Ticket Online Shopping

11/09/2026

နိုင်ငံကူးလက်မှတ် သက်တမ်းတိုး/အပျောက်လျှောက်ရန်အတွက်
၁၅-၉-၂၀၂၆ ရက်နေ့တွင်မလေးရှားနိုင်ငံ မြန်မာ သံရုံးသို့ လာရောက်နိုင်သူများ စာရင်း

Credit

11/09/2026

𝐀ir Thanlwin A𝐧𝐧𝐨𝐮𝐧𝐜𝐞𝐦𝐞𝐧𝐭!

11/09/2026

စင်ကာပူနိုင်ငံရဲ့ လူဦးရေ လျော့နည်းလာမှု ပြဿနာဟာ စံချိန်တင် အနိမ့်ဆုံးအခြေအနေဆီ ရောက်ရှိသွားခဲ့တာကြောင့် အစိုးရအဖွဲ့ဟာ သမိုင်းဝင် ဘဏ္ဍာရေးဆိုင်ရာ အဓိက ထောက်ပံ့မှုကြီးတစ်ခုကို စတင်ပြုလုပ်လိုက်ပါတယ်

ဝန်ကြီးချုပ် Lawrence Wong ဟာ အမျိုးသားနေ့ မိန့်ခွန်းပြောကြားချက်အတွင်း SG Child Support Package ဆိုတဲ့ စီမံကိန်းအသစ်ကို တရားဝင် ထုတ်ပြန်ကြေညာခဲ့ပါတယ် ဒီအစီအစဉ်အရ မွေးဖွားလာတဲ့ စင်ကာပူနိုင်ငံသား ကလေးတိုင်းဟာ မွေးဖွားစကနေ အသက် ၁၇ နှစ်အထိ မွေးဖွားမှု မခွဲခြားဘဲ ကလေးတစ်ဦးလျှင် တိုက်ရိုက် ထောက်ပံ့ငွေ စင်ကာပူဒေါ်လာ ၇၀,၀၀၀ နီးပါး (အမေရိကန်ဒေါ်လာ ၄၉,၀၀၀ မှ ၅၅,၀၀၀ ခန့်) အထိ ရရှိကြတော့မှာ ဖြစ်ပါတယ်

ဒီထောက်ပံ့မှု စီမံကိန်းအရ ကလေးရဲ့ ပထမဆုံး မွေးဖွားတဲ့နှစ်မှာ စင်ကာပူဒေါ်လာ ၁၀,၀၀၀ လက်ငင်း ရရှိမှာဖြစ်ပြီး နောက်ပိုင်း ၁၆ နှစ်တာအတွက် တစ်နှစ်လျှင် ၂,၀၀၀ စီ ထပ်မံရရှိမှာဖြစ်ပါတယ် ဒါ့အပြင် Child Development Account ထောက်ပံ့ကြေး ဒေါ်လာ ၅,၀၀၀၊ အစိုးရမှ ထပ်ဆောင်း ထည့်ဝင်ပေးငွေ ဒေါ်လာ ၅,၀၀၀ အထိနဲ့ အသက် ၁၇ နှစ်ပြည့်ချိန်မှာ အထက်တန်းလွန် ပညာရေး ရန်ပုံငွေထဲသို့ ဒေါ်လာ ၁၀,၀၀၀ ထည့်ဝင်ပေးမှုတွေပါဝင်ပါတယ်

မွေးကင်းစ ကလေးတွေအတွက် Medisave Grant အပါအဝင် လက်ရှိ ရရှိနေပြီးသား အကျိုးခံစားခွင့်တွေ နဲ့ ပေါင်းစပ်လိုက်ပါက ကလေးတစ်ဦးလျှင် စုစုပေါင်း စင်ကာပူဒေါ်လာ ၇၀,၀၀၀ နီးပါး ရရှိမှာ ဖြစ်ပါတယ် ဒီလို ထောက်ပံ့မှု ပမာဏအမြောက်အမြား ပြုလုပ်လိုက်တာဟာ စင်ကာပူရဲ့ ရင်ဆိုင်နေရတဲ့ လူဦးရေ ပြဿနာ ဘယ်လောက်အထိ ကြီးမားနေသလဲဆိုတာကို မီးမောင်းထိုးပြနေပါတယ်

စင်ကာပူနိုင်ငံမှာ ၂၀၂၅ ခုနှစ်အတွင်း ကလေးမွေးဖွားမှုပေါင်း ၃၀,၀၀၄ ဦးပဲ ရှိခဲ့ပြီး အရင်နှစ်ထက် ၁၁ ရာခိုင်နှုန်းခန့် ကျဆင်းသွားခဲ့တာပါ နိုင်ငံသားတစ်ဦးရဲ့ မွေးဖွားနှုန်း (Fertility Rate) ဟာလည်း ၂၀၂၄ ခုနှစ်မှာ ၀.၉၇ ရှိခဲ့ရာကနေ ၀.၈၇ အထိ ကျဆင်းသွားခဲ့ပြီး ဒါဟာ လူဦးရေ လျော့ကျမသွားဘဲ ပုံမှန် ထိန်းသိမ်းနိုင်ဖို့အတွက် သုတေသီတွေ သတ်မှတ်ထားတဲ့ မွေးဖွားနှုန်း ၂.၁ ထက် အဆမတန် နည်းပါးနေတာ ဖြစ်ပါတယ်

ဝန်ကြီးချုပ် Wong ကတော့ ငွေကြေး ထောက်ပံ့ပေးမှုတစ်ခုတည်းနဲ့ ဒီကျဆင်းနေတဲ့ အခြေအနေကို အပြီးတိုင် ပြောင်းလဲပစ်ဖို့ မလွယ်ကူကြောင်း ဝန်ခံထားပါတယ် စင်ကာပူရဲ့ မွေးဖွားနှုန်းဟာ လိုအပ်တဲ့ ပမာဏအထိ ရောက်ရှိလာဖို့ ခက်ခဲနေဦးမှာ ဖြစ်တာကြောင့် လူဦးရေ လျော့နည်းသွားမှုနဲ့ အသက်အရွယ် အိုမင်းမှု များပြားလာမှု ပြဿနာကို ရှောင်လွှဲနိုင်ဖို့အတွက် စနစ်တကျ ထိန်းညှိထားတဲ့ နှုန်းထားတစ်ခုနဲ့ နိုင်ငံခြားသား ရွှေ့ပြောင်းနေထိုင်သူတွေကို ဆက်လက် လက်ခံသွားဖို့ လိုအပ်လိမ့်မယ်လို့လည်း ပြောကြားခဲ့ပါတယ်

#ဗဟုသုတ

11/09/2026

( ၄.၉.၂၀၂၆ ) မှ ( ၁၀.၉.၂၀၂၆ ) အထိ (၇)ရက် သား/သမီးများအတွက် တစ်ပတ်စာ (တားရော့) ဗေဒင်ဟောစာတမ်း
#ဆရာမဒေါ်သန့်သန့်သိန်း ( TTT TAROT Reader @ TTT TAROT Fortune Teller )
https://www.facebook.com/share/p/1DVaQCcVAP/

( ၄.၉.၂၀၂၆ ) မှ ( ၁၀.၉.၂၀၂၆ ) အထိ (၇)ရက် သား/သမီးများအတွက်
တစ်ပတ်စာ (တားရော့) ဗေဒင်ဟောစာတမ်း

( ၄.၉.၂၀၂၆ ) မှ ( ၁၀.၉.၂၀၂၆ ) အထိ “တနင်္ဂနွေ” သား/သမီးများအတွက် တစ်ပတ်စာ (တားရော့) ဗေဒင် ဟောစာတမ်း
ယခုကာလအတွင်း အလုပ်အကိုင်၊ စီးပွားရေးလုပ်ငန်းများ တိုးတက်လာမည်။ အဆင်ပြေ လာမည်။ အထက်လူကြီး၊ အကြီးအကဲလူကြီးမိဘများ၏ ကူညီ စောင့်ရှောက်မှု ရရှိမည်။ ရရှိလာသော အခွင့်အရေးအား ရဲရဲဆုပ်ကိုင်ပြီး ရှေ့တိုး လုပ်ဆောင်ပါက အောင်မြင်မှု ကြီးကြီးမားမား ရရှိမည်။ သို့သော် ပေါ့ပေါ့ဆဆ မလုပ်မိရန် လိုသည်။ အိမ်ထောင်ရေး၊ အချစ်ရေးတွင် အမျိုးသမီးများမှ ဦးဆောင် နေရတတ်သည်။ နှစ်ဖက်ဆွေမျိုး၊ မိဘများအား ကြည့်ရှု စောင့်ရှောက်ပေးခံနေရမည်။ ယခင်က အဆင်မပြေခဲ့သော အိမ်ထောင်ရေး၊ အချစ်ရေး ပြဿနာများ ပြန်အဆင်ပြေ လာမည်။ မိမိအိမ်ထောင်ဖက်၊ ချစ်သူမှ မိမိ စိတ်တိုင်းကျ အရာရာ လိုက်လျောပေးမည့် အချိန် ဖြစ်သည်။ ခေါင်းမူးခြင်း၊ ခေါင်းကိုက်ခြင်း၊ သတိလစ်ခြင်း၊ အာရုံကြော အားနည်းခြင်းတို့ ဖြစ်တတ်သည်။ ရောဂါ ဝေဒနာ ခံစားနေရပါက ရေပြောင်းမြေပြောင်းကြောင့် ဖြစ်သော ရောဂါဝေဒနာဟု သဘောမထားဘဲ သေသေချာချာ ကုသသင့်ပါသည်။ ကားမရပ်ဘဲ ဆင်းခြင်း၊ တက်ခြင်း၊ ကားနောက်တွင် မှီတွယ်စီးခြင်းတို့ ရှောင်ကြဉ်ပါ။ သတိလစ်ခြင်း၊ ရုတ်တရက် အသက်ရှူ မရခြင်းတို့ကြောင့် အသက်အန္တရာယ် ကြုံရတတ်သည်။ မည်မျှပင် အခက်အခဲ၊ အတိုက်အခိုက်တို့ ကြုံရစေကာမူ မိမိ သင်ယူချင်သော ကျောင်း၊ သင်တန်း၊ ဘာသာရပ်၊ ပညာရပ်တို့ကိုသာ သင်ယူပါ။ မဆုတ်မနှစ်သော ကြိုးစားမှုမလျော့သောဇွဲတို့ဖြင့် လေ့လာပါက ပညာရပ်တွင် မကြုံစဖူး ထူးထူးခြားခြား ကြုံရမည်။ အလုပ်၊ အင်တာဗျူး စာမေးပွဲများတွင် ဉာဏ်စမ်း မေးခွန်းများအား လိမ္မာပါးနပ်စွာ ဖြေဆိုနိုင်ပါမှ ချောချော မွေ့မွေ့ အောင်မြင်မည်။

https://vt.tiktok.com/ZSqMMrotS/
( ၄.၉.၂၀၂၆ ) မှ ( ၁၀.၉.၂၀၂၆ ) အထိ “တနင်္လာ” သား/သမီးများအတွက် တစ်ပတ်စာ (တားရော့) ဗေဒင် ဟောစာတမ်း
မိမိနှင့် အကြီးအကဲ၊ အထက်လူကြီးတို့သဘောထား မတိုက်ဆိုင်ဘဲ ဖြစ်နေမည်။ လုပ်‌ဖော်ကိုင်ဖက်များနှင့်လည်း အမြင် မတူဘဲဖြစ်နေတတ်သည်။ အများနှင့် တစ်ယောက် ဖြစ်နေမည့်ကာလ ဖြစ်သောကြောင့် မိမိဆန္ဒထက် အများသဘောဆန္ဒအား လိုက်လျော ပါက အဆင်ပြေ‌ပြေ လုပ်ကိုင်နိုင်မည်။စကားပြော မပြေပြစ်ခြင်း၊ ဘုကန့်လန့် ပြောဖြစ်နေခြင်းကြောင့် အလုပ်အကိုင်၊ စီးပွားရေး လုပ်ငန်းများ မတွင်ကျယ်ဘဲ ဖြစ်နေမည်။ ဖောက်သည်များ အခြားသူထံ ရောက်သွားတတ်သည်။ သတိဖြင့် ပြုမူပြောဆို လုပ်ကိုင်သင့်သော ကာလ ဖြစ်သည်။ အိမ်ထောင်ရေး၊ အချစ်ရေးတွင် အမျိုးသမီးများမှ ဦးဆောင် နေရတတ်သည်။ နှစ်ဖက်ဆွေမျိုးနှင့် မိဘများအား ကြည့်ရှု စောင့်ရှောက် ပေးခြင်း ခံရမည်။ ယခင်က အဆင်မပြေခဲ့သော အိမ်ထောင်ရေး၊ အချစ်ရေး ပြဿနာများ ပြန်အဆင်ပြေ လာမည်။ မိမိ အိမ်ထောင်ဖက်၊ ချစ်သူမှ မိမိ စိတ်တိုင်းကျ အရာရာ လိုက်လျောပေးမည့် အချိန် ဖြစ်သည်။ နှလုံးခုန်ခြင်း၊ အမောဖောက်ခြင်း၊ နှလုံးအဆို့ရှင် မကောင်းခြင်းစသော နှလုံးနှင့် ပတ်သက်သော ရောဂါ ဝေဒနာများ ၊ သွေးနှင့်ပတ်သက် သော ရောဂါ ဝေဒနာများ ခံစားရတတ်သည်။ ခြေချော်လဲတတ်သည်။ အပေါင်းအသင်း မှားပြီး ပညာရေးကို စိတ်မဝင်စားဘဲ ဖြစ်နေမည်။ မိမိ ယုံကြည်ရသောသူငယ်ချင်း၊ အပေါင်းအသင်းများကြောင့်ပညာရေး တစ်ဝက်တစ်ပျက် ဖြစ်တတ်သည်။ နိုင်ငံရပ်ခြား ပညာတော်သင် မသွားရဘဲ ဖြစ်နေမည်။ ပညာရေးကံ ညံ့နေသောကြောင့်အလုပ်၊ အင်တာဗျူး စာမေးပွဲများ မဖြေဆိုသင့်သေးပါ။
https://vt.tiktok.com/ZSqM63F2a/
( ၄.၉.၂၀၂၆ ) မှ ( ၁၀.၉.၂၀၂၆ ) အထိ "အင်္ဂါ" သား/သမီးများအတွက် တစ်ပတ်စာ (တားရော့) ဗေဒင် ဟောစာတမ်း
ယခုကာလအတွင်းအယှဥ်အပြိုင်၊ အတိုက်အခိုက်များဖြင့် ကြုံနေရမည်။ စီးပွားပြိုင်ဘက်၊ လုပ်ငန်းတူသူများဖြင့် စျေးကွက်ရရှိရန် အတွက် ယှဉ်ပြိုင်ရခြင်း၊ တင်ဒါအောင်ရန် ယှဉ်ပြိုင် ရခြင်း၊ လေလံအပြိုင် ဆွဲရခြင်းများ ကြုံရတတ်သည်။ မည်မျှပင် အခက်အခဲ၊ အတိုက်အခိုက် ကြုံရစေကာမူ နောက်မဆုတ်တမ်း ရင်ဆိုင်ခြင်းဖြင့် အောင်မြင်နိုင်သည်။ ခရီးသွားလုပ်ငန်း၊ ခရီးလှည့်လည် သွားလာပြီး လုပ်ကိုင်ရသော လုပ်ငန်းများ၊ ကား အရောင်းအဝယ် လုပ်ငန်း၊ ကားအငှား လုပ်ငန်း၊ ယာဉ်နှင့် ပတ်သတ်သော လုပ်ငန်းများ၊ စျေးကွက် ရှာဖွေရေး လုပ်ငန်းများ၊ အရောင်းမြှင့်တင်ရေး လုပ်ငန်းများ အဆင်ပြေမည်။ ယခင်က အဆင်မပြေခဲ့သောအိမ်ထောင်ရေး၊ အချစ်ရေးမှာ အထက်လူကြီး၊ အကြီးအကဲ၊ လူကြီးမိဘများကြောင့် ပြန်အဆင်ပြေနိုင်သည်။ သား၊ သမီး ရတနာ ရမည်။ မိဘကို အကျိုးပေးသော သားသမီးကောင်း ဖြစ်မည်။ ချစ်သူနှင့် အဆက်အသွယ် ပြတ်နေသော သူများ ၎င်း၏ အဖေ၊ ဦးလေး၊ အုပ်ထိန်းသူ အမျိုးသားများထံမှ တဆင့် အဆက်အသွယ် ပြန်ရအောင် ကြိုးစားနိုင်သည်။ မကြာသေးခင်က ချစ်သူနှင့် လမ်းခွဲထားသော သူများ အ‌နေဖြင့် အချစ်ဟောင်း၊ ရည်းစားဟောင်းထက် ပိုကောင်းသောသူနှင့် ဆုံရမည်။ ချစ်သူ မရှိသေးသောသူများ စန်းပွင့်နေမည်။ ဒူး၊ ခြေထောက် ထိခိုက်မိတတ်သည်။ ခွဲစိတ် ကုသရန် ရှိပါကအမျိုးသား ဆရာဝန်ကြီး၊ ပါမောက္ခ၊ အထူးကုတို့ဖြင့် ကုသပါက ခွဲစိတ်မှု အောင်မြင်မည်။ သွေးနှင့် ပတ်သက်သော ရောဂါဝေဒနာများ ခံစားရတတ်သည်။ မိမိ ယုံကြည် စိတ်ချရသော အပေါင်းအသင်း၊ သူငယ်ချင်းများကြောင့် အလုပ်၊ အင်တာဗျူး စာမေးပွဲများ မဖြေဖြစ်ခြင်း၊ မအောင်မြင်ခြင်းတို့ ကြုံရတတ်သည်။ ၎င်းတို့၏ ကြံစည် အကွက်ချ၊ ချောက်ချမှုတို့ကြောင့် ကျောင်း၊ သင်တန်း၊ ပညာရေးတွင် နှောင့်နှေးခြင်း၊ ရပ်တန့်ရခြင်းတို့ ဖြစ်တတ်သည်။ ပညာရေး ကံ ညံ့နေသေးသောကြောင့် အပေါင်းအသင်း၊ အပျော်အပါး မမက်ဘဲ သေသေချာချာ ဖိဖိစီးစီး ကြိုးစား လေ့လာသင့်ပါသည်။
https://vt.tiktok.com/ZSqM6KCJ5/
( ၄.၉.၂၀၂၆ ) မှ ( ၁၀.၉.၂၀၂၆ ) အထိ “ဗုဒ္ဓဟူး” သား/သမီးများအတွက် တစ်ပတ်စာ (တားရော့) ဗေဒင် ဟောစာတမ်း
ကောင်းမွန်သော အလှည့်အပြောင်း၊ အချိန်းအပြောင်း ကြုံရပြီး စီးပွားရေး၊ အလုပ်အကိုင် များ အဆင်ပြေလာမည်။ ရင်းနှီး မြှုပ်နှံမှုများမှလည်း အကျိုးအမြတ်များ ရရှိလာမည်။ ရပ်ဝေးနယ်ခြား၊ နိုင်ငံရပ်ခြားမှ အလုပ်အကိုင်၊ စီးပွားရေးနှင့် ပတ်သက်ပြီး ငွေကြေးနှင့် အကူအညီများ၊ အခွင့်အလမ်းများ ရရှိမည်။ ရွှေရောင်းဝယ်ခြင်း လုပ်ငန်း၊ ရွှေပန်းထိမ် လုပ်ငန်း၊ ကား ဝယ်ရောင်းလုပ်ငန်း၊ ကားပြင်ဆင်ခြင်း လုပ်ငန်း၊ ယာဉ်နှင့် ပတ်သက်သော လုပ်ငန်းများ၊ လေကြောင်းနှင့် ပတ်သက်သော လုပ်ငန်းများ၊ လေယာဉ်လိုင်းများ၊ လေယာဉ် လက်မှတ် အရောင်းအေးဂျင့်မျာ၊ air cargo လုပ်ငန်းများ၊ ခရီးသွား လုပ်ငန်း များ၊ ရပ်ဝေးနယ်ခြား၊ နိုင်ငံရပ်ခြားနှင့် ဆက်စပ်ပြီး လုပ်ကိုင်ရသောလုပ်ငန်းများ၊ ရပ်ဝေးနယ်ခြား၊ နိုင်ငံရပ်ခြားသို့ ပို့ကုန်သွင်းကုန် တင်သွင်းခြင်း၊ တင်ပို့ခြင်း လုပ်ငန်းများ၊ ဖက်စပ် လုပ်ငန်းများ၊ နိုင်ငံခြား ဘာသာစကား သင်တန်းကျောင်းများ၊ နိုင်ငံခြားသားများ ဖြင့် ဆက်စပ် လုပ်ကိုင်ထားသော လုပ်ငန်းများ၊ ကုန်ပစ္စည်း သယ်ယူပို့ဆောင်ရေး လုပ်ငန်းများ၊ logistics လုပ်ငန်းများ အဆင်ပြေမည့်ကာလ ဖြစ်ပါသည်။ မိမိ ယုံကြည် စိတ်ချရသော အပေါင်းအသင်း၊ သူငယ်ချင်းများကြောင့် အိမ်ထောင်ရေး၊ အချစ်ရေး အဆင်မပြေ ဖြစ်တတ်သည်။ ကြိုတင် ကြံစည်ပြီး အကောက်ကြံ ခံရခြင်း၊ အိမ်ထောင်ဖက် နှင့် အကြီးအကျယ် စကားများ ရန်ဖြစ်ရခြင်း စွပ်စွဲ ခံရခြင်းတို့ ကြုံရတတ်သည်။ အိမ်ထောင်ရေး ပြိုကွဲခဲ့ပါကပတ်ဝန်းကျင်တွင် အရှက်ရခြင်း၊ သွားပုပ်လေလွင့် ပြောဆို ခံရခြင်းတို့ ကြုံရမည်။ မိမိချစ်သူအနားတွင် ၎င်းအား တစ်ဖက်သတ် ချစ်ကြိုက်နေသူ ရှိနေသည်။ ပြဿနာမရှိ ၊ ပြဿနာရှာပြီး ချစ်သူမှ အဆက်ဖြတ် သွားခြင်း၊ ထားခဲ့ခြင်း ခံရတတ်သည်။ ခံစားနေရသောရောဂါဝေဒနာများသက်သာလာမည်။ ပျောက်ကင်း လာမည်။ ရုတ်တရက် သွေးထိုးတတ်ခြင်း၊ ကျခြင်းတို့ ဖြစ်တတ်သည်။ သွေးနှင့် ပတ်သက်သော ရောဂါဝေဒနာများ ခံစားရတတ်သည်။ အမြင့်ပေါ်မှ လည်းကာင်း၊ ဆင်၊ မြင်း၊ ကား၊ ယာဉ် တစ်မျိုးမျိုးအပေါ်မှ ၎င်းပြုတ်ကျခြင်းကြောင့် ခြေထောက် ထိခိုက်မိ တတ်သည်။ ယာဉ် မတော်တဆမှု ကြုံတွေ့ရတတ်သောကြောင့် ကားကိုယ်တိုင် မောင်းပါက ဂရုစိုက်ပါ။ ပညာရပ် အသစ်များ သင်ယူရရှိမည်။ လူမျိုးခြား၊ နိုင်ငံခြားသား များမှ ပညာရပ်များ သင်ပေးခြင်း ခံရမည်။ အလုပ်၊ အင်တာဗျူး စာမေးပွဲများ အောင်မြင် မည်။ ရေနှင့် ပတ်သက်သောပညာရပ်များ၊ စိုက်ပျိုးရေးနှင့် ပတ်သက်သောပညာရပ်များ၊ အများ လေ့လာ သင်ယူလေ့မရှိသော ပညာရပ်များ၊ ဂမ္ဘီရ ပညာရပ်များ သင်ယူပါက အဆင်ပြေမည်။
https://vt.tiktok.com/ZSqM6G3o3/
( ၄.၉.၂၀၂၆ ) မှ ( ၁၀.၉.၂၀၂၆ ) အထိ "ကြာသပ‌တေး” သား/သမီးများအတွက် တစ်ပတ်စာ (တားရော့) ဗေဒင် ဟောစာတမ်း
စီးပွားပြိုင်ဖက်၊ လုပ်ငန်းသူများမှ တိုက်ခိုက်ခြင်း၊ ပြဿနာရှာခြင်းများ ကြုံရတတ်သည်။ အကွက်ကျကျ အကောက်ကြံခြင်း ခံရတတ်သည်။ ရုံးပြင်ကန္နားတက်၍ အမှုအခင်း ရင်ဆိုင်ရခြင်း၊ ဖြေရှင်းရခြင်းတို့ ကြုံရတတ်သော ကာလဖြစ်သောကြောင့် ငွေပေးငွေယူ ကိစ္စများ၊ စာချုပ်စာတမ်း ကိစ္စများ၊ အာမခံပေးခြင်းများတွင် သေသေချာချာ ဂရုစိုက် လုပ်ကိုင်သင့်သည်။ အချိန်ကာလ တစ်ခုအထိ လုပ်ငန်း ရပ်ဆိုင်းရခြင်း၊ ဆက်လုပ်ကိုင်ခွင့် မရှိခြင်းတို့ ဖြစ်တတ်သောကြောင့် အရံ လုပ်ငန်းတစ်ခုအား ကြိုပြင်ဆင် ထားသင့်သည်။ အလုပ်သစ်၊ လုပ်ငန်းသစ်များ လုပ်ကိုင်ရာတွင်လည်း မည်သူ တစ်ဦးတစ်ယောက်၏ အကူအညီမှ မရရှိဘဲ ဖြစ်နေတတ်သည်။ မိမိဘာသာ ကြိုးစားအားထုတ်မှသာ အောင်မြင်မှု ရရှိမည်။ အိမ်ထောင်ဖက်ဟောင်း၊ အချစ်ဟောင်းနှင့် ပြန်ဆုံစည်းရတတ်သည်။ သို့သော် လက်ရှိ အိမ်ထောင်ရေး၊ အချစ်ရေးတွင်‌ေတာ့ ပြဿနာများ ကြုံရပြီး လမ်းခွဲကြရမည့် အခြေအနေမျိုး ရောက်နေတတ်သည်။ အိမ်ထောင်ဖက်၊ ချစ်သူအပေါ် လုံးဝ သည်းမခံ နိုင်သော ကိစ္စရပ်မျိုး ကြုံတွေ့ရတတ်သည်။ အိမ်ထောင်ရေး မပြိုကွဲအောင် ကြိုးစား ထိန်းသိမ်းနိုင်ပါက စီးပွားရေး လုပ်ငန်းများပါ ပြန်အဆင်ပြေလာမည်။ သိပ်ချစ်ကြသော ချစ်သူစုံတွဲများတွင်လည်း ရုတ်တရက် လမ်းခွဲရခြင်းမျိုး၊ ဝေးကွာရခြင်းမျိုး ကြုံရ တတ်သည်။ အထိုင်များခြင်းကြောင့် သွေးလေမညီညွတ်ခြင်း၊ ကျီးပေါင်းဖြစ်ခြင်း၊ ခေါင်းလေးခြင်း၊ ခေါင်းကိုက်ခြင်း၊ လည်ပင်း သွေးနှင့် ပတ်သက်သော ရောဂါ ဝေဒနာများ ခံစားရတတ်ပါသည်။ လူကြီး၊ မိဘများ၏ အစီအမံများကြောင့် လည်းကောင်း၊ ပညာရေး အား အဓိက ထောက်ပံ့ပေးနေသောသူများ (သို့) မိဘများ၏ စီးပွားရေး၊ ငွေကြေး အဆင်မပြေမှုကြောင့် လည်းကောင်း မိမိပညာရေး ရည်မှန်းချက်များ စွန့်လွှတ် ရတတ် သည်။ ရာထူးတိုး စာမေးပွဲများ ဖြေဆိုထားပါက အထက်လူကြီး၊ အကြီးအကဲဖြင့် အဆင်ပြေ အောင် နေထိုင်လုပ်ကိုင်ပါ။ ပညာရေး ကံမကောင်းသေးသောကြောင့် ယခုကာလ အတွင်း အလုပ်၊ အင်တာဗျူး စာမေးပွဲများ မဖြေဆိုသင့်သေးပါ။
https://vt.tiktok.com/ZSqM6G9eR/
( ၄.၉.၂၀၂၆ ) မှ ( ၁၀.၉.၂၀၂၆ ) အထိ “သောကြာ” သား/သမီးများအတွက် တစ်ပတ်စာ ( တားရော့ ) ဗေဒင်ဟောစာတမ်း
လက်ရှိ လုပ်ကိုင်နေသော လုပ်ငန်းများမှာရှေ့ဆက်မရခြင်း၊ ရပ်တန့်ရခြင်းများ ကြုံတွေ့ရ တတ်သည်။ စက်ရုံ၊ အလုပ်ရုံ၊ ဂိုထောင်တို့တွင် မီးလန့်တတ်သည်။ ဌာနဆိုင်ရာများနှင့် ပတ်သက်၍ သော်လည်းကောင်း၊ အကြီးအကဲ၊ လူကြီး၊ မိဘများကြောင့် သော် လည်းကောင်း၊ လုပ်ငန်း လုပ်ရာတွင် စိတ်မချမ်းမြေ့ဖွယ်ရာများ၊ အခက်အခဲများ ကြုံ‌တွေ့ရတတ်သည်။ အဆင်မပြေ ဖြစ်တတ်သည်။ လှောင်ကုန်များ ယခုအခါ ထုတ် ရောင်းပါက စျေးနှိမ် ဝယ်ယူသူများနှင့် ကြုံတွေ့ရတတ်သောကြောင့် အချိန်စောင့်နိုင်ပါက စောင့် ရောင်းသင့်သည်။ အိမ်ထောင်ရေး ပြိုကွဲလုနီနီး၊ အချစ်ရေး လမ်းခွဲရခါနီး ဖြစ်နေ မည်။ ကြားလူ၊ တတိယလူ ဝင်လာခြင်းကြောင့်အိမ်ထောင်ရေး၊ အချစ်ရေး အဆင်မပြေ ဖြစ်နေမည်။ အိမ်ထောင်ဖက်၊ ချစ်သူအား ရပ်ဝေးနယ်ခြား၊ နိုင်ငံရေးခြားမှ လုပ်ငန်းတူ၊ ဝါသနာတူ လုပ်ဖော်ကိုင်ဖက်မှ နှောင့်ယှက်နေမည်။ ယခုကာလအတွင်း အိမ်တွင် ညအိပ်၊ ညနေ ဧည့်သည့် လက်ခံခြင်း မိမိနှင့် သိသော၊ မသိသော အမျိုးသမီးများအား ကူညီခြင်း တို့မှ ရှောင်ကြဉ်ပါ။ ရောဂါဝေဒနာ ခံစားနေရပါက ယခုပြသနေသော ဆေးရုံ၊ ဆေးခန်း၊ ဆရာဝန် ပြောင်းလဲ ပြသခြင်းဖြင့် ဝေဒနာ သက်သာနိုင်သည်။ ခရီးသွားရင်း ရောဂါဝေဒနာ ဟောင်း ပြန်ခံစားရပြီး လမ်းခရီး ကြန့်ကြာတတ်သောကြောင့် ယခုကာလအတွင်း ခရီး မသွားသင့်သေးပါ။ အစားမှားခြင်း ဆေးမှားခြင်းဆေးထိုး ဆေးသောက်မှားခြင်း၊ ဆေးစစ်ချက် မှားခြင်းတို့ ကြုံတွေ့ရတတ်သည်။ ပညာသင်ကြား ရာတွင် ဆရာ၏ စကား အား မြေဝယ်မကျ နားထောင်ပြီး ကြိုးစားခြင်းဖြင့် ပညာရေး တိုးတက်လာမည်။ အလုပ်၊ အင်တာဗျူး စာမေးပွဲများ အောင်မြင်မည်။ အပေါင်းသင်း၊ သူငယ်ချင်းမှ မနာလိုပြီး ဒုက္ခပေးခြင်းမျိုး ကြုံတွေ့ရတတ်သောကြောင့် သူငယ်ချင်း၊ အပေါင်းအသင်း ဂရုစိုက်ပါ။
https://vt.tiktok.com/ZSqM633tN/
( ၄.၉.၂၀၂၆ ) မှ ( ၁၀.၉.၂၀၂၆ ) အထိ “စ‌နေ” သား/သမီးများအတွက် တစ်ပတ်စာ (တားရော့) ဗေဒင် ဟောစာတမ်း
ယခုကာလအတွင်း အလုပ်အကိုင်၊ စီးပွားရေးလုပ်ငန်းများ အနည်းငယ် အေးနေမည့် ကာလဖြစ်သည်။ အများနှင့် ယှဉ်ပြိုင်လုပ်ကိုင်ရမည့် မည့် မည်သည့်ကိစ္စမဆို ဖခင်ကဲ့သို့ ယုံကြည်အားကိုးရသော ဆရာသမား၊ အကြီးအကဲ၊ မိတ်ဆွေကောင်းများ၏ အကူအညီ၊ အကြံဉာဏ်အား ရယူနိုင်မှသာ လုပ်ကိုင်ပါ။ "တည်ငြိမ်လေ အောင်မြင်လေ" ဖြစ်သော ကြောင့် အလုပ်အကိုင်၊ စီးပွားရေးလုပ်ငန်းများ လုပ်ကိုင်ရာတွင် တည်တည် ငြိမ်ငြိမ်ဖြင့် ဆုံးဖြတ် လုပ်ကိုင်ပါ။ အိမ်ထောင်ရေး၊ အချစ်ရေးတွင် ပြတ်စဲပြီးသော အိမ်ထောင်ဖက် ဟောင်း၊ အချစ်ဟောင်း၊ ရည်းစားဟောင်းဖြင့် ပြန်ဆုံတတ်သည်။ သား၊ သမီးရတနာ ရမည်။ ချစ်လျက်နှင့် ကွဲကွာနေကြသော အိမ်ထောင်ဖက်၊ ချစ်သူများ ပြန်လည် ဆုံဆည်း ကြရမည်။ ရပ်ဝေးနယ်ခြား၊ နိုင်ငံရပ်ခြားရှိ အိမ်ထောင်ဖက်၊ ချစ်သူ ထံမှ သတင်းကောင်း ကြားရမည်။ ချစ်ခွင့်ပန်ထားသူများ မိမိချစ်သူထံမှ လိုချင်သောအဖြေ ရရှိမည်။ ချစ်သူ မရှိသေးသောသူများ စန်းပွင့်နေမည်။ ချစ်ရေးဆို ခံရမည်။ ခံစားနေရသော ရောဂါဝေဒနာ များ သက်သာလာမည်။ ပျောက်ကင်းလာမည်။ ရုတ်တရက် သွေးထိုးတက်ခြင်း၊ ကျခြင်း တို့ ဖြစ်တတ်သည်။ သွေးနှင့် ပတ်သက်သော ရောဂါဝေဒနာများ ခံစားရ တတ်သည်။ အမြင့်ပေါ်မှ လည်းကာင်း၊ ဆင်၊ မြင်း၊ ကား၊ ယာဉ် တစ်မျိုးမျိုးအပေါ်မှ လည်း‌ကောင်း ပြုတ်ကျခြင်းကြောင့် ခြေထောက် ထိခိုက်မိတတ်သည်။ ယာဉ် မတော်တဆမှု ကြုံတွေ့ရ တတ်သောကြောင့် ကားကိုယ်တိုင် မောင်းပါက ဂရုစိုက်ပါ။ ပညာရေးနှင့် မေတ္တာရေး၊ ပညာရေးနှင့် စီးပွားရေး၊ အလုပ်အကိုင်များကြား ရွေးချယ်ရ ခက်နေမည်။ အရှက်တကွဲ အကျိုးနည်း ကြုံတွေ့ရတတ်သောကြောင့် ဂုဏ်သိက္ခာ အလေးထားသူများ အနေဖြင့် ရပ်ဝေးနယ်ခြား၊ နိုင်ငံရပ်ခြားသို့ ပညာတော်သင် မသွားသင့်ပါ။ ကျောင်း၊ သင်တန်း၊ တက္ကသိုလ် တက်ရောက်မည့်သူများ၊ ပညာရပ် တစ်ခုခုအား စတင် လေ့လာမည့်သူများ အနေဖြင့် ပထမ ၂ နှစ်အတွင်းတွင် ပညာရေး အပေါ် အလေးမထားမိခြင်း၊ စာမလိုက် နိုင်ခြင်း၊ ပညာရေးအား စိတ်မဝင်စားခြင်း တို့ကြောင့် ကျောင်းဆက် မတက်ချင်တော့ လောက်အောင် ဖြစ်တတ်သည်။ ဆက်လက်၍ သေသေချာချာ ကြိုးစား လေ့လာပါက နောက်ပိုင်းတွင် ပိုအဆင်ပြေ လာပါလိမ့်မည်။
https://vt.tiktok.com/ZSqMMUuKt/
#ဆရာမဒေါ်သန့်သန့်သိန်း ( TTT TAROT Reader @ TTT TAROT Fortune Teller )
https://vt.tiktok.com/ZSqM6mp28/
-------------------------------------------------------------------------------------------------------------
နောက်ပိုင်း FB က ကန့်သတ်ချက်တွေများလာရင် TELEGRAM CHANNEL နဲ့ GROUP မှာပဲ တင်ပေးဖြစ်ပါတော့မယ်။

CHANNEL နှင့် GROUP ဖြစ်တဲ့ "TTT TAROT FORTUNE TELLER" နှင့် CHANNEL ကနေ တစ်ပတ်စာဟောစာတမ်းများ တင်ပေးပြီး ပညာဒါန ဆက်ပြုလုပ်ပြီး မျှဝေသွားပါ့မယ်။
TTT TAROTFORTUNETELLER ( TELEGRAM GROUP Link )
https://t.me/TTTTAROTTELLER

TTT TAROT ( FORTUNE ) TELLER ( CHANNEL Link ) https://t.me/TTTTAROTFortuneTELLER

VIBER CHANNEL Link
https://invite.viber.com/?g2=AQBOo%2BJA%2FGL%2FNVMkVVvdeGeSpxO9EnCTwNPQRQ11A0nl8OI%2FJEFPQsa4w7y87ya7

TIKTOK ACCOUNT Link
https://www.tiktok.com/?_t=ZS-8uCwFa1Neqt&_r=1

အောက်က QR CODE ကို Scan ဖတ်ပြီး CHANNEL ကို Join ထားလိုရပါပြီ။

SCAN ဖတ်လို မရခဲ့ရင် Search Box မှာ "TTTTAROTFORTUNETELLER" လို ရိုက်ရှာပြီး Channel လေးကို Join ထားပြီဖတ်နိုင်ပါပြီ။

“ ၇ရက် သားသမီး အားလုံး ကပ်ကြီး ၃ပါးမှ ကျော်လွှားနိုင်ကြပါစေ။ "
“ ၇ရက် သားသမီး အားလုံး စိတ်၏ချမ်းသာခြင်း၊ ကိုယ်၏ကျန်းမာခြင်း, ၊ ကိုယ်၏ချမ်းသာခြင်းနဲ့ ပြည့်စုဲနိုင်ကြပါစေ! "
“ ၇ရက် သားသမီး အားလုံး ဘေးခပ်သိမ်း၊ ရန်ခပ်သိမ်း၊ အန္တရာယ် ခပ်သိမ်း၊ အတိုက်အခိုက်၊ အနှောင့်အယှက် အပေါင်းတို့မှ ကင်းရှင်းကြပါစေ။ "
-------------------------------------------------------------------------------------------------------------

တားရော့ ဗေဒင် မေးလိုပါက အောက်ပါ CODE ကို Scan ဖတ်၍ဖြစ်စေ၊ Search Box မှာ " တားရော့ ဆရာမ ဒေါ်သန့်သန့်သိန်း TTT TAROT" ဟု ရိုက်ရှာ၍ ဖြစ်စေ၊ Telegram// Viber +95 9443971971 က်ု ရိုက်ရှာပြီး လာရောက်မေးမြန်းနိုင်ပါပြီ။
MESSENGER မှ စာ MESSENGER/ TIKTOK မှ မေးမြန်းခြင်းသည်းခံပါ။













#တားရော့
#ဗေဒင်
#ဗေဒင်ဆရာမ
#အဟော
#ဟောစာတမ်း
#နိမိတ်
#ကံ
#ကံကြမ္မာ
#‌ရှေ့ဖြစ်ဟော
#အနာဂတ်
#စီးပွားရေး
#အိမ်ထောင်ရေး
#အချစ်ရေး
#ကျန်းမာရေး
#ပညာရေး
#လူမှုရေး
#ပညာဒါန

11/09/2026

ဘန်ကောက်မြို့ရှိ ဆုရတ်ဆေးခန်းက ရွှေ့ပြောင်းလုပ်သားများကို (အခမဲ့) ဆေးကုသပေးနေ

◾၂၀၂၆ ခုနှစ်၊ ဩဂုတ်လ ၂၉ ရက်

ထိုင်းနိုင်ငံ၊ ဘန်ကောက်မြို့ရှိ ဆုရတ်ဆေးခန်းက ရွှေ့ ပြောင်းအလုပ်သမားများကို (အခမဲ့) ဆေးကုသပေးနေကြောင်း သိရသည်။

အဆိုပါ ဆေးခန်းသည် ထိုင်းနိုင်ငံသားများ အပါအဝင် နိုင်ငံခြားသားများနှင့် ရွှေ့ပြောင်းအလုပ်သမားများကို ကုသိုလ်အဖြစ် ဆေးကုသစရိတ် (၁) ဘတ်ဖြင့် (အခမဲ့) ကုသပေးလျက်ရှိကြောင်း သိရသည်။

ဆေးခန်းတွင် မျက်စိနှင့်ပတ်သက်သောရောဂါ၊ ခံတွင်းနာရောဂါ၊ နားရောဂါ၊ သွေးကြောအဆီများခြင်းရောဂါ၊ ကာလသားရောဂါ၊ အရေပြားရောဂါ၊ အစာအိမ်ရောဂါ၊ အဖျားရောဂါ၊ အစာအဆိပ်သင့်ရောဂါ၊ အဖျားရောဂါနှင့် ကိုယ်ဝန်စစ်ဆေးပေးခြင်း၊ သန္ဓေတားဆေးထိုးပေးခြင်း စသည့် ရောဂါအမျိုးအစား (၂၀) ထက်မနည်း ကုသနိုင်ကြောင်း သိရသည်။

ဆေးကုသလိုသူများအနေဖြင့် တနင်္လာနေ့နှင့်သောကြာ နေ့တွင် ညနေ (၅) နာရီမှ ည (၉) နာရီအထိ၊ စနေနေ့နှင့် တနင်္ဂနွေနေ့တွင် နံနက် (၁၀) နာရီမှ မွန်းလွဲပိုင်း (၂) နာရီအထိ သွားရောက်နိုင်ကြောင်း သိရသည်။

ဆုရတ်ဆေးခန်းသည် ဘန်ကောက်မြို့၊ ဘန်င်လန်ဖူနယ်မြေ၊ ကျတ်ကရဖုံလမ်းတွင် ဖွင့်လှစ်ထားသည်။

#မြဝတီမဲဆောက်မီဒီယာ

◾ဆေးခန်းလိုကေးရှင်းကို ကွန်မန့်တွင် ဝင်ရောက်ကြည့်ရှုနိုင်သည်။

11/09/2026

ဒုတိယကမ္ဘာစစ်အတွင်း အမေရိကန်စစ်သား ယူသွားခဲ့တဲ့ ဂျပန်ဓားကို ၇၇ နှစ်အကြာမှာ မြေးဖြစ်သူက ပိုင်ရှင်မိသားစုဆီ ပြန်အပ်ခဲ့တဲ့ ဖြစ်ရပ်

ဒုတိယကမ္ဘာစစ်အပြီး ၁၉၄၅ ခုနှစ်မှာ အမေရိကန်စစ်သား Joseph “Benny” Kasser ဟာ ဂျပန်နိုင်ငံ အိုကီနာဝါကျွန်းမှာ ဂျပန်စစ်တပ်ရဲ့ လက်နက်တွေကို စုပုံထားတဲ့နေရာတစ်ခုအတွင်း ဓားတစ်လက်ကို တွေ့ရှိခဲ့ပါတယ်။

အဲဒီဓားဟာ သာမန်စစ်သုံးဓားတစ်လက်မဟုတ်ဘဲ မိသားစုအမွေအနှစ်တစ်ခုဖြစ်နိုင်တဲ့ အရေးကြီးတဲ့ ဓားတစ်လက် ဖြစ်ပါတယ်။ ဓားနဲ့အတူသစ်သားပြားတစ်ခုပေါ်မှာ မူရင်းပိုင်ရှင်ရဲ့အမည် Tomesuke Umeki နဲ့ သူ့မွေးရပ်မြေ Takaharu, Miyazaki ဆိုတဲ့ နေရာအမည်ကို အင်္ဂလိပ်အက္ခရာနဲ့ ရေးထားခဲ့ပါတယ်။ သစ်သားပြားပေါ်မှာပဲ ဓားကို သူ့အိမ်ပြန်ပို့ပေးဖို့ တောင်းဆိုထားတဲ့ အင်္ဂလိပ်လိုရေးထားတဲ့စာတစ်စောင်လည်း ရှိနေခဲ့ပါတယ်။

Benny က အဲဒီစာကိုတွေ့ပြီး ဓားရဲ့ မူရင်းပိုင်ရှင်ဟာ ဒီဓားကို မိသားစုအတွက် အလွန်တန်ဖိုးထားသူဖြစ်နိုင်တယ်လို့ ခံစားခဲ့ပါတယ်။ ဒါကြောင့် ဓားကို အမေရိကန်နိုင်ငံကို ပြန်ယူလာပေမယ့် တစ်နေ့နေ့မှာ မူရင်းပိုင်ရှင်ကို ရှာတွေ့ရင် ပြန်အပ်ဖို့ စိတ်ကူးထားခဲ့ပါတယ်။

ဒါပေမယ့်စစ်ပြီးနောက် နှစ်တွေကြာလာတာနဲ့အမျှ အမေရိကန်နဲ့ ဂျပန်ကြား ဆက်သွယ်ရှာဖွေရတာ မလွယ်ကူတာကြောင့် သူ့ကတိက နှစ်ပေါင်းများစွာ မပြည့်မြောက်နိုင်ခဲ့ပါဘူး။ ဓားကိုလည်း သူ့အိမ်ရဲ့ မြေအောက်ခန်းမှာ ဆယ်စုနှစ်ပေါင်းများစွာ သိမ်းဆည်းထားခဲ့ပါတယ်။

အံ့သြစရာကောင်းတာက Benny ရဲ့မြေး Kevin Chroust ဟာ ငယ်စဉ်ကတည်းက အဲဒီဓားနဲ့ ပတ်သက်တဲ့အကြောင်းကို ကြားသိထားခဲ့ပါတယ်။ နှစ်တွေကြာပြီးနောက် ၂၀၂၁ ခုနှစ်မှာ Kevin က အဖိုးဆီကို ဓားရဲ့မူရင်းပိုင်ရှင်ကို ရှာပြီး ပြန်အပ်ဖို့ အကြံပြုခဲ့ပါတယ်။

အဲဒီအချိန်မှာ Benny ဟာ အသက် ၉၉ နှစ် ရှိနေပြီဖြစ်ပေမယ့် မြေးဖြစ်သူရဲ့ အကြံကို ချက်ချင်းသဘောတူခဲ့ပါတယ်။ သူ့အတွက်တော့ ဓားကို မိသားစုဆီ ပြန်ပေးနိုင်ဖို့ ကြိုးစားတာဟာ စစ်ပွဲပြီးချိန်ကတည်းက စိတ်ထဲမှာရှိနေတဲ့ ကတိတစ်ခုကို အဆုံးမှာ ဖြည့်ဆည်းပေးနိုင်မယ့် အခွင့်အရေး ဖြစ်လာပါတယ်။

ဒါပေမယ့် ရှာဖွေရတာ လွယ်ကူတော့မဟုတ်ပါဘူး။ ဓားပေါ်မှာ ရေးထားတဲ့ အမည်ကို အင်္ဂလိပ်အက္ခရာနဲ့သာ ရေးထားတာကြောင့် အွန်လိုင်းမှာ ရှာဖွေလိုက်ရုံနဲ့ ချက်ချင်း မတွေ့ခဲ့ပါဘူး။

နောက်ဆုံး Kevin ဟာ ဂျပန်သတင်းထောက်တစ်ဦးရဲ့ အကူအညီကို ရယူပြီး Takaharu ဒေသခံအာဏာပိုင်တွေထံ ဆက်သွယ်ခဲ့ပါတယ်။ အဲဒီကနေတစ်ဆင့် Tomesuke Umeki ဆိုတဲ့ မူရင်းပိုင်ရှင်ကို ရှာတွေ့နိုင်ခဲ့ပါတယ်။

ဒါပေမယ့် Kevin ရှာတွေ့ချိန်မှာတော့ Tomesuke ကိုယ်တိုင် မရှိတော့ပါဘူး။ သူဟာ စစ်ပြီးနောက် နှစ်ပေါင်းများစွာ အသက်ရှင်နေထိုင်ခဲ့ပေမယ့် ၁၉၇၄ ခုနှစ်မှာ အသက် ၇၄ နှစ်နဲ့ ကွယ်လွန်ခဲ့ပြီးသား ဖြစ်ပါတယ်။

သူ့မိသားစုရဲ့ အဆိုအရ စစ်ပွဲအဆုံးမှာ Tomesuke ဟာ ကိုရီးယားနိုင်ငံ Jeju ကျွန်းမှာ ရှိနေခဲ့တာဖြစ်ပြီး ဓားက ဘာကြောင့် အိုကီနာဝါမှာ ရောက်ရှိနေခဲ့သလဲဆိုတာကိုတော့ ယနေ့ထိ အတိအကျ မသိရသေးပါဘူး။

Tomesuke ရဲ့သား Takemitsu Umeki ကတော့ ဖခင်ရဲ့ဓားကို မမေ့ခဲ့ပါဘူး။ အဲဒီကာလက ဖခင်စစ်ထွက်သွားချိန်မှာ အဲဒီဓားကို မြင်ခဲ့ဖူးကြောင်း ပြန်မှတ်မိနေပါတယ်။ Takemitsu ရဲ့ပြောကြားချက်အရ ဖခင်ဟာ အဲဒီဓားကို ကိုင်ဆောင်ပြီး အိမ်ကနေ ထွက်ခွာသွားခဲ့ပေမယ့် စစ်ပြီး အိမ်ပြန်ရောက်တဲ့အချိန်မှာတော့ ဓားမပါဘဲ ပြန်ရောက်လာခဲ့ပါတယ်။ ဒါကြောင့် အဲဒီဓားဟာ သူ့မိသားစုအတွက် ပျောက်ဆုံးနေတဲ့ အမွေအနှစ်တစ်ခုလို ဖြစ်နေခဲ့တာပါ။

နောက်ဆုံးမှာ ၂၀၂၂ ခုနှစ် ဇူလိုင် ၂ ရက်မှာ Kevin Chroust ဟာ ဂျပန်နိုင်ငံ Miyazaki ပြည်နယ် Nichinan မြို့မှာရှိတဲ့ Umeki မိသားစုအိမ်ကို ကိုယ်တိုင်သွားရောက်ခဲ့ပါတယ်။ လက်ထဲမှာတော့ ၁၉၄၅ ခုနှစ်က အဖိုးဖြစ်သူ ယူဆောင်လာခဲ့တဲ့ ဓားကို ထုပ်ပိုးယူဆောင်လာခဲ့ပါတယ်။

အဲဒီနေ့မှာ ဓားကို အသက် ၉၆ နှစ်အရွယ် Takemitsu Umeki ဆီ တရားဝင်ပြန်အပ်ခဲ့ပါတယ်။ ဓားကို မိသားစုဝင်တွေ အောက်မေ့ပူဇော်တဲ့ အခန်းထဲမှာ ထားရှိပြီး ဖခင် Tomesuke ရဲ့ ဓာတ်ပုံရှေ့မှာ ပြန်လည်အပ်နှံခဲ့တာ ဖြစ်ပါတယ်။

အဲဒီအချိန်မှာတော့ ထူးခြားတဲ့ အရွယ်အစားတစ်ခုလည်း ဖြစ်ပေါ်လာပါတယ်။ အသက် ၉၉ နှစ်ရှိ Benny Kasser ရဲ့ မြေးက အသက် ၉၆ နှစ်ရှိ Takemitsu Umeki ထံ သူ့ဖခင်ရဲ့ဓားကို ပြန်ယူလာပေးခဲ့တာပါ။ နှစ်နိုင်ငံကြား စစ်ပွဲတစ်ခုကြောင့် ခွဲခြားခဲ့တဲ့ မိသားစုနှစ်စုဟာ စစ်ပြီး ၇၇ နှစ်အကြာမှာ ဓားတစ်လက်ကနေတစ်ဆင့် ပြန်လည်တွေ့ဆုံခဲ့ကြတာ ဖြစ်ပါတယ်။

Benny ကတော့ ကျန်းမာရေးအခြေအနေကြောင့် ဂျပန်ကို ကိုယ်တိုင်မသွားနိုင်တော့ပါဘူး။ ဒါပေမယ့် သူဟာ အမေရိကန်နိုင်ငံ Chicago မှာရှိတဲ့ သူ့အိမ်ကနေ Video Callကနေတစ်ဆင့် ဂျပန်မိသားစုနဲ့ တွေ့ဆုံခဲ့ပါတယ်။ ဓားကို မူရင်းမိသားစုဆီ ပြန်ရောက်သွားပြီဆိုတာကို သိရတဲ့အခါ သူဟာ အလွန်ဝမ်းသာခဲ့ပါတယ်။ Takemitsu ကလည်း အဲဒီဓားကို ဒီလောက်ကြာအောင် ထိန်းသိမ်းထားပေးခဲ့တဲ့ Benny ကို အလွန်ကျေးဇူးတင်ကြောင်း ပြောခဲ့ပါတယ်။

ဒီဖြစ်ရပ်မှာ ဝမ်းနည်းစရာကတော့ ဓားရဲ့ မူရင်းပိုင်ရှင် Tomesuke Umeki ကိုယ်တိုင် သူ့အမွေအနှစ် မိသားစုဆီ ပြန်ရောက်လာတာကို မမြင်နိုင်ခဲ့တာပါ။ သူဟာ ဓားပျောက်ဆုံးပြီးနောက် နှစ်ပေါင်း ၃၀ ကျော် အသက်ရှင်ခဲ့ပေမယ့် အမေရိကန်စစ်သားဘက်မှာ ဓားကို ထိန်းသိမ်းထားပြီး တစ်နေ့နေ့ ပြန်ပို့ပေးမယ့် ကတိရှိနေကြောင်း သိခွင့်မရခဲ့ပါဘူး။ သူကွယ်လွန်ပြီး ၄၈ နှစ်ခန့်အကြာမှာမှ သူ့သားက ဖခင်ရဲ့ဓားကို ပြန်လက်ခံရရှိခဲ့တာပါ။

Kevin အတွက်လည်း ဒီခရီးဟာ ဓားတစ်လက်ကို ပြန်ပို့ပေးရုံ မဟုတ်ခဲ့ပါဘူး။ သူ့အဖိုး Benny ဟာ စစ်ပွဲအတွင်း ရန်သူဘက်က ပစ္စည်းတစ်ခုကို ယူဆောင်လာခဲ့ပေမယ့် နောက်ပိုင်းမှာ အဲဒီပစ္စည်းဟာ တစ်ဖက်မိသားစုအတွက် ဘယ်လောက်အရေးကြီးလဲဆိုတာ နားလည်ခဲ့ပါတယ်။

အဲဒီအတွက် နှစ်ပေါင်း ၇၀ ကျော်ကြာပြီးနောက် သူ့မြေးက အဖိုးရဲ့ ကတိကို ဆက်လက်အကောင်အထည်ဖော်ပေးခဲ့တာပါ။ Kevin က ဒီအတွေ့အကြုံကနေ သူ့အဖိုးဆီက သမိုင်းဆိုတာ တစ်ဖက်တည်းက မဟုတ်ဘဲ နှစ်ဖက်စလုံးက အမြင်နဲ့ နားလည်ရမယ့်အရာ ဆိုတဲ့ သင်ခန်းစာကို ရခဲ့တယ်လို့ ပြောထားပါတယ်။

ဓားပြန်အပ်တဲ့နေ့မှာ အသက်ကြီးလာပြီဖြစ်တဲ့ Takemitsu အတွက်တော့ ဒီဟာက ပစ္စည်းတစ်ခု ပြန်ရတာထက် ပိုအရေးကြီးပါတယ်။ သူ့အဖေ စစ်ထွက်သွားချိန်မှာ ရှိခဲ့တဲ့ မိသားစုအမွေအနှစ်တစ်ခုဟာ စစ်ပွဲပြီး ၇၇ နှစ်အကြာမှာ နောက်ဆုံး မိသားစုအိမ်ကို ပြန်ရောက်လာတာ ဖြစ်ပါတယ်။

အဲဒီဓားကို ဖခင်ရဲ့ဓာတ်ပုံနဲ့အတူ မိသားစုအောက်မေ့ရာနေရာမှာ ပြန်ထားလိုက်တဲ့အချိန်မှာ စစ်ပွဲကြောင့် ခွဲခွာခဲ့တဲ့ ဇာတ်လမ်းတစ်ခုရဲ့ အခန်းတစ်ခန်းဟာ နောက်ဆုံးမှာ ပိတ်သိမ်းနိုင်ခဲ့ပါတယ်။

အထူးခြားဆုံးကတော့ ၁၉၄၅ ခုနှစ်မှာ စစ်ပွဲကြားထဲကနေ အမေရိကန်စစ်သားတစ်ဦးရဲ့ လက်ထဲ ရောက်သွားခဲ့တဲ့ ဓားတစ်လက်ဟာ ၇၇ နှစ်ကြာပြီးနောက် မူရင်းမိသားစုဆီ ပြန်ရောက်ခဲ့တာပါ။ ဓားကို ပြန်ရောက်အောင် လုပ်ပေးခဲ့သူကလည်း မူရင်းပိုင်ရှင်ရဲ့ ရန်သူဖြစ်တဲ့ အမေရိကန်စစ်သားရဲ့ မြေးဖြစ်ပါတယ်။ စစ်ပွဲက လူနှစ်ဖက်ကို ရန်သူဖြစ်စေခဲ့ပေမယ့် နှစ်ပေါင်းများစွာကြာပြီးနောက် လူနှစ်ဖက်ရဲ့ မျိုးဆက်သစ်တွေက အဲဒီစစ်ပွဲနောက်က ကျန်ရစ်ခဲ့တဲ့ ပစ္စည်းတစ်ခုကို အကြောင်းပြုပြီး ပြန်လည်တွေ့ဆုံခဲ့ကြတာ ဖြစ်ပါတယ်။

11/09/2026

မန္တလေး တံတားဦးလေဆိပ်က အပေါ့စား တိုက်လေယာဉ်တွေ ဒရုန်းနဲ့ တိုက်ခိုက်ခံရလို့ လေဆိပ်ကို ယာယီပိတ်လိုက်ပါတယ်။

စစ်အုပ်စုက ၂၀၂၆ ခုနှစ် စက်တင်ဘာလ ၁၀ ရက်နေ့ နေ့လည်ပိုင်းမှာ ဒရုန်း‌ ၆ စီးနဲ့ တိုက်ခိုက်ခံရတယ် လို့ ထုတ်ပြန်ပါတယ်။

အဆိုပါ ဖြစ်စဉ်ကြောင့် လေဆိပ်ကို ပိတ်လိုက်ပြီ ခရီးသည်တွေကို တင်းကြပ်စွာ စစ်ဆေးပြီး ပြန်လွတ်လိုက်ပါတယ်။

လေကြောင်းခရီးစဉ် အားလုံး ဖျက်သိမ်းလိုက်ပြီ လို့ ဆိုပြီး လေဆိပ်ကို ပိတ်လိုက်ပေမယ့် မကြာမှီ ပြန်ဖွင့်မှာပါ။

ဘာကြောင့်လည်း ဆိုရင် စစ်အုပ်စုနဲ့ မိသားစုဝင်တွေဟာ ရန်ကုန်-မန္တလေး အမြန်လမ်းနဲ့ ကားလမ်းခရီးစဉ်တွေထက် လေကြောင်းကို ပိုအားကိုးကြပါတယ်။

လေကြောင်းခရီးစဉ်တွေက ပိုလုံခြုံတယ် လို့ ယူဆကြ‌တာကြောင့် မကြာခင် တံတားဦးလေဆိပ် ပြန်ဖွင့်ပေးမှာပါ။

#တံတားဦးလေဆိပ် #မန္တလေး #လေကြောင်းခရီးစဉ် #မြန်မာ #လေယာဉ် #တိုက်လေယာဉ်

11/09/2026

■ဂျပန်နိုင်ငံရှိ စိုက်ပျိုးရေးကုမ္ပဏီတစ်ခု၏ လယ်ယာလုပ်ငန်းခွင်တွင် လုပ်ကိုင်နေသည့် မြန်မာလုပ်သားအချို့ နှိပ်စက်ခံရ၊ နှိပ်စက်ခံရသည့် မြန်မာအမျိုးသမီး၊ အမျိုးသားများက သတင်းစာရှင်းလင်းပွဲပြုလုပ်

ဂျပန်နိုင်ငံရှိ စိုက်ပျိုးရေးကုမ္ပဏီတစ်ခု၏ လယ်ယာလုပ်ငန်းခွင်တွင် လုပ်ကိုင်နေသည့် မြန်မာလုပ်သားအချို့ နှိပ်စက်ခံရပြီး နှိပ်စက်ခံရသည့် မြန်မာအမျိုးသမီး၊ အမျိုးသားများက သတင်းစာရှင်းလင်း ပွဲပြုလုပ်ခဲ့သည်။

သြဂုတ် ၂၁ ရက်တွင် ပြုလုပ်သည့် သတင်းစာရှင်းလင်းပွဲတွင် နှိပ်စက်ခံရသည့် မြန်မာအမျိုးသမီးနှင့် အမျိုးသားများက မျက်ရည်များဖြင့် ပြုလုပ်ခဲ့ခြင်းဖြစ်သည်ဟု ဂျပန်သတင်းဌာနတစ်ခုဖြစ်သည့် Minichi တွင် ရေးသားထားသည်။

"မနက်တိုင်း နိုးထလာတဲ့အခါ ဒီနေ့ ငါ့အတွက် ဘာတွေစောင့်ကြိုနေမလဲ၊ ဘယ်လိုမျိုး အရိုက်ခံရပြီး အဆူခံရဦးမလဲ ဆိုတဲ့ အတွေးတွေနဲ့ ကြောက်ရွံ့ထိတ်လန့်စွာပဲ နေထိုင်ခဲ့ရတယ်" ဟု အလုပ်သမားတစ်ဦးက ပြောကြားသည်။

ဂျပန်နိုင်ငံ ဟော့ကိုင်းဒိုးပြည်နယ်၊ Kyogoku မြို့ရှိ စိုက်ပျိုးရေးကုမ္ပဏီတစ်ခု၏ လယ်ယာ လုပ်ငန်းခွင် တစ်ခုတွင် "သတ်မှတ်ကျွမ်းကျင်လုပ်သား" (specified skilled worker) နေထိုင်ခွင့် အဆင့် အတန်းဖြင့် လုပ်ကိုင်နေကြသည့် မြန်မာလုပ်သားများအပေါ် ရုပ်ပိုင်းဆိုင်ရာ ထိခိုက်စော်ကားမှုများ ပြုလုပ်ခဲ့သည်ဟူသော သံသယဖြစ်ဖွယ်ရာ ကိစ္စရပ်များနှင့် သက်ဆိုင်နေခြင်းဟု သတင်းတွင် ဆက်လက်ရေးသားထားသည်။

နှိပ်စက်ခံရသည့် မြန်မာအမျိုးသား၊ အမျိုးသမီး လုပ်သားခြောက်ယောက်ကို Sapporo General Union က စောင့်ရှောက်ထားပြီး သက်ဆိုင်ရာ စိုက်ပျိုးရေးကုမ္ပဏီသည် မေလကတည်းက မြန်မာဝန်ထမ်း စုစုပေါင်း ၃၀ ခန့်ကို ခန့်အပ်ထားခဲ့ပြီး၊ ၎င်းတို့အနက် ၂၀ ကျော်မှာ လက်ရှိအချိန်အထိ လယ်ယာလုပ်ငန်းခွင်တွင် ဆက်လက် လုပ်ကိုင်နေဆဲဖြစ်သည်ဟု ယူဆရကြောင်း Sapporo General Union က ပြောကြားသည်။

သတင်းစာရှင်းလင်းပွဲသို့ တက်ရောက်ခဲ့သည့် အသက် ၂၀ ကျော်အရွယ် အမျိုးသားတစ်ဦးက "ဂျပန်နိုင်ငံကို မလာခင်တုန်းက ကျွန်တော့်ဘဝမှာ မျှော်လင့်ချက်တွေ ပြည့်နှက်နေခဲ့ပါတယ်။ ဂျပန်နိုင်ငံဟာ လူကောင်းတွေ ပေါများပြီး အလွန်ကောင်းမွန်တဲ့ နိုင်ငံတစ်ခု ဖြစ်လိမ့်မယ်လို့ ပြောဆိုစည်းရုံးပြီး မိသားစုကို သဘောတူစေကာ ဂျပန်ကို လာခဲ့တာပါ" ဟု ပြောကြားခဲ့သည်။

သို့သော် အလုပ်ဝင်ပြီး နောက်တစ်ရက်မှ စတင်ကာ စော်ကားသည့်စကားလုံးများဖြင့် ပြောဆိုခံရခြင်း၊ ရုပ်ပိုင်းဆိုင်ရာ အကြမ်းဖက်ခံရခြင်းတို့ ကြုံတွေ့ခဲ့ရသည်ဟု သူက ပြောကြားခဲ့သည်။

လုပ်ငန်းရှင်အပေါ် မည်သို့မြင်သလဲဟု မေးမြန်းမှုအပေါ် “သူတို့ဟာ ဂျပန်လူမျိုးတွေနဲ့ပတ်သက်ပြီး ကျွန်တော် အစောပိုင်းက ပုံဖော်ထားခဲ့တဲ့ ပုံရိပ်နဲ့ လုံးဝမတူဘဲ အလွန်ကွာခြားနေပါတယ်။ သူတို့ဟာ ကြောက်စရာ ကောင်းတဲ့ လူတွေပါ" ဟု ပြောကြားခဲ့သည်။

အခြား အသက် ၂၀ အရွယ် မြန်မာလုပ်သားတစ်ဦးကလည်း အလုပ်ရှင်များက ရိတ်သိမ်းပြီးသား သီးနှံများကို ပျက်စီးစေခဲ့သည်ဟုဆိုကာ ဆူပူကြိမ်းမောင်းခံခဲ့ရပြီး၊ အခြားသော အနိုင်ကျင့်နှိပ်စက်မှုများအပြင် သံမဏိ ချောင်းဖြင့် ညာဘက်ပေါင်ကို အကြိမ်ကြိမ် ရိုက်နှက်ခံခဲ့ရသည်ဟု သတင်းတွင် ဖော်ပြထားသည်။

မြန်မာလုပ်သားများကို ကူညီစောင့်ရှောက်မှုပေးနေသည့် Sapporo General Union က ယင်းကိစ္စနှင့် ပတ်သက်၍ ရာဇဝတ်မှုဆိုင်ရာ တိုင်ကြားချက်တစ်ခု တင်သွင်းရန် စီစဉ်လျက်ရှိပြီး သတင်းစာရှင်းလင်းပွဲတွင် ပါဝင်ခဲ့သော အလုပ်သမား ခြောက်ဦးသာမက အခြားသော လုပ်သားများမှာလည်း အကြမ်းဖက်ခံရပြီး စော်ကားပြောဆိုခံရခြင်းများရှိနေသည်ဟု Sapporo General Union ကို ကိုးကားပြီး သတင်းတွင် ရေးသားထားသည်။

သတင်းစာရှင်းလင်းပွဲတွင် ပါဝင်ခဲ့သည့် အမျိုးသမီး လေးဦးအနက် သုံးဦးမှာ ညပိုင်းတွင် အဆိုပါ စိုက်ပျိုးရေး လုပ်ငန်းမှ ထွက်ပြေးလာခဲ့ခြင်းဖြစ်ပြီး Sapporo General Union အလုပ်သမားသမဂ္ဂက ၎င်းတို့အား ခိုလှုံခွင့် ပေးခဲ့သည်။ ကျန်ရှိနေခဲ့သော အမျိုးသမီးမှာ ရင်းနှီးသိကျွမ်းသူတစ်ဦးကို အားကိုးကာ Aomori စီရင်စု အထိ တစ်ယောက်တည်း ထွက်ပြေးခဲ့ပြီးနောက် Sapporo မြို့သို့ ရောက်ရှိလာခဲ့သည်။

သတ္တုတုတ်တံဖြင့် ရိုက်နှက်ခံခဲ့ရသည်ဟု ပြောကြားခဲ့သော အမျိုးသမီးတစ်ဦးက "နောက်ထပ် ကျွန်မ သွားရောက်လုပ်ကိုင်မယ့်နေရာမှာ စိတ်ထားကောင်းတဲ့လူတွေ ရှိပါစေလို့ မျှော်လင့်ပါတယ်" ဟု တိုးတိုးလေး ရေရွတ်ပြောဆိုလိုက်သည်ဟု သတင်းတွင်ရေးသားထားသည်။

Sapporo General Union ၏ အကြံပေးပုဂ္ဂိုလ် Hajime Suzuki က ဟော့ကိုင်းဒိုးဒေသရှိ စိုက်ပျိုးရေး၊ ငါးဖမ်းလုပ်ငန်းနှင့် အစားအစာထုတ်လုပ်ရေး လုပ်ငန်းခွင်များသည် နိုင်ငံခြားသားအလုပ်သမားများမရှိဘဲ လည်ပတ်နိုင်မည်မဟုတ်ကြောင်း၊ လူ့အခွင့်အရေးကို ကာကွယ်စောင့်ရှောက်ခြင်းဆိုသည်မှာ စက်မှုလုပ်ငန်းနှင့် လူ့အဖွဲ့အစည်းကို ကာကွယ်စောင့်ရှောက်ခြင်းပင် ဖြစ်ကြောင်း၊ 'ဂျပန်နိုင်ငံကို ငါမုန်းတယ်' ဟု ပြောဆိုမည့် သူများ ပေါ်ပေါက်လာစေခြင်းသည် ဂျပန်နိုင်ငံအတွက် ကောင်းကျိုးဖြစ်စေပါမည်လော" ဟု မေးခွန်းထုတ်ခဲ့ သည်ဟု သတင်းတွင် ဆက်လက်ရေးသားထားသည်။

10/09/2026

နိုင်ငံကူးလက်မှတ် သက်တမ်းတိုး/အပျောက်လျှောက်ရန်အတွက်
၁၄-၉-၂၀၂၆ ရက်နေ့တွင်မလေးရှားနိုင်ငံ မြန်မာ သံရုံးသို့ လာရောက်နိုင်သူများ စာရင်း

Credit