08/07/2025
ဝါဆိုလပြည့်နေ့
မြတ်ဗုဒ္ဓရဲ့ ပထမဆုံး ဓမ္မစကြာတရားတော် စတင်ဟောကြားခဲ့သောနေ့
ဝါဆိုလပြည့်နေ့ဟာ ဗုဒ္ဓဘာသာဝင်တွေအတွက် အင်မတန်ထူးမြတ်တဲ့ အချိန်အခါသမယတစ်ခုဖြစ်ပါတယ်။ ဒီနေ့ဟာ မြတ်ဗုဒ္ဓ ဘုရားဖြစ်ပြီးနောက် ပထမဆုံးအကြိမ်အဖြစ် ဓမ္မစကြာတရားတော်ကို ပဉ္စဝဂ္ဂီငါးဦးတို့အား မိဂဒါဝုန်တောမှာ စတင်ဟောကြားတော်မူခဲ့တဲ့နေ့ဖြစ်ပါတယ်။ ဒါ့အပြင် မြတ်ဗုဒ္ဓရဲ့ ပထမဆုံး ဝါဆိုဝါကပ်ပြုတော်မူခဲ့တဲ့နေ့လည်းဖြစ်ပါတယ်။
ဒီလိုထူးမြတ်တဲ့နေ့လေးမှာ မြန်မာတစ်နိုင်ငံလုံးက ဗုဒ္ဓဘာသာဝင်သူတော်စင်အပေါင်းတို့ဟာ ဘုရား၊ ကျောင်းကန်တွေမှာ ဥပုသ်သီလစောင့်ထိန်းတာ၊ တရားဘာဝနာပွားများတာ၊ ပန်း၊ ရေချမ်း၊ ဆီမီး ကပ်လှူတာ၊ ဝါဆိုသင်္ကန်းကပ်လှူတာ၊ ဆွမ်းလောင်းလှူတာ စတဲ့ ကုသိုလ်ကောင်းမှုတွေကို စုံလင်စွာပြုလုပ်ကြပါတယ်။ ဒါ့အပြင် ဘာသာရေးပွဲတော်များနဲ့ ဓမ္မစကြာတရားတော် ရွတ်ဖတ်ပူဇော်ပွဲတွေကိုလည်း ကျင်းပလေ့ရှိပါတယ်။
ဒီလိုမင်္ဂလာရှိတဲ့ ဝါဆိုလပြည့်နေ့မှာ ကိုယ်စိတ်နှလုံး ငြိမ်းချမ်းသာယာပြီး ကောင်းမှုကုသိုလ်များစွာ ပြုလုပ်နိုင်ကြပါစေကြောင်းMakaraQueenမိသားစုမှ ဆုမွန်ကောင်းတောင်းရင်း မေတ္တာပို့သလိုက်ရပါတယ်။
#ဝါဆိုလပြည့်နေ့
#ဓမ္မစကြာ
#ဗုဒ္ဓဘာသာ