Amusement Travel & Tours

10/02/2024

恭喜发财 🧧🐲
gōng xǐ fā cái
ဥစ္စာဓနတိုးတတ်ကြပါစေ

ယနေ့ကျရောက်သည့် တရုတ်နှစ်သစ်ကူး ကာလ တွင် အားလုံး ပျော်ရွှင်ဝမ်းမြောက်ပြီး ဥစ္စာဓနတိုးတတ်ကြပါစေ ...
နှစ်သစ် မှာ ကံကောင်းခြင်းတွေ ယူဆောင်နိုင်ပါစေ...

08/02/2024

15/01/2024

ပြည်ပ ခရီးထွက်မယ် ဆို လေဆိပ်ရောက် မှ ချွေးမပျံစေဖို့ သတိထားစရာတွေက ဘာတွေလဲ?

ပြောရမယ်ဆိုရင် Visa က အစ လေယာဉ်လက်မှတ် အပါအဝင် ခရီးဆောင်အိတ် ကီလိုအလေးချိန်၊ လေဆိပ်စော ရောက်ရမယ့် အချိန်၊ လေဆိပ်မှာ လူလိမ်လူယုတ်မာများ က ကီလိုအပို ကို ဝယ်မယ် ပြောပြီး ပေါက်ကရ ပါဆယ် တွေ ထည့်ပေးလိုက်မယ့် အခြေအနေ စတာစတာ တွေ ကို ကြိုတင်သတိထားရမှာ အများကြီးပါ။

ကဲ ... ဒီတစ်ခါတော့ Visa Page ပေါ်က သတိထားစစ်ဆေးရမယ့် အရာများပါ။

Visa လျှောက်ဖို့ လိုအပ် တဲ့ နိုင်ငံတွေ ကို ခရီးသွားမယ်ဆို Visa လက်ထဲ ရောက်ပြီဆို ဘာတွေ သတိထားစစ်ဆေးရမလဲ?

၁- Visa ကို သံရုံးက မိမိ Passport ရဲ့ စာမျက်နှာ တစ်ရွက် ပေါ်မှာ Visa Page ကို ကပ်ပေးလိုက်ပါတယ်။
ဒီလိုကပ်ပေး လိုက်တဲ့အခါ မိမိရဲ့ Data အချက်အလက် တွေ က Visa Page ပေါ်မှာ ရိုက်ပြီး ပါလာတာ မို့ မိမိရဲ့ Name Spelling, Gender, Photo(some embassies), D.O.B, Visa Type, Visa Number... စတာတွေကို အသေအချာ တိုက်စစ်စေချင်ပါတယ်။ တစ်ခုခု မသင်္ကာစရာ အမှား ပါနေရင်တော့ ချက်ချင်း သံရုံး ကို ဆက်သွယ်ပြီး ပြန်ပြင်ဖို့ကြိုးစားရပါမယ်။ ရပါတယ်လေ မလုပ်သင့်ပါဘူး။ လေဆိပ် မှာ ပြသနာရှိနိုင်ပါလိမ့်မယ်။

၂-အရေးကြီးတာ နောက်တစ်ခုက Entry Date ပါ၊ မိမိ Visa ပေါ်က Valid Entry Date က မိမိ ထိုနိုင်ငံထဲ ကို ဝင်ရောက်နိုင်မယ့် အစ နေ့ပါ။ ကြိုသွားလို့ လည်း မရပါဘူး။ လေယာဉ် လက်မှတ် ကြိုဖြတ်ထားလည်း သံရုံးက ပေး တဲ့ Entry Date ကို အတည်ယူရပါ။ လေယာဉ် ဆိုက်ရောက်မယ့်ရက် က စော နေရင် Check In Counter မှာ ကတည်းက လေယာဉ် ပေါ် ပေး မတက်တော့ပါဘူး။ Date Change ရပါလိမ့်မယ်။

၃- Visa Page ပေါ်က Valid Entry Date က မိမိ ထို နိုင်ငံထဲ ကို ဝင်ရမယ့် ကာလ ဖြစ်ပြီး Valid Entry Date ထက် နောက်ကျ ပြီး ဝင်လို့မရပါဘူး။
တစ်ရက် အလို လောက်ကပ်ဝင်ရင်လည်းရပါတယ်။ စိတ်ပူစရာမလိုပါဘူး၊ ထိုနိုင်ငံထဲ နေခွင့်ရမယ့် length of Stay က သပ်သပ်ပါ။ ၁ ရက်တည်း နေပြီး ပြန်ရတာမျိုး မဟုတ်ပါဘူး။

Immigration Officer က သူ့နိုင်ငံ ကို နေထိုင်ခွင့် 2 Weeks or 90 Days or 180 Days တွေ ကို သတ်မှတ်ချက် နဲ့ အဝင်တုံး ပေါ် မှာရိုက်ပေးလိုက်တာပါ။
မိမိ ထိုနိုင်ငံ မှ ပြန်ထွက်ရမယ့် နောက်ဆုံး နေ့ ပါနေပါမယ်။ ထိုနေ့ အထိ တရားဝင် နေထိုင်နိုင်မှာပါ Visa ပေါ်က Visa Validity နဲ့ Entry ပြီး မှ ရမယ့် Length of Stay မမှားစေချင်ပါဘူး။

တစ်ချို့ နိုင်ငံ တွေက တော့ Length of Stay ကိုပါ Visa Issue ကတည်းက ရိုက်ပေး လိုက်တာမျိုးရှိတတ်ပါတယ်။ ဥပမာ Japan Toursit Visa မှာဆို 15 Days ပါနေတတ်ပါတယ်။

ဆက်လက်တင်ပြသွားပါဦးမည်...

21/11/2023

US Visa UK Visa လိုမျိုး အမှားအယွင်း မခံ တဲ့ Visa လျှောက်မယ်ဆိုရင် ဘာတွေ သတိထားရမလဲ

၁- လျှောက်ထားသူ အနေဖြင့် Visa မတင်ခင် Draft Form (Semi-Final) ဖြည့်ထားတဲ့ မိမိ နဲ့ မိမိ မိသားစု Form အကြမ်း (ပြည့်စုံလုနီးပါး ဖြည့်ထားတဲ့ ဖောင်) ကို ဖြည့်ပေးတဲ့ Agent ကနေ ယူပြီး သေချာစီစစ် ရပါမယ်။

ငွေပေး ထားတာ ပဲ သူတို့ တာဝန်ရှိတယ် ဆိုပြီး မလုပ်ပါနဲ့ Agent က ဝန်ထမ်းတွေဆိုတာ ညနေ ၅ နာရီ ထိုးပြီ ဆိုရင် အိမ်ပြန်ဖို့ က ပို အရေးကြီး တာ မို့ မိမိ Form တစ်ခုခု မှားရင် သူတို့က Sorry ပါပဲ ပြော မှာပါ။ ကိုယ်က ဘာမှ ပြင်မရတော့ပါဘူး ။
ဒါကြောင့်

(က) မိမိ မိသားစု နာမည်များ
(ခ) မိမိ ပညာအရည်ချင်း
(ဂ) မိမိ အလုပ်အကိုင်
(ဃ) အိမ်ထောင် ရှိ မရှိ စသဖြင့် ကို ပါ သေချာ စီစစ်ပါ။

၂- မိမိ ရဲ့ ငွေ ကြေး အဝင် အထွက်၊ ပိုင်ဆိုင် မှု၊ ဘဏ်စာရင်း နဲ့ သွားရောက်မယ့်ကုန်ကျစရိတ် တွက်ချက် မှု

၃- မိမိ Booking တင်ထားတဲ့ ဟိုတယ် confirmed ဖြစ် မဖြစ် ၊ မိမိ ထို နိုင်ငံကို ဝင်ရောက်မယ့် ရက် စသည်တို့ပါ။

ဒါတွေကို Visa Form ဖြည့်တဲ့ Agent တွေက ပေါက်ကရ ဖြည့်ပြီး မိမိကို မပြဘဲ တင်လိုက်မယ် ဆို မိမိရဲ့ Visa Approved ဖြစ်နိုင် မှု အခြေအနေ က ပြောင်းပြန် ဖြစ်သွားနိုင်ပါတယ် ။

ဖြစ်နိုင်ရင် မိမိ ရဲ့ Visa Form Copy ကို ရနိုင်သမျှ သိမ်းထားဖို့လည်းလိုပါတယ်။ တစ်နေ့ ပြန် အသုံးဝင် မှာမို့ Agent ဆီ ကနေ မရ မက ပြန်တောင်းထားပါ။

ပေါ့ပေါ့ ဆဆ မတင်ကြပါနဲ့ လို့ တိုက်တွန်းပါရစေ

17/11/2023

ဒုတိယပိုင်း

Tour Buses or Coaches တွေ ပေါ် မှာ မလုပ်သင့်သော အရာများ

⛔မလုပ်သင့်တဲ့ လုပ်ရပ် (၅)⛔

ကားဆရာ ရဲ့ တစ်နေ့တာ သတ်မှတ် ကားမောင်းချိန် ကို ကျော်လွန် မောင်းစေခြင်း

တစ်ချို့ က အချိန် တိတိကျကျ ထွက်ဖို့ ပြန်လာဖို့ အင်မတန်မှ ပြောရဆိုရခက်ပါတယ်။

ငါ ပိုက်ဆံပေး ထားတာပဲ ငါရောက် မှ သွား ငါကြာချင်သလောက်ကြာမယ် ညမိုးချုပ်သွားလည်း ကားဆရာစောင့်ပါစေ ဆိုတာမျိုးပေါ့။

ဥရောပ တစ်ခွင် ကားငှားမယ် ဆို မရပါဘူး သူတိူ့ကားဆရာ များ ဟာ ကား မောင်း ချိန် ကန့်သတ်ချက် ရှိပါတယ်။ ဥပမာ တစ်နေ့ ၁၀ နာရီ - ၁၁ နာရီ ဆိုတာမျိုးပါ။ ကားစထွက်ခါနီး ဇယားကွက် မှာ အကုန် ဖြည့်စွက်ရပါတယ်။

စထွက်ချိန်၊ ကျန်းမာရေးဆိုင်ရာ အချက်အလက် ဥပမာ အိပ်ရေးဝ မဝ အမြင်ကြည် မကြည်၊ စိတ်အခြေအနေ စသဖြင့်ပေါ့။

တခါတလေ ပိုမောင်း လို့ရနိုင်လောက် တဲ့ Overtime ဆိုလည်း ငွေ အပို တောင်းမောင်းပေးတတ်ကြပါ တယ်။ ဒါပေမယ့် ရက်ဆက် Overtime မောင်းရင် Weekly သတ် မှတ် နာရီချိန် (Limited Driving Hours) ကျော်ပြီ ဆိုရင်တော့ ပြသနာရှိပါတယ်။

Highway ထွက်မယ် ဆို ပိုတောင် တင်းကြပ်ပါတယ်။ ဒါကြောင့် ကားစက်နိုးပြီး ဘယ်နှမိနစ် ဆို စမောင်း စသဖြင့် ရှိသလို၊ ဆက်တိုက် ၃ နာရီ ၄ နာရီ မောင်းပြီး ၄၅ မိနစ် နား ဆိုတာ မျိုးလည်း သတ်မှတ်ချက်ရှိပါတယ်။ ဒါကြောင့် အချိန် အတိအကျ လိုက်နာပြီး သွားကြ လာကြ မှ အဆင်ပြေပါလိမ့်မယ်။

⛔မလုပ်သင့်တဲ့ လုပ်ရပ် (၆)⛔

LDC or 45 seaters ကြီး များစီးပြီး အရှေ့ကွက်တိရောက် ချင်ပြီး၊ မပို့ပေးလို့ ကားဆရာကို ပြသနာ လုပ်ကြခြင်း။

ကားကြီး စီးပြီး ဥရောပ နိုင်ငံ များရဲ့ မြို့များ မှာ စားသောက်ဆိုင် ရှေ့ ကွက်တိ ရောက်ချင်၊ လည်ပတ်မယ့် Attraction ရှေ့ တည့်တည့်ရောက်ချင်၊ ဟိုတယ် အပေါက်ဝ တန်းရောက်ချင် လို့ မရပါဘူး။

တစ်ချို့သော လမ်းမကြီး များ ဟာ Tour Bus များ ကို ဝင်ရောက်ခွင့်ကန့်သတ် ထားပါတယ်။ ဒါကြောင့် လမ်း ဆင်းလျှောက်ပြီး ရောက်အောင် ချီတက်ကြရပါတယ်။ ကားသေး ဆိုရင် တော့ အေးဆေးပေါ့ ။ Big Group with tour bus နဲ့ ဆိုရင်တော့ ကားသမား ကို ပြသနာ မရှာကြပါနဲ့နော်။

⛔မလုပ်သင့်တဲ့ လုပ်ရပ် (၇)⛔

ကားရပ် ထားတုန်း အဖွဲ့နဲ့ လည်း လိုက်မသွား ကားပေါ်နေခဲ့ပြီး ကား အဲကွန်းဖွင့်ထားခိုင်းခြင်း

ဒီလို မရတာတော့ စင်္ကာပူ လိုနေရာမှာ ကြုံဖူးပါတယ်။ ကားပေါ် နေခဲ့ရင်တောင် ရိုးရိုး တံခါးမကြီး ဖွင့်ပေး ထားမယ် သို့ပေမယ့် ကားစက်ရပ် No AirCon ပါပဲ။

ဥရောပ မှာ တော့ပိုဆိုးပါတယ်။ ကားပေါ် က ပစည်း များ ပျောက်လျှင် ကားဆရာ တာဝန်ယူရမည် စိုးသဖြင့်၊ ကားပေါ် အလစ်သမား တက်ခိုးမည် စိုးသဖြင့် ကားရပ်ပြီး ခရီးသည် အားလုံး ဆင်း ကား သော့ခတ်ပါပဲ ။

မရနိုင်တာ တွေ အတင်း သွားတောင်းဆိုလို့ မရတာသိထားရင် ကားသမား နဲ့ရန်မဖြစ်ရတော့ဘူးပေါ့နော်

⛔မလုပ်သင့်တဲ့ လုပ်ရပ် (၈)⛔

ဟိုတယ်ရောက် မှ ကားပေါ် ကျန်ခဲ့ အရေးကြီး ပစည်း များ ကို ပြန်ယူချင်ကြခြင်း

ညကား နားပြီ ဆိုတော့မှ တစ်ယောက်ပြီး တစ်ယောက် ကားသမား ကို ဖုန်းဆက်ရှာ ခေါ် ကားတံခါး ဖွင့်ခိုင်းပြန်ယူ ဆိုတာ မျိုးက ကားဆရာ များ အလွန် ဒေါသ ထွက်ပါတယ်။

တစ်နေကုန် ကားမောင်း ထားရလို့ သူပြန်နေတာ၊ သူ့ ဟိုတယ်ခန်း မှာ ပြန် နားနေချိန် ထ်ု အချိန် ကျ မှ ကျမ ဆေးထုပ် ကားပေါ် ကျန်ခဲ့လို့ ညသောက်ရမှာ ကားဆရာ ကို ခေါ်ပေးပါ။

ကျမ အရေးကြီး အထုပ် ကားပေါ်မှာကျန်နေလို့ ယူပါရစေ။ မဖြစ်မနေ က တစ်ယောက် အတွက် အဆငိပြေပေမယ့် ဒီလို မဖြစ်မနေ ၃ ယောက် လောက်ဆို ကားဆရာ ဆဲပြီ တင်းပြီလေ။

ဒါကြောင့် တစ်နေကုန် လည်ပတ်ထားတဲ့ ကား ဟိုတယ် ပြန်ရောက် ပြီ ဆို ကားပေါက မိမိ အရေးကြီးပစည်းများ ကို တခါတည်းယူဆင်းသွားဖို့နဲ့ ၊ မနက်ပြန်ယူရင် ဖြစ်တယ်ဆိုတာမျိုးဆို လည်း စိတ်ချလက်ချ အိပ်လိုက်ပါ။

ကားပေါ်ကျန်တဲ့ ပစည်း မပျောက်တာ များပါတယ်။

Zay yan @ Sean
Amusement Travel & Tours

16/11/2023

⛔🚫Tour Bus or Coaches တွေ ပေါ် မှာ မလုပ်သင့်သော အရာများ ...

အခုလို ခရီးသွားအချိန် အခါ နီး လာတဲ့ အခါမှာ အဖွဲ့လိုက် ခရီးဝေးသွားကြပါတယ်

ခရီးသွားတယ် ဆိုကတည်းက ကားပေါ် မှာ ပျော်မယ် ကဲမယ် ဆိုမယ် ဟဲမယ် စသဖြင့် စဉ်းစားရင်း ပျော်ကြတာပေါ့လေ

⛔မလုပ်သင့်တဲ့ လုပ်ရပ် (၁)⛔

တကယ်တော့ အရှိန် ပြင်းပြင်းနဲ့ မောင်းနေတဲ့ ကားပေါ် မှာ ဘာ အကိုင်အတွယ် မှ မရှိဘဲ လျှောက်လမ်း တစ်လျှောက် မတ်တပ်ရပ် လမ်းလျှောက် သီချင်း ဆို ဟိုကူး ဒီကူးဆိုတဲ့ လုပ်ရပ် ဟာ အင်မတန် မှ အန္တရာယ် များလွန်း ပါတယ်။

တကယ် လို့ သင်ဟာ မြန်မာပြည် မဟုတ်တဲ့ တခြား နိုင်ငံ ဥပမာ ဥရောပ နိုင်ငံ တစ်နိုင်ငံ မှာ ထို လုပ်ရပ်မျိုး လုပ်ပြီး နေမယ် ဆို ကားမောင်းသမားက ချက်ချင်း သင့်ကို ထိုင်ခုံပေါ် ပြန် ထိုင်ခိုင်း ပါလိမ့်မယ်( ထိုင်ခုံ ခါးပတ်ပြန်ပတ်ခိုင်းမှာပါ)

သင့်ဘက်က ငြင်းဆန်မယ် ဆို သူ့ အနေနဲ့ ကားကို ဆက်မမောင်း တော့ဘဲ လမ်းဘေး မှာရပ်ထားလိုက်တော့မှာပါ။

ကားပေါ် မှာ လူတစ်ယောက်ယောက် ရဲ့ ထိခိုက်မှုဟာ သူ့ အတွက် ဖြေရှင်းရ အခက်ဆုံး ပြသနာ မို့ပါ။

ဒါမျိုး လုပ်ရပ်မျိုး မလုပ် မိပါစေနဲ့။

-------------------

⛔မလုပ်သင့်တဲ့ လုပ်ရပ် (၂)⛔

ကားပေါ် အစားအသောက်များ စားခြင်း

တစ်နေရာရာ ရောက်လို့ တွေ့တဲ့ မုန့် ဝယ်စားမယ် ဆိုပါတော့ မုန့် မကုန်သေးဘဲ သင်ဟာ ကားပေါ် တက်မယ် ဆို ကားဆရာက ပေးမတက်ပါဘူး။

ဥရောပ က ကားဆရာတွေ ပိုဆိုးပါတယ်
ရေခဲမုန့်စားတာ မကုန်သေးလို့ အအေးတစ်ခွက်ထဲ ပဲ ဟာကို ကလေးက စားနေတုန်း လွှင့် ပစ်ထားရမှာလား ဘာလားပေါ့

ဟုတ်ပါတယ် မြန်မာပြည်တော့ ကားဆရာတွေက အားနာပြီး ရော မပြောချင်တော့တာရောမို့ ရနိုင်ပေမယ့်
တခြား နိုင်ငံ အထူးသဖြင့် ဥရောပ ကားဆရာများကတော့ So Sorry ပါပဲ နော်

ကားပေါ် လုံးဝ ပေး မတက်ပါဘူး၊ မုန့်ကုန် အောင်စား (သို့) လွှင့်ပစ်ခဲ့ပါ

-------------------

⛔မလုပ်သင့်တဲ့ လုပ်ရပ် (၃)⛔

ကွာစေ့ နေကြာစေ့ နဲ့ အမျိုးမျိုးသော အမှိုက်

ကားပေါ် ရောက်ရင် ကိုက်မယ် စားမယ် ဆိုတဲ့ ကွာစေ့ နေကြာစေ့ အမှိုက် များစွာ ကို လေဆိပ် မှ ကားပေါ် ရောက်ပြီး ပြန် အဆင်း ခန့်မှန်း ကြာချိန် ၁၅ မိနစ် အတွင်း အမှိုက် များစွာ Coach ရဲ့ ကြမ်းပြင်ပေါ် ပွထ နေပါရော....
ပြင်သစ် ကားဆရာ ဆဲပါလေရော

ဟုတ်ပါတယ် မိမိ အမှိုက် ကို မိမိ ​သေချာစွာ ထိန်းသိမ်းတတ်ဖို့ လိုပါတယ်။

အမှိုက် တွေ ကို ထင်တိုင်းပစ် ထားလို့ မရပါ။ ကားစီးတဲ့ သင်တို့လည်းသန့်ရှင်းတဲ့ကား ကို စီးချင် သလို
ကားဆရာကလည်း ကား ရဲ့ အမှိုက် ကို တစ်ယောက်တည်း ဘယ်သိမ်းချင်ပါ့မလဲ။

-------------------

⛔မလုပ်သင့်တဲ့ လုပ်ရပ် (၄)⛔

LDC or Tour Bus တွေရဲ့ အရေးပေါ် အိမ်သာ
အိမ်သာပါတဲ့ ကားဆိုတာ နဲ့ အိမ်သာ မတက်ချင်လည်းတက် ပါချင်သလောက်ပါ တော့ မရပါဘူး
တကယ့် အရေးပေါ် မှသာ တက်သင့်ပါတယ် ။ နို့.. တစ်ချို့ ဆို အခုပဲ ဟိုတယ်က ထွက် လာတယ် ကားထွက် တာ ၁၅ မိနစ် မပြည်​့ သေးဘူး .. လုပ်ငန်းကစပြီ။
ကားရဲ့ အိမ်သာ က ပြည့်တာ နဲ့ အနံ့ ထွက်ပါတယ်။အဲကွန်း နဲ့ ဆိုတော့ ရှူပေ တော့ပဲလေ။

ပြီးတော့ ကားရဲ့ Toilet ပြန် Clean ဖို့ဆို ကားဆရာများက ကား Spa ကို သွားပြီး လဲလှယ်ရပါတယ် ခန့်မှန်း Euro 300 လောက်ကျပါတယ်

အံ့တော့ အိမ်သာပါတဲ့ ကားဆိုတိုင်း ဇွတ် မတက်ကြပါနဲ့ အရေးပေါ် မှသာတက်ကြပါလို့စ်

ဆက်ရန်.....

Zay Yan @ Sean
amusement travel & tours

28/07/2023

ပြည်တွင်း ပြည်ပ လေယာဉ် လက်မှတ် များ အတွက် ဆက်သွယ် မေးမြန်း ဝယ်ယူ နိုင်ပါပြီနော် ..

ယခင် မိတ်ဟောင်း များ နှင့် ယခု မိတ်သစ်များအားလုံး အတွက် ပြည်တွင်း ပြည်ပ လေယာဉ် လက်မှတ်များ ကို စိတ်ချ ယုံကြည်စွာ ဆက်သွယ်ဝယ်ယူနိုင်ပါပြီနော် ... 🥰

13/12/2021

🇹🇭🇹🇭✈️ထိုင်းနိုင်ငံကို သွားရမယ့် ကိစ္စ ပေါ် လာလို့ သွားဖို့ ဘာတွေလုပ်စရာ လိုမလဲ မသိခဲ့လျှင် ဖတ်ရှုနိုင်ပါသည်...

မြန်မာနိုင်ငံသား Passport ကိုင်ဆောင်ထားသူများ ဟာ Test & Go ဆိုတဲ့ Q ရက်ရှည် ဝင်စရာ မလိုဘဲ "စစ်မယ် ပိုးမတွေ့ရင် သွားနိုင်ပြီ" Test & Go ဆိုတဲ့ နိုင်ငံ အုပ်စုထဲပါနေတဲ့ အတွက်

ထိုင်းနိုင်ငံကို သွားရောက် လည်ပတ်မယ် ဆို Thailand Pass ဆိုတာ ကို ကြို လျှောက်သွားဖို့ တော့လိုအပ်ပါတယ်။

Thailand Pass ဆိုတာ ဘာလဲ?🧑‍💻
QR code system တစ်မျိုးပါ။ ဆေးထိုးပြီးကြောင်း အထောက်အထား ကို ထိုင်းနိုင်ငံ ထဲမဝင်ရောက်မီ ကြိုတင် တရားဝင် အသိပေးထားခြင်း နှင့် တစ်ဖက်နိုင်ငံ မှလည်း စီစစ်ပြီးကြောင်း အထောက်အထား QR code ပါ။

လျှောက်ထားမည့်သူဟာ

၁- သက်တမ်းရှိ Passport ရှိရပါမယ်။ (ပြန်လာမယ့်ရက် ကနေ စတွက်လျှင် ၆ လကျန်ရမှာပါ)

၂- Vaccine ၂ ကြိမ် ထိုးပြီးကြောင်း Certificate or Card ရှိရပါမယ်။ မြန်မာလို ဆို Notary ပြန်ရပါမယ်။
(သေချာချင်ရင် တော့ Notary ပြန်ပြီး MOFA တုံးယူ ပြီး ထည့် လျှောက် တာ ပိုကောင်းပါတယ်)

၃- ASQ (or)SHA + Hotel ခေါ် တဲ့ Q တစ်ရက် ဝင်ရမယ့် ဟိုတယ် Confirmation စာရွက်လိုပါတယ်။( Room Rate မှာ One Way transfer +Test တစ်ကြိမ် စစ်ဖို့ပါ ထည့်ထားတဲ့ အခန်းဖြစ်ရမှာပါ)

၄- USD 50,000 တန် Insurance လိုပါတယ်
(USD 50,000 ဆိုတာ တကယ် US ၅ သောင်းပေးဝယ်ရမှာ မဟုတ်ပါ/ တန်ကြေး အရ နှစ်ပတ်စာ ဆို US 50-70 ဝန်းကျင်ပါ အသက်အရွယ်ပေါ်မူတည်ပြီး ပိုများတတ်ပါတယ်)

၅- လေယာဉ် လက်မှတ် Booking

⏰ခရီးမသွားခင် ၁ ပတ် ခန့် ကြိုတင်လျှောက်ထားပါ။

https://tp.consular.go.th/

(မြန်မာပြည် ကို တခြား နိုင်ငံ တစ်နိုင်ငံ မှ လေကြောင်း ဖြင့်ပြန်လည် ဝင်ရောက်ပါက Hotel Q ၇ ရက် ဝင်ရန် ရှိနေပါသေးသည်)

13/12/2020