16/04/2024
••••••••••••••••❝သင်္ကြန်အစ မြန်မာက❞••••••••••••••••
နှစ်ကူးမှာရေပက်တဲ့ဓလေ့ဟာ ဗြဟ္မဝါဒကနေ ဆင်းသက်လာတာဖြစ်ပြီး မြန်မာနှစ်ကူးသင်္ကြန်
ရေပက်ပွဲတော်ဟာလည်း ဗြဟ္မဏဝါဒစီမှဆင်းလာတယ်လို့ လူအတော်များများကထင်နေကြပါတယ်။တကယ်တော့ ဗြဟ္မဏဝါဒမှာ နှစ်သစ်ကူးလို့ရေပက်တယ်ဆိုတဲ့ အယူအဆမရှိပါဘူး။ဗြဟ္မဏဝါဒမှာရှိတာက အပြစ်အကြွေးတွေကို ၎င်းတို့သတ်မှတ်ထားတဲ့မြစ်များမှ မြစ်ရေများဖြင့် ရေချိုးသန့်စင်ပြီး
ဆေးကြောပစ်တဲ့ အယူအဆပဲရှိတာပါ။တချို့တွေကလည်း ဟိန္ဒူဘာသာမှာရှိတဲ့ ကုမ္ဘမေလပွဲတော်မှ
တစ်ဆင့် မြန်မာသင်္ကြန်ဖြစ်လာတာဆိုပြီးထင်ကြေး ပေးကြပြန်ပါတယ်။ဟိန္ဒူဘာသာရေးပွဲတစ်ခုဖြစ်တဲ့
ကုမ္ဘမေလပွဲတော်ဆိုတာကလည်း ဂင်္ဂါမြစ်နှင့်တကွအခြားသောမြစ်ကြီးလေးစင်းတို့မှာ ဘာသာရေး
ထုံးတမ်းဓလေ့အရ ရေချိုးကြတဲ့ပွဲတော်ဖြစ်ပါတယ်။ဒါ့ကြောင့် ဗြဟ္မဏဝါဒနှင့်ဟိန္ဒူဘာသာတို့တွင် ရေချိုးခြင်းအယူအဆသာရိှကြပြီး နှစ်သစ်ကူးလို့ရေပက်တယ်ဆိုတာ ဗြဟ္မဏဝါဒမှာရော၊ဟိန္ဒူဘာသာမှာရော မရှိပါဘူး။ဒါ့အပြင် အိန္ဒိယနိုင်ငံတွင်လည်းနှစ်သစ်ကူးလို့ ရေပက်တယ်ဆိုတာမျိုးလည်း မရှိပါဘူး။
မြန်မာလူမျိုးတွေ ခေတ်အဆက်ဆက်မှာကျင်းပလာကြတဲ့ သင်္ကြန်ပွဲတော်ဆိုတာဟာ ရေချိုးတဲ့ပွဲတမဟုတ်ဘဲ တစ်ဦးနဲ့တစ်ဦးအပြန်အလှန်ရေပက်ကြတဲ့ ရေသဘင်ပွဲတော်ဖြစ်ပါတယ်။ဒါဆိုသင်္ကြန်ပွဲတော်မှာ မြန်မာတွေဟာ ဘာလို့ရေပက်ကြတာလဲ။အဖြေကရှင်းပါတယ်.....မြန်မာတွေရဲ့ရေပက်ပွဲတော်နာမည်ဖြစ်တဲ့ သင်္ကြန်ဆိုတဲ့စကားလုံးဟာ ပါဠိဝေါဟာရ"သင်္ကန္တ"၊ သက္ကတဝေါဟာရ"သင်္ကြာန္တ"
တို့ကနေဆင်းသက်လာပြီး ဝေါဟာရနှစ်ခုလုံးရဲ့အဓိပ္ပာယ်ကတော့ ပြောင်းရွှေ့ခြင်း၊ကူးပြောင်းခြင်းပဲဖြစ်ပါတယ်။ဘယ်လိုအရာကပြောင်းရွှေ့လို့ရေပက်ကြတာလဲဆိုရင် မြန်မာလူမျိုးတွေအသုံးပြုတဲ့ သက္ကရာဇ်ကူးပြောင်းရွှေ့လို့ရေပက်ကြတာပါပဲ။
ဒါ့ကြောင့် ဗြဟ္မဏဝါဒတွင်ရှိသောအယူအဆသည်ရေချိုးခြင်းအားဖြင့်အပြစ်များကိုစင်ကြယ်သန့်စင်
စေနိုင်သည်ဟူသော အယူအဆသာဖြစ်ပြီး ဟိန္ဒူဘာသာမှာရှိတဲ့ ကုမ္ဘ မေလပွဲတော်သည်လည်း ဘာသာရေးဓလေ့ထုံးတမ်းများဖြင့် ကျင်းပသော ရေချိုးပွဲတစ်ခုသာဖြစ်သည်။မြန်မာလူမျိုးတွေကျင်းပတဲ့သင်္ကြန်ပွဲတော်ကတော့ ရေချိုးပွဲတော်မဟုတ်ဘဲ အပြန်အလှန်ရေပက်ကြတဲ့ ရေသဘင်
ပွဲတော်ဖြစ်သည်။ရေချိုးပွဲနှင့် ရေပက်ပွဲကို ကွဲပြားစွာသိရှိထားရန်လည်းလိုအပ်ပါသည်။နောက်တစ်ခု
မြန်မာသင်္ကြန်ပွဲတော်မှာ ဘယ်မြစ်ရေနဲ့ပဲရေပက်ရမယ်၊ဘယ်နေရာမှာပဲရေပက်ရမယ်ဆိုတဲ့ သတ်မှတ်
ချက်မျိုးတွေမရှိဘဲ တစ်နိုင်ငံလုံးအနေအထားနဲ့
ကြိုက်တဲ့နေရာမှာ ကြိုက်သလိုရေကစားပိုင်ခွင့်ရှိပါတယ်။ဒီအချက်တွေဟာ မြန်မာသင်္ကြန်ပွဲတော်နှင့်
ဗြဟ္မဏဝါဒ၊ဟိန္ဒူဘာသာတို့ကြားတွင် မတူညီသောအချက်အလက်များပင်ဖြစ်သည်။
ပြီးတော့ နှစ်သစ်ကူးတဲ့အခါရေပက်တဲ့ဓလေ့ကို ပွဲတော်တစ်ခုအနေနဲ့ အစောဆုံးကျင်းပခဲ့တဲ့လူမျိုးဟာလည်း မြန်မာလူမျိုးပါပဲ။သမိုင်းအထောက်
အထားများအရ သက္ကရာဇ်(၆၅၃)ခုနှစ်၊ပုဂံခေတ်တွင်ရေးထိုးခဲ့သော ❝သခင်ရစသူနှင့်အမိဖွားစော❞
ကျောက်စာတွင် "သင်ကြံန်"(သင်္ကြန်) ဆိုတဲ့စကားလုံးကို တွေ့ရှိရပြီဖြစ်ပါတယ်။ထိုကျောက်စာထဲတွင်ပါဝင်သော "သင်ကြံန်" ဆိုတဲ့စကားလုံးက ရေပက်တဲ့သင်္ကြန်ပွဲေတာ်ဖြစ်ကြောင်း ဘာ့ေကြာင့်ပြောနိုင်ရသလဲဆိုရင် အဲ့ဒီ့"သင်ကြံန်"ဆိုတဲ့စကားလုံးနဲ့အတူယှဥ်တွဲပြီး မှတ်တမ်းတင်ထားတဲ့
"မီဖုန်၊စာရိယ်၊ညောင်ရိယ်သွန်"ဆိုတဲ့စကားလုံးတွေဟာ ရာသီအလိုက်ကျင်းပတဲ့မြန်မာ့ရိုးရာပွဲတော်နာမည်တွေဖြစ်နေလို့ပါပဲ။အဲ့ဒီ့လိုပွဲတော်နာမည်
တွေနဲ့အတူ ယှဥ်တွဲပြီးမှတ်တမ်းတင်ထားတဲ့
"သင်ကြန်"ဆိုတဲ့စကားလုံးဟာလည်း ရေပက်တဲ့သင်္ကြန်ပွဲတော်မှတစ်ပါးအခြားမဖြစ်နိုင်ပါ။
ဒါ့ကြောင့် သမိုင်းဆိုင်ရာအထောက်ထားများအရ သင်္ကြန်ဆိုတဲ့နှစ်ကူးရေပက်ပွဲတော်ကိုအစောဆုံးကျင်းပခဲ့ကြသူများမှာ မြန်မာလူမျိုးများသာဖြစ်ပြီး သင်္ကြန်အစ မြန်မာက လို့ပြောကြားရင်းနဲ့ပဲနိဂုံးချုပ်အပ်ပါတယ်။
Credit #ရဲမင်းသူ
#သင်္ကြန်
#မြန်မာသင်္ကြန်
