲ့ပါသည်။အဲဒီတုန်းက​ကျောင်းအ​ဆောက်အဦးကလည်း ယခု​ကျောင်းအ​ဆောက်အဦးမဟုတ်​သေးပါဘူး။ဆီဆုံရပ်ရှိ တိုက်​ဟောင်းကြီးပင် ဖြစ်ပါသည်။

စာသင်ခုံမလုံ​လောက်သည့်အတွက် သမံသလင်း​ပေါ် စာသင်ရပြီး ​ဘေးပတ်ဝန်းကျင်တွင် တဲထိုးပြီး စာသင်ခန်းများပြုလုပ်ရပါသည်။ကျောင်းအုပ်ဆရာကြီးမှာ ဦး​အောင်​ဖေ ဖြစ်ပြီး နိုင်ငံ​တော်အစိုးရက ဆီဆုံရပ် အမျိုးသား​ကျောင်းအား အမှတ်(၂)အထက အဖြစ် အသိအမှတ်ပြုလိုက်သည့်အခါ ​ကျောင်းအုပ်ဆရာကြီးမှာ ရှင်မဟာဗုဒ္ဓ​ဃောသ အမျိုးသား​ကျောင်းမှ ​ပြောင်း​ရွေ့လာသည့် ဆရာကြီး ဦး​ကျော်ဒင်ဖြစ်လာပါသည်။

နှစ် ၁၀၀ ​ကျော်သက်တမ်းရှိ ​ပန်းဘဲတန်းရွှေ​ကျောင်း

​ ပန်းဘဲတန်းရွှေကျောင်း ပရိယတ္တိစာသင်တိုက်ကတော့ နှစ်ပေါင်း ၁၀၀ ကျော်သက်တမ်းရှိပြီး မော်လမြိုင်မြို့ရဲ့ ​ရှေးလက်ရာကျန်ရှိ​နေတဲ့ ဘုန်းကြီးကျောင်းတခုဖြစ်ပါသည်၊၊ မော်လမြိုင် ​ပန်းဘဲတန်းရပ် ​တွင်တည်ရှိပါသည်၊၊ ပန်းဘဲတန်း ​ရွှေ​ကျောင်းကို ဦးမိုး ​ဆောက်လုပ်လှူဒါန်းခဲ့​ကြောင်းသိရှိရပါသည်။(ထို​ကျောင်းဆရာ​တော် ဘုန်း​တော်ကြီးမှာ ဘုန်းကြီးဦး)ဖြစ်သည်။

ဆရီ​နော်ကားလမ္မားမယ်​တော်ကြီးကျောင်း

ဆရီ​နော်ကားလမ္မားမယ်​တော်ကြီးကျောင်းသည် မော်လမြိုင်မြို့ မုပွန်ရပ် ​ကျောက်တန်းလမ်းမှာတည်ရှိပြီး နှစ်​ပေါင်း ၁၀၀​ကျော်သက်တမ်းရှိ ဟိန္ဒူဘာသာဝင်တွေ ကိုးကွယ်တဲ့ ဆုတောင်းပြည့် ဘုရားကျောင်းဖြစ်ပါသည်။ဆုတောင်းပြည့်တာကြောင့် တခြားဘာသာဝင်တွေကပါ လာရောက် ကိုးကွယ်ကြပါတယ်လို့သိရှိရပါသည်၊၊

ကိုးကား
မင်း​ခေါင်ကြီး(ပတခ)

Mawlamyine Express 🛺🛺🛺
☎️ 09787919157

​​မော်လမြိုင်မြို့ရှိ သမိုင်းဝင်​နေရာများကို တုတ်တုတ် ​လေးနဲ့ လည်မယ်ဆို Hello ​လေး လုပ်လိုက်ပါ​နော် 🤗

02/02/2023

မြန်မာ့သတင်းစာအစ မော်လမြိုင်က

မြန်မာနိုင်ငံအောက်ပိုင်းကို ဗြိတိသျှတို့ သိမ်းပိုက်ထားပြီးနောက် တနင်္သာရီတိုင်းတွင် တိုင်းမင်းကြီး ဘလန်ဒယ် (Mr.Blundell) နှင့် ခရစ်ယာန် သာသနာပြုဆရာများ ပူးပေါင်း၍ မော်လမြိုင်ခရော်နီကယ် (The Maulmain Chronicle) အင်္ဂလိပ် သတင်းတင်းစာကို ၁၈၃၆ ခုနှစ် မတ်လ ၃ ရက်နေ့တွင် မော်လမြိုင်၌ ပထမဆုံး ထုတ်ဝေခဲ့သည်။

၁၈၄၂ ခုနှစ် ဇန်နဝါရီလတွင် ဓမ္မသိ (The Religious Herald) မြန်မာသတင်းစာကို ​မော်လမြိုင်၌ ထုတ်ဝေခဲ့ပြန်သည်။ဓမ္မသိသတင်းစာသည် မြန်မာဘာသာဖြင့် ထုတ်​ဝေ​သော သတင်းစာများတွင် အ​စောဆုံးဖြစ်သည်။ဓမ္မသိသတင်းစာကိုလည်း အမေရိကန် သာသနာပြုဆရာများက ကြီးမှူးပြီး မော်လမြိုင်တွင် တစ်လတစ်ကြိမ် ထုတ်​ဝေခြင်းဖြစ်သည်။ ဓမ္မသိ သတင်းစာမှာ ခရစ်ယာန်နှစ်ခြင်းသာသနာပြုအဖွဲ့မှ ထုတ်​ဝေခြင်းဖြင်သဖြင့် အယူဝါဒ​ရေးလုပ်ငန်းနှင့် စပ်လျဥ်း၍ အထူး​ရေးသား​ဖော်ပြသည်။

ထိုမှတဆင့် ရန်ကုန်မြို့တွင် မော်လမြိုင်ခရော်နီကယ် သတင်းစာနည်းတူ ရန်ကုန် ခရော်နီကယ် (Rangoon Chronicle) သတင်းစာဆိုပြီး ၁၈၅၃ ခုနှစ် ဇန်ဝါရီလ ၅ ရက်နေ့တွင် ရန်ကုန်သတင်းစာကို ပထမအကြိမ် ထုတ်ဝေခဲ့ခြင်းလည်းဖြစ်သည်။

ထိုသတင်းစာများနှင့်အတူ နာမည်ကြီးခဲ့သည့် သတင်းစာတစ်စောင်မှာ မန္တလေးမြို့၌ ထုတ်ဝေသည့် "ရတနာပုံနေပြည်တော်" (Mandalay Gazette) သတင်းစာဖြစ်သည်။ ရတနာပုံနေပြည်တော် သတင်းစာကို ၁၈၇၄ ခုနှစ် ဧပြီလ ၁၁ ရက်နေ့တွင် "ငါမကောင်းလျှင် ငါ့ကိုရေး" ဟူးသော မင်းတုန်းမင်းကြီး ညွှန်ကြားချက်ဖြင့် ထုတ်ဝေသည်ဟု ဆိုကြသည်။ အယ်ဒီတာမှာ ဦးအဟီးနှင့် ဦးဘို၀ဇီရတို့ဖြစ်ပြီး သတင်းစာကို လဆန်း ၇ ရက်၊ လဆန်း ၁၃ ရက်၊ လဆုတ် ၇ ရက်၊ လဆုတ် ၁၃ ရက်နေ့တို့တွင် ထုတ်ဝေသည်။

ရန်ကုန်မြို့တွင် ဟံသာဝတီသတင်းစာနှင့် မြန်မာသံ​တော်ဆင့်သတင်းစာများ ထွက်​ပေါ်သည့်အချိန် ခရစ်နှစ်(၁၈၈၀)ပြည့်နှစ်တွင် ​မော်လမြိုင်မြို့၌ ဦးဘဂွန်းဆိုသူက "တနင်္သာရီသတင်းစာ" အမည်ဖြင့်လည်း​ကောင်း၊ဦးစိုးဆိုသူက "​မော်လမြိုင်အ​ဆွေ သတင်းစာ" အမည်ဖြင့်လည်​ကောင်း၊တစ်ပတ်တစ်ကြိမ် ထုတ်​ဝေလျက်ရှိ​ကြောင်း သိရှိရ​လေသည်။

(၁၈၉၀)ပြည့်နှစ်တွင် ရန်ကုန်မြို့၌ "မြန်မာအ​ဆွေ​တော်သတင်းစာ" "မဟာ​ဗောဓိသတင်းစာ" မန္တ​လေးမြို့တွင် "မြန်မာတာရာ သတင်းစာ" မန္တ​​လေးတိုင်း သတင်းစာ" နှင့် တစ်ချိန်တည်းတွင် ​မော်လမြိုင်မြို့တွင် "မြန်မာတိုင်းသတင်းစာ" ဟူ၍ထုတ်​ဝေလျက်ရှိသည်။ဆရာကြီးသခင်ကိုယ်​တော်မှိုင်းသည် ယင်းသတင်းစာတိုက်တွင် သတင်းစာအယ်ဒီတာဆရာအဖြစ် ​ဆောင်ရွက်ခဲ့သည်။

ထိုခေတ်ကာလ၌ မော်လမြိုင်မြို့တွင် သတင်းစာများစွာထွက်ပေါ်လာကြသည်ဟု သိရှိရပါသည်။

ကိုးကား
​(ရှေး​ခေတ်မြန်မာပြည် သတင်းစာများ)
​ကျော်ဟိန်း​အောင်

Mawlamyine Express 🛺🛺🛺
☎️ 09787919157

​​မော်လမြိုင်မြို့ရှိ သမိုင်းဝင်​နေရာများကို တုတ်တုတ် ​လေးနဲ့ လည်မယ်ဆို Hello ​လေး လုပ်လိုက်ပါ​နော် 🤗

29/01/2023

မုတ္တမမြို့ရှိ (၁၆ )ဌာနသမိုင်းဝင် ​စေတီ​​တော်မြတ်များ

မြတ်စွာဘုရားရှင်သည်(၈)ဝါ​မြောက်တွင် မဟာသက္ကရာဇ် (၁၁၁)အ​ရောက် သုဝဏ္ဏဘူမိ ရာမည​ဒေသသို့ ​ဒေသစာရီကြွ​ရောက်​တော်မူခဲ့ရာ မုတ္တမအရပ်သို့ ​ရောက်​တော်မူ၏။ထိုအခါမုတ္တမအရပ်၌ လူသူမရှိ ​တောကြီး​တောင်ကြီးဖြစ်​နေသဖြင့် နတ်ဘီလူး တို့သည်၎င်း နတ်တို့သည်၎င်း ရှိ​နေကြကုန်၏။

မြတ်စွာဘုရားသည် ​ဇေတဝန်အရပ် ဆိပ်ကမ်းသို့ ​ရောက်​တော်မူရာ အသုမနအမည်ရှိ​သော နတ်ဘီလူးတစ်​ယောက်သည် မြတ်စွာဘုရား၏ဂုဏ်​တော်ကို မသိ​သော​ကြောင့် ဆိပ်ကမ်းသို့ မတက်​စေရန် ​ကျောက်ခဲတို့ဖြင့် ပစ်ခတ်ရာ မြတ်စွာဘုရားသည် ​ရောင်ခြည်​တော်​ခြောက်ဖြာကိုလွှတ်၍ တန်ခိုး​တော်ဖြင့် ​ကြောက်ရွံ့ထိတ်လန့်​စေ၍ နတ်ဘီလူးတို့သည် ထွက်​ပြေးကြကုန်၏။

🙏 ဌာနအမှတ်(၁) ကျိုက်​စေတဝံဘုရား

ဘုရားသခင်သည် နတ်ဘီလူးတို့ ထွက်​ပြေး​သောအရပ်၌ ရ​သေ့တို့အား ဆံ​တော်(သုံး)ဆူတည်လတ္တံ့ဟု ဗျာဒိတ်စကား မိန့်ကြား​တော်မူ၏။၎င်း​နောက် ရ​သေ့တို့သည် ဆံ​တော်(သုံး)ဆူကို ရ၍ ၎င်းအရပ်၌ ပဌမဌာပနာပြီးလျှင် ​ကျောက်တိုင် စိုက်ကြကုန်၏။၎င်းဘုရားကို အသုမန ယက္ခမည်​သော နတ်ဘီလူးတို့ ထွက်​ပြေးရာ အရပ်ဖြစ်​သော​ကြောင့် မွန်ဘာသာဖြင့်(ပစ်တဝံ)ဟု​ခေါ်၏။​နောင်​သောအခါ ကာလ​ရွေ့သဖြင့် (ကျိုက်​စေတဝံ)ဟု ​ခေါ်တွင်၏။

🙏 ဌာနအမှတ်(၁၃) ကျိုက်မာလှိုင်ဘုရား

မြတ်စွာဘုရားသည် ကျိုက်​ပေါ​လောအရပ်မှကြွ၍ ​တောင်ဘက်တစ်ခု​သော ဝါးမျှင်​တောသို့ ကြွ​ရောက်ရာ ဤအရပ်၌ ဆံ​တော်တစ်ဆူတည်လတ္တံဟု ဗျာဒိတ်ထား​တော်မူ၏။ နတ်တို့သည် ဆံ​တော်ကိုရ၍ ဌာပနာပြီးလျှင် ​စေတီတည်ထားကြကုန်၏။၎င်းအရပ်သည် ဝါးမျှင်​တောဖြစ်ခြင်း​ကြောင့် ၎င်းအရပ်ကို မွန်ဘာသာဖြင့် ကျိုက်မာလှိုင်ဟု​ခေါ်၏။မြန်မာလိုဆို​သော်( ကျိုက်)ကာ ဘုရား (မာလှိုင်)ကား ဝါးမျှင်ဟုဆို၏။

🙏 ဌာနအမှတ်(၁၄) ကျိုက်က​လောင်ငိုင်ဘုရား

မြတ်စွာဘုရားသည် ကျိုက်မာလှိုင်မှကွယ်၍ ကျုံးငိုင်​(ခေါ်)​ချောင်းတစ်ခုသို့ ကြွ​ရောက်ရာ နတ်သုံးဦးတို့သည် ဆံ​တော်ကိုတောင်း၍ ရပြီးလျှင် တည်ထား၏။၎င်းဘုရားကို မွန်လို ကျုံးငိုင်ဘုရားဟု​ခေါ်၏​။နောင်ကာလ​ရွေ့​လျော့၍ ကျုံးငိုင်ကို က​လောင်ငိုင်ဟု​ခေါ်ကြ၏။(ကျုံး)ကာ ​ချောင်း (ငိုင်)ကား ​ကျောက်ပုဇွန်ပြန်ဆိုရ၏။၎င်းကို ​ကျောက်ပုဇွန်​ချောင်းဟုဆို၏။

ကိုးကား
မုတ္တမရာဇဝင် အကျဥ်းချုပ်စာတန်း

Mawlamyine Express 🛺🛺🛺
☎️ 09787919157

​မုတ္တမမြို့ရှိ သမိုင်းဝင်​နေရာများကို တုတ်တုတ် ​လေးနဲ့ လည်မယ်ဆို Hello ​လေး လုပ်လိုက်ပါ​နော် 🤗