24/05/2026
Green Card လျှောက်ထားသူများ မိခင်နိုင်ငံမှ ပြန်လျှောက်ရန် အမေရိကန် ညွှန်ကြား
သံလွင်ခက်
မေ ၂၃၊ ၂၀၂၆။
ယာယီဗီဇာဖြင့် ရောက်ရှိနေပြီး အမြဲတမ်းနေထိုင်ခွင့် (Green Card) ပြောင်းလဲလျှောက်ထားလိုသည့် နိုင်ငံခြားသားများသည် မိခင်နိုင်ငံသို့ ပြန်လည်ပြီး နိုင်ငံခြားရေးဝန်ကြီးဌာနများမှတစ်ဆင့်သာ လျှောက်ထားရတော့မည်ဖြစ်ကြောင်း အမေရိကန် နိုင်ငံသားနှင့် လူဝင်မှုကြီးကြပ်ရေးဗျူရို (USCIS) က မေ ၂၂ တွင် ကြေညာလိုက်သည်။
အဆိုပါ လုပ်ထုံးလုပ်နည်းအသစ်သည် နှစ်ပေါင်း ၆၀ ကျော်အတွင်း ပထမဆုံးအကြိမ် အပြောင်းလဲကြီးတစ်ခုဖြစ်ပြီး၊ ဒေါ်နယ်ထရမ့်အစိုးရ၏ တင်းကြပ်သော လူဝင်မှုကြီးကြပ်ရေးမူဝါဒများအနက် နောက်ဆုံးပေါ်ထွက်လာသည့် ခြေလှမ်းတစ်ခုလည်း ဖြစ်သည်။
အမိမြေလုံခြုံရေးဝန်ကြီးဌာန (DHS) ၏ လက်အောက်ခံအဖွဲ့အစည်းဖြစ်သော USCIS က ထုတ်ပြန်သည့် မူဝါဒလမ်းညွှန်ချက် အရ အမေရိကန်နိုင်ငံတွင်းမှ နေ၍ ဗီဇာအမျိုးစား ပြောင်းလဲလျှောက်ထားခြင်း (Adjustment of Status) ကို ပိတ်ပင်လိုက်ပြီး၊ ထူးခြားသည့်အခြေအနေ မျိုးမှလွဲ၍ ကျန်ရှိသူများအားလုံး မိခင်နိုင်ငံသို့ ပြန်လည်လျှောက်ထားရန် ညွှန်ကြားထားသည်။
DHS ၏ ထုတ်ပြန်ချက်တွင် "အမေရိကန်မှာ ယာယီရောက်ရှိနေပြီး Green Card လျှောက်ချင်တဲ့ နိုင်ငံခြားသားဟာ လျှောက်ထားဖို့အတွက် မိခင်နိုင်ငံကို မဖြစ်မနေ ပြန်ရပါမယ်။ ဒီမူဝါဒဟာ ဥပဒေရဲ့ ဟာကွက်တွေကို အသုံးချနေတာကို တားဆီးပေးမှာဖြစ်ပြီး၊ ကျွန်တော်တို့ရဲ့ လူဝင်မှုကြီးကြပ်ရေးစနစ်ကို ဥပဒေရဲ့ မူလရည်ရွယ်ချက်အတိုင်း လည်ပတ်စေမှာ ဖြစ်ပါတယ်" ဟု ဖော်ပြထားသည်။
USCIS ပြောရေးဆိုခွင့်ရှိသူ ဇက်ကာလာ (Zach Kahler) ကလည်း ကျောင်းသားများ၊ ယာယီအလုပ်သမားများနှင့် ကမ္ဘာလှည့်ခရီးသည်များသည် သတ်မှတ်ရည်ရွယ်ချက်ပြီးဆုံးပါက မိခင်နိုင်ငံသို့ ပြန်ကြရန် ဥပဒေက ရည်ရွယ်ထားခြင်းဖြစ်ကြောင်းနှင့် ယခုကဲ့သို့ ပြည်ပမှတစ်ဆင့် လုပ်ငန်းစဉ်များ ဆောင်ရွက်ခြင်းဖြင့် နိုင်ငံအတွင်း ပုန်းအောင်းကျန်ရစ်မည့် အခြေအနေကို လျှော့ချနိုင်ကာ ရန်ပုံငွေနှင့် လူအင်အားကို အခြားအရေးကြီးသော လူသားချင်းစာနာမှုဆိုင်ရာ ဗီဇာလုပ်ငန်းစဉ်များတွင် ပိုမိုအာရုံစိုက်နိုင်မည်ဖြစ်ကြောင်း ရှင်းလင်းပြောကြားခဲ့သည်။
အမေရိကန် ကာတိုအင်စတီကျု (Cato Institute) ၏ သုံးသပ်ချက်အရ လက်ရှိတွင် အမေရိကန်ပြည်ထောင်စုအတွင်း Green Card စောင့်ဆိုင်းနေသည့် ရွှေ့ပြောင်းနေထိုင်သူ ၁ သန်းကျော် ရှိနေသည်။
ယခု လုပ်ထုံးလုပ်နည်းအသစ်ကြောင့် ၎င်းတို့အနက် အများစုသည် ဗီဇာစိစစ်နေစဉ်ကာလအတွင်း အမေရိကန်မှ ထွက်ခွာသွားရမည့် အခြေအနေနှင့် ရင်ဆိုင်ရဖွယ်ရှိသည်။
လူဝင်မှုကြီးကြပ်ရေးအကျိုးဆောင် ရှေ့နေများနှင့် မူဝါဒရေးရာ ကျွမ်းကျင်သူများက ယခုဆုံးဖြတ်ချက်အပေါ် ပြင်းပြင်းထန်ထန် ဝေဖန်နေကြသည်။
ဗီဇာအမျိုးစားကွဲများကိုင်ဆောင်ထားသည့် မိသားစုဝင်များ (Mixed-status families) အနေဖြင့် ၎င်းတို့၏ အလုပ်အကိုင်၊ နေအိမ်နှင့် မိသားစုဝင်များကို ခွဲခွာပြီး အချိန်မည်မျှကြာမြင့်မည်မှန်း မသိရသော စောင့်ဆိုင်းမှုကာလကို ဖြတ်သန်းရတော့မည် ဖြစ်သည်။
HIAS အမည်ရှိ ဒုက္ခသည်ကူညီစောင့်ရှောက်ရေးအဖွဲ့ကလည်း လူကုန်ကူးခံရသူများနှင့် စွန့်ပစ်ခံရသည့် ကလေးငယ်များပင် Green Card ရရှိရေးအတွက် ၎င်းတို့ထွက်ပြေးလာခဲ့ရသော အန္တရာယ်ရှိသည့် မိခင်နိုင်ငံများသို့ ပြန်လည်လျှောက်ထားရန် တွန်းပို့ခံရနိုင်ကြောင်း ထောက်ပြဝေဖန်ထားသည်။
ထို့ပြင် အမေရိကန်သံရုံးအချို့တွင် ဗီဇာရက်ချိန်းရယူရန် ၁ နှစ်ထက်မက စောင့်ဆိုင်းရလေ့ရှိသဖြင့် မိသားစုများ ရေရှည်ကွဲကွာမည့်အရေးကို လူမှုကူညီရေးအဖွဲ့များက စိုးရိမ်နေကြသည်။
ယခုမူဝါဒသည် ထရမ့်အစိုးရ ဒုတိယအကြိမ် တက်လာပြီးနောက်ပိုင်း လူဝင်မှုကြီးကြပ်ရေးကို တင်းကျပ်ရန် လုပ်ဆောင်ခဲ့သည့် ခြေလှမ်းများထဲမှ တစ်ခုဖြစ်သည်။
ထရမ့်အစိုးရသည် ပြီးခဲ့သည့်နှစ်အတွင်းကပင် ကျောင်းသားဗီဇာ၊ ယဉ်ကျေးမှုဖလှယ်ရေးဗီဇာနှင့် မီဒီယာဗီဇာများ၏ သက်တမ်းကာလများကို ပိုမိုတိုတောင်းသွားစေရန် မူဝါဒပိုင်းဆိုင်ရာ ပြင်ဆင်မှုများ စတင်ပြုလုပ်ခဲ့သည်။
ထို့ပြင် ယခုနှစ် ဇန်နဝါရီလအတွင်း၌လည်း အမေရိကန်နိုင်ငံခြားရေးဝန်ကြီးဌာန (State Department) က ဗီဇာအစောင်ရေ ၁ သိန်းကျော်ကို တစ်ပြိုင်နက်တည်း ပယ်ဖျက်ကြောင်း ကြေညာခဲ့သည်။
လက်ရှိအခြေအနေတွင်လည်း အမေရိကန်အစိုးရသည် ဒုက္ခသည်များနှင့် အခြားဥပဒေကြောင်းအရ အကာအကွယ်ပေးထားသော ရွှေ့ပြောင်းနေထိုင်သူများအပေါ်တွင်ပါ ဗီဇာကန့်သတ်မှုများနှင့် စိစစ်မှုများကို ဆက်တိုက်တင်းကျပ်လျက် ရှိနေပါသည်။
လက်ရှိအကျုံးဝင် စိစစ်ဆဲဖြစ်သော Green Card လျှောက်ထားမှုအမှုတွဲများအပေါ် မည်သို့သက်ရောက်မှုရှိမည်ကိုမူ USCIS ဘက်က တိတိပပ ရှင်းလင်းပြောဆိုထားခြင်း မရှိသေးပေ။
စီးပွားရေးအရ အကျိုးအမြတ်ရှိသူများနှင့် အမျိုးသားအကျိုးစီးပွားဆိုင်ရာ ကျွမ်းကျင်သူအချို့ကိုမူ ခြွင်းချက်အနေဖြင့် အမေရိကန်အတွင်း ဆက်လက်စောင့်ဆိုင်းခွင့် ပြုနိုင်ခြေရှိကြောင်း နိုင်ငံတကာသတင်းဌာနများက ဖော်ပြကြသည်။
Ref: The Guardian
ပုံစာ- မိုင်ယာမီမြို့တွင် နီကာရာဂွာနိုင်ငံသားတစ်ဦး အမေရိကန်နိုင်ငံသားအဖြစ် လျှောက်ထားနိုင်ရန် ကူညီဆောင်ရွက်ပေးမှုများကို လက်ခံရရှိနေပုံကို ပြသထားသည့် ၂၀၁၄ ခုနှစ်က ဓာတ်ပုံ။
(ဓာတ်ပုံ - Joe Raedle/Getty Images)
Green Card လျှောက်ထားသူများ မိခင်နိုင်ငံမှ ပြန်လျှောက်ရန် အမေရိကန် ညွှန်ကြား
သံလွင်ခက်
မေ ၂၃၊ ၂၀၂၆။
ယာယီဗီဇာဖြင့် ရောက်ရှိနေပြီး အမြဲတမ်းနေထိုင်ခွင့် (Green Card) ပြောင်းလဲလျှောက်ထားလိုသည့် နိုင်ငံခြားသားများသည် မိခင်နိုင်ငံသို့ ပြန်လည်ပြီး နိုင်ငံခြားရေးဝန်ကြီးဌာနများမှတစ်ဆင့်သာ လျှောက်ထားရတော့မည်ဖြစ်ကြောင်း အမေရိကန် နိုင်ငံသားနှင့် လူဝင်မှုကြီးကြပ်ရေးဗျူရို (USCIS) က မေ ၂၂ တွင် ကြေညာလိုက်သည်။
အဆိုပါ လုပ်ထုံးလုပ်နည်းအသစ်သည် နှစ်ပေါင်း ၆၀ ကျော်အတွင်း ပထမဆုံးအကြိမ် အပြောင်းလဲကြီးတစ်ခုဖြစ်ပြီး၊ ဒေါ်နယ်ထရမ့်အစိုးရ၏ တင်းကြပ်သော လူဝင်မှုကြီးကြပ်ရေးမူဝါဒများအနက် နောက်ဆုံးပေါ်ထွက်လာသည့် ခြေလှမ်းတစ်ခုလည်း ဖြစ်သည်။
အမိမြေလုံခြုံရေးဝန်ကြီးဌာန (DHS) ၏ လက်အောက်ခံအဖွဲ့အစည်းဖြစ်သော USCIS က ထုတ်ပြန်သည့် မူဝါဒလမ်းညွှန်ချက် အရ အမေရိကန်နိုင်ငံတွင်းမှ နေ၍ ဗီဇာအမျိုးစား ပြောင်းလဲလျှောက်ထားခြင်း (Adjustment of Status) ကို ပိတ်ပင်လိုက်ပြီး၊ ထူးခြားသည့်အခြေအနေ မျိုးမှလွဲ၍ ကျန်ရှိသူများအားလုံး မိခင်နိုင်ငံသို့ ပြန်လည်လျှောက်ထားရန် ညွှန်ကြားထားသည်။
DHS ၏ ထုတ်ပြန်ချက်တွင် "အမေရိကန်မှာ ယာယီရောက်ရှိနေပြီး Green Card လျှောက်ချင်တဲ့ နိုင်ငံခြားသားဟာ လျှောက်ထားဖို့အတွက် မိခင်နိုင်ငံကို မဖြစ်မနေ ပြန်ရပါမယ်။ ဒီမူဝါဒဟာ ဥပဒေရဲ့ ဟာကွက်တွေကို အသုံးချနေတာကို တားဆီးပေးမှာဖြစ်ပြီး၊ ကျွန်တော်တို့ရဲ့ လူဝင်မှုကြီးကြပ်ရေးစနစ်ကို ဥပဒေရဲ့ မူလရည်ရွယ်ချက်အတိုင်း လည်ပတ်စေမှာ ဖြစ်ပါတယ်" ဟု ဖော်ပြထားသည်။
USCIS ပြောရေးဆိုခွင့်ရှိသူ ဇက်ကာလာ (Zach Kahler) ကလည်း ကျောင်းသားများ၊ ယာယီအလုပ်သမားများနှင့် ကမ္ဘာလှည့်ခရီးသည်များသည် သတ်မှတ်ရည်ရွယ်ချက်ပြီးဆုံးပါက မိခင်နိုင်ငံသို့ ပြန်ကြရန် ဥပဒေက ရည်ရွယ်ထားခြင်းဖြစ်ကြောင်းနှင့် ယခုကဲ့သို့ ပြည်ပမှတစ်ဆင့် လုပ်ငန်းစဉ်များ ဆောင်ရွက်ခြင်းဖြင့် နိုင်ငံအတွင်း ပုန်းအောင်းကျန်ရစ်မည့် အခြေအနေကို လျှော့ချနိုင်ကာ ရန်ပုံငွေနှင့် လူအင်အားကို အခြားအရေးကြီးသော လူသားချင်းစာနာမှုဆိုင်ရာ ဗီဇာလုပ်ငန်းစဉ်များတွင် ပိုမိုအာရုံစိုက်နိုင်မည်ဖြစ်ကြောင်း ရှင်းလင်းပြောကြားခဲ့သည်။
အမေရိကန် ကာတိုအင်စတီကျု (Cato Institute) ၏ သုံးသပ်ချက်အရ လက်ရှိတွင် အမေရိကန်ပြည်ထောင်စုအတွင်း Green Card စောင့်ဆိုင်းနေသည့် ရွှေ့ပြောင်းနေထိုင်သူ ၁ သန်းကျော် ရှိနေသည်။
ယခု လုပ်ထုံးလုပ်နည်းအသစ်ကြောင့် ၎င်းတို့အနက် အများစုသည် ဗီဇာစိစစ်နေစဉ်ကာလအတွင်း အမေရိကန်မှ ထွက်ခွာသွားရမည့် အခြေအနေနှင့် ရင်ဆိုင်ရဖွယ်ရှိသည်။
လူဝင်မှုကြီးကြပ်ရေးအကျိုးဆောင် ရှေ့နေများနှင့် မူဝါဒရေးရာ ကျွမ်းကျင်သူများက ယခုဆုံးဖြတ်ချက်အပေါ် ပြင်းပြင်းထန်ထန် ဝေဖန်နေကြသည်။
ဗီဇာအမျိုးစားကွဲများကိုင်ဆောင်ထားသည့် မိသားစုဝင်များ (Mixed-status families) အနေဖြင့် ၎င်းတို့၏ အလုပ်အကိုင်၊ နေအိမ်နှင့် မိသားစုဝင်များကို ခွဲခွာပြီး အချိန်မည်မျှကြာမြင့်မည်မှန်း မသိရသော စောင့်ဆိုင်းမှုကာလကို ဖြတ်သန်းရတော့မည် ဖြစ်သည်။
HIAS အမည်ရှိ ဒုက္ခသည်ကူညီစောင့်ရှောက်ရေးအဖွဲ့ကလည်း လူကုန်ကူးခံရသူများနှင့် စွန့်ပစ်ခံရသည့် ကလေးငယ်များပင် Green Card ရရှိရေးအတွက် ၎င်းတို့ထွက်ပြေးလာခဲ့ရသော အန္တရာယ်ရှိသည့် မိခင်နိုင်ငံများသို့ ပြန်လည်လျှောက်ထားရန် တွန်းပို့ခံရနိုင်ကြောင်း ထောက်ပြဝေဖန်ထားသည်။
ထို့ပြင် အမေရိကန်သံရုံးအချို့တွင် ဗီဇာရက်ချိန်းရယူရန် ၁ နှစ်ထက်မက စောင့်ဆိုင်းရလေ့ရှိသဖြင့် မိသားစုများ ရေရှည်ကွဲကွာမည့်အရေးကို လူမှုကူညီရေးအဖွဲ့များက စိုးရိမ်နေကြသည်။
ယခုမူဝါဒသည် ထရမ့်အစိုးရ ဒုတိယအကြိမ် တက်လာပြီးနောက်ပိုင်း လူဝင်မှုကြီးကြပ်ရေးကို တင်းကျပ်ရန် လုပ်ဆောင်ခဲ့သည့် ခြေလှမ်းများထဲမှ တစ်ခုဖြစ်သည်။
ထရမ့်အစိုးရသည် ပြီးခဲ့သည့်နှစ်အတွင်းကပင် ကျောင်းသားဗီဇာ၊ ယဉ်ကျေးမှုဖလှယ်ရေးဗီဇာနှင့် မီဒီယာဗီဇာများ၏ သက်တမ်းကာလများကို ပိုမိုတိုတောင်းသွားစေရန် မူဝါဒပိုင်းဆိုင်ရာ ပြင်ဆင်မှုများ စတင်ပြုလုပ်ခဲ့သည်။
ထို့ပြင် ယခုနှစ် ဇန်နဝါရီလအတွင်း၌လည်း အမေရိကန်နိုင်ငံခြားရေးဝန်ကြီးဌာန (State Department) က ဗီဇာအစောင်ရေ ၁ သိန်းကျော်ကို တစ်ပြိုင်နက်တည်း ပယ်ဖျက်ကြောင်း ကြေညာခဲ့သည်။
လက်ရှိအခြေအနေတွင်လည်း အမေရိကန်အစိုးရသည် ဒုက္ခသည်များနှင့် အခြားဥပဒေကြောင်းအရ အကာအကွယ်ပေးထားသော ရွှေ့ပြောင်းနေထိုင်သူများအပေါ်တွင်ပါ ဗီဇာကန့်သတ်မှုများနှင့် စိစစ်မှုများကို ဆက်တိုက်တင်းကျပ်လျက် ရှိနေပါသည်။
လက်ရှိအကျုံးဝင် စိစစ်ဆဲဖြစ်သော Green Card လျှောက်ထားမှုအမှုတွဲများအပေါ် မည်သို့သက်ရောက်မှုရှိမည်ကိုမူ USCIS ဘက်က တိတိပပ ရှင်းလင်းပြောဆိုထားခြင်း မရှိသေးပေ။
စီးပွားရေးအရ အကျိုးအမြတ်ရှိသူများနှင့် အမျိုးသားအကျိုးစီးပွားဆိုင်ရာ ကျွမ်းကျင်သူအချို့ကိုမူ ခြွင်းချက်အနေဖြင့် အမေရိကန်အတွင်း ဆက်လက်စောင့်ဆိုင်းခွင့် ပြုနိုင်ခြေရှိကြောင်း နိုင်ငံတကာသတင်းဌာနများက ဖော်ပြကြသည်။
Ref: The Guardian
ပုံစာ- မိုင်ယာမီမြို့တွင် နီကာရာဂွာနိုင်ငံသားတစ်ဦး အမေရိကန်နိုင်ငံသားအဖြစ် လျှောက်ထားနိုင်ရန် ကူညီဆောင်ရွက်ပေးမှုများကို လက်ခံရရှိနေပုံကို ပြသထားသည့် ၂၀၁၄ ခုနှစ်က ဓာတ်ပုံ။ (ဓာတ်ပုံ - Joe Raedle/Getty Images)
