Passport Qr Service

Directions

Passport Qr Service Passport Qr Service

06/09/2024

ပါးစပ်စည်းထားပါ...
လူတိုင်း လူတိုင်းမှာ
သူ့ရဲ့ ကိုယ်ရေးကိုယ်တာ
စိတ်ပိုင်းဆိုင်ရာ
ပြဿနာ ဆိုတာ ရှိပါတယ်..

လူသိစေချင်တာ
ရှိသလို
လူမသိစေချင်တာလည်း
ရှိတတ်ကြပါတယ်..

အဲဒါကြောင့်

ပေါင်းသင်းဆက်ဆံရေး နယ်ပယ်မှာ
သိပေမယ့်
မသိချင်ယောင် ဆောင်ရသလို

သိပေမယ့်
မပြောပဲ နေပေးရတာလည်း ရှိပါတယ်..

ဒီနေရာမှာ "စာနာမှု"က
လူတစ်ယောက်ရဲ့
အဆင့်အတန်းကို ပြပါတယ်..

မိတ်ဆွေအစစ်လို့ ထင်ရတဲ့
ထင်ခဲ့တဲ့ လူတချို့က
ကိုယ့်ရဲ့ ကိုယ်ရေးကိုယ်တာ
အကြောင်းအရာတွေကို
အတင်းတုပ်တဲ့ အခါ
ပုံကြီးချဲ့တဲ့အခါ
ကိုယ်က သိပေမဲ့…
မသိချင်ယောင် ဆောင်လိုက်ဝာလည်း
ရှိတယ်..

နောက်တစ်ခါ
သူတို့ ပုံကြီးချဲ့လို့
သိသွားတဲ့သူတွေက
မထိခလုတ် ထိခလုတ်
ခနဲ့ တဲ့တဲ့
ရိ သဲ့သဲ့ လာ လာ ပြောတဲ့အခါ
ဘာမှတော့ ပြန်မပြောဘူး

ဒါပေမယ့်

သည်းမခံနိုင်တဲ့ တစ်နေ့
ပြန်ပြောရင်လည်း
တယောက် မျက်နှာ တစ်ယောက်
ကြည့်နိုင်တော့မှာ မဟုတ်ဘူး..

ပြောချင်တာက…

ဘာကြောင့် လူမှုရေး နယ်ပယ်မှာ
စည်း မထားတာလဲ-?

ဘာကြောင့်…
ကိုယ့်ရဲ့ ပါးစပ်ကို စည်းကမ်း ရှိအောင်
မထိန်းသိမ်းတာလဲ-?

ဘာကြောင့်…
သူများရဲ့ အကြောင်းအရာတွေကို
ပယ်ပယ်နယ်နယ် ပြောပြီး
အရသာ ခံချင်ရတာလဲ-?

ငါလည်း တစ်နေ့ သူ့လို ကြုံနိုင်တယ်
ဆိုတဲ့
အဲဒီလို အသိလေး ရှိဖို့ လိုပါတယ်..

လူတစ်ယောက်ရဲ့ အဆင့်အတန်းက
"ငွေကြေး ချမ်းသာမှု"မဟုတ်ဘူး..

လူတစ်ယောက်ရဲ့ အဆင့်အတန်းက
"ပါးစပ်စည်းကမ်း ရှိဖို့" နဲ့
"စာနာ"နားလည်" "ဖေးမတတ်မှု" ပါ...။

16/08/2024

⭐ပဌာန်း ရွတ်မယ် ဆိုလျှင်⭐

(၁) အရင် မျက်နှာသစ် ခြေထောက်လက်
ဆေးရပါတယ်။ ချွေးနံ မနံပါစေ နဲ့ ။

(၂) အချိန်မှန်ရတယ် ။ နာချင်တဲ့ နတ်တွေက
အချိန်ကို မှတ်တာ ။

(၃) ပီပီသသ ကျယ်ကျယ် ရွတ်ရမယ် ။

🛎️ပဌာန်းရွတ်ဖတ်ပွားများသော အတိုက် အခိုက်တွေက နေ့စဉ်လိုလို ကြုံတွေ့နေရလျှင် ဘုရားအနေကဇာဂါထာတော် ကို၊ သုံးခေါက်အရင် ရွတ်ဆိုပြီးမှ၊ ရွတ်ဖတ်ပွားများ
ပူဇော်ပါလေ။ အတိုက်အခိုက်တွေ ငြိမ်းအေးသွားပါလိမ့်မယ်🛎️

⚜️ ခင်ပွန်းကြီး(၁၀)ပါးအားဝန်ချကန်တော့ရန် ⚜️

နမောတသရွတ်ဆို၍ဘုရားရှိခိုးပါ
ငါးပါးသီလခံယူပါ
ခင်ပွန်းကြီး(၁၀)ပါးအားဝန်ချကန်တော့ပါ
{ဗုဒ်ဓါ ပစ်စကေဗုဒ်ဓါစ
အရဟာ အဂ္ဂသာဝကာ
မာတာပိတု ဂုရုသတ်တာ
ဓမ္မဒေသကာ စ ဒါယကာ
ဣမေ ဒဿ မဟာဂုဏေ
အဟံဝန်ဒာမိ သဗ်ဗဒါ}

⚜️အဓိဋ္ဌာန်ပြုပါ ⚜️

ဘုရားတပည့်တော်သည်(စရွတ်သည့်နေ့)စ၍
နေ့စဉ်မပြတ် တစ်လတိတိ
ပဋ္ဌာန်းဒေသနာတော်များရွတ်ဆိုပြီး
မြတ်စွာဘုရားကိုပူဇော်ပါမည်ဟု
အဓိဋ္ဌာန်ပြုပါသည်အရှင်ဘုရား ထိုကဲ့သို့ တစ်လအဓိဋ္ဌာန်ပဋ္ဌာန်းရွတ်ဖတ်ပူဇော်ရာတွင် ယနေ့အဓိဋ္ဌာန်အဖြစ် ယခုအချိန်မှစ၍ ပဋ္ဌာန်းဒေသနာတော်များကိုရွတ်ဖတ်ကာ
မြတ်စွာဘုရားအားပူဇော်ပါတော့မည်
အရှင်ဘုရား

⚜️ နတ်ပင့် ⚜️
သမန်တာ စက်က-ဝါလေသု၊ အက်တရာ ဂစ်ဆန်တု ဒေဝတာ
သတ်ဓမ်မံ မုနိရာဇတ်သ၊ သုဏန်တု သက်ဂမောက်ခဒံ။
(ဓမ်မတ်-သဝန-ကာလော အယံ ဘတ်ဒန်တာ)
(ဓမ်မတ်-သဝန-ကာလော အယံ ဘတ်ဒန်တာ)
(ဓမ်မတ်-သဝန-ကာလော အယံ ဘတ်ဒန်တာ)

⚜️ ခွင့်တောင်း ⚜️
ဘုန်းတော်အနန္တ ဂုဏ်တော်အနန္တ ကံတော်အနန္တ
ဉာဏ်တော်အနန္တ တန်ခိုးတော်အနန္တ ပါရမီတော်အနန္တ မေတ္တာတော်အနန္တတို့နှင့်
ပြည့်စုံတော်မူသောမြတ်စွာဘုရားရှင်
ကိုယ်တော်မြတ်ကြီးဘုရား ဘုရားတပည့်တော်မသည်
(လက်ရှိရောက်နေတဲ့ခုနှစ် လ ရက် အချိန်)
ဤနေရာဤဋ္ဌာနတွင် မြတ်စွာဘုရားရှင်ကိုယ်တော်မြတ်ကြီး နတ်ပြည်ခြောက်ထပ်တွင် ဟောကြားတော်မူခဲ့သည့်
အဘိဓမ္မာမဟာပဋ္ဌာန်းကျမ်းတော်ကြီးကို
ရွတ်ဖတ်၍
မြတ်စွာဘုရားရှင်ကိုယ်တော်မြတ်ကြီးအား
လေးစားကော်ရော်ပူဇော်တည်းခြင်းဟူသော
ကုသိုလ်ကောင်းမှုကိုပြုလုပ်လိုပါသဖြင့် ရွတ်ဖတ်ပူဇော်ခွင့်ပေးသနားတော်မူပါရန် တရားတော်၏ပိုင်ရှင်အစစ်ဖြစ်တော်မူသော မြတ်စွာဘုရားရှင်ကိုယ်တော်မြတ်ကြီးထံမှ ခွင့်တောင်းအပ်ပါသည်အရှင်ဘုရား
ခွင့်ပေးတော်မူပါအရှင်မြတ်ကြီးဘုရား

⚜️ တရားနာဖိတ် ⚜️
အဘိဓမ္မာမဟာပဋ္ဌာန်းကျမ်းတော်ကြီး ရွတ်ဖတ်ပူဇော်ခြင်းကိုနာကြားနိုင်သော နာကြားလိုသော
အားလုံးသောစကြဝဠာအနန္တတွင်ရှိကြကုန်သော
အပါယ်ဘုံသား လူ နတ် ဗြဟ္မာ သတ္တဝါအပေါင်းတို့နှင့် ဘုရားတပည့်တော်၏
ဆွေဆက်မျိုးဆက်ပဋ္ဌာန်းဆက်ဖြစ်သော ဆွေတော်မျိုးတော်အပေါင်းတို့
တရားတော်နာကြွရောက်ကြပါရန်
ဖိတ်ကြားအပ်ပါသည်

⚜️ ဖယ်ရှား ⚜️
အဘိဓမ္မာမဟာပဋ္ဌာန်းကျမ်းတော်ကြီး ရွတ်ဖော်ပူဇော်ခြင်းကို မနာကြားနိုင်သောပုဂ္ဂိုလ်များနှင့်နတ်စိမ်းများ မာရ်နတ်၏နောက်လိုက်နောက်ပါနတ်ဆိုးများ အားလုံးတို့ဤနေရာဤဌာနနှင့်
အနီးပတ်ဝန်းကျင်တွင်ရှိနေပါက
ခေတ္တခဏဖယ်ရှားပေးကြပါရန်ပန်ကြားအပ်ပါ၏

ခေတ္တခဏဖယ်ရှားပေးကြပါကုန်လော့
ခေတ္တခဏဖယ်ရှားပေးကြပါကုန်လော့
ခေတ္တခဏဖယ်ရှားပေးကြပါကုန်လော့

⚜️ ရွတ်ဖတ် ⚜️
နမောတသသုံးကြိမ်ရွတ်ဆိုပါ။
ပစ္စယုဒ္ဒေသ အစချီ၍
ပဋ္ဌာန်းအကျဉ်းနှင့်တကွပဋ္ဌာန်းအကျယ်ကို အသံထွက်မှန်မှန်နှင့်ဖြည်းဖြည်းရွတ်ပါ

⚜️ ပြန်လည်ခေါ်ယူ ⚜️
ဘုရားတပည့်တော်မှ
ခေတ္တခဏဖယ်ရှားပေးပါရန် ပန်ကြားထားသော အဘိဓမ္မာမဟာပဋ္ဌာန်းကျမ်းတော်ကြီး ရွတ်ဖော်ပူဇော်ခြင်းကို မနာကြားနိုင်သော ပုဂ္ဂိုလ်များနှင့်နတ်စိမ်းများ မာရ်နတ်၏နောက်လိုက်နောက်ပါနတ်ဆိုးများ
အားလုံးတို့ သင်တို့၏နေရာဋ္ဌာနအသီးသီး ဘုံဗိမ္မာန်အသီးသီးတို့ပြန်လည်ကြွမြန်း၍

နေလိုကနေနိုင်ပါပြီ
နေလိုကနေနိုင်ပါပြီ
နေလိုကနေနိုင်ပါပြီ

⚜️ မေတ္တာပို့ အမျှဝေ ⚜️
မေတ္တာသုတ်ဆက်ရွတ်ပါ။

၁။ အရှေ့အရပ်၌ရှိသေ ာ
အနန္တစကြာဝဠာ အနန်တသတ်တဝါတို့
ဘေးရန်အနန္တ ကင်းစင်ပ အနန္တအေးမြကြပါစေ
ကြောင့်ကြအနန္တ ကင်းစင်ပ အနန္တအေးမြကြပါစေ
ဆင်းရဲအနန္တ ကင်းစင်ပ အနန္တအေးမြကြပါစေ
အနန္တမေတ္တာ ပတ်ဖျန်းကာ အေးချမ်းသာယာကြပါစေ
အနန္တအကျိုးကိုယ်စီတိုး ဖွံ့ဖြိုးနိုင်ကြပါစေ။

၂။ အနောက်အရပ်၌ရှိသော
အနန္တစကြာဝဠာ အနန်တသတ်တဝါတို့
ဘေးရန်အနန္တ ကင်းစင်ပ အနန္တအေးမြကြပါစေ
ကြောင့်ကြအနန္တ ကင်းစင်ပ အနန္တအေးမြကြပါစေ
ဆင်းရဲအနန္တ ကင်းစင်ပ အနန္တအေးမြကြပါစေ
အနန္တမေတ္တာ ပတ်ဖျန်းကာ အေးချမ်းသာယာကြပါစေ
အနန္တအကျိုးကိုယ်စီတိုး ဖွံ့ဖြိုးနိုင်ကြပါစေ။

၃။ မြောက်အရပ်၌ရှိသော
အနန္တစကြာဝဠာ အနန်တသတ်တဝါတို့
ဘေးရန်အနန္တ ကင်းစင်ပ အနန္တအေးမြကြပါစေ
ကြောင့်ကြအနန္တ ကင်းစင်ပ အနန္တအေးမြကြပါစေ
ဆင်းရဲအနန္တ ကင်းစင်ပ အနန္တအေးမြကြပါစေ
အနန္တမေတ္တာ ပတ်ဖျန်းကာ အေးချမ်းသာယာကြပါစေ
အနန္တအကျိုးကိုယ်စီတိုး ဖွံ့ဖြိုးနိုင်ကြပါစေ။

၄။ တောင်အရပ်၌ရှိသော
အနန္တစကြာဝဠာ အနန်တသတ်တဝါတို့
ဘေးရန်အနန္တ ကင်းစင်ပ အနန္တအေးမြကြပါစေ
ကြောင့်ကြအနန္တ ကင်းစင်ပ အနန္တအေးမြကြပါစေ
ဆင်းရဲအနန္တ ကင်းစင်ပ အနန္တအေးမြကြပါစေ
အနန္တမေတ္တာ ပတ်ဖျန်းကာ အေးချမ်းသာယာကြပါစေ
အနန္တအကျိုးကိုယ်စီတိုး ဖွံ့ဖြိုးနိုင်ကြပါစေ။

၅။ အရှေ့တောင်ထောင့်အရပ်၌ရှိသော
အနန္တစကြာဝဠာ အနန်တသတ်တဝါတို့
ဘေးရန်အနန္တ ကင်းစင်ပ အနန္တအေးမြကြပါစေ
ကြောင့်ကြအနန္တ ကင်းစင်ပ အနန္တအေးမြကြပါစေ
ဆင်းရဲအနန္တ ကင်းစင်ပ အနန္တအေးမြကြပါစေ
အနန္တမေတ္တာ ပတ်ဖျန်းကာ အေးချမ်းသာယာကြပါစေ
အနန္တအကျိုးကိုယ်စီတိုး ဖွံ့ဖြိုးနိုင်ကြပါစေ။

၆။ အနောက်မြောက်ထောင့်အရပ်၌ရှိသော
အနန္တစကြာဝဠာ အနန်တသတ်တဝါတို့
ဘေးရန်အနန္တ ကင်းစင်ပ အနန္တအေးမြကြပါစေ
ကြောင့်ကြအနန္တ ကင်းစင်ပ အနန္တအေးမြကြပါစေ
ဆင်းရဲအနန္တ ကင်းစင်ပ အနန္တအေးမြကြပါစေ
အနန္တမေတ္တာ ပတ်ဖျန်းကာ အေးချမ်းသာယာကြပါစေ
အနန္တအကျိုးကိုယ်စီတိုး ဖွံ့ဖြိုးနိုင်ကြပါစေ။

၇။ အရှေ့မြောက်ထောင့်အရပ်၌ရှိသော
အနန္တစကြာဝဠာ အနန်တသတ်တဝါတို့
ဘေးရန်အနန္တ ကင်းစင်ပ အနန္တအေးမြကြပါစေ
ကြောင့်ကြအနန္တ ကင်းစင်ပ အနန္တအေးမြကြပါစေ
ဆင်းရဲအနန္တ ကင်းစင်ပ အနန္တအေးမြကြပါစေ
အနန္တမေတ္တာ ပတ်ဖျန်းကာ အေးချမ်းသာယာကြပါစေ
အနန္တအကျိုးကိုယ်စီတိုး ဖွံ့ဖြိုးနိုင်ကြပါစေ။

၈။ အနောက်တောင်ထောင့်အရပ်၌ရှိသော
အနန္တစကြာဝဠာ အနန်တသတ်တဝါတို့
ဘေးရန်အနန္တ ကင်းစင်ပ အနန္တအေးမြကြပါစေ
ကြောင့်ကြအနန္တ ကင်းစင်ပ အနန္တအေးမြကြပါစေ
ဆင်းရဲအနန္တ ကင်းစင်ပ အနန္တအေးမြကြပါစေ
အနန္တမေတ္တာ ပတ်ဖျန်းကာ အေးချမ်းသာယာကြပါစေ
အနန္တအကျိုးကိုယ်စီတိုး ဖွံ့ဖြိုးနိုင်ကြပါစေ။

၉။ အထက်အရပ်၌ရှိသော
ထက်ဝန်းကျင် အနန္တစကြာဝဠာ အနန္တ နတ်ဗြဟ္မာတို့
ဘေးရန်အနန္တ ကင်းစင်ပ အနန္တအေးမြကြပါစေ
ကြောင့်ကြအနန္တ ကင်းစင်ပ အနန္တအေးမြကြပါစေ
ဆင်းရဲအနန္တ ကင်းစင်ပ အနန္တအေးမြကြပါစေ
အနန္တမေတ္တာ ပတ်ဖျန်းကာ အေးချမ်းသာယာကြပါစေ
အနန္တအကျိုးကိုယ်စီတိုး ဖွံ့ဖြိုးနိုင်ကြပါစေ။

၁၀။ အောက်အရပ်၌ရှိသော
ထက်ဝန်းကျင် အနန္တစကြာဝဠာ အပါယ်ဘုံသားအနန္တသတ္တဝါတို့
ဘေးရန်အနန္တ ကင်းစင်ပ အနန္တအေးမြကြပါစေ
ကြောင့်ကြအနန္တ ကင်းစင်ပ အနန္တအေးမြကြပါစေ
ဆင်းရဲအနန္တ ကင်းစင်ပ အနန္တအေးမြကြပါစေ
အနန္တမေတ္တာ ပတ်ဖျန်းကာ အေးချမ်းသာယာကြပါစေ
အနန္တအကျိုးကိုယ်စီတိုး ဖွံ့ဖြိုးနိုင်ကြပါစေ။

မေတ္တာပို့သပြီးနောက်အမျှဝေပေးပါ။

ဤသို့ပြုရ မြတ်ပုညကြောင့် ချမ်းမြအေးကြည် နိဗ္ဗာန်ရွှေပြည် ဧကန်တုပ်ချောင် လမ်းမကောက်ဘဲ ရောက်ရပါလို ထိုထိုဘဝ ကျင်လည်ရလဲ ဒုက္ခဘေးဒဏ် ရန်မယ်အပေါင်း မကောင်းဟူသမျှမတွေ့ရဘဲ မကောင်းဟူသမျှ မကြားရဘဲ သဗ္ဗဣစ္ဆာ မင်္ဂလာကို ရွတ်ကိုတတိုင်းရစေသော် ယနေ့ယခု ပြုပြုသမျှ မြတ်ဘာဂကို နတ်တို့သနင်း သကြားမင်းအားလည်းကောင်း
ငရဲသနင်း ယမမင်းအားလည်းကောင်း၊ ယခုဘဝ ရှေးရှေးဘဝ တော်စပ်ခဲ့ကြကုန်သော မိခင် ဖခင် ဆရာသခင် ဆွေမျိုးညာတိ မိသင်္ဂဟအပေါင်းတို့အား လည်းကောင်း၊ မိမိတို့တတွေ၏ ခန္ဓာကိုယ်အသီးသီးနိုင် စောင့်ရှောက်၍နေကြကုန်သော သမ္မာဒေဝ နတ်မြတ်နတ်ကောင်း နတ်အပေါင်းတို့အားလည်းကောင်း၊ အကျွန်ုပ်တို့ ပင့်ဖိတ်၍ရောက်လာကြကုန်သော မြင်အပ်သည့်ပုဂ္ဂိုလ် မမြင်အပ်သည့်ပုဂ္ဂိုလ် အပေါင်းတို့အားလည်းကောင်း၊ သာသနာတော်ကို ကူညီထောက်ပံ့ စောင့်ရှောက်
၍နေကြကုန်သော သမ္မာဒေဝနတ်မြတ်နတ်ကောင်းနတ်အပေါင်းတို့အားလည်းကောင်း၊ ၃၁ဘုံ ကျင်လည်ကြကုန်သော သုခိတ ဒုက္ခိတ ဝေနယျာသတ္တဝါအပေါင်းတို့အားလည်းကောင်း ယနေ့ယခု ပြုပြုသမျှ သော ကောင်းမှူကိုသိုလ် အဖိုးဘာဂတို့ကို အကျွန်ုပ်တို့နှင့်အတူ ထပ်တူထပ်မျှ ရကြပါစေ စိတ်ရည်သန်လျက် အမျှ အမျှ အမျှ ဟူ၍ ပေးဝေငှါပါ၏ ဝသုန္နရေ ဤမြေပုံသု သီလထုလည်း သက်သေအမှု၌ တည်စေသော်

ကုသိုလ် အမျှအမျှအမျှယူတော်မူကြပါကုန်သော် သာဓု..သာဓု..သာဓု (၃) ကြိမ်

⚜️ နတ် ပို့ ⚜️
ဒုက်ခပတ်တာစ နိဒုက်ခာ

ဘယပတ်တာစ နိဘယာ

သောက ပတ္တာစ နိသောကာ

အစ်တာဝတာ စ အမ်မှေဟိ၊ သမ်ဘတံ ပုန်ညသမ်ပဒံ

သတ်ဗေ ဒေဝါ နုမောဒန်တု၊ သတ်ဗသမ်ပတ်တိ သိတ်ဓိယာ

ဒါနံ ဒဒန်တု သတ်ဓာယ၊ သီလံ ရက်ခန်တု သတ်ဗဒါ

ဘာဝနဘိရကာ ဟွန်တု၊ ဂစ်ဆန်တု ဒေဝတာ ဂတာ

⚜️ ဆုတောင်း ⚜️
ယခုအခါတွင်ဘုရားတပည့်တော်မသည်
တစ်လအဓိဋ္ဌာန်ရွတ်ဖတ်ပူဇော်ရာတွင်
ယနေ့အဓိဋ္ဌာန်အဖြစ် မြတ်စွာဘုရားအားပူဇော်ပြီးပါပြီ
ဤသစ္စာစကားကြောင့်လည်းကောင်း
ဤပဋ္ဌာန်းဒေသနာတော်၏
တန်ခိုးရှိန်စော်အာနုဘော်တို့ကြောင့်လည်းကောင်း
ဤပဋ္ဌာန်းဒေသနာတော်ကိုရွတ်ဆိုရသော
ကောင်းမှုကုသိုလ် နာကြားရသောကောင်းမှုကုသိုလ်တို့၏
တန်ခိုးတေဇော်အာနုဘော်တို့ကြောင့် လည်းကောင်း ပဋ္ဌာန်းဒေသနာတော်ကိုရွတ်ဆိုပီးတိုင်း
တပည့်တော်နှင့်ထပ်တူထပ်မျှရစေဖို့ အမျှပေးဝေရတဲ့ ကောင်းမှူကုသိုလ်
ဝမ်းမြောက်နုမောသာဓုခေါ်ဆိုရတဲ့ကောင်းမှူ
ကုသိုလ်တို့၏တန်ခိုးတေဇော်အာနုဘော်တို့
ကြောင့်လည်းကောင်း တပည့်တော်သည် (လိုရာဆုတခုထဲသာတလတိတိဆုတောင်းပါ)
ပြည့်ရပါလို၏ဘုရား

⚜️ မှတ်ရန် ⚜️

အဓိဋ္ဌာန်ဝင်သည့်ရက်များတွင်
သက်သက်လွတ်စားနိုင်လျှင်ပိုကောင်းပါတယ်
ငါးပါးသီလလုံလျှင်လည်းပိုကောင်းပါတယ်

ကိုယ်ရွတ်ချင်သလောက်
တစ်လပီးတစ်လရွတ်နိုင်ပါသည် ၉ ရက် ၁၈ ရက်
၂၇ ရက် စသဖြင့် လည်း အဓိဌာန်ဝင်၍
ယုံယုံကြည်ကြည်ဖြင့်ပူဇော်ပေးပါ...

18/06/2024

အနာဂတ်ပျောက်သလို ခံစားနေရတဲ့ လူငယ်တွေကို ပုံပြင်လေးတစ်ပုဒ် ပြောပြချင်ပါတယ်။

ပုံပြင်လေးကို ဆုံးအောင် ဖတ်ပြီးသွားပြီဆိုရင်တော့ ဘဝအတွက် အဖြေတစ်ခုခု ကျန်ခဲ့မယ်ဆိုတာ ယုံကြည်ပါတယ်။

တစ်ခါတုန်းကပေါ့ဗျာ။သမင်မကြီးဟာ ကိုယ်ဝန်အရင့်အမာကြီးနဲ့ မွေးဖွားခါနီး ယာတောစပ်က မြစ်ကမ်းဘေးမှာ ထိုင်နေသတဲ့။ သမင်ပေါက်လေး မွေးအံ့ဆဲဆဲအချိန်မှာ မထင်မှတ်ဘဲ မိုးသည်းထန်စွာ ရွာချပါသတဲ့။

မိုးနဲ့အတူ မုန်တိုင်းလည်း ပါလာတဲ့အတွက် ကောင်းကင်တစ်ခုလုံး ကြောက်စရာ ကောင်းလောက်အောင် မည်းမှောင်ပြီး လျှပ်စီးတွေလည်း ပြိုးပြိုးပြက်ပြက် လင်းလက်နေသတဲ့။

မုန်တိုင်းကြောင့် မြစ်ရေဟာလည်း ကြမ်းသည်ထက် ကြမ်းလာခဲ့ပါတယ်။ကံဆိုးမ သွားရာ မိုးလိုက်လို့ရွာ ဆိုသလို ဖြစ်ချင်တော့ ယောတောထဲကို မိုးကြိုးပစ်ချလိုက်တဲ့အခါ ယာတောကြီးဟာလည်း အကြီးအကျယ် မီးထလောင်ပါလေရော။

ကံကလည်း ဆိုးပြီးရင်း ဆိုးချင်တော့ သမင်မကြီးရဲ့ အနောက်မှာ မုဆိုးတစ်ယောက်ဟာ မြားနဲ့ ပစ်ဖို့အတွက် ချိန်ထားလိုက်ပါပြီ။အဲဒီအချိန်မှာပဲ အရှေ့မလှမ်းမကမ်းတစ်နေရာက ကျားတစ်ကောင်ဟာလည်း
သမင်မကြီးကို ခုန်အုပ်စားသောက်ဖို့ ပြင်ဆင်နေသတဲ့။

သမင်မကြီးလောက် ကံဆိုးတဲ့သူ ဒီကမ္ဘာပေါ်မှာ ရှိပါဦးမလားနော်။အရှေ့မှာက ကျား။အနောက်မှာက မုဆိုး။တောင်မှာက မီး။မြောက်အရပ်မှာက ရေ။မိုးပေါ်ကြည့်တော့လည်း လျှပ်စီးတွေက တဖျပ်ဖျပ်။အောက်ကိုကြည့်တော့လည်း မြေပြင်။ သမင်မကြီး လွတ်မြောက်ဖို့ လမ်းမရှိအောင် ဖြစ်နေခဲ့ပါတယ်။

သမင်မကြီးဟာ လွတ်လမ်း လုံးဝ မရှိတော့မှန်း သိပြီးသွားတဲ့ နောက်ပိုင်း စိတ်ကို အတည်ငြိမ်ဆုံးအခြေအနေမှာ ထားပြီး သူမွေးဖွားရမယ့် ရင်သွေးလေးကိုပဲ မဖြစ် ဖြစ်အောင် မွေးဖွားဖို့ ဆုံးဖြတ်ချက် ချလိုက်ပါတယ်။အဲဒီအချိန်မှာပဲ ကျယ်လောင်လွန်းတဲ့ မိုးချိန်းသံကြောင့် မုဆိုးကြီးဟာ ဟန်ချက် ပျက်သွားခဲ့ပါတယ်။ဟန်ချက်ပျက်သွားတာကြောင့် သမင်မကြီးထံ ပစ်လွှတ်လိုက်တဲ့ မြားဟာ သမင်မကြီးကို ခုန်အုပ်ဖို့ ကြိုးစားနေတဲ့ ကျားကို ထိမှန်သွားပါတယ်။

ချက်ကောင်းကို မထိခဲ့ပေမယ့် အနာဒဏ်ရာ ရသွားတဲ့ ကျားဟာ သမင်မကြီးဆီ သွားရမယ့်အစား မြားပိုင်ရှင် မုဆိုးကြီးရှိရာဆီကို ဦးတည်ပြေးလွှားပြီး ခုန်အုပ်လိုက်ပါတယ်။

မုဆိုးနဲ့ ကျားဟာ လုံးရင်း ထွေးရင်း ကနေ မြစ်ထဲကျ သေဆုံးသွားပြီး မကြာမီမှာပဲ ယာတောမီးဟာလည်း မိုးရေကြောင့် ငြိမ်းသွားခဲ့ပါတယ်။နောက်ဆုံး မိုးဆဲသွားတဲ့အခါမှာလည်း
မြစ်ရေဟာ ပြန်လည် ငြိမ်သက်လာပါတယ်။ သမင်မကြီးဟာလည်း ရင်သွေးလေးကို အောင်မြင်စွာ မွေးဖွားလိုက်နိုင်ခဲ့ပါတယ်။

ပုံပြင်လေးကတော့ ဒီမှာတင် ပြီးဆုံးသွားပါပြီ။ပုံပြင်လေးက ပေးတဲ့ သင်ခန်းစာအနေနဲ့ဆိုရင် ဘယ်လို ဒုက္ခမျိုးတွေကိုသာ ကြုံရ ကြုံရ အဲဒီ ဒုက္ခတွေကို လျစ်လျူရှုပြီး လုပ်စရာ ရှိတာ ဆက်လုပ်မယ်ဆိုရင် အနာဂတ်ပျောက်နေစရာ အကြောင်းမရှိပါဘူး။

ဒါကြောင့် ဂျပန်သွားချင်ပါတယ်ဆိုရင် ဂျပန်စာ သင်စရာရှိတာ သင်ပါ။ကိုရီးယားသွားချင်တယ်ဆိုရင် ကိုရီးယားစာသင်စရာရှိ့တာသင်ပါ။ချမ်းသာတဲ့သူ ဖြစ်ချင်ပါတယ်ဆိုရင် ရသမျှ အလုပ် အကုန်လုပ်ပါ။ အခုဖြစ်ပျက်နေတဲ့ အဖြစ်အပျက်တွေ ဒုက္ခတွေကို မမှုပါနဲ့။

အနာဂတ်ပျောက်တယ်လို့ ခံစားရတာ လုပ်စရာရှိတာတွေ မလုပ်သေးလို့ပါ။ပုံပြင်လေး ဖတ်ပြီး နားလည်သွားပြီဆိုရင်တော့ အခုပဲ လုပ်စရာရှိတာ ထ,လုပ်လိုက်ပါနော်။

28/05/2024

ရှိတာလည်း လူမသိစေနဲ့။
မနာလိုစိတ်နဲ့ဆက်ဆံလိမ့်မယ်။
မရှိတာလည်း လူမသိစေနဲ့။
နှိမ်ပြီးဆက်ဆံလိမ့်မယ်။

သိန်း (၁၀၀၀)လောက် ချမ်းသာတာလား?
သိန်းပေါင်း ၁၀၀၀၀၊ သိန်းပေါင်း ၁၀၀၀၀၀ စသည်ဖြင့်ချမ်းသာသူတွေ အများကြီးပါ။
အဲ့လိုဆို သိန်း ၁၀၀၀ လောက်ပိုင်တာက အားငယ်စရာဖြစ်သွားပြီလား? Noပါ။
သိန်း ဆယ်ဂဏန်းလောက်တောင်မပိုင်တဲ့သူတွေအများကြီးပါ။

သိန်းဆယ်ဂဏန်းလောက်ပဲရှိလို့ကော အားငယ်ရတော့မှာလား? No ပါ။ မနက်ဖြန်စားစရာတောင်မရှိတဲ့သူတွေအများကြီးပါ။

ဆိုလိုချင်တာက ရှိသည်ဖြစ်စေ မရှိသည်ဖြစ်စေ ကိုယ့်စိတ်ထဲမှာပဲထား။
မောက်လည်း မမောက်မာနဲ့။သိမ်လည်း မသိမ်ငယ်နဲ့။

Money is just a fuel ပါ။ ကိုယ်လုပ်ချင်တာကို အားပေးမယ့် လောင်စာဆီတစ်မျိုးပါ။ ကောင်းတဲ့နေရာကိုသွားချင် ကောင်းတာကို လုပ်ချင်ရင်လည်း မြန်မြန်ရောက်အောင် ဖြစ်အောင် Money က ကူပေးလိမ့်မယ်။
မကောင်းတဲ့နေရာကို သွားချင် မကောင်းတာကို လုပ်ချင်ရင်လည်း မြန်မြန်ရောက်အောင် ဖြစ်အောင် Money က ကူပေးလိမ့်မယ်။

ငွေရှာပါ။
ဖြစ်ချင်တာတွေဖြစ်ဖို့ ငွေလိုပါတယ်။
သွားချင်တာတွေ စားချင်တာတွေ လုပ်ချင်တာတွေ အကုန်လုပ်နိုင်ဖို့ ငွေ လိုပါတယ်။ တစ်ခုမှတ်ထားရမှာက ငွေက ကြားခံပစ္စည်းလောင်စာဆီ မိမိက မော်တော်ကားမောင်းသူဖြစ်ပါတယ်။ သွားရမယ့် ရည်မှန်းချက်နေရာက မိမိဆုံးဖြတ်ရမှာဖြစ်ပါတယ်။

26/05/2024

ပညာသားပါပါ စကားပြောနည်း
-------------------------------------

အရေးကြီးသည့်ကိစ္စ - ရှင်းရှင်းလင်းလင်းပြောပါ။
အရေးမကြီးသည့်ကိစ္စ - ဟာသနှော၍ ပြောပါ။

မပိုင်နိုင်သောကိစ္စ - ဆင်ဆင်ခြင်ခြင် ပြောပါ။
ပိုင်နိုင်သောကိစ္စ - အကိုးအကားနှင့် ပြောပါ။

ပျော်ရွှင်ဖွယ်ကိစ္စ - အချိန်နှင့် အခါကို ကြည့်ပြောပါ။
မပျော်ရွှင်ဖွယ်ကိစ္စ - လူနှင့် နေရာကို ကြည့်ပြောပါ။

သူတစ်ပါးကိစ္စ - သတိထားပြီးပြောပါ။
ကိုယ့်ကိစ္စ - သူများပြောတာ နားထောင်ပါ။

မဖြစ်ပျက်သေးသည့်ကိစ္စ - လက်လွတ်စပယ်မပြောသင့်။
မလုပ်နိုင်သေးသည့်ကိစ္စ - ကတိလွယ်လွယ်မပေးသင့်။
အကျိုးယု၊တ်မည့်ကိစ္စ - လုံးဝမပြောသင့်။

မသိနိုင်သည့်ကိစ္စ - လစ်လျူရှုပါ။
မဖြစ်နိုင်သည့်ကိစ္စ - လစ်လျူရှုပါ။

မကူနိုင်သည့်ကိစ္စ - လမ်းပြပါ။
မတတ်နိုင်သည့်ကိစ္စ - အရှုံ၊းပေးပါ။

သူတစ်ပါးစကားမှားသော် - ဖော့ပေးပါ။
မိမိစကားမှားသော် - ထောက်ခိုင်းပါ။

သူတစ်ပါးစကားလမ်းလွဲသော် - ပြန်တည့်ပေးပါ။
မိမိစကားလမ်းလွဲသော် - တောင်းပန်ပါ

25/05/2024

"သိပ်ကြိုက်လို့ အလွတ်ရနေမိတဲ့"

#ဂန္ဓီရဲ့အဖိုးတန်စိတ်ခွန်အားဖြည့်စာတွေ ပါ
*****
သင့်ကို နှိမ်ခဲ့တဲ့သူကို ကျေးဇူးတင်ပါ..
သူ့ကြောင့် သင်အောင်မြင်တဲ့သူတစ်ယောက်ဖြစ်ချင်လာတာပါ..
သင့်အလှည့်ကျရင် နိမ့်ကျတဲ့သူတွေကို လက်တွဲခေါ်ပါ..

သင့်ကို ကဲ့ရဲ့ခဲ့တဲ့သူကို ကျေးဇူးတင်ပါ..
သူ့ကြောင့် ကဲ့ရဲ့ခံရရင် ဘယ်လိုခံစားရလဲဆိုတာ သင်သိခဲ့တာပါ..
သင့်အလှည့်ကျရင် ဘယ်သူ့ကိုမှ ပြန်မကဲ့ရဲ့ပါနဲ့..

သင့်ကို အရင်းနှီးဆုံးသူငယ်ချင်းအဖြစ်ပေါင်းပြီး လိမ်သွားခဲ့တဲ့သူကို ကျေးဇူးတင်ပါ..
သူက ဘဝရဲ့အရေးကြီးဆုံးသင်ခန်းစာကို သင်ပေးခဲ့တာပါ..
သူ့ကြောင့် သင်လူတစ်ယောက်ကို မျက်စိမှိတ်ယုံကြည်တတ်မှာ မဟုတ်တော့ဘူး..
ဒါပေမယ့် သင့်ကိုယုံကြည်တဲ့သူကို ဘယ်တော့မှမလိမ်ပါနဲ့..
အဲဒီခံစားချက်က ဘယ်လောက်ဆိုးတယ်ဆိုတာ သင်သိပြီးသားပါ..

သင်အကူအညီတောင်းခဲ့တိုင်း လှည့်မကြည့်ခဲ့တဲ့သူတွေကို ကျေးဇူးတင်ပါ..
သူတို့ကြောင့် သင့်ကိုသင် အားကိုးတတ်လာတာပါ..
သင့်အလှည့်ကျရင် သူများအခက်အခဲကို ကူညီပါ..

သင့်ကို ခေါင်းပုံဖြတ်ခဲ့တဲ့ ခေါင်းဆောင်တွေကို ကျေးဇူးတင်ပါ..
ခေါင်းပုံဖြတ်တဲ့သူတို့က ခေါင်းရှောင်တစ်ယောက်အောက်မှာလုပ်ရတဲ့ လက်အောက်ငယ်သားတစ်ယောက်ရဲ့ ခံစားမှုမျိုးကို သင်နဲ့မိတ်ဆက်ပေးခဲ့လို့ပါ..
သင်ခေါင်းဆောင်ဖြစ်တဲ့နေ့ သင့်လက်အောက်ငယ်သားတွေ ဘယ်တော့မှ အဲ့ဒီလို မခံစားရပါစေနဲ့..

သင်အလုပ်ကို အဆပေါင်းများစွာ ကြိုးစားခဲ့ပေမယ့် လစာနည်းနည်းက တိုးမပေးခဲ့တဲ့ အလုပ်ရှင်ကို ကျေးဇူးတင်ပါ..
သင်ကြိုးစားခဲ့လို့ သင့်မှာအရည်အချင်းတွေရှိနေရင် သင့်အတွက် အလုပ်မရှားတော့ပါဘူး..
အခွင့်အရေးပေါင်းများစွာက
သင့်ရှေ့လက်တစ်ကမ်းမှာ ရောက်နေပါပြီ..
သင့်တန်ဖိုးကို အသိအမှတ်ပြုတဲ့နေရာသို့ ပြောင်းလိုက်ပါ..
သင်အလုပ်ရှင်ဖြစ်တဲ့နေ့ သင့်ရဲ့လက်အောက်မှာ လုပ်နေတဲ့ ဝန်ထမ်းတွေကို တန်ဖိုးထားပါ..

သင့်ကို ပစ်ခွာသွားသူကို ကျေးဇူးတင်ပါ..
သင့်ကိုတန်ဖိုးမထားသူတစ်ယောက်ကို သင် စောစောစီးစီး သိလိုက်ရတာပါ..
နောက်ကျမှသိရင် အရာရာနောက်ကျနေပါလိမ့်မယ်..
သူ့ကြောင့် သင်နဲ့ထိုက်တန်တဲ့သူကိုတွေ့ဖို့ လမ်းပွင့်သွားတာပါ..
သင့်ကို တန်ဖိုးထားတဲ့လူတစ်ယောက်တွေ့တဲ့နေ့ကျရင်
သင့်ကို သူလုပ်ခဲ့တဲ့အမှားမျိုး ထပ်မလုပ်ပါနဲ့..

အထက်မှာဖော်ပြခဲ့တဲ့ လူမျိုးတွေကို ဘယ်တော့မှ မမုန်းပါနဲ့..
သူတို့က သင်မုန်းရလောက်အောင် မထိုက်တန်တဲ့သူတွေပါ..
သင့်ရဲ့စိတ်ထဲက နှမ်းတစ်စေ့စာနေရာလောက်နဲ့တောင် မထိုက်တန်တဲ့သူတွေပါ..

သူတို့ကြောင့် သင့်ရဲ့ရိုးသားမှုအကျင့်စာရိတ္တတွေ ဘယ်တော့မှ ပျက်မသွားပါစေနဲ့..
သူတို့ သင့်ကိုပြုမူခဲ့တဲ့အတိုင်း သင်လည်းပြုမူမယ်ဆိုရင်
သင်လည်း သူတို့လို ရွံစရာလူမျိုးဖြစ်လာပါလိမ့်မယ်..
သူတို့ သင့်ကိုပြောင်းလဲနေတာကို ဘယ်တော့မှ လက်မခံပါနဲ့..
သူတို့ကြောင့် သင်ကြိုးစားတာ ဘယ်တော့မှ ရပ်မသွားစေနဲ့..
သင့်ရဲ့ဖြူနေတဲ့စိတ်ထားကို သူတို့ကြောင့် အစွန်းမခံနဲ့..

#ဘယ်တော့မှလည်းကလဲ့စားချေဖို့မကြိုးစားပါနဲ့..
#မျက်လုံးတစ်လုံးအတွက်မျက်လုံးတစ်လုံး ဆိုတဲ့ အယူအဆက
#ကမ္ဘာကြီးကိုအမှောင်ကျစေလိမ့်မယ်..

(မဟတ်တမဂန်ဓီ)

စေတနာမေတ္တာအရင်းခံဖြင့် မျှဝေသည်..:-

:
by Kyaw Aye:

Highlights Myanmar

25/05/2024

လောကမှာ
အမြတ်မထုတ်သင့်ဘူးဆိုတဲ့
လူသပ်သပ်ရှိတယ်

ဒီလူ့ကိုငါကူညီပေးရမယ်
မဖြစ်မနေလုပ်ပေးရမယ်
(လုပ်ကိုလုပ်ပေးရမယ်)
ဒါမျိုးလူဆိုတာသပ်သပ်ရှိတယ်

လူအပေါ်မှာလည်းမူတည်တယ်
ခင်မင်ခဲ့တဲ့သက်တမ်း
အပေါ်မှာလည်းမူတည်သလို
သူကိုယ့်အပေါ်ပြုခဲ့ဖူးတဲ့
ကျေးဇူးအပေါ်မှာလည်းမူတည်တယ်
တခြားသောပတ်သတ်ဆက်နွယ်မှုတွေနဲ့လည်း
သက်ဆိုင်သေးတယ်

အဲဒါတွေအပေါ်မူတည်ပြီး
အလကားကူညီသင့်ရင်ကူညီရတယ်
အချိန်ပေးသင့်ပေးရတယ်
အကြံပေးသင့်ရင်ပေးရတယ်
လူအင်အားစိုက်သင့်ရင် စိုက်ရတယ်

အဲလိုမှမဟုတ်ဘဲ
ဘယ်လိုလူမျိုးကိုမဆို
ပိုက်ဆံမရရင် မလုပ်ပေးနိုင်ဘူး
ကိုယ့်အိတ်ထဲကမစိုက်နိုင်ဘူး
အချိန်မပေးနိုင်ဘူး

ဘာအကျိုးအမြတ်မှမရဘဲ
မလုပ်ပေးနိုင်ဘူးဆိုတဲ့
လူတန်းစားတစ်မျိုးလည်း ရှိသေးတယ်။

ချိန်ခွင်ကိုင်ထားသလိုပေါ့
"ငါ့ဘက်ကိုသာမှ ငါလုပ်ပေးနိုင်မယ်"
ဆိုတဲ့အတွေးနဲ့
အသက်ရှင်နေတဲ့သူတွေလည်း ရှိတယ်။

ဒီလိုလူမျိုးအတွက်
အပေါင်းအသင်းမိတ်ဆွေကောင်း ပတ်ဝန်းကျင်ကောင်း နဲ့ ရင်းနှီးရတဲ့လူရင်းဆိုတာ ဘယ်တော့မှရှိလာမှာမဟုတ်ဘူး

ဘာဖြစ်လို့လဲဆိုတော့
တစ်ခုခုရမှလုပ်တတ်တဲ့ "ကြေးစား" မို့လို့ပဲ။

24/05/2024

စကား အပြောကောင်းတိုင်း
နူးညံ့ချိုသာစွာ ပြောတတ်တိုင်း
လူ့ ယဉ်ကျေးလို့
တထစ်ချ မယုံလိုက်ပါနဲ့။

လောဘ မပြည့်လို့
မျက်နှာဖုံး ခွာချလိုက်တဲ့အခါ
အစွမ်းကုန်
မိုက်ရိုင်း ယုတ်မာသူတွေ
ဖြစ်နေတတ်ပါတယ်။

ပညာတတ်
ငယ်ရွယ် ရုပ်ချော ရာထူးရှိတိုင်း
လူတော် လူကောင်းလို့
တထစ်ချ မယုံလိုက်ပါနဲ့။

လောဘ မပြည့်လို့
မျက်နှာဖုံး ကွါကျသွါးတဲ့အခါ
မထင်မှတ်လောက်အောင်
ကောက်ကျစ် လိမ်ညာ ယုတ်မာသူ
ဖြစ်နေတတ်ပါတယ်။

ကိုယ့်ရှေ့မှာ ကိုယ့်ကို
ချီးကျူးစကားတွေ
ရေပက်မဝင်အောင် ပြောနေတိုင်း
မိတ်ဆွေစစ်လို့
တထစ်ချ မယုံလိုက်ပါနဲ့။

မျက်နှာဖုံး နှစ်ခု တပ်ထားရင်း
ကိုယ့်ကွယ်ရာမှာ
ကဲ့ရဲ့ အပြစ်တင်
ကိုယ့်အားနည်းချက်တွေ ခုတုံးလုပ်ပြီး
ပိုးစိုးပက်စက်
အတင်းအဖျင်း ပြောတတ်သူ
ဖြစ်နေတတ်ပါတယ်။

ဒီလိုစိတ်ဓာတ်ရှိသူတွေကို
ဘာနဲ့မှ
ပြုပြင်ယူလို့ မရပါဘူး။

သူတို့ရဲ့ မွေးရာပါ ဗီဇစိတ်ဓာတ်ဖြစ်လို့
သေမှပျောက်မယ့် စိတ်ဓာတ်တွေပါ။

သူတို့ရဲ့ ပစ်မှတ်တွေထဲ
ရောက်ရှိသွားသူတွေကတော့
ရိုးသားသူ
ပွင့်လင်းသူ
အားနာတတ်တဲ့သူ
မြှောက်ပင့် ချီးကျူးစကားတွေကို
သာယာတတ်သူ
လူတိုင်းကို မိမိစိတ်နဲ့ နှိုင်းယှဉ်ပြီး
လွယ်လွယ် ယုံစားမိသူများ ဖြစ်ပါတယ်။

ယခုခေတ်မှာ
မိမိတို့ရဲ့ အားနည်းချက်တွေ
အားသာချက်တွေကို
ရိုးသားစွာ
ပွင့်လင်းစွာ ပြောတိုင်း
မကောင်းတော့ပါဘူး။

ဒါတွေဟာ
မရိုးသားသူတွေ
အခွင့်အရေးသမားတွေ အတွက်
အကြိုက် အသုံးချဖို့
လမ်းဖွင့်ပေးထားသလို
ဖြစ်သွားတတ်ပါတယ်

လူတိုင်း လူတိုင်းမှာ
တချို့က
မျက်နှာဖုံး မရှိဘူး။
တချို့က
မျက်နှာဖုံး နှစ်ခု ရှိတယ်။
တချို့က
မျက်နှာဖုံးတွေ အမျိုးမျိုးရှိတယ်။

ဒါကြောင့်
မျက်နှာဖုံးနောက်က မျက်နှာကို
သေချာ မြင်တတ်အောင်
အချိန်ပေး ချင့်ချိန် ဆင်ခြင်ပြီး
ဆက်ဆံကြည့်ပြီးမှသာ

လူတိုင်းကို
ယုံကြည်စွာ ဆက်ဆံကြပါ။



#ဘဝအတွက်
#ခွန်အားဖြစ်စေမယ့်စာစုများ


်းပညာ
်းပညာ


04/05/2024

ကျေးဇူးများလာရင် အပြစ်မြင်
==================
ဖတ်ကြည့်နော်😊

# လူတယောက် နေစရာမရှိတုန်းက သူနဲ့သိပ်ရင်းနှီးတဲ့သူငယ်ချင်းက သူ့အိမ်မှာပေးနေလိုက်တယ်။

စစချင်း နေခွင့်ရတုန်းကတော့ အရမ်းကျေးဇူးတင်သွားတာ။

ပြောင်းစေချင်တဲ့အခါ အချိန်မရွေးပြောပါ ပြောင်းပေးပါ့မယ်ဆိုပြီး အာမတောင်ခံလိုက်သေး။

အနေလည်း ကြာလာတော့ သူမ်ားအိမ္ကို သူ့အိမ်လို စိတ်ထဲမှာ မှတ်ယူလာတော့တယ်။

အချိန်တန်လို့ ပြောင်းပေးဖို့ပြောတော့ မကျေမနပ်တွေဖြစ်လာတယ်။

တချိန်က နေခွင့်ပေးခဲ့တဲ့ ကျေးဇူးဆိုတာကို သတိရဖို့မပြောနဲ့ကျေးဇူးရှင်ကိုတောင် ရန်သူတယောက်လိုမြင်သွားတယ်။

သူငယ်ချင်းတစု အတူတူပေါင်းပြီးအဆောင်ငှါးနေကြတယ်။

စေတနာကောင်းတဲ့သူငယ်ချင်းက ချက်ပြုတ်ကျွေးတယ်။
အစတုန်းကတော့ ချက်ကျွေးတာကို ကျေးဇူးတွေတင်နေကြတယ်။

ကြာလာတော့ ချက်ပြုတ်ကျွေးတာကို သူကပဲ မဖြစ်မနေလုပ်ရမည့် တာဝန်တစ်ခုလိုမြင်လာကြတယ်။

အကြောင်းကြောင်းကြောင့် ချက်မကျွေးဖြစ်တဲ့အခါ ချက်ကျွေးခဲ့တာတွေ ကျေးဇူးတင်ဖို့နေနေသာသာ ချက်မကျွေးရကောင်းလားဆိုပြီး ငြိုငြင်လာကြတယ်။

လူတယောက် အပြင်သွားတဲ့အခါတိုင်း သစ်ပင်တပင်အောက်က ဖြတ်သွားနေကျ။

နောက်တော့ လမ်းဘေးက တွေ့နေကျ ခွေးတကောင်ကို သနားလို့ အနီးနားက အပင်တပင်အောက်မှာ အမြဲတမ်း အစာခေါ်ခေါ်ကျွေးလိုက်တာ။

အရင်က အဲ့ဒီသစ်ပင်နား တခါတလေတွေ့ရတုန်းက လူမြင်တိုင်း အမြဲတမ်း ကြောက်ပြီးရှောင်ပြေးတတ်တဲ့ခွေးဟာအပင်အောက်မှာ အစာလာစားတာကြာလာတော့ အဲ့ဒီသစ်ပင်ကို သူပိုင်တယ်လို့ထင်သွားပုံရတယ်။

နောက်ပိုင်းကျတော့အပင်နားရောက်လာတဲ့ တွေ့တဲ့သူတိုင်းကို ဟောင်တော့တာပဲ။

ကုမ္ပဏီတခုမှာ အလုပ်သမားတွေ အလုပ်နောက်ကျလို့မရဘူးဆိုတဲ့ စည်းကမ်းရှိတယ်။

တခါတေလေနာက္က်တာကို သနားသဖြင့် ခွင့်လွှတ်ပေးထားတယ်။
အစတုန်းကတော့ ကုမ္ပဏီကို နားလည်မှုရှိတယ်ဆိုပြီး ကျေးဇူးတင်ကြတာ။

ကြာလာတော့ သူတို့ဟာ နောက်ကျခွင့်ရှိတယ်လို့မြင်လာပြီး အမြဲလိုလိုနောက်ကျမှအလုပ်တက်ကြတော့တယ်။

နောက်ကျဖန်များလာလို့ နောက်မကျဖို့ပြောတဲ့အခါကျတော့ အရင်ကပေးခဲ့တဲ့ အခွင့်အရေးတွေကို ကျေးဇူးတင်ရကောင်းမှန်းမသိတော့ပဲ သူတို့ရဲ့ရပိုင်ခွင့်ကိုတောင် ချိုးဖောက်တယ်လို့မြင်လာကြတယ်။

လူတွေရဲ့အကျင့်က အမြဲတမ်း
ပေါပေါများများရနေပြီဆိုရင် အဲ့ဒါကို ကျေးဇူးတင်စရာလို့မထင်တော့ဘူး။

တခါတေလ ရခဲတဲ့အရာမျိုးလောက်ပဲ ကျေးဇူးတင်တတ်ကြတာမျိုး။

မိဘနဲ့သားသမီး
လင်နဲ့ မယား
ဆရာနဲ့တပည့်
အလုပ်ရှင်အလုပ်သမား
သူငယ်ချင်းကြား
ချစ်သူကြား
မိတ်ဆွေကြား

အသင်းအဖွဲ့တွေကြား စသည့်ဘယ်ဆက်ဆံရေးမှာမဆိုအခွင့်အရေးဆိုတာပေးသင့်သလောက်ပဲပေးရတယ်။

အမြဲတမ်းပေးတော့မယ်ဆိုလည်း
ကိုယ်ပေးနိုင်တဲ့ပမာဏလောက်ပဲပေးသင့်တယ်။

လိုတာထက္ပိုတဲ့ အခွင့်အရေးမျိုးပေးမိလျှင် ကြာလာတဲ့အခါ ရပိုင်ခွင့်လို့ထင်သွားကြတယ်။

တချိန်ချိန်မှာ ကိုယ္က အခွင့်အရေးတွေဆက်မပေးနိုင်တော့တဲ့အခါကိုယ့်လုပ်ပိုင်ခွင့်နဲ့ကိုယ်လုပ်တာတောင် သူတို့ရဲ့ရပိုင်ခွင့်ကို ချိုးဖောက်တယ်လို့ ထင်လာတတ်ကြတယ်၊ ကိုယ်ကပဲမှားနေတယ်လို့လည်း သူတို့က မြင်လာကြတယ်။

အချို့သောသူတွေရဲ့စရိုက်ကများပြားလွန်းတဲ့ ကျေးဇူးတင်စရာတွေထက်အနည်းငယ်သော အလိုမကျမှုလေးတွေကိုသာစိတ်ထဲမှာ အမြဲတမ်းမြင်နေတတ်တဲ့သဘောရှိတယ်။

ဒါကြောင့် ပေးဆပ်ဖို့စဉ်းစားတိုင်းမှာ
တချိန်ချိန်မှာဖြစ်လာနိုင်တဲ့ရလဒ်ကိုလည်း ထည့်သွင်းစဉ်းစားဖို့လိုသေးတယ်။

မဟုတ်ရင်အဲ့ဒီစေတနာတွေဟာ
အဆုံးမှာစော်ကားစရာအဖြစ်သာ ကျန်နေလိမ့်မယ်။

စကားတစ်ခုရှိတယ်
"လူသားတွေ ကျေးဇူးကန်းတဲ့အခါ
နတ်ဘုရားတွေတောင် ဘုရားပြန်တနေရတာမျိုး

မူရင်းရေးသားသူကိုလေးစားလျက်

credit

မသုတဝတီ ဇေယျာရွှေမြေ

Address

Yangon
MYCHOICEONLY

Website

Alerts

Be the first to know and let us send you an email when Passport Qr Service posts news and promotions. Your email address will not be used for any other purpose, and you can unsubscribe at any time.

Shortcuts

Share

Category