04/09/2021
Bye Bye 🥀
Hello Mrauk-U page ကနေ နှုတ်ဆက်ခဲ့ပါတယ် ချစ်တို့ရေ။ မင်မင်တို့ ဒီ page ကိုဆက်မလုပ်တော့ပါဘူးနော်။ ထပ်ပြီးတော့လည်း မတိုက်ခိုက်ကြပါနဲ့တော့။နစ်နာသွားတဲ့သူတွေအားလုံးကိုလည်း ထပ်တစ်ကြိမ်တောင်းပန်ပါတယ်။
သမိုင်းအစဉ်အလာကြီးမားတဲ့ မြောက်ဦးလိုနေရာမျိုးကို page နာမည်ပေးပြီး စာတွေရေးမိတဲ့အတွက်လည်း မင်မင်တို့မှားမှန်းသိပါပြီ။
မင်မင်တို့ကတော့ ခရီးသွားရာသီရောက်ရင် ကိုယ်ချစ်တဲ့မြို့လေးဆီကို ခရီးသည်ပိုရဖို့ စနစ်တကျအစီစဉ်ဆွဲပြီးလုပ်ခဲ့ကြတာပါ။ မြောက်ဦးမြို့ရဲ့ အိမ်ထောင်စုတော်တော်များများဟာ ခရီးသွားလုပ်ငန်းကိုမှီခိုနေရတမို့ ရိုးသားစွာနဲ့ promote လုပ်ခဲ့ကြတာပါ။ အရင်ကဆို သျှစ်သောင်းဘုရားပွဲမှာ ကြပ်တိုက်မုန့်ရောင်းတဲ့စျေးသည်ရဲ့ဝင်ငွေဟာ သူ့မိသားစုအတွက် တစ်မိုးတွင်းလုံးထိုင်စားလို့ရပါတယ်။ ခရီးသည်မဝင်တော့ ကြုံရာအလုပ်တွေလုပ် ဖားရှာငါးရှာစားကြတဲ့ဘဝကိုရောက်ကြရတာ ကိုယ့်အမြင်မို့ ဒီ page လေးကနေ promote လုပ်ကြည့်မိခဲ့ကြတာပါ။
မြောက်ဦးကို ကိုယ်ကျိုးအတွက်အသုံးချတယ်ဆိုတဲ့ msg တွေပို့ပြီး စော်ကားတဲ့အထိဖြစ်လာတော့ မင်မင်တို့ ရပ်တန့်လိုက်ဖို့ဆုံးဖြတ်ခဲ့ကြပါတယ်။ တကယ်တော့ နောက်နှစ်ပတ်စာထိ တင်မယ့် post တွေရေးထားကြပြီးသားပါ။
ဆက်လုပ်ဖို့ ခွန်အားတွေမရှိတော့သလို ရေးလည်းမရေးရဲတော့တာမို့ ရပ်တန့်ပစ်ဖို့ဆုံးဖြတ်ခဲ့ကြတာပါ။
မသင့်လျော်ခြင်းဆိုတာက တစ်ယောက်အမြင်နဲ့တစ်ယောက်မတူနိုင်ကြတာမို့ ဒီ page လေးဆက် run နေရင်လည်း အဆဲခံသံသရာလည်နေအုံးမှာမို့ပါ။
မန့်တွေထဲကရော cb ထဲကပါ အားပေးခဲ့ကြသူတွေကိုလည်းကျေးဇူးတင်ပါတယ်။
ဒီပြသနာကနေ မင်မင်တို့အများကြီးသင်ယူလိုက်ရပါတယ်။
နှုတ်ဆက်ခဲ့ပါတယ် 💔
Admin Team
Photo credit
