11/05/2025
ကဆုန်လပြည့် ဗုဒ္ဓနေ့အကြောင်း 🙏🏻🙏🏻🙏🏻
ကဆုန်လပြည့်နေဟာ ဗုဒ္ဓဘာသာဝင်
သူတော်စဉ်များ၏ နေ့ထူးနေ့မြတ် ရက်
ထူး ရက်မြတ်ဖြစ်သော မင်္ဂလာရှိလှစွာ
သော နေ့တစ်နေပဲဖြစ်ပါတယ်။
ဘာကြောင့်လဲလို့ မေးခဲ့ရင်
"ဖွား,ပွင့်,ဟော,စံ၊ဗျာဒိတ်ခံ၊ကဆုန်လပြည့်နေ့"
ဟူသော သံပေါက်ကဗျာအား အကျယ်ဖွင့်ပြပေ
အံ့။
(၁) " ဖွား "
ဂေါတမဘုရား အလောင်းတော်
သိဒ္ဓတ္ထမင်းသားလေး မွေးဖွားလာခဲ့တဲ့
နေ့ဟာလည်း မဟာသက္ကရာဇ်( ၆၈)ခု
ကဆုန်လပြည့်နေ့ ဖြစ်ပါတယ်။
(၂) " ပွင့် "
ဂေါတမဘုရားအလောင်း ဗောဓိပင်အောက်မှာ
ဘုရားဖြစ်တဲ့နေ့လည်း မဟာသက္ကရာဇ်
(၁၀၃) ခု ၊ကဆုန်လပြည့်နေ့ပဲ ဖြစ်ပါတယ် ။
(၃)"ဟော"
ဂေါတမဘုရားရှင် ဗုဒ္ဓဝင် ဒေသနာတော်
ဟောကြားတော်မူသော ရက်ကလည်း
ကဆုန်လပြည့်နေပဲ ဖြစ်ပါတယ်။
(၄) " စံ "
ဂေါတမဘုရား ကိလေသာပရိနိဗ္ဗာန်စံတဲ့
နေ့ကလည်းမဟာသက္ကရာဇ် (၁၄၈)ခု ၊
ကဆုန်လပြည့်နေ့သာဖြစ်ပါတယ် ။
ဒါအပြင်
ဓာတုပရိနိဗ္ဗာန်စံမည့် ရက်ကလည်း
ကဆုန်လပြည့်နေ့ဖြစ်နေပြန်တယ်။
(၅)"ဗျာဒိတ်ခံ"
ဘုရားအလောင်းတော် သုမေဓာရသေ့ဟာ
ဒီဘဒ္ဒကမ္ဘာမှ လေးဆူမြှောက် ဂေါတမဘုရား
စစ်စစ်ဧကန်ဖြစ်လိမ့်မယ်လို့ ဒီပင်္ကရာ
မြတ်စွာဘုရား ထံတော်မှ ဘုရားဆုပန်ပြီး
ဗျာဒိတ်ခံယူခဲ့တဲ့နေ့ကလည်း ကဆုန်
လပြည့်နေ့ပဲ ဖြစ်ပါတယ် ။
ဒါကြောင့်
ဒီလိုနေ့ထူးနေ့မြတ် ရက်ထူးရက်မြတ်ဖြစ်သော
ကဆုန်လပြည့် မြတ်ဗုဒ္ဓ၏ နေ့မှာ ဗုဒ္ဓဘာသာဝင်
သူတော်စဉ်များအနေဖြင့် ဒါန ၊ သီလ ၊ ဘာဝနာ
ကုသိုလ်တရားများကို သဒ္ဓါတရားအားကြီးစွာဖြင့်
အစွမ်းကုန် အားထုတ်ကြဖို့ရန် သမ္မာဆန္ဒ မေတ္တာ
အနန္တ ရှေ့သွားပြုလျက် တိုက်တွန်းလိုက်ပါရစေ။
Credit to ဘုန်း သုတ ပုလဲ အ ရှင် ဇနိန္ဒ မြောက်ထပ်အိမ်ဂူကျောင်း 🙏🏻🙏🏻🙏🏻
