Myanmar Rising Star Int'l Travels & Tours

05/05/2021

ပြည်ပခရီးအကြောင်း တစ်စေ့တစ်စောင်း ( အပိုင်း-၁ )

ထိုင်းနိုင်ငံ ( Thailand)
———————————
Q: ထိုင်းနိုင်ငံကို သွားလျှင် အရင်ကလို Visa Free ရသေးလား ?
A: ထိုင်းနိုင်ငံဘက်မှ လက်ရှိချမှတ်ထားသော COVID-19 နှင့်ပတ်သက်သည့်မူများအရ ပြည်ဝင်ခွင့် Visa ရယူရန်လိုအပ်ပါသည်။ နေထိုင်မည့်ကြာချိန်ပေါ်မူတည်ပြီး ဗီဇာ ၂မျိုး ရှိပါသည်။

Q: ထိုင်းဗီဇာတွင် ၂ မျိုး ဆိုတာ ဘာ တွေ ကွာလဲ ?
A : နေထိုင်မည့်ကြာချိန်ပေါ်မူတည်ပြီး ဗီဇာ ၂မျိုး ရှိပါသည်။

i. Tourist Visa (60 Days + 30 Days Extension at Thailand)
ii. Special Tourist Visa (90 Days + 90 Days Extension at Thailand)

Q: Visa လျှောက်ရန် ဘာတွေ လိုအပ်ပါလဲ ?
A: လျှောက်မည့် ဗီဇာပေါ်မူတည်ပြီး လိုအပ်ချက်တွေ ပြောင်းလဲ မှု ရှိပါသည်။ သို့ပေမည့် အဓိက ပါဝင်ရမည့် လိုအပ်ချက်များက တော့
- ပက်စ်ပို့မူရင်း (သက်တမ်းအနည်းဆုံး(၆-၁၂)လ ကျန်ရှိရမည်)
- Quarantine ဝင်ရမည့် Hotel Booking Confirmation
- လေယာဉ်ဘွတ်ကင်
- ဘဏ်စာအုပ်မူရင်း နှင့် မိတ္တူ (သို့) Bank Statement မူရင်း
- COVID-19 ဖြစ်လျှင် အကြုံးဝင်မည့် USD 100,000 ကို Cover ဖြစ်သော Health Insurance

Q: Quarantine ဝင်မည့် Hotel က ကိုယ်ကြိုက်တယ့် ဟိုတယ်မှာ တည်းလို့ရလား ?
A: Quarantine ဝင်ရန်အတွက် သတ်မှတ်ထားသော ဟိုတယ်များတွင်သာ နေထိုင်ရပါမည်။ Hotel List များကို ကိုယ်တိုင်(သို့) မိမိတို့မှတစ်ဆင့်booking ရယူနိုင်ပါသည်။ သတ်မှတ်ထားသော Hotel ဈေးနှုန်းများမှာ လေဆိပ်မှဟိုတယ်သို့ ကားတကြောင်းစာ၊ Covid swab test ၂ကြိမ်စစ်ဆေးခြင်းနှင့် မနက် နေ့လည် ညစာများ ပါဝင်ပြီးဖြစ်ပါသည်။ Quarantine ဝင်ရမည့်ရက်ကို May 1 မှ စတင်၍ ၁၄ ရက် ပြောင်းလဲသတ်မှတ်ထားပါသည်။ (COVID-19 ကာကွယ်ဆေးထိုးထားသူများလဲ Quarantine ဝင်ရန်လိုအပ်ပါသည်။)

Q: Thai ကို လေယဉ် က နေ့တိုင်းရှိတာလား?
A : လေယဉ်က နေ့တိုင်းမရှိပါဘူး။ မိမိသွားလိုသော ရက်များကို CHAT BOX မှ တစ်ဆင့် မေးမြန်းနိုင်ပါသည်။

Q: COVID-19 ကင်းရှင်းကြောင်း ဆေးစစ်ရသေးလား ?
A : RT-PCR Test ကို စစ်ရပါတယ်။ စစ်ဆေးရမည့် နေရာများမှာ
1. N Health Laboratory (ဆူးလေဘုရားအနီး၊ ရန်ကုန်)
မနက် ၀၈းဝ၀ နာရီမှ ၁ဝးဝ၀ နာရီ အတွင်း
https://www.facebook.com/NHealthMyanmarFanpage
2. Cargo Warehouse (အပြည်ပြည်ဆိုင်ရာလေဆိပ်၊ ပြည်လမ်း၊ ထန်းပင်ကုန်းမှတ်တိုင်အနီး၊ ရန်ကုန်)
မနက် ၀၉းဝ၀ နာရီမှ ၁၁းဝ၀ နာရီ အတွင်း
ဖုန်း - ၀၉၄၄၄၀၉၉၉၄၁ ~ ၄၂
3. Pun Hlaing Hospital (လှိုင်သာယာ၊ ရန်ကုန်)
https://www.facebook.com/punhlainghospitals/photos/a.679412435535552/2237916749685105
4. Samitivej Clinic Yangon (ကမ္ဘာအေးဘုရားလမ်း၊ မရမ်းကုန်း၊ ရန်ကုန်)
https://www.facebook.com/Samitivej-Yangon-Clinic-109896767049206

Q: လေဆိပ်တွင် Visa နှင့်အတူတကွ တွဲပြရန်လိုအပ်သည့်စာရွက်စာတမ်းများမှာ
a. COE form
b. T8 form

Q: ဗီဇာနဲ့ ပတ်သတ်ပြီး မေမြန်းစုံးစမ်းချင်ရင် ဘယ်ကို ဆက်သွယ်ရမလဲ ?
A : MRSI Travels – 095107621, 09777432190 ကို ဆက်သွယ် နိုင်ပါသည်။

16/12/2020

ရှမ်းပြည်နယ်သို့ လေယဥ္်ြဖင့် လာရောက်မည်သူများ သတိပြုစေရန်

15/12/2020

ပြည်တွင်း လေယဉ်ခရီးစဉ်များ စီးရန် စစ်ဆေးရမည့်နေရာ နှင့် လိူက်နာရမည့်စည်းကမ်း

14/12/2020

ပြည်တွင်း ပုံမှန်လေကြောင်းခရီးစဥ်များ ပြန်လည် ပြေးဆွဲရာ တွင် လေကြောင်းလိုင်း၀န်ထမ်းများ၊ လေဆိပ်၀န်ထမ်းများနှင့် လေယာဥ်စီးခရီးသည်များ လိုက်နာရမည့် ကျန်းမာရေးဆိုင်ရာ စံသတ်မှတ်ချက်များ
(Standard Operating Procedures-SOP) (Version 2.1)
အား ထပ်ဆင့်ဖော်ပြအပ်ပါသည်။

Photo Credit to: ကျန်းမာရေး ဝန်ကြီး ဌာန page

12/12/2020

လေယာဥ်လတ်မှတ် ဝယ်ပြီး ဆေးစစ်ချက်
အောင်မြင်မှသာ လေယာဥ် စီးနင်းခွင့် ရရှိမည်

journal

မကြာခင်ပြည်တွင်းလေကြောင်းလိုင်းများပြန်လည်ပြေးဆွဲခွင့်ပြုမည်ဖြစ်သော်လည်း လေယာဥ် လတ်မှတ်ဝယ်ယူပြီး ဆေးစစ်ချက် အောင်မြင်ပြီးမှသာ လေယာဥ် စီးနင်းခွင့်ကို ရရှိမည်ဖြစ်သည်ဟု လေကြောင်းလိုင်း
အသိုင်းအဝန်းမှ စုံစမ်းသိရှိရသည်။

လေကြောင်းပို့ဆောင်ရေး ညွန်ကြားမှုဦးစီးဌာနမှ
ဒီဇင်ဘာ ၁၂ ရက် ရက်စွဲ ဖြင့် ထုတ်ပြန်ချက်တွင်
ပြည်တွင်းပုံမှန်လေကြောင်းခရီးစဥ်များပျံသန်းပြေးဆွဲမှုကို စံလုပ်ထုံးလုပ်နည်းများ (SOP)နှင့်အညီ ဒီဇင်ဘာ ၁၆ရက်မှစ၍ စတင်ဆောင်ရွက်သွားရန် COVID 19
ကာကွယ်ထိန်းချုပ် ကုသရေး အမျိုးသား အဆင့် ဗဟိုကော်မတီ ၏ လမ်းညွန်မှုအရ ပို့ဆောင်ရေး နှင့်ဆက်သွယ်ရေးဝန်ကြီးဌာနမှ အသိပေးလာပြီး ပြည်တွင်းလေကြောင်းလိုင်းများသိရှိရန် ဆက်လက်အသိပေးရန် အကြောင်းကြားစာထုတ်ပြန်ခဲ့ပြီး ဖြစ်သည်။

" လတ်မှတ်ဝယ်ပြီးရင် သူတို့သတ်မှတ်ထားတဲ့စင်တာ မှာ သွားစစ်ရင် ဦးစားပေးစစ်ပေးမယ်။ ကျသင့်တဲ့အခကိုတော့ ပေးရမယ်။ စစ်ဆေးချက်အောင်ရင် လေယာဥ် စီးခွင့်ပြုမယ်။လတ်မှတ်ကကြိုဝယ်ရမယ်။ သွားမယ့် ရက်ထက် အဲဒါမှ လတ်မှတ် ပြပြီး ဆေးစစ်ရမှာ။ လောလော ဆယ် Stay at Home ဒေသတွေကနေ Stay at Home မဟုတ်တဲ့ ဒေသကို သွားရင် သက်ဆိုင်ရာ မြို့ရောက်တဲ့အချိန်ကျရင် Q ဝင်ရမယ်။ သုံးရက် သို့မဟုတ် ၇ ရက် ဝင်ရမယ်။ဒါပေမယ့် အဲဒါကိုလည်း ဖြေလျော့ပေးဖို့အတွက်ပြန်ညှိနှိုင်းနေတယ်"ဟု လေကြောင်းလိုင်းတစ်ခုမှ
အရောင်းကိုယ်စားလှယ် တစ်ဦးကလည်း Travelling journal သို့ပြောသည်။

ထို့ပြင်လေကြောင်းလိုင်းများကလည်းမြို့အားလုံးသို့
ခရီးစဥ်မဆွဲပဲ ခွဲပြီးဆွဲသွားရန်အတွက် ညှိနှိုင်းနေကြောင်းသိရသည်။

"ပြုံဆွဲရင်တော့ သူလည်းခရီးသည်မရ ကိုယ်လည်းခရီးသည်မရ ဖြစ်မှာစိုးတယ်။ ခရီးသည် ရရှိမှုပေါ်ကိုမူတည်​ပြီး ဆွဲသွားမှာပါ။ အဲဒီအတွက် ကြေညာချက်ထွက်လာပါအုံးမယ်။အခုတော့ လေကြောင်းလိုင်းတွေ ညှိနေကြပါတယ်"ဟု အထက်ပါပုဂ္ဂိုလ်က ပြောသည်။

လက်ရှိတွင် ဒီဇင်ဘာ ၁၅ရက်နေ့ထိ ခရီး စဥ်များ ပျံသန်းပြေးဆွဲခွင့်ကို ရပ်ဆိုင်းထားကြောင်း သိရသည်။

Credit to Travlling journal

journal

Scheduled Flights

26/11/2020

မြန်မာနိုင်ငံအပါအဝင် ဖွင့်ဖြိုးဆဲ ၂၃ နိုင်ငံမှ နိုင်ငံသားများ အမေရိကန်နိုင်ငံသို့ သွားရောက်မည့် အခါ USD 15,000 Visa Bond ပေးရမည်။

Dec 24 ရက်နေ့မှ စပြီး ၆ လ ကြာအောင် တည်မည့် အမိန့်ကြေငြာစာတစ်ခု က အမေရိကန် သမတ ဒေါနယ် ထရမ့် က Nov 24 တွင် ကြေငြာလိုက်သည်။

အာဖရိကန်နိုင်ငံ အများ အပြားနှင့် အိရန်၊ မြန်မာ၊ ဘူတန်၊ အာဖကန် နိုင်ငံ ပတ်စပို့ ကိုင်ဆောင်သူများ အမေရိကန်နိုင်ငံ ခရိးသွား ဗီဇာ (Visa Type B) လျောက်သော အခါ မှာ ကန်ဒေါလာ ၁၅၀၀၀ တန်ရှိ Refundable Visa Bond ကို ပြရမည်ဖြစ်ပြီး၊ သတ်မှတ်ထားသော နေ့ရက်အတွင်း ‌နေရပ်သို့ မပြန်သူများ ပြန်လည် ထုတ်ယူခွင့်ရှိမည် မဟုတ် ကြောင်း၊ Dec 24 တွင် ယင်းစည်းမျဉ်းမှာ အကျိုးသက်ရောက်မည် ဖြစ်ပြီး ၆လ သက်တမ်းရှိမည်ဟု ဖော်ပြထားပါသည်။

15/10/2020

ဗန်ကောက်တွင်အထူးအရေးပေါ်အခြေအနေကြေငြာ
⛔️⛔️⛔️⛔️⛔️⛔️⛔️⛔️⛔️
ယနေ့နံနက် 02.00 နာရီတွင် ထိုင်းဝန်ကြီးချုပ်က လက်ရှိဖြစ်ပေါ်နေသော
အစိုးရဆန့်ကျင်ရေးဆန္ဒပြမှုများ ကိုထိန်းသိမ်းကိုင်တွယ်ရန် ဗန်ကောက်မြို့တော်အားအထူးအရေးပေါ်အခြေအနေတစ်ရပ်ကိုပြဌာန်းကြေငြာလိုက်ပါသည်။
🛑🛑🛑🛑🛑🛑🛑🛑🛑
ယင်းပြဌာန်းချက်သည် 15 ရက်နေ့၊အောက်တိုဘာလ၊ 2020 နံနက် 04.00 နာရီတွင်စတင်အကျုံးဝင်မည်ဖြစ်သည်။
🛑🛑🛑🛑🛑🛑🛑🛑🛑
ယင်းဆန္ဒပြပွဲများတွင် အရင်ဝန်ကြီးချုပ်ဟောင်း ထပ်ဆင် ချင်နာဝပ်ကို ထောက်ခံသည့် ရှပ်နီများ နိုင်ငံရေးစံနစ်နှင့်ဘုရင့်အာဏာကိုပြုပြင်ပြောင်းလဲလိုသည့် အထက်တန်းနှင့်တက္ကသိုလ်ကျောင်းသားများပါဝင်ကြသည်။
ယမန်နေ့ကဆန္ဒပြပွဲတွင် လူဦးရေ ငါးသောင်းခန့် ပူးပေါင်းပါဝင်ဆန္ဒပြခဲ့ကြပြီး အစိုးရဝန်ကြီးချုပ်ရုံးကိုညဦးပိုင်းတွင်စုပေါင်းဝန်းရံထားခဲ့ကြပြီး အစိုးရမှ ရဲများကိုအသုံးပြု၍နံနက် 04.00 နာရီမှစ၍ဆန္ဒပြမှုများကိုဖြိုခွင်းခဲ့ပါသည်။
နံနက် 06.00 နာရီတွင် ဆန္ဒပြခေါင်းဆောင်များမှ ဆန္ဒပြမှုများကိုခေတ္တရပ်နားပြီး ယနေ့ 15.10.2020 ညနေ 04.00 နာရီတွင်ပြန်လည်စတင်ဆန္ဒပြကြမည်ဖြစ်ကြောင်းကြေငြာထားခဲ့ပါသည်။
ယနေ့နံနက် 06.00နာရီခန့်တွင် အစိုးရကိုဆန့်ကျင်ဆန္ဒပြသူများနှင့်အစိုးရနှင့်ဘုရင်ကိုထောက်ခံသူများထိပ်တိုက်တွေ့မှုများအနည်းငယ်ရှိခဲ့ပါသည်။
ယနေ့နံနက်ပိုင်းတွင် အစိုးရမှ ဆန္ဒပြခေါင်းဆောင် 44 ဦးခန့်ကိုဖမ်းဆီးထိန်းသိမ်းထားခဲ့သည်။
ယမန်နေ့က ဘုရင့်ယာဉ်တန်းကိုဆန္ဒပြသူများမှနှောက်ယှက်ဟန့်တားမှုများရှိခဲ့သဖြင့်ထိုင်းရဲချုပ်က၎င်းဘုရင့်ယာဉ်တန်းကိုလုံခြုံရေးတာဝန်ယူရသည့် ရဲထိပ်တန်းဗိုလ်ချုပ်အဆင့်ရှိသူ 3 ဦးကိုရာထူးမှပြောင်းရွှေ့စေခဲ့ပါသည်။
တစ်ချို့သောထိုင်းပြည်သူများကလည်း လက်ရှိဘုရင်မင်းမြတ်အပေါ် မဖွယ်မရာဖြစ်စေခဲ့သည့်၎င်းဆန္ဒပြသူများကိုရှုတ်ချမှုများပြုလုပ်လျက်ရှိပါသည်။
ယနေ့မကြာမီတွင် ထိုင်းသို့မုန်းတိုင်းတစ်လုံးဝင်ရောက်တိုက်ခတ်ဖွယ်ရှိနေချိန်နှင့် ကမ္ဘာတွင်ကိုဗစ်အခြေအနေဆိုးကြုံနေချိန်တွင် ထိုင်းနိုင်ငံရေးသည်လည်း မုန်တိုင်းတစ်ခုသဖွယ်ထိုင်းနိုင်ငံကိုကြမ်းတမ်းစွာတိုက်ခတ်ဖွယ်အခြေအနေများရှိနေပါသည်။
🛑🛑🛑🛑🛑🛑🛑🛑🛑
သတင်းစဉ် - AKM Tourism
ကိုးကား - https://today.line.me/th/v2/article/69pemX...
- https://www.thairath.co.th/news/politic/1952466

ประมวลภาพ "ม็อบคณะราษฎร" เคลื่อนขบวนออกจากอนุสาวรีย์ประชาธิปไตย มุ่งไปทำเนียบรัฐบาล โดยมีมวลชนอาสาเดินคล...

13/09/2020

အနံ့ပျောက်ရင် ဘာလုပ်မယ်၊ ကိုယ့်ဟာကိုယ် Home Q မယ်
==========
မနေ့က သူငယ်ချင်းတစ်ယောက် အနံ့ပျောက်လို့ ဆေးရုံကို သွားစစ်နေတယ်ပြောတယ် (ခုတော့ P ထွက်သွားပါပြီ 😆)
ပြဿနာက အနံ့ပျောက်တာ P ထွက်တာမဟုတ်ဘူး။ ဘာကပြဿနာလဲဆို အိမ်မှာကြိတ်ကုကြတာ။ သူတောင်ကြိတ်မှိတ်ပြီး သွားမစစ်ဘဲနေသေးတယ်တဲ့။ တူတူနေတဲ့ သူ့အဖေ လူကြီးကိုသနားလို့ ကူးမှာစိုးလို့ ဆေးရုံကို ရောက်သွားတာတဲ့။
ပြောချင်တာက သူသူကိုယ်ကိုယ် ကြိတ်ကုတဲ့သူ ပေါမယ်ဆိုတာ သေချာနေပြီ။
ဆေးရုံရောက်ရင် တော်တော်နဲ့ပြန်မဆင်းရမှာ ကြောက်တာရယ်၊ အိမ်ကို ဝတ်ဖြူစင်ကြယ်တွေ ချိတ်လာပိတ်မှာရယ်၊ ပတ်ဝန်းကျင်ရဲ့ ဘာလားညာလားတွေမခံချင်တာရယ် စတဲ့ စတဲ့ အချက်တွေနဲ့ မသွားကြဘဲ ကြိတ်ဆော်နေကြတာ မနည်းလောက်တော့ဘူး။
ဆရာဝန်တွေကိုယ်တိုင်က Positive သမားကို ဆေးရုံမတင်ဖို့ Home Q ထားဖို့ ဝိုင်းပြောနေချိန်၊ ကိုယ်ကလဲ ထောက်ခံတဲ့ဖက်ကဆိုတော့ ဆေးရုံကို ဝန်မပိစေဘဲ ကိုယ့်ဟာကိုယ်နေချင်တယ်ဆို ဘယ်လိုလုပ်သင့်တယ် ရေးပေးပါမယ်။
ဘယ်လိုအနေအထားတွေမှာလုပ်ရမလဲ ....
အနံ့ပျောက်မယ်
ဖျားမယ်
Positive သမားနဲ့ Contact နီးနီးစပ်စပ်ရှိခဲ့မယ်၊ ၅ မိနစ်အထက်ရှိခဲ့မယ်
(Contact က အစိုးရ အပြည့်အစုံမလိုက်နိုင်ပါ၊ ကိုယ်သာအသိဆုံးမို့ပါ)
ဒီလိုအနေအထား တစ်ခုရှိရင် ဘာပဲဖြစ်ဖြစ် ကိုယ်ဟာကိုယ် ၁၄ ရက် Q ပါ။
ဘယ်လို Q မလဲ ....
- အိမ်မှာ အခန်းသတ်သတ်ရှိရင် ခွဲနေပါ၊ တခြားဘယ်သူမှ အခန်းထဲမဝင်ပါစေနဲ့။
- အခန်းသတ်သတ်မရှိရင် လေဝင်လေထွက်ကောင်းတဲ့နေရာမှာ ကန့်ပြီးနေပါ။ ပြတင်းပေါက်အမြဲဖွင့်ထားပါ။ အနီးကို ဘယ်သူမှ မလာပါစေနဲ့။
- ကိုယ်တိုင် Mask ကိုဖြစ်နိုင်ရင် အမြဲတပ်ထားပါ။ အနားကို ဘယ်သူမှ မလာရင်၊ အလုံပိတ်အခန်းဆိုရင် မတပ်လို့ ရပါတယ်။
- နေ့စဥ်စားသောက်စရာကို အခန်းဝ ချထားခိုင်းပြီး လူကိုပြန်သွားခိုင်းပါ။ လူမရှိမှ ထွက်ယူပါ။
အခြားပစ္စည်းများယူလျှင်လဲ တူတူပါပဲ
- စားပြီးပန်းကန်ထည့်ရန် အခန်းဝတွင် ဆပ်ပြာရည်ထည့်ကာ အမြုပ်ထအောင်လုပ်ထားသော ဇလုံတစ်ခုထားပေးပါ။ ဇလုံထဲသို့ စားပြီး ပန်းကန်ခွက်ယောက်များကို တန်းထည့်ပါ။ နာရီဝက်ကျော်မှာ အိမ်မှသူများ လာယူပါစေ
- ဝတ်ထားသောအဝတ်များကိုထည့်ရန် နှစ်ရက်တစ်ခါခန့် အခန်းဝတွင် ဆပ်ပြာရည်ထည့်ကာ အမြုပ်ထအောင်လုပ်ထားသော ပုံးတစ်ခုထားပေးပြီး အဆိုပါပုံးအတွင်းသို့ အဝတ်များ တန်းထည့်ပါ။ နာရီဝက်ကျော်မှ အိမ်မှသူများ လာယူပါစေ
- အိမ်သာ ရေချိုးခန်းသွားမယ်ဆို အိမ်သားတွေကို အကုန်ရှောင်နေခိုင်းပါ။ ကိုယ်ဖြတ်သွားချိန် ဘယ်သူမှ အနားမလာပါစေနဲ့။ Mask တပ်သွားပါ။ လမ်းတွင် ဟိုကိုင်ဒီကိုင်မလုပ်ပါနှင့်
- နေ့စဥ် စီဗစ် 500mg (MPF BPI ဆိုလျှင် ၅ လုံး) အထိ သောက်နိုင်ပါသည်။
- အားဆေးများအား ကြောက်လန့်တကြား အလွန်အကျွံမသောက်ပါနှင့်။ အရမ်းသောက်ချင်လျှင် ကြိုက်ရာတစ်မျိုးကိုသာ တစ်နေ့တစ်လုံးသာ သောက်ပါ။ အမျိုးစုံ ၄-၅မျိုးကို တစ်လုံးစီမသောက်ပါနဲ့၊ တစ်မျိုးတည်းကိုလဲ တစ်နေ့ ၂လုံး ၃ လုံးမသောက်ပါနဲ့။ အားဆေးသောက်ခြင်းကို အားမပေးပါ။
(ဘာလို့ပြောလဲဆို သူငယ်ချင်းသောက်တဲ့အားဆေးရဲ့ ဗူးပေါ်မှာ တစ်နေ့နှစ်ကြိမ်သောက်ပါလို့ရေးထားလို့ပဲ၊ ပြီးတော့ သူ့အားဆေးက Vit C ကို တစ်လုံးမှာ 1000 mg နဲ့ အခြားဟာတွေပါတယ်တဲ့၊ မလိုတာကြီးကို Vit C တစ်နေ့ 2000 mg သောက်ခိုင်းနေတာ ဆေးများများရောင်းရအောင်ပဲဖြစ်မယ်။ မလွယ်ဘူး ဆေးကုမ္ပဏီတွေလဲ)
- ပါရာစီတမော ဖြစ်နိုင်လျှင် မသောက်ဖို့ တိုက်တွန်းပါသည်။
အဖျားရှိလျှင်တောင် အဖျားမကြီးလျှင်မသောက်ပါနှင့်။ ပါရာစီတမောဝင်လျှင် အသည်းက ပိုအလုပ်လုပ်ရပါသည်၊ အစာအိမ်ထိပါသည်။ ကိုဗစ်ကြောင့် ခန္ဓာကိုယ် ဗျာများနေချိန်တွင် အခြားအလုပ်များ ဖြစ်နိုင်သလောက်မပေးပါနှင့်။ ပါရာစီတမောသည် ကိုယ်ပူ ခေတ္တကျစေတာဖြစ်ပြီး ကိုဗစ်ကိုမပျောက်စေ မသက်သာစေနိုင်ပါ။
(ဘာလို့ပြောလဲဆို ကိုဗစ်ကြောက်လို့ဆိုပြီး နေတိုင်းပါရာစီတမော သောက်တယ်ဆိုသည့်သူပါ ကြုံခဲ့ဖူးလို့ဖြစ်သည်။ သိပ်သောက်ချင်ရင် နေ့စဥ်စီဗစ်ပြောင်းသောက်ပါ ပြောလိုက်ရသည်)
- အခြားဘာဆေးလိုလဲဆို ဘာဆေးမှ မလိုပါ။ ၇၀ ရာခိုင်နှုန်းကျော်မှာ လုံးဝမဖျားဘဲ လူကောင်းအတိုင်းသာ ကိုဗစ်ပျောက်သွားသောကြောင့်ဖြစ်သည်။
- အားရှိစေရန်အတွက် ကြက်ဥ၊ အသားငါး၊ ဟင်းသီးဟင်းရွက် မျှတစွာစားသုံးပါ။ ကိုယ်အလေးချိန်တက်လောက်အောင် မစားပါနှင့်။ အသီးအရွက်များများစားပါ၊ ကိုယ်ခံအားတက်စေမည့် ဗီတာမင်နှင့် အခြားဓါတ်များသည် အသီးအရွက်များတွင်အဓိကပါသည် အားဆေးမလိုပါ။
ရေများများသောက်ပါ
- နေ့စဥ် ကိုယ်လက်လှုပ်ရှား လေ့ကျင့်ခန်းလုပ်ပါ။ ၂နာရီခန့်ကြာအောင် နားလိုက် လုပ်လိုက်ဖြင့် ချွေးပြိုက်ပြိုက်ထွက်သည်အထိလုပ်ပါ။ လေ့ကျင့်ခန်းသည် ဗိုင်းရပ်စ်ကို တိုက်ထုတ်နိုင်သော ကိုယ်ခံအားပိုကောင်းလာစေသည်။
- အသက်ရှူလေ့ကျင့်ခန်းမှန်မှန်လုပ်ပါ။ အဆုံးအထိ ရှူသွင်းပြီး ဖြေးညှင်းစွာ ရှူထုတ်သည်ကို ၁၅ မိနစ် နာရီဝက်ခန့် နေ့စဥ်လုပ်ပေးပါ။
- ဆေးလိပ်အရက်သောက်သူများ ဖြတ်ထားပါ။
- နွေးနွေးထွေးထွေးနေပါ။ အအေးမခံပါနှင့်၊ အဲကွန်းရှေ့ ပန်ကာရှေ့ တိုက်ရိုက်လေထိသည့်နေရာ မနေပါနှင့်၊ မအိပ်ပါနှင့်။ အေးစက်ခြင်းသည် ကိုယ်ခံအားကိုကျစေသည်။ ရေချိုးလျှင် ရေနွေးဖြင့်ချိုးလျှင်ပိုကောင်းသည်။ ညအိပ်လျှင် ရင်ဘတ်ကို စောင်တင်ပြီးအိပ်လျှင် နွေးနွေးထွေးထွေးထားလျှင်ပိုကောင်းသည်။
- ဖျားလျှင် တန်းပြီး ဆေးရုံသွားရမလားဆို မလိုပါဘူးခင်ဗျာ။
- ဘယ်အချိန် ဆေးရုံသွားရမလဲဆို ကိုယ်ပူချိန် အရမ်းတက်သွားလျှင်၊ အသက်ရှူကြပ်လာရင်ဆေးရုံကို ဖုန်းဆက်ခေါ်ပါ။ အနံ့ပျောက်သည် ဘာညာဆိုလျှင် ဝတ်ဖြူစင်ကြယ်များရောက်လာပါလိမ့်မည်။
(ကိုယ်ပူချိန်အရမ်းတက်သည်ကို ဘယ်လိုသိမလဲဆိုလျှင် အိပ်လျှင် ညဥ်းပါသည်၊ ကယောင်ကတမ်းတွေပြောပါသည်)
- အသက်ရှူကြပ်လျှင် ဆေးရုံကားမလာခင် ဘာမှ လျှောက်မလုပ်ပါနှင့် မှောက်ရက် နေပါ။ မှောက်နေလျှင် သက်သာပါသည် တကမ္ဘာလုံး ထိုနည်းသာသုံးပါသည်။
- မိမိမှာ ဆီးချို သွေးတိုး နှလုံး အသည်း ကင်ဆာ စသည့်ရောဂါကြီးများ အခံရှိလျှင်၊ ဆေးလိပ်အလွန်အကျွန်သောက်သူဖြစ်လျှင်၊ အသက် ၇၀ အထက်ဖြစ်လျှင် အိမ်မှာ မနေသင့်ပါ၊ အနံ့ပျောက်သည်နှင့် ဆေးရုံသို့ တန်းသွားပါ။
- အိမ်မှာ အသက်၇၀ အထက် လူကြီး၊ ရောဂါအခံရှိသည့်လူကြီးရှိလျှင် မကူးစေရန် ပိုပြီးသတိထားပါ
- အနံ့ပျောက်ပြီး ၁၄ ရက်ပြည့်လို့ အိမ်မှာ Q နေစဥ် ဘာမှမဖြစ်ဘူးဆိုလျှင် ထွက်လို့ရပါပြီ။ မိမိအခန်းကို နေရောင်ပြပါ။ လေဝင်လေထွက်ကောင်းအောင် ၁ ရက်ထားပါ (အေးသောဒေသဆိုလျှင် ၃ ရက်ထားပါ)။ သိပ်လုပ်ချင်ရင် အိပ်ယာခင်း ခေါင်းအုံးစသည်ကို လျှော်ပြီး အခန်းကို Dettol စသည့် ဆပ်ပြာဖြင့် သန့်ရှင်းရေးလုပ်ပါ။ ကိုယ်တိုင်လုပ်ပါ။ အခြားသူကို မခိုင်းပါနှင့်။
အဲကွန်းရှိလျှင် အဲကွန်း လေစစ်ဇကာကို သေချာဆေးရန် အ​ရေးကြီးသည်
ဘာလို့ ဒါကိုရေးရလဲဆိုရင် ကူးခံရလို့ ခိုးပြီး ကြိတ် Q နေတဲ့သူတွေ တကယ်ရှိလာပါပြီ။ ပြဿနာက ကြိတ်ပြီး ပုန်းနေစဥ်မှာ မြန်မြန်ပျောက်အောင်ဆိုပြီး မဟုတ်တဲ့ ဆေးတွေလျှောက်သောက်နေတာပါ။ နောက်ပြီး ဘယ်လိုနေရထိုင်ရမယ်မသိရင် အကုန်လျှောက်ကူးကုန်ပါလိမ့်မယ်။
ဒါကြောင့် ကြိတ်ကုမယ့်သူများ အတွက်ရော ဆေးကုသရေး ဝန်ထမ်းများ မနိုင်ဝန်ထမ်းနေရခြင်းမှ ဝန်ထုတ်ဝန်ပိုးလျော့ကျစေရေးအတွက် အထောက်အကူဖြစ်စေရေးရောကြောင့် ရေးရခြင်းဖြစ်ပါသည်။
လူတိုင်း ကိုယ့်အသိစိတ်နဲ့ကိုယ် ထိန်းသိမ်းနိုင်ပါစေ။ ကိုယ့်ကြောင့် ရောဂါမပြန့်ပါစေနှင့်။
ကိုဗစ်ရောဂါ ကိုယ့်ဆီကို ကူးလာခြင်းသည် ဘယ်သူ့အပြစ်မှမဟုတ်ပေ။ ကိုယ်လဲ သိလိုက်မည်မဟုတ်ပေ။ ဒါပေမယ့် သူများကို များများပြန်မကူးအောင် ထိန်းသိမ်းနိုင်ခြင်းသည် သင့်လက်ထဲတွင်ရှိသည်။
Credit To :
ဒေါက်တာကျော်ကျော်စိုင်း (M.B.,B.S. IM1)

11/09/2020

ျပည္တြင္းေလ ေၾကာင္းလိုင္းမ်ား (၁၁.၉.၂၀၂၀) မွ (၁.၁၀.၂၀၂၀) ထိ ယာယီရပ္ဆိုင္း

06/09/2020

မန္တလေးသို့သွားရောက်မည့် သူများ အထူး သတိပြုရန်။