Real Choice Travel & Tour Company Ltd.

20/09/2022

19/07/2021

Covid Second wave ထဲက ခရီးစဥ်တွေရပ်နား၊ page ကိုလဲ လှည့်မကြည့်နိုင်တာနဲ့ ဒီတိုင်းပဲ ထားလိုက်ရတယ်။
Third wave မှာတော့ ကျွန်တော်တို့ မိသားစုပါ ဖျားနာခဲ့ရတယ်၊ ခက်ခဲကြတာတွေတော့ ပြောမနေတော့ပါဘူး၊ အားလုံးဟာ ခြေကုန်လက်ပန်းကျလောက်အောင် ပင်ပန်းစိတ်ဒုက္ခရောက်နေကြမှာ အသေချာပဲမို့ ဒီအချိန်မှာ အတူတူ အားတင်းရင်း ကျော်ဖြတ်ကြရအောင်ပါ၊
အားလုံးပြီးသွားတဲ့ တစ်နေ့ ကျွန်တော်တို့ ခရီးတွေ သွားကြတာပေါ့နော်......

13/08/2020

ခရီးသွားဖို့ စဥ်းစားနေပြီဆိုရင်........ 🤔🤔

⛳⛳ နယ်မြေအခြေအနေနဲ့ ရာသီဥတုလေးကောင်းတုန်း ရှမ်းမြောက်က သီပေါမြို့လေးကို သွားလည်ကြမယ်၊ ပြီးရင် နမ္မတူ ဘော်တွင်းဟောင်း နဲ့ စိမ်းစိုလှပတဲ့ ရုရှားတောင်ပေါ်မှာ အပီရိုက်ကြ မယ် (ဓာတ်ပုံ)📸

ရန်ကုန်ကနေ ညနေထွက်မယ်...
သီပေါက 🏩3 star Hotel မှာ တစ်ည အိပ်ပြီး သီပေါမြို့မှာ လည်မယ်၊ ရှမ်းအစားအစာဆိုင်လေးတွေမှာ ဒေသစာတွေ အဝစားကြမယ်🍱🍛🍽

နောက်တစ်ရက်ကို နမ္မတူသွားမယ်၊ ရှေးဟောင်း ဘော်တွင်း Mine Town လေးမို့ အေးချမ်းမယ်၊ ကြည့်ရှူလေ့လာစရာလေးတွေ လှည့်ပတ်ကြည့်မယ်၊ ရုရှားတောင်သွားလည်မယ်🌠

👬👭 ကျွန်တော့် ထုံးစံအတိုင်း မိသားစုလိုသွား ကြမယ်၊ ကားစီးမယ်၊ ညောင်းရင်နားမယ်၊ ပတ်ဝန်းကျင်လှရင် ဓာတ်ပုံဆင်းရိုက်မယ်၊ စားမယ်၊ နားမယ်၊ အေးအေးဆေးဆေး ပေါ့ပါ့ပါးပါး သွားပါမယ်...👯👯‍♂️

စျေးနှုန်းလေးကတော့
💰 တစ်ဦး(၁၅၅၀၀၀) ကျပ် ပါပဲခင်ဗျ.....
🏩 သီပေါမှာ Hotel (1) ညအိပ်မယ်၊
🍱 နံနက်စာ၊ နေ့လည်စာ၊ ညစာစုစုပေါင်း (၆) နပ်ပါမယ်၊
🚐 ရန်ကုန်က Hiace 14 seaters ကို (၈)ယောက်နဲ့ပဲသွားမယ်၊
🤗 ကျွန်တော်ပါမယ်၊
💁‍♂️ ဒေသခံ Guide က သီပေါနဲ့ နမ္မတူမှာ လိုက်လံပို့​ ပေးပါမယ်၊
✅ Friday ထွက်ရင် Monday မနက် ပြန်ရောက်မှာမို့ ရုံးသမားများ ရုံးမပျက်ပါဘူးနော်....

👉 လည်ပတ်မဲ့နေရာတွေကို Traveller တွေရဲ့ link ချပေးထားပါတယ်၊ သွားမယ့်နေရာတွေရဲ့ အကြောင်းမို့ ဗဟုသုတလည်း ရသလို လည်ပတ်မယ့် နေရာအကြောင်းလည်း သိသွားအောင်ပါ...
( Hiking, Trekking and Boat activities များ ယခု တစ်ခေါက်တွင် မပါဝင်သေးပါခင်ဗျာ ❎❎)

😊😊 စိတ်ပါဝင်စားသူ ကျွန်တော့ မိတ်ဆွေများ အားမနာတမ်းမေးမြန်းနိုင်ပြီး အဆင်ပြေရင် အတူသွားကြဖို့ ဖိတ်ခေါ်ပါရစေခင်ဗျ....

☎☎☎ 09266266426, 09974291961

https://m.facebook.com/story.php?story_fbid=2240292789450755&id=783596685120380

https://m.facebook.com/story.php?story_fbid=2215437771936257&id=783596685120380

09/08/2020

👨‍👩‍👧‍👦👨‍👨‍👧‍👦 မိသားစုတွေပဲ သီးသန့်သွားမလား...
👭👬 သူငယ်ချင်းတွေ စုပြီးသွားမလား...
👫👫 အလုပ်ထဲက မိတ်ဆွေ​တွေနဲ့လား ...
အားလုံးကို အဆင်ပြေချောမွေ့ စွာနဲ့ ပျော်ရွှင်မှုတွေပိုင်ဆိုင်ဖို့ Real Choice မှ စီးလုံးကားအငှားဝန်ဆောင်မှု စီစဥ်ဆောင်ရွက်ပေးနေပါပြီ...💯%

သွားချင်တဲ့
💙 ခရီးစဥ်
💚 အချိန်
❤ လူဦးရေလေး ပြောပေးတာနဲ့ တည်းခိုဖို့၊ စားသောက်ဖို့၊ လည်ပတ်မယ့်နေရာစုံဖို့ကို ကျွန်တော်တို့တာဝန်ယူပါတယ်....

ခရီးစဥ်များအတွက် ကောင်းမွန်ပြီး စိတ်ချရသည့် မော်တော်ယာဥ်များ...🚐🚙🚌🚙🚗🚐🚌

🤵🤵 ချိုသာယဥ်ကျေးပြီး လည်ပတ်မည့်နေရာတွေကို ကျွမ်းကျင်စွာ လိုက်လံပို့ဆောင်ပေးနိုင်သော ယာဥ်မောင်းများဖြင့် စီစဥ်ဆောင်ရွက်ပေးလျက်ရှိပါတယ်....

😷😷 Covid ကာလအတွင်း လူအများကြီးနဲ့သွားဖို့ အဆင်မပြေသေးသူများအတွက် လိုအပ်ပါက ဆက်သွယ်ငှားရမ်းနိုင်ပြီဖြစ်ကြောင်း သတင်းကောင်းပါးအပ်ပါတယ်...😊😊

✅ ဒီအပြင် လုပ်ငန်းကိစ္စရှိလို့ ခေတ္တသုံးချင်တာမျိုး၊ လချုပ်နဲ့ သုံးချင်တာမျိုး၊ တောင်တန်းဒေသတွေမို့ အောက်ပိုင်းမြင့်မြင့်ကားနဲ့ သွားချင်သူများအတွက်လဲ ဝန်​ဆောင်မှုတွေ ပေးနေပါပြီ✅

💙💛 Real Choice ရဲ့ ခရီးစဥ်များလည်း မကြာခင်မှာ ပြန်လည် စီစဥ်ပေးသွားမည့်အကြောင်းအသိ ပေးရင်း ဧည့်သည်တော်များအားလုံး ကျန်းမာ ချမ်းသာပါစေလို့ ဆုမွန်ကောင်းတောင်းအပ်ပါတယ်ခင်ဗျာ🙏🙏🙏

Real Choice Travel & Tour
အမှတ် (884)၊ ကျောင်းကုန်း(၁)လမ်း
အောင်ဆန်း၊ အင်းစိန်
☎ 09266266426, 09974291961

26/06/2020

Real Choice ရဲ့ ချင်းပြည်နယ် ခရီးစဥ်ထဲမှာ လည်ပတ်ဖို့ အဓိက ပါမဲ့ ဟားခါး၊ ထန်တလန်၊ ဓာတ်ပုံလေးတွေ လှလို့ အမှတ်တရ တင်ပေးလိုက်ပါတယ်ခင်ဗျာ ❤❤❤
( မင်းတပ် ၊ မတူပီကတော့ သွားချင်ပေမဲ့ ခရီးစဥ်ထဲ မထည့်နိုင်သေးဘူးဗျာ၊ နောင်ဆိုရင်တော့ ထည့်ပေးပါ့မယ် 🙏🙏🙏 )

https://m.facebook.com/story.php?story_fbid=721020235353964&id=359476531508338

25/06/2020

ကားအကြာကြီးမစီးနိုင်သူ ဧည့်သည်များအတွက် သတင်းကောင်းပါ၊
လေဆိပ်မှ ဖလမ်းမြို့သို့ မိနစ်ပိုင်းသာ မောင်းရပြီး၊ နံမည်ကျော် Rih ရေအိုင်နဲ့ မိုင် ၆၀ နီးပါးသာ မောင်းရမှာပါ။
လေဆိပ်ဟာ ဟားခါး - ဖလမ်း လမ်းပေါ်မှာလဲရှိတာကြောင့် ဟားခါး၊ ထန်တလန် မြို့များကိုလဲ လည်ပတ် နိုင်မှာဖြစ်ပါတယ်၊
ချင်းပြည်နယ် မြောက်ပိုင်းကို သွားချင်ပေမဲ့ ကားကြာကြာမစီးနိုင်သည့် ဧည့်သည်များအနေနဲ့ ပွင့်လင်းရာသီနဲ့အတူ ရောဂါတွေ ကင်းစင်သွားတာနဲ့ သွားလာနိုင်ပြီ ဖြစ်ပါကြောင်း သတင်းကောင်းပါးအပ်ပါတယ်ခင်ဗျာ
https://www.facebook.com/167011980026853/posts/3202828159778538/

01/06/2020

ဒီတစ်ပတ်မှာတော့ ချင်းပြည်နယ်ရဲ့ မြို့တော် ဟားခါးမြို့လေးအကြောင်း တင်ပြရင်းနဲ့ ဟားခါး View point ရောက်တဲ့အခါ ဗဟုသုတဖြစ်စရာလေး တွေ ပြောပြပေးပါရစေ🙏🙏🙏

ချင်းပြည်နယ်ရဲ့ မြို့တော် ဟားခါးမြို့ဟာ ပင်လယ်ရေမျက်နှာပြင် အမြင့်ပေ ၆၁၂၀ ပေ မြင့်ပြီး ချင်းလူမျိုးအများစုနေထိုင်ကာ ခရစ်ယာန်ဘာသာကို အဓိကယုံကြည်ကိုးကွယ်ကြပါတယ်၊

တစ်နှစ်တာလုံးမှာ ဒီဇင်ဘာ၊ ဇန်နဝါရီလများဟာ ပုံမှန်အားဖြင့် အအေးဆုံးလများ ဖြစ်ပြီး တခါတရံ ရေခဲမှတ်အောက်ရောက်သည်ထိ အေးတတ်ပါတယ်၊

လည်ပတ်စရာနေရာများအနက် Hakha View point မှာ ထားရှိတဲ့ အဝင်တံခါးလေးနဲ့ ပတ်သက်လို့ အနည်းငယ်ပြောပြပါမယ်..

ရှေးခေတ် ချင်းလူမျိုးများဟာ အိမ်ဆောက်တဲ့အခါမှာ အိမ်ရှေ့ တံခါးကို အခုခေတ်အိမ်တွေမှာ တွေ့ရတဲ့ တံခါးမျိုးမဟုတ်ပဲ ငုံ့ပြီးမှ ဝင်လို့ရတဲ့ တံခါးမျိုးကို တမင်တပ်ကြကြောင်း၊ ဒီလို တပ်ထားခြင်းအားဖြင့် မိမိရဲ့အိမ်ထဲကို ရန်သူအလွယ်တကူ
မဝင်နိုင်စေရန် ရည်ရွယ်တပ်ဆင်ထားကြတာဖြစ်ပါတယ်၊ ဒီလို တံခါးပုံစံကို ဟားခါး View point မှာ သွားလည်ကြရင် တွေ့ရ၊ ဝင်ရမှာဖြစ်ပြီး ရှေးခေတ် ချင်းလူမျိုးများရဲ့ အိမ်တံခါးပုံစံအတိုင်း လေ့လာနိုင်အောင် ထားရှိပေးတာတွေ့ရမှာဖြစ်ပါတယ်၊
(ပုံ - ၁)

ဒါကြောင့် ဟားခါး View point သို့ သွားရောက် လည်ပတ်တဲ့အခါ တံခါးကို လွယ်လွယ်ဝင်လို့ရအောင် လုပ်ထားရမဲ့အစား ကျော်ခွပြီးမှ ဝင်ရအောင် ဘာဖြစ်လို့လုပ်ထားတာလဲလို့ မကြာခဏ မေးမြန်းတတ်တဲ့ ဧည့်သည်တွေနဲ့ မရောက်ဘူးသေးတဲ့ ဧည့်သည်များ ဗဟုသုတရစေရန် ရည်ရွယ်ပြီး တင်ပြလိုက်ပါတယ်ခင်ဗျ....

25/05/2020

Covid 19 ကာလအတွင်းမို့ ခရီးတွေထွက်ခွင့်မရသူ ချစ်ခင်ရသော ဧည့်သည်များအားလုံး မဂ်လာပါခင်ဗျာ
ကျွန်တော်တို့ Real Choice အနေနဲ့လဲ ရောဂါပိုး စတင်တွေ့ရှိတဲ့ အချိန်ကစပြီး ကြိုတင်စီစဥ်ထားတဲ့ ခရီးစဥ်တွေ ဖျက်သိမ်း၊ ကောက်ယူထားသော စရံငွေများ ပြန်လည်ပေးအပ်ခြင်းများကို အမြန်ဆုံးစီစဥ်ပေးခဲ့ပြီးဖြစ်ပါတယ်၊ အခုချိန်မှာတော့ မိမိအိမ်မှာ နေထိုင်နေရပြီး ရောဂါများ ကင်းစင်သွားတဲ့ တစ်နေ့ မှာ ခရီးတွေ ပြန်ထွက်ဖို့ အားခဲထားကြတယ်ဆိုတာလဲ Message တွေမှတဆင့် သိရှိနေရပါတယ်၊
ဒါကြောင့်အခုလို အချိန်လေးမှာ အိမ်မှာနေရင်း ဗဟုသုတဖြစ်စရာလေး တချို့ကို တင်ပြပေးပါရစေခင်ဗျာ
ပုံထဲမှာပါတဲ့ အုံးမောင်းလေး ၃ ခုက ရောက်ဖူးသူ တော်တော်များများ သိကြမှာပါ၊ ချင်းပြည်နယ်၊ ဟားခါးမြို့ View point မှာ ပြသထားတာပါ၊ ကျွန်တော်လိုက်ပို့ဖူးသမျှ ဧည့်သည်တိုင်းနီးပါး အဲဒီ အုံးမောင်းလေးနားမှာ ဓာတ်ပုံရိုက်ဖူးကြမှာပါ၊ သူ့အနောက်က ဟားခါးမြို့ ရှူခင်းကလဲ တော်တော်လှတာကိုး၊ တကယ်တော့ အဲဒီ အုံးမောင်းလေးတွေဟာ ရှေးခေတ် ချင်းလူမျိုးတွေ အသုံးပြုခဲ့ကြတဲ့ ပစ္စည်းတွေထဲက တစ်ခုအပါအဝင်ပါ၊
ရှေးခေတ် ချင်းလူမျိုးများနေထိုင်တဲ့ ရွာတွေမှာဆိုရင် ဂုဏ်သရေရှိလူကြီးမင်း အခု အသုံးအနှုန်းနဲ့ဆိုရင်တော့ ကျေးရွာလူကြီး (သို့)ခေါင်းဆောင်ပဲ ဆိုကြပါစို့၊ သူ့ရဲ့အိမ်ရှေ့မှာ အခုပုံပါ အုံးမောင်းမျိုးထားတတ်ကြတယ်လို့ဆိုပါတယ်၊ ရပ်ရွာထဲကို ရန်သူဝင်လာတဲ့အချိန်၊ သားကောင်ဝင်လာတဲ့အချိန်၊ အမဲလိုက်ရာကပြန်လာပြီး သားကောင်မိလာတဲ့ အချိန်မျိုးမှာ သူ့ အသံနဲ့သူ အုံးမောင်းခေါက်ပြီး အချက်ပေးကြတယ်လို့ဆိုပါတယ်၊ ဒါ​ကြောင့် ချင်းရိုးရာအိမ် ပြခန်းတွေ၊ အထင်ကရနေရာတွေမှာ ရှေးခေတ်ချင်းလူမျိုးတွေကို ဂုဏ်ပြုတဲ့အနေနဲ့ ထားပေးတတ်ကြပါတယ်၊ ချင်းပြည်နယ် ဟားခါး၊ တီးတိန် အစရှိသည်ဖြင့် ရောက်ခဲ့ရင် တွေ့ရပါလိမ့်မယ်၊
ဒီအပြင် အဲဒီအုံးမောင်းလေးတွေဟာ ဘယ်မှာသုံးသေးလဲဆိုတော့ ချင်းလုလင်ပျိုများဟာ သူတို့ နှစ်သက်တဲ့ ချင်းလုံမပျိုတွေဆီကို သူတို့ကချစ်ခင် နှစ်သက်နေကြောင်း ဖော်ပြတဲ့အခါမှာလဲ အခု အုံးမောင်းလေးကို တီးတတ်ကြပါတယ်တဲ့၊ ကျွန်တော့ အနေနဲ့ အခုလို ကြားသိရတဲ့အခါ စဥ်းစားမိပါတယ်၊ဘယ်လို သံစဥ်နဲ့တီးသလဲပေါ့၊ ကိုယ်က သဘောကျနေကြောင်း လုံမပျိုသိအောင် ဘယ်လိုတီးခတ်မလဲပေါ့၊ ကျွန်တော် တော်တော် အချိန်ယူပြီးစဥ်းစားပေမဲ့ အဖြေမရခဲ့ဘူး၊ ဒါနဲ့ပဲ ချင်းပြည်ကို ဧည့်သည်တွေနဲ့ ထပ်တက်ရဖို့ဖြစ်လာရော၊ အခု Covid မဖြစ်ခင်လေးတင်ပါ၊ ဟားခါးရောက်တော့ ရိုးရာအိမ်ပြခန်းကို သွားတယ်၊ အဲဒီမှာလဲ အုံးမောင်းလေးတွေ ပြထားတယ်၊ ဒါနဲ့ ပြခန်းက တာဝန်ခံကလေးကို ချင်းလုလင်ပျိုတွေက သူတို့ ကြိုက်တဲ့ လုံမပျိုတွေကို ဒီအုန်းမောင်းလေးတွေတီးပြီး ပိုးပန်းကြတယ်လို့သိရတယ်၊ အဲဒါဘယ်လို သံစဥ်နဲ့ တီးလဲသိလားလို့ မေး​တာပေါ့၊ ဟုတ်ပါတယ်တဲ့ ဒါပေမဲ့ အုံးမောင်းကြီးပဲ တီးတာမဟုတ်ပဲ သီချင်းပါဆိုတာပါတဲ့၊ အဲဒီတော့မှ ကျွန်တော်လဲ အရမ်းသိချင်တဲ့ ကိစ္စတစ်ခုရဲ့ အဖြေကိုသိခဲ့ရပါတော့တယ်။
ဒါကြောင့် ရှေးခေတ် ချင်းလူမျိုးများအပြင် လူမျိုးတိုင်းမှာ အခုလို ချစ်စရာကောင်းတဲ့ ဓလေ့လေးတွေရှိတတ်ပါတယ်၊ ကျွန်တော်တို့တွေ တိုင်းရင်းသားနယ်မြေများဆီ သွားရောက်လည်ပတ်တဲ့အခါ သူတို့ရဲ့ ဓလေ့ထုံးစံများပါ လေ့လာ မေးမြန်းနိုင်ရင် ပိုပြီးပြည့်စုံတဲ့ အကြောင်း တင်ပြလိုက်ရပါတယ်ခင်ဗျာ 🙏🙏🙏

ဓာတ်ပုံကတော့ ဟားခါးမြို့ View point မှာပါ။

06/05/2020

ကဆုန်လပြည့် ဗုဒ္ဓနေ့
🙏🙏🙏🙏🙏🙏🙏🙏🙏

ကဆုန်လပြည့်နေ့ သည် ဗုဒ္ဓဘာသာဝင်တို့၏ နေ့ထူးနေ့မြတ်ကြီး ဖြစ်ပေသည်။

ဘုရားအလောင်းတော် သုမေဓာရှင်ရသေ့သည် ဤဘဒ္ဒကမ္ဘာ၌ လေးဆူမြောက်ဖြစ်သော ဂေါတမအမည်ဖြင့် ဘုရားစင်စစ် ဧကန်ဖြစ်လိမ့်မည်ဟု ဒီပင်္ကရာ မြတ်စွာဘုရားထံမှ နိယတဗျာဒိတ်ကို ကဆုန်လပြည့်နေ့တွင် ခံယူခဲ့သည်။
မဟာသက္ကရာဇ် ၆၈-ခု ကဆုန်လပြည့်နေ့တွင် ဂေါတမဘုရားအလောင်းတော် သိဒ္ဓတ္ထမင်းသားအား ဖွားမြင်တော်မူခဲ့သည်။
မဟာသက္ကရာဇ် ၁၀၃-ခု ကဆုန်လပြည့်နေ့ အရုဏ်တက်ချိန်တွင် ဂေါတမဘုရားအလောင်းတော်သည် သဗ္ဗညုတဉာဏ်တော်ကို ရရှိ၍ ဘုရားဖြစ်တော်မူခဲ့သည်။
မဟာသက္ကရာဇ် ၁၄၈-ခု ကဆုန်လပြည့်နေ့တွင် မလ္လာမင်းတို့၏ အင်ကြင်းဥယျာဉ်၌ ဘုရားရှင် ပရိနိဗ္ဗာန် စံဝင်တော်မူခဲ့သည်။
ဤသို့ ထူးခြားချက် ၄-ရပ်နှင့် ပြည့်စုံသဖြင့် ဗုဒ္ဓဘာသာဝင်အပေါင်းတို့က ကဆုန်လပြည့်နေ့အား ဘုရားနေ့ဟု သတ်မှတ်ခဲ့ကြသည်။ ဘုရားရှင်သည် ဤနေ့ဤအခါ၌ သဗ္ဗညုတရွှေဉာဏ်တော်ကို ရတော်မူရန်အတွက် ဗောဓိပင်အား အမှီပြု၍ တရားအားထုတ်တော်မူခဲ့သည်။ ထို့ကြောင့် ဗုဒ္ဓဘာသာဝင်တို့သည် ဗောဓိပင်အား ရေသွန်းလောင်းခြင်းစသော ကုသိုလ်ကောင်းမှုတို့ကို ပြုလုပ်ကြသည်။ ရေသွန်းလောင်းကြသည်မှာ ကဆုန်လတွင် ရေရှားပြတ်လပ်၍ ညှိုးလျော်အံ့ဆဲဖြစ်သော ဗောဓိပင်ကို လန်းဆန်းစိုပြေစေရန်အတွက် ဖြစ်ပေသည်။

ထိုအလေ့အထသည် ဗုဒ္ဓဘာသာဝင်တို့တွင် ပျောက်ကွယ်သွားခြင်းမရှိဘဲ ယနေ့ထက်တိုင် ရှင်သန်ဆဲဖြစ်သည်။ နှစ်စဉ်အမြဲပင် ကဆုန်လပြည့်နေ့တွင် ညောင်ရေသွန်းပွဲများ ပြုလုပ်လျက်ရှိကြသည်။

ဗျာ၊ ဖွား၊ ပွင့်၊ စံ ဤလေးတန်မှတ်ရန် ဗုဒ္ဓနေ့
ဗျာ-ကဆုန်လပြည့်နေ့မှာ ဗျာဒိတ်တော်ကိုခံယူတော်မူပါသည်။
ဖွား-က‌ဆုန်လပြည့်နေ့မှာ ဖွားမြင်တော်မူပါသည်။
ပွင့်-က‌ဆုန်လပြည့်နေ့မှာ ဘုရားပွင့်တော်မူပါသည်။
စံ-က‌ဆုန်လပြည့်နေ့မှာ ပရိနိဗ္ဗာန်စံဝင်တော်မူပါသည်။

က‌ဆုန်လပြည့်နေ့တွင် မြတ်ဗုဒ္ဓ၏ အဖြစ်တော်လေးမျိုးစလုံး တိုက်ဆိုင်စွာဖြစ်ပေါ်ခဲ့သောကြောင့် ထိုနေ့သည် ထူးမြတ်သောနေ့ ဖြစ်သည်။ ကဆုန်လပြည့်နေ့တွင် ဒီပင်္ကရာဘုရားရှင်ထံမှ ဘုရားစင်စစ်ဧကန်ဖြစ်လိမ့်မည်ဟူ၍ ဗျာဒိတ်တော် ရရှိခဲ့ပါသည်။ ဂေါတမမြတ်စွာဘုရားလောင်း ဖြစ်တော်မူသော သိဒ္ဓတ္ထမင်းသား ကို သက္ကတိုင်း ကပိလဝတ် (နီပေါနိုင်ငံ)တွင် ကပိလဝတ်ပြည့်ရှင် သာကီဝင်မင်းမျိုးဖြစ်သော သုဒ္ဓေါဒနမင်းကြီးနှင့်မိဖုရားခေါင်ဖြစ်သော သိရီမဟာမာယာ မိဖုရားကြီးတို့မှ လွန်ခဲ့သောနှစ်ပေါင်း၂၆၀ဝ ခရစ်တော်မပေါ်မီ (ဘီစီ ၆၂၃) မဟာသက္ကရာဇ် ၆၈ ခု ကဆုန်လပြည့်သောကြာနေ့ နံနက် ၁ ချက်တီးအချိန်ဝိသာ ခါနက္ခတ်နှင့်စန်းအယှဉ်တွင် ကပိလဝတ်ပြည်မှ ဒေဝဒဟပြည်သို့အသွား လုမ္ဗိနီအင်ကြင်းတော ၌ ဖွားမြင်တော်မူခဲ့သည်။ မြတ်ဗုဒ္ဓသည် ဘုရားအဖြစ်နှင့် (၄၅)နှစ်နေပြီး မဟာသက္ကရာဇ် ၁၄၈ ခု ကဆုန်လပြည့် အင်္ဂါနေ့ ဘီစီ ၅၄၃ မှာ ပရိနိဗ္ဗာန် စံလွန်တော်မူသည်။

အပြည်ပြည်ဆိုင်ရာ ရုံးပိတ်ရက်
👉👉👉👉👉👉👉👉👉👉👉👉👉

သီရိလင်္ကာနိုင်ငံ၊ ကိုလံဘိုမြို့တော်တွင် ကျင်းပခဲ့သော အပြည်ပြည်ဆိုင်ရာ ဗုဒ္ဓဘာသာ ကွန်ဖရင့်မှာ ကဆုန်လပြည့်နေ့ကို ကမ္ဘာ့ရုံးပိတ်ရက် အဖြစ် သတ်မှတ်နိုင်ရန်အတွက် ၁၉၉၈ ခု၊ နိုဝင်ဘာလ ၅ ရက်မှ ၁၄ ရက်အထိ ညှိနှိုင်းဆွေးနွေးခဲ့ကြသည်။ သီရိလင်္ကာနိုင်ငံ နိုင်ငံခြားရေးဝန်ကြီးသည် ကမ္ဘာ့ရုံးပိတ်ရက်အဖြစ်သတ်မှတ်ရေး အဆိုကို ၁၉၉၉ ခု စက်တင်ဘာလမှာ ကုလသမဂ္ဂသို့ တင်သွင်းခဲ့သည်။ ၅၄ ကြိမ်မြောက် ကုသလသမဂ္ဂ အထွေထွေညီလာခံမှာ တင်သွင်းသော အဆိုကို မြန်မာနိုင်ငံ အပါအဝင် အခြားနိုင်ငံများ စုစုပေါင်း ၃၄ နိုင်ငံက ထောက်ခံကြသည်။ ကမ္ဘာ့ကုလသမဂ္ဂမှ ကဆုန်လပြည့် ဗုဒ္ဓနေ့ကို အပြည်ပြည်ဆိုင်ရာ ရုံးပိတ်ရက် Vesak Universal Holiday အဖြစ် သတ်မှတ်ပေးခဲ့သည်။

ဖတ်မိသမျှ မျှဝေပါ၏။
ကျန်းမာချမ်းသာကြပါစေ။

Crd:
🙏🙏🙏🙏🙏