14/04/2024
လေဆိပ်မှာ luggage ရွေးတဲ့အခါ တစ်ခါတစ်လေကျရင် Luggage တွေပျက်စီးနေတာ တွေ့ရတတ်ပါတယ်
အဲဒီအိတ်တွေထဲမှာ ကိုယ့် luggageပါရင် ဘယ်လို complain တက်လို့ရနိုင်လဲဆိုတာ ဒီpost မှာ ပြောပြပေးပါမယ်
လေဆိပ်မှာ အိတ်ရွေးကတည်းက luggage ပျက်စီးတာတွေ့ရင် အပန်းဖြေခရီးထွက်လာတာ အပန်းမပြေဘဲ ဒေါသတွေပဲ အလိပ်လောက် ထွက်ရပါတယ်
မနေ့က Admin ရန်ကုန်ကနေ မလေးသွားတဲ့ အချိန် luggage ပျက်စီးမှာ ကြောက်လို့ check in counter မှာ အိတ်အကုန်လုံးကို fragile ကပ်ခိုင်းပါတယ်
အဲလို fragile ကပ်ထားတဲ့အိတ်ကို ပစ္စည်းရွေးတဲ့ အချိန်မှာ အိတ်၂လုံးထဲက တစ်လုံးရဲ့ ဘီးတစ်လုံး ပြုတ်ထွက်နေတာ တွေ့ရပါတယ်
Fragileကပ်ထားတဲ့ အိတ်ကိုတောင် သေချာမသယ်ဘဲနဲ့ ကြမ်းကြမ်းရမ်းရမ်းကိုင်တွယ်ခဲ့လို့ ဒေါသအရမ်းထွက်ခဲ့ရပါတယ်
မလေးကနေ ဘာလီကို လေယာဥ်ပြောင်းစီးဖို့ စောင့်နေချိန်မှာ မလေးက porterတွေ အိတ်ကို သယ်ယူချိန်မှာ ကြမ်းကြမ်းရမ်းရမ်းပစ်တင်နေတာ တွေ့လို့ အရှေ့postမှာ video တင်ပေးခဲ့ပါတယ်
အိတ်ရွေးတဲ့အခါမှာ ကိုယ့်အိတ်ပျက်စီးနေတာတွေ့ရင် လေဆိပ်အပြင်ကို မထွက်ဘဲနဲ့ အိတ်ရဲ့ ပျက်စီးနေတဲ့ အနေအထားပေါ်လွင်အောင် ဓာတ်ပုံရိုက်ပါ(ရက်စွဲပါအောင် ထည့်ရိုက်ပါ)၊ အိတ်မှာ ရှိတဲ့ Bag Tag, Boarding Passကို ဓာတ်ပုံ ရိုက်ထားပါ
ပြီးရင် Lost & Damage Luggage Counter ကိုရှာပါ၊ ကိုယ်စီးလာတဲ့လေကြောင်းလိုင်းနာမည်ပြောပြီး အိတ်ပျက်စီးမှုအနေအထားပြပြီး reportတင်ပါ
Admin တုန်းက Counterက လူက report မတင်ပေးချင်ပါဘူး၊ သူတို့တာဝန်ယူရမှာ စိုးလို့ထင်ပါတယ်
သက်ဆိုင်ရာ လေဆိပ်က reportမတင်ပေးရင် airlineက actionမယူလို့ reportတင်ပေးဖို့ရအောင်ပြောပါ
သူတို့ reportတင်ပေးပြီးရင် စာရွက်တစ်ရွက်ထုတ်ပေးပါလိမ့်မယ်၊ သိမ်းထားပြီး airline က ဆက်သွယ်လာတဲ့ အချိန်စောင့်ရင် ရပါပြီ
Adminကတော့ မြန်မြန်ဆန်ဆန် reply လိုချင်လို့ reportတင်ပြီးတာနဲ့ airline ကို email ပို့ပြီး တာဝန်ယူပေးဖို့ ပြောပါတယ်၊ email ပို့တဲ့အခါ အိတ်ရဲ့ပျက်စီးနေတဲ့အနေအထားပေါ်အောင်ရိုက်ထားတဲ့ ဓာတ်ပုံ၊ boarding pass, bag tag, လေဆိပ်ကထုတ်ပေးတဲ့reportရယ်ကို ဓာတ်ပုံတွဲပို့ပါ
Adminကိုတော့ ၁နာရီအတွင်း replyပြန်ပါတယ်
အိတ်က ပြန်ပြင်လို့ရတဲ့ အနေအထားမို့လို့ မြန်မာပြည်ရောက်တဲ့အခါ သူတို့ ပြန်ပြင်ပေးမယ်ပြောပါတယ်
ခုနတုန်းက email တွဲပို့ထားတဲ့ စာရွက်စာတမ်းသိမ်းထားပြီး မြန်မာပြည်ပြန်တဲ့ အခါ lost & damage counter ကို သွားပြီး ပြောပါ၊ အိတ်ကို ပြင်ပြီး ကိုယ့်အိမ်ကို ပြန်လာပို့ပေးပါလိမ့်မယ်
သုံးမရအောင် ပျက်စီးသွားရင်တော့ အသစ်တစ်လုံး ပြန်လျော်ပေးမယ်ထင်ပါတယ်
အခုလည်း ပြုပြင်စရိတ် သက်သာသွားပါတယ်၊ အခုတစ်ကြိမ်အပါဆိုရင် admin ရဲ့ အိတ် ဘီးပြုတ်ထွက်တာ ဒုတိယအကြိမ်ပါ၊ အဲဒါကြောင့် procedure တွေ detail ပြောပြနိုင်တာပါ
အခုချိန်မှာ luggage တစ်လုံးရဲ့ အနိမ့်ဆုံးစျေးနှုန်းက ၁သိန်းအထက်မှာ ရှိပါတယ်၊ ခရီးတစ်ခါသွားတိုင်း luggage တစ်လုံးပျက်စီးမယ်ဆိုရင်တော့ luggage ဖိုးနဲ့ မွဲရပါလိမ့်မယ်
အဲဒါကြောင့်မို့ ကိုယ့် အိတ်ပျက်စီးသွားခဲ့ရင် ပြည်တွင်းလေကြောင်းလိုင်းဖြစ်ဖြစ်၊ နိုင်ငံခြားလေကြောင်းလိုင်းဖြစ်ဖြစ် ငြိမ်ခံမနေဘဲ complain ပြန်တက်ဖို့ တိုက်တွန်းပါရစေ
တချို့ နိုင်ငံခြားလေကြောင်းလိုင်းတွေက luggage insurance ရောင်းပါတယ်၊ luggage insurance ဝယ်ထားရင်တော့ အိတ်ပျောက်တဲ့အခါ luggage အပြင် luggage ထဲမှာပါတဲ့ ပစ္စည်းတွေ အတွက်ပါ ပြန်လျော်ပေးတယ်လို့ သိရပါတယ်
အဲဒီတော့ insurance စျေးမများရင်၊ သွားရမယ့်ခရီးလည်းဝေးရင် ဝယ်ထားဖို့အကြံပေးပါရစေ
