23/07/2021
ဝါဆိုလပြည့်🌕🌖🌝
ဓမ္မစကြာနေ့ (သောကြာနေ့)
(၂၃-၇-၂၀၂၁)ဖြစ်ပါသည်၊၊
ဝါဆိုလပြည့်နေ့သည်......
၁။ ဂေါတမဘုရားလောင်း
တောထွက်တော် မူသောနေ့ဖြစ်ခြင်း။
၂။ ဂေါတမမြတ်စွာဘုရား ဓမ္မစကြာ တရားစတင်ဟောတော်မူသောနေ့ဖြစ်ခြင်း။
၃။ ရေမီး အစုံစုံတို့ဖြင့် တန်ခိုးပြာဋိဟာကိုပြတော်မူသောနေ့ဖြစ်ခြင်း။
၄။ ဘုရားအဖြစ်ကို ၀န်ခံတော်မူသော နေ့ဖြစ်ခြင်း။
၅။ တရားရတနာ စတင်ပေါ်ပေါက်သော
နေ့ဖြစ်ခြင်း။
၆။ သံဃာရတနာ စတင်ပေါ်ပေါက်သော
နေ့ဖြစ်ခြင်း။
ရ။ ❝ ဧဟိ ဘိက္ခု ❞ ဟူသော စကားကို
စတင်ကြားရသော နေ့ဖြစ်ခြင်း
ဟူ၍ဖြစ်ပါသည် …။
ဓမ္မစကြာ တရားတော်ကို လေ့လာကြည့်လျှင်......
အစွန်း နှစ်ခု ကို ရှောင်ကြဉ်ရေး
မဇ္စျိမပဋိပဒါ မဂ္ဂင် ရှစ်ပါး လမ်းစဉ်မှန်ကို
ကျင့်သုံးရေးတို့ကို ညွှန်ကြားထားကာ
🙏 လောက၌
ဆင်းရဲဒုက္ခသည်အမှန်တကယ်ရှိ၏
🙏 ထိုဆင်းရဲဒုက္ခဖြစ်စေသည့်အကြောင်းရင်းမှန်မှာ စွဲလန်းတွယ်တာမှုကြောင့်ဖြစ်ပေ၏
🙏 ထိုဆင်းရဲဒုက္ခမှ လွတ်မြောက်ရာနိဗ္ဗာန်သည် အမှန်ရှိ၏
🙏 ထိုဆင်းရဲဒုက္ခမှလွတ်မြောက်ရာသို့ရောက်လိုလျှင် နည်းလမ်းအမှန်လည်းရှိ၏
ထိုနည်းလမ်းသည် မဂ္ဂင်(၈)ပါးအကျင့်ပေတည်း။
ဤသို့ လောက၌မှန်ကန်သော (သစ္စာလေးပါး) တရားကို သိမြင်စေရန်
ဟောကြားထားသောကြောင့်
ဗုဒ္ဓဝါဒ၏ တိကျခိုင်မာသော
သဘောတရားကို တွေ့မြင်နိုင်ပါသည်။
ထိုတရားတော်၏ အဆုံးဝယ်
"အရှင်ကောဏ္ဍည" သည်
လူသားများ အနက် ပထမဦးဆုံး
သောတာပတ္တိဖိုလ်၌ တည်လေ၏။
ထိုနေ့သည်
ဝါဆိုလပြည့်နေ့ ဖြစ်၏။
ထို့နောက်တဖန်
ဒေသနာကို ဟောပြတော်မူရာ
ဝါဆိုလပြည့်ကျော်
( ၁ ) ရက်နေ့၌ အရှင်ဝပ။
( ၂ ) ရက်နေ့၌ အရှင်ဘဒ္ဒိယ။
( ၃ ) ရက်နေ့၌ အရှင်မဟာနာမ်။
( ၄ ) ရက်နေ့၌ အရှင်အဿဇိ တို့သည်
အသီးသီး သောတာပန် တည်ကြလေကုန်၏။
ပဉ္စဝဂ္ဂီ အားလုံးပင်
❝ ဧဟိဘိက္ခု ❞ ရဟန်း အဖြစ်ရောက်ကြလေသည်။
ဝါဆိုလပြည့်ကျော် ( ၅ )ရက်နေ့တွင်
မြတ်စွာဘုရားသည် ❝ အနတ္တလက္ခဏသုတ္တ ❞ ကို
ဟောကြား တော်မူခဲ့သည်။
ဤတွင် ငါးဦးလုံး
ရဟန္တာ ဖြစ်တော်မူကြလေသည်။
ရဟန္တာစတင်ပေါ်ထွန်းသောနေ့ဖြစ်၍ ထိုနေ့ကို ❝ ရဟန္တာနေ့ ❞ ဟု
ဗုဒ္ဓဘာသာဝင်တို့ သတ်မှတ်ယူကြကုန်သည်။
ဝါဆို လပြည့်နေ့ကိုမူ
တရားဦး ဓမ္မစင်္ကြာ ဟောကြားသောနေ့ ဖြစ်၍
❝ ဓမ္မစင်္ကြာနေ့ ❞ ဟု ယနေ့အထိ
ဗုဒ္ဓဘာသာဝင်တို့ အလေးအမြတ်ပြုခဲ့ကြပေသည်။
