02/02/2025
☝️Visa အမျိုးအစားပေါ်မူတည်ပြီး ကွဲပြားသွားမယ့်အချက်တွေကို သိပြီးပြီလား။ မသိရသေးရင်တော့ ဒီနေ့မှာ Visa အမျိုးအစားတွေကို Sharing လုပ်ပေးသွားပါမယ်။
🔶ထိုင်း နိုင်ငံ မှာ အလုပ်လုပ်ချင်သူများအတွက် Non-Immigrant Visa
Non-B ကို မြန်မာပြည်က ထိုင်း သံရုံးမှာ ကြိုတင် လျှောက်ထားနိုင်သလို ၊ ထိုင်းရောက်မှ Tourist Visa ကို Non-Immigrant Visa အဖြစ် ပြောင်းလဲနိုင်ပြီး ၁ နှစ် အထိ သက်တမ်းတိုးနိုင်ပါတယ်။
Non-Immigrant “Business” Visa (Non-Immigrant 😎
ဒီ Visa ဟာ ထိုင်းမှာ အလုပ်လုပ်ချင်သူတွေအတွက် ရည်ရွယ်ပါတယ်။
🔶 ထိုင်းအလုပ်ရှင်မှ သက်သေခံပေးရမှာ ဖြစ်ပြီး အလုပ်ပါမစ်ကို ရက်ပေါင်း ၉၀ အတွင်း ရယူရမှာပါ။ အလုပ်ပါမစ် ရပြီဆိုရင် လျှောက်ထားသူဟာ ထိုင်းမှာ ၁ နှစ်သက်တမ်းတိုးနိုင်ပါတယ်။
🔶 Passport သက်တမ်း ၆ လ အနည်းဆုံးကျန်ရန်လိုအပ်ပါတယ်။
🔶 ထိုင်းကုမ္ပဏီ ( သို့ ) အဖွဲ့အစည်းက ထုတ်ပေးတဲ့ သက်သေခံ စာရွက်စာတမ်း သို့မဟုတ် ဖိတ်ခေါ်စာ လိုအပ်ပါတယ်။
🔶 လျှောက်လွှာကြေး လိုအပ်ပါတယ်။
🔶 ကုမ္ပဏီက ထုတ်ပေးတဲ့ စာရွက်စာတမ်းတွေမှာ တံဆိပ်တုံး ထုထားရမှာ ဖြစ်ပြီး ဒါရိုက်တာရဲ့ လက်မှတ်လိုအပ်ပါတယ်။
🔶 ထိုင်းကို ခရီးသွားဖို့ ရည်ရွယ်ချက်နဲ့ လာတာမဟုတ်တဲ့ လူတွေဟာ Non-Immigrant Visa ကို လျှောက်ထားနိုင်ပါတယ်။
Non-Immigrant Visa အမျိုးအစားများစွာရှိပြီး အများစု ထုတ်ပေးတာက အောက်ပါအတိုင်း ဖြစ်ပါတယ်။
• Business (B-type)
• Marriage (O-type)
• Dependent or Retirement (O-type)
• Education (ED-type)
တခြား ကဏ္ဍများ
အထက်ဖော်ပြပါ Non-Immigrant Visa အမျိုးအစားတွေအပြင် တခြား ကဏ္ဍတွေလည်း ရှိပါသေးတယ်။
• Type D - ထိုင်းက နိုင်ငံခြား သံရုံးတွေက ဝန်ထမ်းကို ထုတ်ပေးတဲ့ သံတမန် Visa
• Type M - အသိအမှတ်ပြု မီဒီယာ သမားများ
• Type EX - နယ်ပယ် တစ်ခုခုမှာ ကျွမ်းကျင်တဲ့ လုပ်သားများ
• Type IM or IB - အစိုးရ လမ်းညွှန်ချက်တွေအောက်က နိုင်ငံခြားသား ရင်းနှီးမြှပ်နှံသူတွေရဲ့ Visa အမျိုးအစားများ
• Type F - အစိုးရ လုပ်ငန်းတွေကို လုပ်ဆောင်မယ့် နိုင်ငံခြားသားများ
• Type R - သာသနာပြုများ
• Type RS - သိပ္ပံပညာရပ်ဆိုင်ရာ သုတေသန ပြုလုပ်မယ့် သူများ
• Type S - အားကစားပွဲများမှာ ပါဝင်မယ့် သူများ
Non-Immigrant Visa မှာ ကိုင်ဆောင်သူဟာ ထိုင်းကို ဝင်ရောက်နိုင်တဲ့ အချိန်ကာလ ပါပါတယ်။ အဲဒါဟာ ထိုင်းမှာ နေထိုင်နိုင်မယ့် အချိန်ကာလနဲ့ မသက်ဆိုင်ပါဘူး။ ထိုင်းမှာ နေထိုင်နိုင်မယ့် အချိန်ကာလကို လူဝင်မှုကြီးကြပ်ရေး အရာရှိက Passport က Date Stamp မှာ ဖော်ပြထားပြီး ထိုင်းကနေ ထွက်ခွာရမယ့် နေ့ ပါပါတယ်။
🔶Marriage or Guardian Visa
ဒီ Visa ဟာ ထိုင်း လူမျိုးတွေနဲ့ လက်ထပ်ထားတဲ့ လူတွေအတွက် ရည်ရွယ်ပါတယ်။ လူဝင်မှုကြီးကြပ်ရေး ဥပဒေ B.E.2522 အရ ထိုင်း လူမျိုးနဲ့ လက်ထပ်ထားတဲ့ နိုင်ငံခြားသား ၁ ယောက်ဟာ ထိုင်းမှာ Marriage Visa လျှောက်ထားနိုင်ပါတယ်။ လျှောက်ထားသူအတွက် ပထမဆုံး လိုအပ်ချက်က Non-immigrant Visa နဲ့ ထိုင်းကို ဝင်လာဖို့ပါ။ အဲဒီနောက်မှာ Non-immigrant Visa ကိုင်ထားသူဟာ ထိုင်းကို လာပြီး ရက် ၉၀ အတွင်း လက်ထပ်တာကို အခြေခံကာ ၁ နှစ်သက်တမ်းတိုးနိုင်ပါတယ်။ ဒါ့အပြင် ငွေကြေး လိုအပ်ချက်တွေနဲ့ ကိုက်ညီဖို့ လိုပါတယ်။ ၁ နှစ်နေထိုင်ခွင့်ကို နှစ်တိုင်း သက်တမ်းတိုးနိုင်ပါတယ်။
လိုအပ်ချက်များနဲ့ အကျိုးကျေးဇူးများ
Marriage Visa လျှောက်ထားဖို့အတွက် အောက်ပါ လိုအပ်ချက်တွေရှိပါယ်။
• ထိုင်း နိုင်ငံသားကို တရားဝင် လက်ထပ်ထားရမှာပါ။
• လျှောက်ထားသူဟာ ထိုင်း ဘဏ် အကောင့်ထဲမှာ အနည်းဆုံး ရက် ၆၀ ကြာ ဝင်ငွေ ဘတ် ၄၀,၀၀၀ သို့မဟုတ် ၄၀၀,၀၀၀ ကို ထည့်ထားရမှာပါ။
• လစဉ်ဝင်ငွေလိုအပ်ချက်ကို ပြည့်မှီဖို့ ထိုင်းပြင်ပက ဝင်ငွေဆိုရာမှာ ပင်စင်လစာ၊ ရင်းနှီးမြှပ်နှံမှု ဝင်ငွေနဲ့ တခြား အရင်းအမြစ်တွေကနေ ဖြစ်ပါတယ်။
လစဉ် ဝင်ငွေဟာ လုံလောက်ပြီး သက်သေခံစာရွက်စာတမ်း ပြသနိုင်ရင် လျှောက်ထားသူဟာ အလုပ်လုပ်စရာ မလိုပါဘူး။ ထိုင်း အမျိုးသားနဲ့ လက်ထပ်ထားတဲ့ နိုင်ငံခြားသူဟာ လစဉ်ဝင်ငွေ ပြသစရာ မလိုပါဘူး။ ဒါပေမယ့် အမျိုးသမီးဟာ လက်ထပ်မှုကို အခြေခံကာ နေထိုင်ခွင့် သက်တမ်းတိုးတဲ့အခါ ထိုင်း အမျိုးသားဟာ ဝင်ငွေခွန်ကို ပေးပြီးကြောင်း သက်သေပြရမှာပါ။ Marriage Visa ကိုင်ထားသူဟာ အောက်ပါ အကျိုးကျေးဇူးတွေရမှာပါ။
• နေထိုင်ခွင့် ၁ နှစ်အတွင်း ထိုင်းကို အကြိမ်ကြိမ် လာရောက်နိုင်ပြီး သက်တမ်းတိုးရင်လည်း ထိုင်းကနေ ထွက်ခွာစရာ မလိုပါဘူး။
• အလုပ် ပါမစ်ကို လျှောက်ထားနိုင်ပါတယ်။
• ထိုင်း ဘဏ်မှာ ငွေစု အကောင့် ဖွင့်နိုင်ပါတယ်။
🔶Retirement Visa
အသက် ၅၀ နှစ်ရှိပြီး ထိုင်း ဘဏ်မှာ အနည်းဆုံး ၃ လ အကြာက ဘတ် ၈၀၀,၀၀၀ ထည့်ထားတဲ့ နိုင်ငံခြားသားတွေဟာ Retirement Visa လျှောက်နိုင်ပါတယ်။ အဲဒီ Visa လျှောက်ထားနိုင်တဲ့ လူတွေရဲ့ လိုအပ်ချက်တွေက အောက်ပါ အတိုင်း ဖြစ်ပါတယ်။
• လျှောက်ထားသူဟာ အနည်းဆုံး အသက် ၅၀ ပြည့်ရမှာပါ။
• Non-immigrant Visa ရထားရမှာပါ။
• လစဉ်ဝင်ငွေ (ပင်စင်လစာ) အနည်းဆုံး ဘတ် ၆၅,၀၀၀ ရှိရမှာပါ။ သို့မဟုတ် ဘဏ်ထဲမှာ အနည်းဆုံး ၃ လအကြာက ထည့်ထားတဲ့ ဘတ် ၈၀၀,၀၀၀ ရှိရမှာပါ။
Retirement Visa ရပြီဆိုရင် ထိုင်းမှာ ၁ နှစ်ကြာနေထိုင်နိုင်ပြီး နှစ်စဉ် သက်တမ်းတိုးနိုင်ပါတယ်။
အကျိုးကျေးဇူးများ
• မူလ Non-immigrant Visa မှာ ထိုင်းကို အကြိမ်ကြိမ်ဝင်ဖို့ ခွင့်ပြုထားရင် Visa သက်တမ်းရှိသလောက် ထိုင်းကို အကြိမ်ကြိမ်ဝင်ရောက်နိုင်ပါတယ်။
• ၁ နှစ်သက်တမ်းရှိတဲ့ Retirement Visa ကို လျှောက်ထားနိုင်ပြီး ထိုင်းကနေ ထွက်ခွာစရာမလိုဘဲ နှစ်စဉ် သက်တမ်းတိုးနိုင်ပါတယ်။
• Retirement Visa ကိုင်ထားသူဟာ ထိုင်း ဘဏ်မှာ ငွေစု အကောင့် ဖွင့်နိုင်ပါတယ်။
စျေးနှုန်းသင့်လျှော်ပြီး ဝန်ဆောင်မှုကလဲကောင်းနေရမယ် စိတ်ရှည်သဘောကောင်းတဲ့ Global ကို အခုပဲဆက်သွယ်လိုက်တော့။
📍Thailand Office - 28/E, Lumpini Living Plus, Klong 1, Rangsit, Pathumthani, Bangkok.
📲081-967-2808
📍Yangon Office - Kay Tu Ma Ti Street, Mayangone, 5ward, Yangon.
📲09772210006
ဒါတွေကတော့ထိုင်းနိုင်ရဲ့ visa အမျိုးအစားတွေပဲဖြစ်ပါတယ်။
