17/04/2018
“ЦААТАН” АЯЛАЛ - 2
(ХӨВСГӨЛ НУУР, ТАЙГА, ДАРХАДЫН ХОТГОР, ТҮҮХИЙН ДУРСГАЛ, БӨӨГИЙН ШАШНЫ ӨВ СОЁЛТОЙ ТАНИЛЦАХ)
АЯЛЛЫН ТАНИЛЦУУЛГА
Хөвч тайгын гүнд Цаатан иргэдийн аж амьдрал, Цаа бугын сүрэг, зэрлэг ургамал ан амьтдын дунд цэнгэг уст гол горхи, нуур цөөрөм дагуу байгалийн тансаг үнэр, цэвэр агаарт аялах болно.
Монгол улсын нутаг дэвсгэрийн хамгийн хойд хязгаар, Сибирийн зүүн өмнөд захад орших Саяны нурууны онгон зэрлэг байгаль, тайгын бүс нутагт нүүдэллэн амьдардаг цаатан (Уйгур) иргэд амьдардаг. Энэ иргэд нь байгалийн зэрлэг ургамал, ан амьтдын нөөц баялагийг түшиглэн амьдарч цаа бугын аж ахуй эрхлэн өөрсдийн тогтсон өвөрмөц соёл ирэншлийг буй болгожээ.
Аялан очиж буй нутаг маань Монголын хосгүй үзэсгэлэнт байгалийн тогтоц бүхий Дархадын хотгор, Хорьдол сарьдгийн нуруу, Ениссей мөрний эх Шишгэд гол, 300 нуур цөөрмийн бүрдэл болсон байгалийн цогц гайхамшиг юм.
Манай энэхүү аялалаар танд энэхүү гайхамшигт сонин содон зүйлсийг сонирхох, судлах, танилцах өргөн боломж олгоно.
АЯЛЛЫН ХӨТӨЛБӨР
Аялалын хугацаа: 8 өдөр 7 шөнө
Аялалын урт: Мөрөн –> Цагааннуур ЖошимТур-> ЗҮҮНТАЙГА -> Цагааннуур ЖошимТур -> Мөрөн
Засмал замаар 80км (2 талдаа)
Шороон замаар 470км (2 талдаа байгалийн бартаа саад ихтэй, 3 том даваа, олон гол горхи туулна.)
Мориор 50км (2 талдаа)
НИЙТ 600км
ӨДӨР 1
Мөрөн хотын автовокзам, нисэх онгоцны буудлаас аялагчдыг угтаж авна. Мөрөнгөөс Цагааннуур сумын чиглэлд автомашинаар Улаан-Уул сумаар дайран 180км яваад Багтаг голын хөвөөнд Дархад малчин айлын хотонд майхантай хоноглоно. Энд дархад малчин айлтай танилцаж сарлагийн шинэхэн өрөм сүү амтлах, үзэсгэлэнт байгалийн зураг авах онцгой сонин газар.
ӨДӨР 2
Өглөөний цайгаа уугаад цааш 80км явж Цагааннуурын Жошим амралтын газарт хүрнэ. Үдээс хойш хилийн цэргийн зөвшөөрөл авч бүртгүүлнэ. Цаатан иргэдийн суурьшмал амьдалралтай танилцаж цаатны музей үзнэ. Цагааннуурын эрэг орчмоор чөлөөтэй зугаална. Оройдоо маргаашийнхаа Тайгын аялалд бэлтгэнэ.
ӨДӨР 3
Тайгын аялалдаа гарч цаатан иргэдийг зорьно. Замын дагууд үзэсгэлэнт байгалийн дундуур ойн жимээр мориор аялна. Үдээс хойш зорьсон газар Цаатны отогт хүрч алжаалаа тайлж амарч цаатны урцанд хоноглоно
ӨДӨР 4
Цаатны аж амьдрал, цаа бугын сүрэг, тайгын бүс нутагтай чөлөөтэй танилцаж судлах, зураг авах, бэлэг зурсгалын зүйлс, цуглуулгын худалдаа хийх, бүтээл туурвих, судалгаа хийх гэх мэтээр цагийг чөлөөтэй өнгөрүүлж үдээс хойш буцах аялалдаа мордоно.
Буцах аялал маань Жарагийн хавцал, Жарагийн гол г.м байгалийн сайхан бүрдсэн сонирхолтой газруудаар явсаар Жошим кэмпдээ ирж хоноглоно.
ӨДӨР 5
Үд хүртэл кэмпийн хөтөлбөр, нум сум харвааны шагналт тэмцээн зохион байгуулна. Өдрийн хоолоо идээд буцах аялалдаа машинаар гарна. Улаан-Уул сумын нутаг Бэлтэсийн голын хөвөөнд майханд хоноглоно.
ӨДӨР 6
Бэлтэс голоос хөдлөн Алаг-Эрдэнэ сумын чиглэлд явна. 120км яваад Хөвсгөл нуурын эрэгт Хатгал тосгонд хүрнэ. Эндээ гэр буудалд буудаллан амарч далайн эргээр зугаалж цагийг чөлөөтэй өнгөрүүлнэ.
ӨДӨР 7
Сүхбаатар хөлөг онгоцонд сууж Хөвсгөл нуурт 3 цагийн аялалд явна. Аялалын усан онгоцон дээр олон сонирхолтой хөтөлбөрүүд явагддаг. Усан замын аялалын дараа Бөөгийн шашны цогцолбор төвд зочилно. Үүний дараа Хатгалаас хөдлөж 70км засмал замаар явж Дэлхийн энергийн төв 50 100 солилцлолын цогцолбор төвд зочилно. Эндээсээ 20км яваад Бүрэнхан уулын оргил, гол шүтээн овоонд хүрч Хөвсгөлийн Цаатан Дархад бөөгийн бүрэн хэмжээний зан үйлийн хөтөлбөр явагдаж Долоон бурхадад залбирч, од гаригсад өргөл өргөх, овоо тахилгын үйл ажиллагаа, галын наадам, одон орон дурандах, алсын уулсыг холоос дурандах, хорхог хийж идэн аялалын алжаалаа тайлах зэрэг үйл ажиллагаагаар энэ өдрийн хөтөлбөр өндөрлөж ойд майхандаа хоноглоно.
ӨДӨР 8
Өглөө Мөрөн хотруу 30км засмал замаар явж очно. Хөвсгөл аймгийн музей, хөшөө дурсгалт газруудыг сонирхож, Хөвсгөлийн бөөгийн шашны төвөөр зочилно. Үдээс хойш 15 цагт УБ-ын автобусанд суулгаж үдэн гаргаж өгнө.
АЯЛАЛД БАГТАХ ЗҮЙЛС
- Аялалын хугацаанд хоноглох газруудын төлбөр, майхан, мишок, цагаан хэрэглэл.
- Аялалын хугацаанд өдрийн 3 удаагийн хүнс хоолоор үйлчилнэ.
- Аялалын хугацаанд автомашин ба мориор хангана.
- Хөвсгөлийн Бөөгийн төвөөр зочлох
- Одон орон дурандах
- Автомашины жолооч, морин хөтөч, газарчингаар үйлчилнэ.
- Жошим амралтын газарт халуун ус душ.
- Нэвтрэх хураамжууд, хилийн тусгай зөвшөөрөл
АЯЛАЛД БАГТАХГҮЙ ЗҮЙЛС
- Хөтөлбөрт заагдаагүй худалдан авалт, бусад төлбөрт үйлчилгээний газруудаар үйлчлүүлэх, нэмэлт хоол хүнс... (УБ-Мөрөн-УБ чиглэлд зорчих замын зардал, хоолны төлбөр зэргийг аялагчид өөрөө хариуцна.)
- Аливаа даатгалын үйлчилгээ.
- Хувийн ариун цэврийн хэрэглэл, хувцас угаалгын үйлчилгээ, утасны яриа, согтууруулах ундаа, мини бар, фото зураг, камерийн бичлэг хийх төлбөр, хөтөлбөрт заагдаагүй шашин түүхийн уламжлалт зан үйл гэх мэт бусад зардал
АНХААРАХ ЗҮЙЛС
Өөрийн болон бусдын аюулгүй ая тухтай байдлыг алдагдуулалгүй, аялалын аюулгүйн заавар журмыг биелүүлж явах. Үүнд:
- Нутгийн ард олны сүслэн биширдэг шүтээнт газрууд, ард олны зан үйл, заншлыг хүндэтгэх,
- Алсын аялалд хүүхэд явах нь аяншиж ядрах талтай,
- Морь малтай аюулгүй зөв харьцах,
- Ус борооноос хамгаалах цув, усны гутал, малгайтай байх,
- Байгальд хог тарихгүй байх,
- Гал түймрээс болгоомжилох,
- Автомашины болзошгүй ослоос сэргийлэх,
- Согтууруулах ундаа хэрэглэхгүй байх,
- Нуур цөөрөм гол усны эрэг хөвөө газраар болгоомжтой явах.
- Хад асга, хясаа, өндөр ууланд онцгой анхааралтай явах.
