10/08/2024
ဇလုံတောင် သမိုင်း
။။။။။။။။။။။။။။။။။။။။။။။
ဇလုံတောင်သည် ဗန်းမောက်မြို့ အနောက်မြောက်ဖက်တွင် ရှိသော
ကျောက်တောင်တစ်လုံးဖြစ်သည်။ ကျောက်တောင်၏ တည်ရှိနေပုံ ဆန်းကြယ်မှုနှင့်တည်ထားသော ဘုရားတို့ကြောင့် ထင်းရှားသည်။
ဓာတ်ပုံကို မြင်ရုံနှင့် လာချင်လာအောင် ဆွဲဆောင်မှုရှိသော ညှို့ဓာတ်
ရှိသည်ဟု ခေါ်နိုင်သည့် တောင်တစ်လုံးဖြစ်သည်။
မြန်မာနိုင်ငံ အထက်ပိုင်း၌ ထူးကဲ့သော ဂုဏ်တန်ခိုး တော်နှင့် ပြည့်စုံသော ဇလုံတောင် စေတီတော်ကြီးမှာ မွန်ပြည်နယ်မှဆံတော်ရှင် ကျိုက်ထီးရိုး
စေတီတော်ကြီးနှင့် ပမာတူစွာ အံ့ဖွယ် ထူးခြားသော ဉာဏ်တန်ခိုးတော် တို့နှင့် ပြည့်စုံသော သမိုင်းဝင်စေတီတော်ကြီးတစ်ဆူ ဖြစ်ပါသည်။
ပင်လယ်ရေ ပြင်ထက် အမြင့်ပေ (၃ဝ၉ဝ) အမြင့်ရှိသော သေလာ ပဗ္ဗက
တောင်ထိပ်ပေါ်ဝယ်ထူးတင့်စွာ ဖူးမြော်ခွင့်ရသော ဇလုံတောင် စေတီ
တော်ကြီးမှာ သမိုင်းအခြေခံ တောင့်တင်းခဲ့သည်။
သမိုင်းဖြစ်တော်စဉ် အရ မြတ်စွာဘုရားရှင် ဝါတော်(၂ဝ)အရ မဟာသက္ကရာဇ် (၁၂၃)ခုနှစ်၌ သိကြားမင်း ဖန်ဆင်းအပ်သော နတ်ပန်းရထားဖြင့် ရဟန္တာ
(၅ဝဝ)ခြံရံပြီး ဧရာပထနတ် နဂါးသားအဖတို့ လှူဒါန်းသော ဇလုံတောင်သို့ ကြွရောက်တော်မူခဲ့သည်။
ဤသို့သော မှတ်တမ်းမှတ်ရာများ၏ ဆင်းသက်မှုအရ သက္ကရာဇ်(၄၉၂) ခုနှစ်
၌ အရှင်အရဟံနှင့် အရှင်အာစရ ဘွဲ့မည်ရသော ရဟန္တာ (၂)ပါး ဇလုံတောင်
သို့ ကြွတော်မူပြီး တောင်၏အမြင့်ဆုံး ကျောက်စာတွင် ဖေါ်ပြထားသည်။
မွန်ပြည်နယ်မှ တန်ခိုးကြီးလှသော ကျိုက်ထီးရိုး ဆံတော်ရှင်ကဲ့သို့ သဘာဝနှင့်
တောတောင်ရေမြေ သာယာ လှပမှုများ ဆင်တူနေသော ဇလုံတောင်တော်မှာ
စစ်ကိုင်းတိုင်း၊ကသာခရိုင်၊ဗန်းမောက် မြို့နယ်တွင်တည်ရှိပြီး ဗန်း မောက်မှ (၁၂)မိုင်၊ (၂)ဖာလုံ ခန့်အကွာ တောမြိုင်လယ် တွင်တည်ရှိ၏။
နှစ်စဉ်ဆောင်းရာသီနှင့် နွေရာသီ ကာလတွင် အနယ်နယ် အရပ်ရပ်မှဘုရားဖူး
တို့စုံညီစွာလာရောက်ဖူးမြော်ကြသည်။ဗန်းမောက်မြို့မှ မြေသားကားလမ်း
အတိုင်းကားဖြင့်သွားကြရသည်။
ကျွန်းပင်ကြီးများ အင်ပင်ကြီးများက အုံ့ဆိုင်းသာယာ၍ သဘာဝတောတောင်
ရေမြေ၊ စိမ့်စမ်းရေတို့က ဝန်းကျင်အနှံ့ကြည်နူးဆွတ်ပျံ့စေ၏။
ဇလုံတောင်သို့ တက်ရာတောင်တက်လမ်းတစ်လျှောက်ဝယ် တယ်ပင်ပြန့်
စခန်းမှာ ဘုရားဖူးတို့အဆင်းနှင့်အတက် နားခိုရာ ငြိမ်းချမ်းသော ရပ်ဝန်းတစ်ခု
ဖြစ်ပြီး နားခိုသူတို့အတွက် ရေချိုးစရာနှင့် အပန်းဖြေ စားသောက်စရာ
စားသောက်ဆိုင်တန်းတွေလည်း စုံလင်လှ၏။ ထိုတယ်ပင်ပြန့်စခန်းတွင်
တောင်ပေါ်သို့ တက်ရောက် လာကြသောကားများ၏ အဆုံးအစခန်းလည်း
ဖြစ်သည်။
ဒေသန္တရဗဟုသုတကို လေ့လာရှာမှီးကြသော ဘုရားဖူးများမှာ တယ်ပင်ပြန့်မှ လူသွားကျောက်ချပ်တို့အကြားမှ တောင်ထိပ်ပေါ်သို့ တက်ရောက်ကြရသည်။
ဇလုံတောင်ဝန်းကျင်၌ ကမ္ဘာ့အံ့စရာတစ်ခုနှယ်မြင်တွေ့ကြရသောကျောက်
မဏ္ဍပ်ကြီးကလည်း အံ့မခန်းစရာပင်။
ထိုကျောက်မဏ္ဍပ်၌ ရှေးပဝေသဏီ နှစ်ပရိစ္ဆေဒကတည်းက ကျောက်ဖြစ်ရုပ်
ကြွင်းများအဖြစ် မြင်တွေ့နေရဆဲဖြစ်သော ကျောက်ဆန်အိတ်ကြီးများက
လည်း အံ့သြစရာကောင်းပါသည်။
အကျယ်အဝန်းကြီးမားလှသော ကျောက်မဏ္ဍပ်ကြီးပေါ်၌ စေတီငယ်များနှင့်
ဗုဒ္ဓရုပ်ထုတော်တို့ကလည်း သပ္ပါယ်ကြည်ညိုစရာ ဖူးတွေ့ရသည်။ဇလုံတောင်
တည်ရှိရာ တောကြီးတောင်ကြီးထဲ၌ သဘာဝ၏ဆေးဖက်ဝင် တောဆေးတော
မြစ်တို့ စုံလင်လှ၏။
တောရဆောက်တည်၍ တရားရှာမှီးကြသည့် ယောဂီသူတော်စင်နှင့်ရဟန်း
တော်တို့ အနေအစားချို့တဲ့စွာနှင့် တပအကျင့်ကို ကျင့်ကြံ လျှက်ရှိကြသည်
မှာ တောရ၏ စိတ္တဝိဝေကတစ်ခုဖြစ်သည်။
ဇလုံတောင်ဗုဒ္ဓပူဇနိယပွဲကြီးကျင်းပပူဇော်ပုံမှာ ထေရဝါဒဆန်လှ၏။ ဇာတ်ပွဲ၊
အငြိမ့်သဘင်နှင့် စတိတ်ရှိုးစသော ကိလေသာကို ဇောင်းပေးသော ပူလောင်
မှုများထည့်သွင်းမထားဘဲ ဓမ္မတရားသဘင်များသာ ပါဝင်သဖြင့် ဂုဏ်ယူစရာ
ဖြစ်ရသည်။
ဤသည်ပညာကုသလကြောင့် လောဘဒေါသ မောဟကင်းကွာ သံသရာဝယ် ကြဉ်ပါရဘိ ပညာရှိနှင့် ယှဉ်မိပေါင်းသင်း ဥာဏ်မဲံ့ကွင်းဤ ပြည့်လင်းလှူဘွယ် လှူစဉ်ဝယ်လည်း သုံးသွယ်စေတနာ ဖြောင့်ညီညာသည် ခေမာအထွဋ် တိုင်လိုသောဝ် ။
မူရင်းရေးသားသူကို လေးစားစွာ
Crd ပေးပါတယ် ခင်ဗျာ 🙏🙏
