သုခဟံသာ ဗုဒ္ဓဂယာဘုရားဖူးပို့ဆောင်ရေး

22/03/2025

Mar 22 to Apr 5

သံဝေဇနိယ လေးဌာန

အဝိဇဟိတ လေးဌာန

နယူးဒေလီ

မိသားစု VIP ခရီးစဥျ

မြေမြတ်မဟာဗုဒ္ဓဂယာ သ်ို့

Laykyunsetkyar Padomar T & T

T/O(YGN)-0970

T/I (YGN)-2646

BPWC -289

UMTA 2700

19/11/2024

မြတ်စွာဘုရားရှင်ဖွင့်တော်မူရာ ဗုဒ္ဓဂယာ သို့

ဘုရားဖူးမယ်လို့ စိတ်ကူးထားတယ်ဆိုရင်

မြန်မာနိုင်ငံလက်မှတ်အတွက် ကြိုတင်လျှောက်ထားဖို့တော့လိုပါမယ်ရှင့်

နီးကပ်မှစိတ်အားထက်သန်လို့

ဘုရားဖူးလိုက်ချင်လို့ ပတ်စပို့ကလဲမရှိ(အဲဒါလဲစိတ်မပူပါနဲ့)

ကုမ္ပဏီမှ India/Nepal သီးသန့် (၁နှစ်)စာအုပ်နဲ့လိုက်လို့ရပါတယ်ရှင့်

ဘယ်လိုအကြောင်းအမျိုးမျိုးကြောင့် တွေးထားပြီး

ဆိုရင် လက်တွေ့အကောင်ထည်ဖော်လိုက်တာကောင်းပါတယ်☺

အဲကြောင့်မို့လို့ ရှေ့နှစ်ရာသီသွားမယ်စိတ်ကူးရင်

ဒီနှစ်ကတည်းက online booking တင်ထားကျပါ

မတင်တတ်ဘူးဆိုရင် ကျမတို့ကိုတင်ခိုင်းလို့ရပါတယ်ရှင့်

လက်ရှိယနေ့ booking တင်လို့ရမည့်ရက်တွေပါ

09425343310 (viber)

အချိန်မရွေး hi လို့ပါကြောင်း 😊😊😊

17/11/2024

သုခဟံသာဗုဒ္ဓဂယာ ခရီးသွားကုမ္ပဏီ၏ အေးချမ်းလှတဲ့ ဇန်နဝါရီလမှာ ၇ညအိပ်၈ရက်ခရီး ဘုန်းကြီးကျောင်းတည်းခရီးစဉ်လေး ထွက်မှာပါရှင့်🙏🙏🙏

ရောက်ရှိမည့်နေရာများ

ဖွား #ပွင့် #ဟော #စံ (India /Nepal)

ဗုဒ္ဓဂယာ ၊ ရာဇဂြိုဟ်၊ နာလန္ဒာ၊ပတ္တနား၊ဝေသာလီ၊ကုသိနာရုံ၊ လုမ္ဗိနီ၊ သာဝတ္တိ၊ မိဂဒါဝုန်( ဗာရာဏသီ)

ထွက်ရှိမည့်နေ့ရက် = 25.1.2025
ပြန်လည်ရောက်ရှိမည့်ရက် = 1.2.2025

#ခရီးစဉ်စျေးနှုန်း

*ဘုန်းကြီးကျောင်းတည်း ခရီးစဥ် တစ်ဦးလျှင် 800 USD ပါ။

*လူဦးရေအနည်းငယ်နှင့်သာ သွားရောက်ဖူးမြော်မှာမို့ ပတ်စပို့လက်ဝယ်မရှိသေးသည့်ဓမ္မမိတ်ဆွေများလည်းလိုက်လို့ရပါသေးကြောင်းအသိပေးကြေငြာအပ်ပါသည်******

09.425343310(viber)
09.794948675(viber)
09.776923368(viber)

သုခဟံသာ ဘုရားဖူးကုမ္ပဏီ

အမှတ် ၃၀၅ ငမိုးရိပ် ၇လမ်း အပိုင်း (၁)သဃ်ကျွန်းမြို့နယ်

T/O (YGN)-0970
T/I (YGN)-2646
Company Registration No.122099210
BPWC (289)
UMTA (2700)

နိုင်ငံခြားမှ လာမည့်မိတ်ဆွေများအတွက် စိတ်တိုင်းကျဆောင်ရွက်ပေးပါမည်ရှင့် ☺☺☺

21/09/2024

🙏မဂ်လာပါရှင့်🙏

🌷🌷🌷သုခဟံသာ ရဲ့ (2024--2025)ဗုဒ္ဓဂယာ ခရီးစဥ်ကြေငြာပါရစေရှင့်

🌷🌷🌷သုခဟံသာ ရဲ့ ဘုရားဖူးခရီးစဥ်များတွင်
အောက်တိုဘာလမှ စတင်၍ ဧပြီလ အထိ ခရီးစဥ်များပို့ဆောင်ပေးနေပါသည်.

(၇ ညအိပ် ၈ရက်ခရီး) 💵💵💵800 $

( ၁၄ ညအိပ် ၁၅ ရက်ခရီး) 💵💵💵1000 $

🌷 (၇ညအိပ် / ၈ရက်)

သံဝေဇနိယလေးဌာန / အဝိဇဟိတသုံးဌာန

🌷 (၁၄ညအိပ် / ၁၅ရက်ခရီး)

သံဝေဇနိယလေးဌာန / အဝိဇဟိတလေးဌာန
နယူးဒေလီ

🌷 သွားရောက်လိုသည့်ခရီးစဥ်ပေါ်မူတည်ပြီး ခရီး
စရိတ်အပြောင်းလဲ ရှိပါမည်ရှင့်

🌷 တစ်ဦးတစ်ယောက်ချင်းဖြစ်စေ
ကုမ္ပဏီအဖွဲ့အစည်းဖြစ်စေ
သွားလိုသည့်ဧည့်သည်တော်များဖုန်းဖြင့်
ဆက်သွယ်မေးမြန်းနိုင်ပါသည်ရှင့်

🏠 အမှတ် ၃၀၅ ပထမအထပ် ငမိုးရိပ် (၇) လမ်း
အပိုင်း ၁ / သဃ်ကျွန်းမြို့နယ်

📞 09 425343310
09 794948675
09 776923368

❤ အန္တာရယ်ကင်းဘေးရှင်းကျပါစေ

Laykyunsetkyar padonmar company registration ( No - 122099210)

T/I (YGN)-2646
T/O (YGN) - 0970

20/07/2024

ဝါဆိုလပြည့် ဓမ္မစကြာ အခါတော်နေ့
~~~~~~~~~~~~~~~~~~~~~~~~~~~~~~~~~~
ယနေ့သည်
ဝါဆိုလပြည့် ဓမ္မစကြာအခါတော်နေ့ ဖြစ်ပါသည်။
ဝါဆိုလပြည့်နေ့၊ဓမ္မစကြာအခါတော်နေ့ ဆိုသည်
ကား သန္ဓေ၊ တောထွက်၊ ဓမ္မစက်၊ တချက်ပြာဋိဟာ ဆိုသည့်အတိုင်း ဂေါတမမြတ်စွာဘုရားရှင် ပဋိသန္ဓေ နေတော်မူခြင်း။ တောထွက်တော်မူခြင်း။ တရားဦးဓမ္မစကြာကို ဟောကြားတော်မူခြင်း။ ရေအစုံ မီးအစုံ တန်ခိုးပြာဋိဟာကို ပြသတော်မူခြင်းဟူသော ထူးခြားသည့် နေ့ ဖြစ်သည်။

ထို့ပြင် ဝါဆိုလပြည့်နေ့သည် ဘုရားအဖြစ်ကို ဝန်ခံတော်မူသောနေ့လဲဖြစ်သည်။ တရားရတနာ စတင်ပေါ်ပေါက်ရာနေ့လဲ ဖြစ်သည်။ သံဃာရတနာ စတင်ပေါ်ထွန်းသောနေ့လဲ ဖြစ်သည်။ ပုထုဇဉ်ခရီးမှ အရိယာခရီးသို့ စတင်ကူးပြောင်းခွင့် ကြုံသောနေ့လဲ ဖြစ်သည်။ ဧဟိဘိက္ခူ ဟူသော စကားကို စတင်ကြားရသော နေ့လဲ ဖြစ်သည်။ ထိုမျှသာမက သံဃာတော်များသည် ဝါဆိုလပြည့်ကျော် ၁-ရက်မှစ၍ ဝါတွင်းသုံးလ ကာလပတ်လုံး ဝါဆိုဝါကပ်သော အခါထူး အခါမြတ်လည်း ဖြစ်သည်။

ထို့ကြောင့် ဗုဒ္ဓဘာသာဝင် မြန်မာတို့သည် စားနပ်ရိက္ခာအတွက် လယ်ယာလုပ်ငန်းကို ကြိုးစားလုပ်ကိုင်ရင်း တဖက်ကလည်း ဝါဆိုလပြည့်နေ့၌ ကျောင်းကန်ဘုရားများသို့ သွားရောက်၍ ဝါဆိုပန်းများ ကပ်လှူခြင်း၊ ဓမ္မစကြာတရားတော်များကို ရွတ်ဖတ်သရဇ္ဈာယ်ခြင်းများ ပြုကြသည်။ ဝါတွင်းသုံးလတွင် အခြားကာလများထက်ပို၍ အလှူဒါနများ ပြုခြင်း၊ သီလဆောက်တည်ခြင်း၊ တရားဘာဝနာများ ကျင့်ကြံအားထုတ်ခြင်းလည်း ပြုကြသည်။

ဗုဒ္ဓအယူဝါဒကို သက်ဝင်ယုံကြည်ကြသူများအဖို့ ဝါဆိုလပြည့်နေ့သည် အယူဝါဒရေးဆိုင်ရာ နေ့ထူးနေ့မြတ်ဖြစ်ပေသည်။ ထူးခြားပုံမှာ ဂေါတမမြတ်စွာဘုရား အလောင်းတော်သည် အထက် တုသိတာနတ်ပြည်မှ သက်ဆင်း၍ လူ့ပြည်၌ ပဋိသန္ဓေတည်သောနေ့၊ သူအို၊ သူနာ၊ သူသေ ရဟန်းဟူသော နိမိတ်ကြီးလေးပါးကို နတ်များဖန်ဆင်းပြရာတွင် သံဝေဂရ၍ တောထွက်တော်မူသောနေ့၊ ဘုရားအဖြစ်သို့ရောက်ပြီး နောက် ဓမ္မစကြာတရားဦး ဟောတော်မူသောနေ့၊ သာဝတ္ထိပြည် သရက်ဖြူ ပင်ရင်း၌ တိတ္တိသင်းကိုနှိမ်နင်း၍ တန်းခိုးပြာဋိဟာ ပြသောနေ့တို့ ဖြစ်သော ကြောင့်တည်း။

ဂေါတမမြတ်စွာဘုရားသည် ဘုရားအဖြစ်သို့ ရောက်တော်မှုပြီး နောက် ရှေးဦးစွာဖြစ်သော ဓမ္မစကြာဒေသနာတော်ကို ပဉ္စဝဂ္ဂီငါးဦးတို့အား ဝါဆိုလပြည့်နေ့တွင် မိဂဒါဝုန်တော၌ ဟောကြားတော်မူသည်။ ထို့ကြောင့် ဝါဆိုလပြည့်ကို ဓမ္မစကြာအခါတော်နေ့ဟူ၍ သတ်မှတ်ထားသည်။

ဘုရားရှင်သာသနာတော်ရှိ ရဟန်းတို့သည် ဤဝါဆိုလပြည့်နေ့တွင် ဝါတွင်းသုံးလပတ်လုံး မိမိတို့၏ ကျောင်းအာရမ်အတွင်းမှ အရပ် တစ်ပါးသို့ ရွှေ့ပြောင်းသွားလာခြင်း မပြုပါဟူသော ပဋိညာဉ်ဖြင့် ဝါဆို ဝါကပ်မှုများကိုပြုကြသည်။

ထိုကဲ့သို့ ရဟန်းသံဃာတော်တို့သည် ဝါတွင်းသုံးလပတ်လုံး ငြိမ်သက်စွာ တရားအားထုတ်လျက်ရှိစဉ် လူတို့သည်လည်း ထိုဝါတွင်းသုံးလတွင် ရဟန်းတို့၏ သိက္ခာပုဒ်တော်များကို ကြည်ညိုခြင်းဖြစ်လျက် ရှစ်ရက် လပြည့်လကွယ်နေ့များတွင် သီတင်းသီလဆောက်တည်၍ သူတော်ကောင်း တရား ပွားများအားထုတ်ကြခြင်း၊ ကုသိုလ်ဒါနမှုများကို ပြုကြခြင်းဖြင့် ဝါကပ်သော ရဟန်းတို့အား ချမ်းမြေ့စေရန် ထောက်ပံ့ကြ၏။ ဤသို့ ရဟန်းရှင်လူတို့ သုံးလပတ်လုံး ဒါန၊ သီလ၊ ဘာဝနာ အစရှိသော သူတော်ကောင်းတရားများကို ငြိမ်သက်စွာအားထုတ်ရန် အစပြုသော ဝါဆိုလပြည့်နေ့များတွင် လူတို့သည် ဝါကပ်ခြင်းအမှုကို ပြုကြကုန်သော ရဟန်း သံဃာတို့အား ပန်း၊ ဆီမီးတို့ဖြင့် ပူဇော်ကြကုန်သည်။ ဝါဆို ဝါကပ်ကို အစွဲပြု၍ ဝါဆိုပန်း၊ ဝါဆိုဖယောင်းတိုင် စသည့်ဝေါဟာရများ ပေါ်ပေါက်လာသည်။

မြန်မာမင်းများ လက်ထက်တော်တွင် တစ်လလျှင် ပွဲတော်တစ်မျိုးကျ ကျင်းပလေ့ရှိရာ ဤဝါဆိုလအခါတွင် ပဉ္စင်းတော်ခံပွဲများ ကျင်းပမြဲဖြစ် ၏။

ဗုဒ္ဓရှင်တော် ဂေါတမမြတ်စွာဘုရားသည် မဟာသက္ကရာဇ် ၁၀၃ ခုနှစ်၊ ဝါဆိုလပြည့်နေ့ အချိန်၌ အရှင်ကောဏ္ဍည၊ အရှင်ဝပ္ပ၊ အရှင်ဘဒ္ဒိယ၊ အရှင်မဟာနာမ်၊ အရှင်အဿဇိ ပဉ္စဝဂ္ဂီငါးဦးတို့ကို ဘုရားဖြစ်တော်မူကြောင်း ဝန်ခံ၍ စမ္မစကြာတရားတော်ကို အိန္ဒိယနိုင်ငံ ဗာရာဏသီပြည် မိဂဒါဝုန်တောဝယ် ဟောကြားတော်မူခဲ့သည်။ ဓမ္မစကြာ တရားတော်သည် ဝိနည်းမဟာဝါ ပါဠိတော်၌ ပဉ္စဝဂ္ဂိယ ကထာအမည်ဖြင့် လာရှိပြီး ပဋိသမ္ဘိဒါမဂ္ဂ ပါဠိတော်၌ ဓမ္မစက္က ပဝတ္တနဝါ အမည်ဖြင့် လာရှိကာ မဟာဝဂ္ဂသံယုတ်ပါဠိတော်၌ ဓမ္မစက္က ပဝတ္တနသုတ္တ အမည်ဖြင့် လာရှိသည်။

ဓမ္မစကြာတရားတော်သည် သစ္စာလေးပါး မြတ်တရားကိုညွှန်းဆိုသော ဒေသနာတော်ဖြစ်၍ ပိဋကတ်သုံးပုံ၏ အနှစ်ချုပ်တရားဟု အဋ္ဌကထာဆရာကြီးများက ညွှန်းဆိုကြသည်။ ဓမ္မစက္ကပဝတ္တန၏ အဓိပ္ပာယ်မှာ တရားတည်းဟူသော စက်ကို ဖြစ်စေခြင်း၊ လည်စေခြင်း ဟု အဓိပ္ပာယ်ရသည်။ ( ဓမ္မစက္က= တရားတော်+ပတဝတ္တန=ဖြစ်စေခြင်း၊ လည်စေခြင်း)
သစ္စာလေးပါးဂေါတမဗုဒ္ဓရှင်တော်မြတ်ဘုရားသည် ခြောက်နှစ်တာ ကာလပတ်လုံး လူသာမန်တို့ ကျင့်ဖို့ရာ ခဲယဉ်းလှသည့် ဒုက္ကရစရိယာအကျင့်မြတ်ကို ကျင့်ကြံကြိုးကုတ် ပွားများအားထုတ်ခဲ့ရာ နောက်ဆုံး၌ မဇ္ဈိမပဋိပဒါခေါ် သည့် အလယ်အလတ် အကျင့်တရားလမ်းစဉ်ကို တွေ့မြင်ပြီး ကာမ အာရုံခံစားမှု လက်ယာအစွန်းနှင့် အတ္တဘော ပင်ပန်းစေသည့် လက်ဝဲအစွန်းတည်းဟူသော အစွန်းတရားနှစ်ပါးကို ရှောင်ကြည်ကာ သစ္စာလေးပါး တရားတော်ကို သိမြင်တော်မူပါသည်။ ဒုက္ခ၊ သမုဒယ၊ နိရောဓ၊ မဂ္ဂ ဟူသော ထိုသစ္စာလေးပါး မြတ်တရားတော်သည် ဓမ္မစကြာတရားတော်ပင် ဖြစ်သည်။

ဓမ္မစကြာတရားတော်သည် မြတ်ဗုဒ္ဓ၏ တိကျခိုင်မာသော သဘောတရားကို ထင်ရှားစွာတွေ့မြင်နိုင်သည်။ ရှင်တော်မြတ်ဘုရားသည် လေးအသင်္ချေနှင့် ကမ္ဘာတစ်သိန်း ဖြည့်ကျင့်ဆည်းပူးခဲ့သော ပါရမီတော် အဟုန်တို့ကြောင့် ရရှိခဲ့သည့် သဗ္ဗညုတ ရွှေဉာဏ်တော်စွမ်းအားဖြင့် ဓမ္မစကြာတရားတော်ကို ဟော်ဖော်ညွှန်ပြခဲ့ခြင်းဖြစ်သည်။ ဘုရားရှင်ကိုယ်တော်မြတ်သည် ထိုးထွင်း၍ သိမြင်တော်မူအပ်သော သစ္စာလေးပါးကို မြင်တတ်သော၊ ပညာမျက်စိကို ပြုတတ်သော၊ သစ္စာလေးပါးကို သိခြင်းကို ပြုတတ်သော၊ အကြင်အလယ်အလတ်ဖြစ်သော၊အကျင့်သည် ကိလေသာငြိမ်းခြင်းတည်းဟူသော သဥပါဒိသေသနိဗ္ဗာန် အကျိုးငှာ သစ္စာလေးပါးကို ထူးသော ဉာဏ်ဖြင့် သိခြင်းငှာ၊ သစ္စာလေးပါကို ကောင်းစွာသိခြင်းငှာ၊ အနူပါဒိသေသ နိဗ္ဗာန်အကျိုးငှာ ဖြစ်၏။

ထိုအလယ်အလတ် အကျင့်သည် အဘယ်နည်းဟု သိသာထင်ရှားစွာ ဟောဖော်ညွှန်ပြတော်မူပါသည်။
သမ္မာဒိဋ္ဌိ = ကောင်းစွာ မြင်ခြင်း
သမ္မာသင်္ကပ္ပ = ကောင်းစွာကြံခြင်း
သမ္မဝါစာ = ကောင်းစွာဆိုခြင်း
သမ္မကမ္မန္တ =ကောင်းစွာပြုခြင်း
သမ္မာအာဇီဝ =ကောင်းစွာ အသက်မွေးခြင်း
သမ္မဝါယမ =ကောင်းစွာအားထုတ်ခြင်း
သမ္မာသတိ = ကောင်းစွာအောက်မေ့ခြင်း
သမ္မာသမာဓိ = ကောင်းစွာတည်ကြည်ခြင်း
(ဒိဋ် သင် ဝါစာ၊ ကမ္မံ အာနှင့်၊ ဝါယာ သတိ၊ သမာဓိ၊ ရှစ် သိ သမ္မာ မဂ္ဂင်များ - ရွာမဆရာတော်)
ဤအကျင့်မြတ်သည်ကား အင်္ဂါရှစ်ပါးနှင့် ပြည့်စုံသည့် မဂ္ဂင်တရားမြတ်ဖြစ်ကြောင်း ဟောကြားတော်မူပါသည်။

ထိုမှတဖန် ရှင်တော်မြတ်ဘုရားသည် ဇာတိပဋိသန္ဓေနေရခြင်း ဆင်းရဲမှ၊ အိုမင်းရင့်ရော်ခြင်း ဆင်းရဲ၊ ဖျားနာရခြင်း ဆင်းရဲ၊ သေရခြင်း ဆင်းရဲ၊ မချစ်မနှစ်လိုအပ်သော သတ္တဝါသင်္ခါရတို့နှင့် ကွေကင်းရခြင်းဆင်းရဲ၊ ချစ်ခင်နှစ်လိုအပ်သော သတ္တဝါတို့နှင့် ကွေကင်းရခြင်း ဆင်းရဲ၊ အပ္ပိယေဟိ သမ္ပယောဂေါ ဒုက္ခေါ - လိုချင်တာ မရရှိခြင်း ဒုက္ခ၊ ခန္ဓာငါးပါးတို့၏ ဆင်းရဲ စသော ဇာတိသဘောတရားသည် ဒုက္ခဖြစ်သော အရိယာတို့၏ သိအပ်သော သစ္စာမည်၏ဟူ၍ ဒုက္ခသစ္စာကိုဟောကြားတော်မူပါသည်။ ပဉ္စဝဂ္ဂီရဟန်းတို့အား တဏှာလောဘသည် တဖန်ဘဝသစ်ကို ဖြစ်စေတတ်၏။ နှစ်သက်ခြင်း၊တပ်မက်ခြင်းနှင့် တကွ ဖြစ်၏။ ထိုထိုဘဝ ထိုထိုအာရုံ၌ အလွန်နှစ်သက်တတ်၏။ ဤတဏှာဟူသည် အဘယ်နည်း။
ကာမတဏှာ = ရူပါရုံစသော ဝတ္ထုကာမကို တပ်မက်သော တဏှာ
ဘဝတဏှာ = သဿတဒိဌိနှင့် တကွဖြစ်သော တဏှာ
ဝိဘဝတဏှာ = ဥစ္ဆေဒဒိဌိနှင့်တကွဖြစ်သော တဏှာ ဟူ၍ ဤတဏှာဟူသော သဘောတရားသည် ဒုက္ခအကြောင်းဖြစ်သော အရိယာတို့ သိအပ်သော သစ္စာမည်၏ဟု သမုဒယသစ္စာအကြောင်းကိုဟောကြားတော်မူပါသည်။

ထိုတဏှာလောဘ၏ အကြွင်းမဲ့ တပ်မက်ခြင်းကင်းရာ၊ ချုပ်ရာဖြစ်သော နိဗ္ဗာန်သည် ရှိ၏။ စွန့်ရာဖြစ်သော နိဗ္ဗာန်သည် ရှိ၏။ ဝေးစွာစွန့်ရာဖြစ်သော နိဗ္ဗာန်သည် ရှိ၏။ လွတ်ရာဖြစ်သော နိဗ္ဗာန်သည် ရှိ၏။ ကပ်ငြိခြင်းကင်းရာဖြစ်သော နိဗ္ဗာန်သည် ရှိ၏။ ဤနိဗ္ဗာန်ဟူသော သဘောတရားသည် ဒုက္ခ၏ ချုပ်ငြိမ်းရာဖြစ်သော အရိယာတို့သည် သိအပ်သော သစ္စာမည်သော နိရောဓသစ္စာ ကို ဟောကြားတော်မူပါသည်။ မဂ္ဂသစ္စာနှင့်စပ်၍ မဂ္ဂင်ရှစ်ပါး အကျင့်တရားသည်သာလျှင် ဒုက္ခ၏ချုပ်ငြိမ်းရာ နိဗ္ဗာန်သို့ ရောက်ကြောင်း အကျင့်ဖြစ်သော အရိယာတို့ သိအပ်သော သစ္စာမည်၏ဟု ဟောကြားတော်မူပါသည်။ ဒုက္ခသစ္စာ၌ သစ္စဉာဏ်၊ ဒုက္ခသစ္စာ၏ ကိစ္စဉာဏ်၊ ဒုက္ခသစ္စာ၌ ကတဉာဏ် သမုဒယ သစ္စာ၌ သစ္စဉာဏ်၊ သမုဒယသစ္စာ၌ ကိစ္စဉာဏ်၊ သမုဒယသစ္စ၏ ကတဉာဏ် နိရောဓသစ္စာ၌ သစ္စဉာဏ်၊ နိရောဓသစ္စာ၏ ကိစ္စဉာဏ်၊ နိရောဓသစ္စာ၌ ကတဉာဏ် မဂ္ဂသစ္စာ၌ သစ္စဉာဏ်၊ မဂ္ဂသစ္စာ၌ ကိစ္စဉာဏ်၊ မဂ္ဂသစ္စာ၌ ကတဉာဏ် စသည့် ဘုရားမဖြစ်မီ ကျင့်ကြံကြိုးကုတ် အားထုတ်တော်မူသည့် နိဗ္ဗာန်ကို မျက်မှောက်ပြုရာ သစ္စာတရားတို့ကို ဟောကြားတော်မူပါသည်။ ဤသစ္စာလေးပါးတို့၌ ဤသို့သစ္စဉာဏ်၊ ကိစ္စဉာဏ်၊ ကတဉာဏ်အားဖြင့် သုံးပါးသော အပြန်ရှိသော သုံးပါးလေးလီဖြစ်၍ တစ်ဆယ့်နှစ်ပါးသော အခြင်းအရာရှိသော ဟုတ်မှန်တိုင်းဖြစ်သော ဉာဏ်အမြင်သည် ငါ့အားအလွန်သန့်ရှင်းစင်ကြယ်၏။ လူနှင့်တကွ သတ္တလောက၌ အတုမရှိသော အရဟတ္တမဂ်ဉာဏ်၊ သဗ္ဗညုတဉာဏ်ကို ထိုးထွင်းသိမြင်တော်မူပြီး၍ ဘုရားဖြစ်ကြောင်း ဝန်ခံတော်မူပါသည်။

ဝါဆိုလပြည့်နေ့သည် ထူခြားသည့် အကြောင်းအရာများ ရှိသည်။ ဂေါတမဘုရားအလောင်းတော်ပဋိသန္ဓေနေသောနေ့ဖြစ်ခြင်း၊ ဂေါတမ ဘုရားအလောင်းတော် သိဒ္ဓတ္ထမင်းသား တောထွက်တော်သော နေ့ဖြစ်ခြင်း၊ ဓမ္မစကြာ တရားဦးကို စတင်ဟောတော်မူသော နေ့ဖြစ်ခြင်း၊ ရေမီးအစုံစုံတို့ဖြင့် တန်ခိုးပြာဋိဟာကို ပြတော်မူသောနေ့ဖြစ်ခြင်း၊ ဘုရားအဖြစ်ဝန်ခံတော်မူသော နေ့ဖြစ်ခြင်း၊ တရားရတနာ စတင်ပေါ်ပေါက်သော နေ့ဖြစ်ခြင်း၊ သံဃာရတနာ စတင်ပေါ်ပေါက်သောနေ့ဖြစ်ခြင်း၊ ဧဟိဘိက္ခု ဟူသော စကားကို စတင်ကြားရသောနေ့ဖြစ်ခြင်းတို့ ဖြစ်သည်။

ဂေါတမ ဗုဒ္ဓရှင်တော်မြတ်ဘုရား ဟောကြားတော်မူသည့် ဓမ္မစကြာတရားတော်ကို ကြားနာရသည့် ပဉ္စဝဂ္ဂီငါးဦးတို့သည် ဝါဆိုလပြည့်နေ့တွင် အရှင်ကောဏ္ဍည၊ ဝါဆိုလပြည့်ကျော် ၁ ရက်နေ့တွင် အရှင်ဝပ္ပ၊ ဝါဆိုလပြည့်ကျော် ၂ ရက်နေ့တွင် အရှင်ဘဒ္ဒိယ၊ ဝါဆိုလပြည့်ကျော် ၃ ရက်နေ့တွင် အရှင်အဿဇိ မဟာထေရ်မြတ်ကြီးများ အသီးသီး သောတပန်ဖြစ်တော်မူပြီး တရားထူး၊ တရားမြတ်ကို ရရှိတော်မူကြသည်။

ထိုနေ့ထူးနေ့မြတ် ဝါဆိုလပြည့်နေ့တွင် ရဟန်းရှင်လူ အများပြည်သူတို့သည် ဘုရားစေတီ၊ ဘုန်းတော်ကြီးကျောင်း၊ ဓမ္မာရုံစသည်တို့တွင် ဝတ်အသင်းများ၊ ဓမ္မစကြာအသင်းများက ဓမ္မစကြာ တရားတော်ကို ပူဇော်ခြင်းဖြင့် ဝါဆိုလပြည့် ဓမ္မစကြာ အခါတော်နေ့ အခမ်းအနားများကို ကျင်းပကြသည်။

ကိုးကား/Wikipedia
COPY Swar Min

24/02/2024

24/02/2024

2023 —2024

ဗုဒ္ဓဂယာဘုရားဖူးရာသီနှစ်

သံဝေဇနိယ (၄)ဌာန

အဝိဇဟိတ (၄)ဌာန+ နယူးဒေလီ ဓာတ်တော်ဖူးခရီးစဉ်

4.2.2024 to 18.2.2024 (14/15)ခရီးစဉ်ပုံရိပ်များ

Lay kyun set kyar padonmar company registration (No-122099210)

T/I (YGN)-2646

T/O(YGN)-0970

အကြောင်းအမျိုးမျိုးကြောင့် ၂၀၁၉ မှာ တရားဝင်

လိုင်စင်လျှောက်ထားပြီး အလုပ်မလုပ်ဖြစ်ပါဘူးရှင့်

အခုနှစ် ၂၀၂၄ မှ ဗုဒ္ဓဂယာဘုရားဖူး စပြီး ပို့ဆောင်ခွင့်

ရခဲ့ပါပြီး

ကုမ္ပဏီ အသစ်ဆိုပေ့မယ် ကျမနဲ့ ကျမ အမျိုသား လုပ်သက် (၁၀)ကျော်ပါပြီးရှင့်

အားပေးကျတဲ့ ကျမရဲ့ဇာတိရွာမှ ကျေးဇူးရှင်

ဆရာတော် နဲ့ ဓမ္မမိတ်ဆွေများရဲ့ယုံကြည်ချက်ရခဲ့လို့

အားအင်းအပြည့်နဲ့လုပ်ဆောင်နိုင်ခဲ့တာပါ

အားပေးသော တဦးတယောက်ချင်းစီတိုင်း ကျေးဇူး

အထူးအထူးတင်ပါတယ်ရှင့်

နောက်နှစ်တွေလဲပြန်တွေ့ဆုံချင်ပါသေးတယ်ရှင့်

အခုလို (သုခဟံသာ ) လို့ နာမည်ခေါ်ဆောင်ခွင့်ရလို့

သံဖြူဇရပ်မှ အရင်ကတည်းက မောင်နှမလိုဘာမဆို

တိုင်ပင်ခွင့်ရခဲ့သော ဦးဇင်းကိုလည်း ကျေးဇူးအထူတင်ရှိပါတယ် ဘုရား

ရှေ့လျှောက်လဲကူညီပေးကျပါအုန်းလို့။

နှုတ်ခွန်းဆက်သရင် 🙏🏻🙏🏻🙏🏻🙏🏻🙏🏻

28/06/2023

🙏မင်္ဂလာပါရှင့် 🙏🙏🙏🙏

2023.2024 ဗုဒ္ဓဂယာ ဘုရားဖူးရာသီအတွက်

မြန်မာအမျိုးသားလေကြောင်းလိုင်း
Myanmar National Airlines (MNA) သည်
2023 ခုနှစ်၊ စက်တင်ဘာလမှ စတင်ပြီး
အိန္ဒိယနိုင်ငံ၊ ဂယာမြို့သို့ စတင်ပျံသန်း ပြေးဆွဲတော့မှာဖြစ်ကြောင်းသတင်းကောင်းလေးပေးပါရစေရှင့်..

ရန်ကုန်-ဂယာ-ရန်ကုန် ခရီးစဉ်ကို
အပတ်စဉ် တနင်္လာနေ့၊ ဗုဒ္ဓဟူးနေ့၊ သောကြာနေ့နှင့် စနေနေ့များတွင်
ပျံသန်းသွားမှာဖြစ်ပါသည်ရှင့်

ဗုဒ္ဓဂယာမြေမြတ်မဟာသို့ သွားရောက်ဖူးမြော်ကြမည့်
ဆရာတော် ဆရာလေးများနှင့် ဓမ္မမိတ်ဆွေများ မိမိတို့၏လက်ရှိကိုင်ဆောင်ထားသော မြန်မာနိုင်ငံကူးလက်မှတ် (passport) သက်တမ်းရှိမရှိ စစ်ဆေးပြီး သက်တမ်းတိုးခြင်း အသစ်ပြုလုပ်မည့်သူများလဲ ကြိုတင်ပြုလုပ်ကျပါရန် မေတ္တာ ​ရှေ့ထားပြီး အသိပေးအပ်ပါသည်ရှင့်

မြန်မာနိုင်ကူးလက်မှတ်အတွက် QR ယူပေးနေပါသည် ရှင့်..

📞📞📞09.425343310 / 09794948675

17/06/2023

ယနေ့လည် မွန်ပြည်နယ်မှ ဓမ္မမိတ်ဆွေ ဗုဒ္ဓဂယာ ဘုရားဖူးမည့် (၁၅)ဦးထပ်မံ QR ယူထားပေးပါသည်...

မနက်ဖြန် ၁၈.၆.၂၀၂၃ online Appointement ခေတ္တရပ်ဆိုင်းထားမည်ဖြစ်ပါကြောင်းနှင့် ၁၉.၆.၂၀၂၃ ရက်နေ့ ပြန်လည် QR ယူလို့ရပါပြီးရှင့်🙏🙏🙏🙏🙏

15/06/2023

2023. 2024
ဗုဒ္ဓဂယာ ဘုရားဖူး ခရီးသွားရာသီအတွက်
ဗုဒ္ဓဂယာ ဘုရားဖူးသွားမည့်သူများ

ပတ်စပို့(မြန်မာနိုင်ငံကူးလက်မှတ်) ကြိုတင် booking ယူထားကျပါရန်

ယခုလက်ရှိ online booking (8.11.2023) date သို့ရောက်ရှိနေပါသည်

online booking အတွက်လဲ ကူညီပြီးတင်ပေးနေပါသည် **

26/01/2023

ဘုရားဖူး နှင့် ပလပ်ခေါင်းပြသာနာ

အိန္ဒိယနိုင်ငံသို့
ဗုဒ္ဓဂယာ ဘုရားဖူး သွားပြီဆို
အိမ်ကို ဆက်သွယ်ဖို့ဓါတ်ပုံရိုက်မှတ်တမ်းတင်ဖို့
Facebook , Viber ,အခြား App တွေ သုံးဖို့အတွက်
လူတိုင်းနီးပါး ဖုန်းပါကြမှာဘဲလေ
ဒီလိုတနေကုန် ဓါတ်ပုံရိုက် ၊ဖုန်းပြော ရင်း
Battery ကုန်သွားတဲ့ ဖုန်းကိုအားသွင်းတဲ့အခါ
အဲမှာစတွေ့တာပါဘဲ😳

Why ?????? လို့မေးစရာ ရှိလာပါပြီ.
Because!!!! အိန္ဒိယ နိုင်ငံမှာသုံးတဲ့ ပလပ်ပေါက်တွေဟာ အလုံးပေါက်တွေဖြစ်နေတာကြောင့်ပါ

ဒါကြောင့်ပုံမှာပြထားတဲ့ ပလပ်ခေါင်း အလုံးလေးတွေ၀ယ်သွားဖို့မမေ့နဲ့နော်

မိမိဖုန်းအားသွင်းကြိုးခေါင်းက အလုံးဆိုရင်တော့ ပြသာနာမရှိပါ.တချို့ဘုန်းတော်ကြီးကျောင်းမှာဆိုရင်တော့ ပလပ် အပြားရော အလုံးပါ
သွင်းလိုရတဲ့ ပလပ်တွေရှိပါတယ်

ပြီးတော့
ဘုန်းကြီးကျောင်းမှာတည်းတော့ တစ်ခန်း ကို ၄ ယောက် ၅ယောက် အိပ်ရတော့.ဖုန်းအားသွင်းတဲ့ ပလပ်ပေါက်က ၂ ခုလောက်သာရှိတာပါ ..ကိုယ်ဖုန်းအားသွင်းနေတဲ့အချိန်တခြားသူမစောင့်ရလေအောင် Extension ဘုတ်လေးထဲ့သွားရင် ပိုကောင်းတာ ပေါ့ ကိုယ့်ဖုန်းရော ၊ Power Bank နဲ့ တခြားသူဖုန်းတွေပါ တပြိုင်တည်းအားသွင်းနိုင်ပြီပေါ့..ကျေးဇူးတင်ပါတယ်ဗျာ🙏🙏🙏
crt.....

24/06/2021

၂၄.၆.၂၀၂၁

🌕 နယုန်လပြည့်နေ့ 🌕
(မဟာသမယအခါတော်နေ့)
~~~~~~~~~~~~~~~~~~~~~~~~~~~~
ယနေ့သည် “နယုန်လပြည့်နေ့” ဖြစ်ပါတယ်။
“နယုန်လပြည့်နေ့” ကို “မဟာသမယနေ့” လို့ခေါ်ပါတယ်။

မဟာသမယဆိုတာ မြတ်သော အခါတော် ( သို့ ) “မြတ်သောအစည်းအဝေး၊ မြင့်မြတ်သူတို့၏ ကြီးကျယ်သော အစည်းအဝေး”လို့ အဓိပ္ပါယ်ရပါတယ်။

👉 နယုန်လသည် မြန်မာလများတွင် တတိယမြောက်လဖြစ်သည် နယုန်လ၏ရာသီပန်းကားစပယ်မြတ်လေးပန်းဖြစ်၏၊နယုန်လတွင်
ရှေးမြန်မာမင်းများ လက်ထက်အခါက စာတော်ပြန်ပွဲများ ကျင်းပလေ့ရှိ၏ ယခုခေတ်ပထမပြန်စာမေးပွဲသည် ရှေးခေတ်နယုန်လ စာတော်ပြန်ပွဲမှ ဆင်းသက်လာခြင်းဖြစ်သည်။

👉 နယုန်လပြည့်နေ့တွင် ကပိလဝတ်ပြည် မဟာဝုန်တောကြီးအ
တွင်း၌ မဟာသမယသုတ်တော်ကို မြတ်စွာဘုရားဟောကြားတော်မူ
သည်ကို အကြောင်းပြု၍ နယုန်လပြည့်နေ့ကို အခါတော်နေ့အဖြစ်
သတ်မှတ်ကြပါသည်။

👉 မြတ်စွာဘုရား သက်ရှိထင်ရှားရှိစဉ်အခါက ကပိလဝတ်ပြည်မှ
လယ်သမားများနှင့် ကောလိယပြည်မှ လယ်သမားများ ရောဟိနီမြစ်
ရေကို အကြောင်းပြု ၍ ရေလုပွဲကြီးဆင်နွဲခဲ့ကြ၏၊ နှစ်ဖက်နိုင်ငံမှ လူ
အများသည် တိုက်ခိုက်ကြတော့မည့် အခြေအနေသို့ရောက်ရှိနေ
ကြ၏ လယ်သမားများကို အကြောင်းပြု ၍ နှစ်ဖက်နိုင်ငံမှ မင်းညီမင်း
သားများ စစ်သည်တော်များသည်လည်း ရောဟိနီမြစ်သို့ ရောက်လာ
ကြ၏၊

👉 ပဋိပက္ခဖြစ်မည့်နေရာသို့ မြတ်စွာဘုရားရောက်ရှိ လာပြီးငြိမ်း
ချမ်းရေးကို ရှေးရှု၍ ဇာတ်ဝတ္ထု များကို သာဓကထုတ်ကာ ငြိမ်းချမ်း
ရေးတရား ဟောကြားတော်မူပါသည်။

👉 မြတ်စွာဘုရားသည် ဖန္ဒနဇာတ်၊ ပထဝီဥနြ္ဒယဇာတ်၊လဋုကိကဇာတ်၊တို့ကို ဟော၍ ခိုက်ရန်ဖြစ်ခြင်းကို ငြိမ်းအေးစေပါသည်။ ရုက္ခဓမ္မဇာတ်၊ ဝဋကဇာတ်တို့ကို ဟော၍ ညီညွတ်ရေး ရစေခဲ့ပါသည်။

👉 တရားနာကြားပြီးသောအခါ နှစ်ဖက်နိုင်ငံမှ လူအများသည် ဒေါသငြိမ်းကာ လက်နက်စွန့်၍ မေတ္တာဓာတ် သက်ဝင်လာကြပါသည်၊တစ်ဖက် ၂၅၀စီသော နှစ်ပြည်ထောင် မှ မင်းသားငါးရာတို့ သာသနာ့ဘောင်ဝင်၍ ရဟန်းပြု ကြပါသည်။

👉 မြတ်စွာဘုရားသည် ထိုရဟန်းငါးရာကို ဟိဝန္တာတောအတွင်းရှိ ကုဏာလရေအိုင်သို့ တန်ခိုးတော်ဖြင့် ခေါ်ဆောင်၍ ကုဏာလဇာတ်ကို ဟောတော်မူပါသည်၊တရားအဆုံး၌ ရဟန်းငါးရာလုံး သောတာပန် ဖြစ်တော်မူကြပါသည်။

👉 မြတ်စွာဘုရားသည် ကုဏာလရေအိုင်မှ ကပိလဝတ်ပြည် အနီးမဟာဝုန်တောကြီးသို့ ပြန်လည်ကြွရောက်တော်မူရာ အပြန်ခရီးတွင် သောတာပန်ရဟန်း ငါးရာလုံးမိမိတို့ ၏ တန်ခိုးဖြင့် လိုက်ပါလာကြပါသည်၊ထိုရဟန်းငါးရာတို့သည် မဟာဝုန်တောကြီးထဲ၌ ဆက်လက်တရားအားထုတ်ရာ အားလုံးရဟန္တာ ဖြစ်တော်မူကြပါသည်။

👉 ရဟန္တာငါးရာတို့သည် မိမိတို့ ရရှိပြီးသော တရားထူးကို လျှောက်ထားရန် မြတ်စွာဘုရားကို ဖူးမြော်ရန် နယုန်လပြည့်နေ့ ညချမ်းအချိန်တွင် မြတ်စွာဘုရား ထံတော်မှောက်စုရုံးရောက်ရှိ လာကြပါသည် ဤကဲ့သို့ ထူးခြားသောသံဃာ့အစည်းအဝေးကြီးကို တွေ့မြင်ကြည်ညို ကြသောနတ်ဗြဟ္မာ၊အသုရာနှင့် ဂဠုန်နဂါးတို့သည် မဟာဝုန်တောကြီးသို့ အုပ်စုလိုက် စုရုံးရောက်ရှိလာကြပါသည်။

👉 နတ်ဗြဟ္မာများ စုရုံးစည်းဝေးမိကြသော အချိန်ကို မဟာသမယဟု ခေါ်ဆိုကြပါသည်၊ရောက်ရှိလာသော နတ်ဗြဟ္မာတို့က တလှည့်စီ မြတ်စွာဘုရားကို အနီးကပ် ဖူးမြော်ကြသည့်အခါ နတ်ဗြဟ္မာတို့ကို ရဟန္တာငါးရာတို့နှင့် မိတ်ဆက်ပေးသည့်အနေဖြင့် နတ်ဗြဟ္မာတို့၏ အမည်နာမ၊ဘုံဋ္ဌာန၊တန်ခိုးဣဒ္ဓိပါဒ်၊အခြွေအရံတို့ကို ထုတ်ဖော်မြွတ်ကြားချက်ကို မဟာသမယသုတ်ဟု ခေါ်ပါသည်။

👉 မဟာသမယသုတ် ဟောကြားပြီးနောက် စရိုက်အားလျှော်စွာ အောက်ပါသုတ်တော်များကို ဆက်လက်ဟောကြားတော်မူပါသည်။

👉 ရာဂစရိုက်အားကြီးသူတို့အတွက်➡ သမ္မာပရိဗ္ဗာဇနိယသုတ်။

👉 ဒေါသစရိုက်အားကြီးသူတို့အတွက်➡ ကလဟဝိဝါဒသုတ်။

👉 မောဟစရိုက်အားကြီးသူတို့အတွက်➡ မဟာဗျူ ဟသုတ်။

👉 သဒ္ဓါစရိုက်အားကြီးသူတို့အတွက်➡ တုဝဋကသုတ်။

👉 ပညာစရိုက်အားကြီးသူတို့အတွက်➡ ပုရာဘေဒသုတ်တို့ကို ဟောကြားတော်မူရာ နတ်ဗြဟ္မာပေါင်း ကုဋေတစ်သိန်းစီ ကျွတ်တန်းဝင်ကြပါသည်၊

👉 စရိုက်ခြောက်ပါး အားလျှော်စွာ သုတ်တော်များကို ဟောကြားသည့်အခါ နတ်ဗြဟ္မာတို့ လွယ်ကူးနားလည်နိုင်စေရန် နိမ္မိတရုပ်ပွားတော်တစ်ဆူ ဖန်ဆင်းတော်မူပါသည်၊နိမ္မိတဘုရားက မေး၍ ပကတိဘုရားက ဖြေဆိုကာ အမေး အဖြေ နည်းဖြင့် ဟောကြားတော်မူပါသည်။

👉 နယန်လပြည့်နေ့တွင်

➡ ရေလုကြသော လယ်သမားများ ငြင်းခုံခိုက်ရန်ဘေးမှ ကင်းဝေးခဲ့ပါသည်။
➡ ကပိလဝတ်နှင့် ကောလိယနှစ်ပြည်ထောင် စစ်ခင်းတော့မည့်ဘေးမှ ကင်းဝေးစေခဲ့ပါသည်။မြတ်စွာဘုရားလက်ထက်တော်အခါ၌ ရဟန်းတော်များနှင့် နတ်ဗြဟ္မာ၊နဂါးဂဠုန်တို့ ဤတစ်ကြိမ်သာ စုရုံးမိကြပါသည်။
➡ မင်းသားငါးရာ တပြုင်နက် သာသနာ့ဘောင်သို့ ဝင်ရောက်ခဲ့ကြပါသည် ထိုရဟန်းငါးရာလုံး ရဟန္တာချည်းဖြစ်ခဲ့ကြပါသည်။
➡ နိမ္မိတဘုရားက မေး၍ ပကတိဘုရားက ဖြေဆိုကာ တရားဟောတော်မူခဲ့ကြပါသည်။
➡ မဟာသမယသုတ်ကို အကြောင်းပြု ၍ ဂဠုန်နှင့်နဂါးတို့ ခိုက်ရန်မဖက် မေတ္တာသက်ဝင်ခဲ့ကြပါသည်။
➡ မဟာသမယဆိုင်ရာ သုတ်တော်ခုနှစ်သုတ်ကို ဟောကြားခဲ့ပါသည်။
➡ ဘိက္ခုနီ သာသနာ လမ်းစပေါ်သော နေ့လည်းဖြစ်ပါသည်။

👉 ဤကဲ့သို့ အကြောင်းအချက်များကို အကြောင်းပြု ၍နယုန်လပြည့်နေ့ကို မဟာသမယအခါတော်နေ့အဖြစ်သတ်မှတ်ကြပါသည်။
နယုန်လပြည့် မဟာသမယနေ့တွင်လမဟာသမယသုတ်ကို ရွတ်ဖတ်ပူဇော်သင့်ပါသည်၊

👉 မဟာသမယသုတ်ကို အစဉ်အမြဲရွတ်ဖတ်ပူဇော်နေပါကနတ်များ၏ ချစ်ခင်မှုကို ခံရကြောင်း၊အိမ်သစ်တိုက်သစ်နေရာသစ်တို့၌ မင်္ဂလာယူလိုသောသူတို့သည်လမဟာသမယသုတ်ကို ရွတ်ဖတ်သင့်ကြောင်းအဋ္ဌာကထာဆရာ တိုက်တွန်းခဲ့ပါသည်။

ဒေါက်တာအရှင်သူရိယ
Credit...ပြန်လည်မျှဝေကုသိုလ်ယူပါသည်

31/10/2020

နေမာ တႆ ဘဂဝေတာ အရဟေတာ သမၼသမၺဳဒၶႆ။
**************************************

သီတင်းကျွတ်လပြည့်.အဘိဓမ္မာအခါတော်နေ့ အကြောင်း

သိကောင်းစရာများ။
🌸🌸🌸🌸🌸🌸🌸🌸🌸🌸🌸🌸🌸🌸

🌷ဒီသီတင်းကျွတ် လ သည် ရဟန်းသံဃာတော်များ သီတင်းဝါလ ကျွတ်သော လ ဖြစ်ပေသည်။

🌹ဒီသီတင်းကျွတ်လပြည့်နေ့တွင် မြတ်စွာဘုရားသည် အဘိဓမ္မာဒေသနာတော်ကို ဟောကြားပြီးဆုံးခြင်းကို အကြောင်းပြု၍ သီတင်းကျွတ်လပြည့် အဘိဓမ္မာအခါတော်နေ့ဟု ခေါ်ဆိုကြခြင်းဖြစ်ပေသည်။

🎄ဘုရားရှင်ဟာ အဘိဓမ္မာတရားတော်ကို ခြောက်ဝါအလွန် ခုနစ်ဝါအရောက်.မဟာသက္ကရာဇ်.၁၀၉.ခုနှစ်တွင်.တာဝတိံသာနတ်ပြည် ပင်လယ်ကသစ်ပင်ရင်း ပဏ္ဍုကမ္ဗလာမြက်ကျောက်ဖျာတွင် မယ်တော်မိနတ်သားကို ကျေးဇူးဆပ်လိုသော ရည်ရွယ်ချက်ဖြင့် နတ်ဗြဟ္မာအပေါင်းတို့အား ဟောကြားတော်မူခဲ့ခြင်းဖြစ်ပေသည်။

🌳အဘိဓမ္မာတရားတော်ကို ဝါတွင်းသုံးလ ရက်ပေါင်းကိုးဆယ်ကြာအောင်ဟောကြားတော်မူခဲ့ပေသည်။အဘိဓမ္မာတရားတော်သည်၊သုတ္တန်ဒေသနာ၊ဝိနည်းဒေသနာတော်များကဲ့သို့ လူတို့၏အချိန်ကာလ တစ်ရက်အတွင်း၌ အစ အလယ် အဆုံး အပြည့်အစုံ ပြီးဆုံးအောင်ဟောကြား၍မဖြစ်ပါ။ အဘိဓမ္မာတရား၏ရှည်လျားသော ဒေသနာအစဉ်ကို လူသားများ ဣရိယာပုတ်တစ်ခုတည်းဖြင့် ပြီးဆုံးအောင်နာယူနိုင်သော စွမ်းရည်လည်းမရှိပါ။လူတို့၏အချိန်ကာလ ဝါတွင်းသုံးလသည် တာဝတိံသာနတ်တို့၏အချိန်ကာလအားဖြင့် တစ်ခဏသာဖြစ်ပေသည်။ဤအကြောင်းများကြောင့် မြတ်စွာဘုရားက အဘိဓမ္မာဒေသနာတော်ကို လူ့ပြည်၌မဟောကြားပဲ နတ်ပြည်၌ဟောကြားခြင်းဖြစ်ပေသည်။

🌲အဘိဓမ္မာတရားတော်ကို ဝါတွင်းသုံးလဟောကြားရာ၌ လူသားဖြစ်သောဘုရားရှင်ဟာ နတ်တို့၏အဟာရကို မှီဝဲသုံးဆောင်ခြင်းမပြုပဲ။လူ့ပြည် လူ့ရွာ မြောက်ကျွန်းသို့ဆွမ်းခံကြွပြီး လူသားများသုံးဆောင်သောအဟာရများကိုသာ မှီဝဲသုံးဆောင်ခဲ့ပေသည်။ပကတိမြတ်စွာဘုရားဆွမ်ခံကြွသောအခါ အဘိဓမ္မာတရားတော်ကို ဟောကြားခြင်းမှရပ်ဆိုင်း၍မထားပါ။ပကတိမြတ်စွာဘုရားကိုယ်စား တန်းခိုးတော်ဖြင့်ဖန်ဆင်းထားသော နိမ္မိတရုပ်ပွားဘုရားရှင်က ဆက်၍ဟောကြားတော်မူပါသည်။

🌹အဘိဓမ္မာတရားကို ဟောကြားပုံ ဟောကြားနည်း သုံးမျိုးရှိပေသည်

၁။မြတ်စွာဘုရားက နတ်ဗြဟ္မာတို့အား နတ်ပြည်၌ အကျယ်အားဖြင့်ဟောသောနည်း။
၂။စန္ဒကူးနံ့သာတော၌ မြတ်စွာဘုရားက အရှင်သာရိပုတ္တရာအား အကျဉ်းအားဖြင့်ဟောကြားသောနည်း။

၃။မြတ်စွာဘုရားဟောကြားသော အဘိဓမ္မာတရားကို အရှင်သာရိပုတ္တရာမထေရ်က မဇ္ဈိမဒေသသို့ယူဆောင်လာပြီး လင်းနို့သားဖြစ်ခဲဖူးသော တပည့်ရဟန်းငါးရာတို့အား မကျဉ်း မကျယ် အလယ်အလတ်ဖြစ်သော အဘိဓမ္မာတရားတော်ကိုဟောကြားတော်မူခဲ့သည်။

🌷မြတ်စွာဘုရားသည် အဘိဓမ္မာဒေသနာတော်ကို ဝါတွင်းသုံးလဟောကြားတော်မူရာ သီတင်းကျွတ်လပြည့်နေ့တွင်ပြီးဆုံးသောကြောင်း နတ်တို့နေရာ ဝတိံသာမှ လူတို့နေရာ သင်္ကဿနဂိုရ်ပြည်သို့ ပြန်လည်ဆင်သက်တော်မူခဲ့ပေသည်။

🌲မြတ်စွာဘုရားသည် နတ်ပြည်မှ လူ့ပြည်သို့ဆင်းသက်ရာတွင် နတ်ပရိသတ်တို့က လက်ယာဘက် ရွှေစောင်းတန်း။ဗြဟ္မာပရိတ်သတ်တိုက လက်ဝဲဘက်ငွေစောင်းတန်း။မြတ်စွာဘုရားက အလယ်ပတ္တမြားစောင်းတန်းမှာနေ၍လူ့ပြည်သို့ သက်ဆင်းတော်မူခဲ့ပါသည်။

🎄မာတာလိနတ်သားက မြတ်စွာဘုရားအနီးလက်ဝဲဘက်မှ လိုက်ပါလာပြီး၊ပဉ္စသီခနတ်သားက စောင်းတီးပူဇော်၍ လက်ယာဘက်တွင် လိုက်ပါလာခဲ့သည်။သိကြားမင်းက မြတ်စွာဘုရားနောက်တော်မှ ထီးမိုး၍လိုက်ပါပြီး။သုယာမာနတ်မင်းက ယပ်ခတ်၍လိုက်ပါပို့ဆောင်ခဲ့ပေသည်။ထိုအချိန်တွင်မြတ်စွာဘုရား၏ အသရေတော်ကို ဖူးမြော် ပူဇော်ခွင့်ရသူတိုင်းဟာ ဘုရားဖြစ်ရန် ဗောဓိဆုကို လိုလားတောင်းတကြသောသူများသာဖြစ်ခဲ့ကြသည်ဟုဆိုကြပေသည်။

🌳မြတ်စွာဘုရားဟာ တာဝတိံသာနတ်ပြည်မှ သင်္ကဿနဂိုရ်ပြည်သို့ဆင်းသက်ရာ၌ မီးရှူးတန်းဆောင်အလင်းရောင်တို့ဖြင် ထွန်းညှီးပူဇော်ကြသည်ကို အတုယူ၍ ယနေ့ခေတ် ဗုဒ္ဓဘာသာဝင်တို့ကလည်း သီတင်းကျွတ်အချိန်တိုင်းတွင် မြတ်စွာဘုရားအား အာရုံပြု၍ မီးထွန်းပွဲတော်များဖြင့် ပူဇော်ကျင့်ပကြခြင်းဖြစ်ပါတယ်။

🌹ဒါကြောင့်..
ဒီနေ့ဟာ.(က)မြတ်စွာဘုရားက တာဝတိံသာနတ်ပြည်၌ အဘိဓမ္မာတရားတော်ကို အကျယ်အားဖြင့်ဟောကြားပြီးဆုံးတော်မူသောနေ့ဖြစ်ပေသည်။
(ခ)စန္ဒကူးနံ့သာတော၌ မြတ်စွာဘုရားက အရှင်သာရိပုတ္တရာအား အဘိဓမ္မာတရားကို အကျဉ်းအားဖြင့်ဟောကြားပြီးဆုံးအောင်မြင်သောနေ့ဖြစ်ပေသည်။
(ဂ)အရှင်သာရိပုတ္တရာက သူ့တပည့်ရဟန်းငါးရာအား အဘိဓမ္မာဒေသနာတော်ကို မကျဉ်း မကျယ် အလယ်အလတ် ဟောကြားပြီးဆုံးအောင်မြင်သော နေ့ထူးနေ့မြတ်ဖြစ်ပါတယ်။

🎄ဒါကြောင့်..ဒီအကြောင်းအရာများကို အကြောင်းပြုပြီး သီတင်းကျွတ်လပြည့်နေ့ကို အဘိဓမ္မာအခါတော်နေ့ဟု ခေါ်ဆိုကြခြင်းဖြင်ပါတယ်။

🌳ယခုလို နေ့ထူးနေ့မြတ် အဘိဓမ္မာအခါတော်နေ့မှာ အဘိဓမ္မာဒေသနာတော်မြတ်ကို ရွတ်ဖတ် ပူဇော် ပွားများအာထုပ်နိုင်ကြပါစေကြောင်း ဆုတောင်းမေတ္တာ ပို့ပေးလိုက်ပါတယ်။

🌹{အားလုံးသော fb.ဓမ္မမိတ်ဆွေများ Covid.19.ကပ်ရောဂါဘေးမှ ကင်းဝေးပြီး ကံကောင်းခြင်းများစွာကို ပိုင်ဆိုင်နိုင်ကြပါစေကြောင်း ဆုတောင်းမေတ္တာပို့ပေးလိုက်ပါတယ်။}

Crd. ....post

04/07/2020

ပထမဝါဆိုလပြည့်နေ့🙏🙏🙏🙏🙏

09/06/2020

မနက်ဖြန် မဟာဗောဓိစေတီတော်ပြန်ဖွင့်ပါပြီးရှင့်🙏🙏🙏🙏🙏