https://www.facebook.com/115971544936203/

China travel tips, Ulaanbaatar (2026)

25/01/2024

Луу жилийн дурсгалын мөнгө дэвсгэрт

Луу жилийн цагаан сарын баярт зориулан Хятадын ардын банкнаас лууны зурагтай дурсгалын 20 юанийн хуванцар мөнгөн дэвсгэртийг хэвлэн 100 сая ширхэгийг худалдаанд гаргажээ.
Мөн зэс хайлш бүхий 10 юанийн зоос 120 сая ширхэг худалдаанд гарчээ.
Бээжингийн цагаар 01-р сарын 03-ны 22:00 цагт урьдчилсан захиалга нээгдэж бүх банкны интернэт үйлчилгээнд гацалт үүсч, банкны үүдэнд олон өдөр урт очер дараалал үүссэн байна. Хэдийгээр тус мөнгөн дэвсгэр, зоос нь одоо мөрдөгдөж байгаа Хятадын мөнгөн дэвсгэрттэй ижилхэн үйлчилж, ижил үнэтэй байх боловч мөнгөн тэмдэгт зоос цуглуулагчдын дунд ихээхэн эрэлттэй байж өнөөдрийн байдлаар 1 дэвсгэрт нь 90 юанийн үнэд хүрээд байна.
Мөнгөн дэвсгэртийн нүүрэн талд“БНХАУ-ын төрийн сүлд”, “БНХАУ-ын ардын банк”, “20 юань” гэж бичсэн бөгөөд Хүчит лууны баруун дээд талд эртний ханзаар луу гэсэн бичигтэй дардас даржээ.
Мөн доод талд нь мандан бадрахын бэлэгдэл цээнэ цэцгийн хамт Хятадын цагаан сарын билэг тэмдэг “Буян хишиг, аз жаргал” хэмээх утга бүхий “福” ханзийг лууны дүрслэлээр сийлжээ. Харин дэвсгэртийн ар талд Хятадын уламжлалт цаасан урлал болон гоёл чимэглэл, Цагаан сарын зургийн элементүүдийг хослуулсан Луут бүжиг хийж буй хүүхдүүдийг дүрсэлжээ.
Хятад улс нийтдээ 6 удаа дурсгалын мөнгөн дэвсгэрт гаргаж байсан ба хамгийн анх 2000 онд шинэ зуун гарсантай холбогдуулан 100 юанийн дурсгалын мөнгөн дэвсгэрт 10 сая ширхэгийг худалдаанд гаргаж байсан нь тухайн үедээ 3000 юанийн үнэд хүрч байжээ.
Мөн 2008 оны Бээжингийн олимпод зориулан гаргасан 10 юанийн мөнгөн дэвсгэрт одоог хүртэл эрэлттэй хэвээр байна.

20/01/2024

Хятад улсын ер бусын цагийн бүслүүр:

Хятад улсын газар нутгийн хэмжээ баруунаасаа зүүн хүртлээ 4828 км буюу 5 өөр цагийн бүсэд хуваагдахаар хэмжээтэй. Гэвч Хятад улс нь хуулиндаа ердөө нэг л цагийн бүстэй. 1949 онд болсон Хятадын иргэний дайнаас хойш нийслэл Бээжин хот байрлах бүс UTC +08:00 - г албан ёсны цор ганц цагийн бүс болгосон байдаг. Бээжин хотод нар өглөө 07:00 цагт мандаж байхад Хятадын баруун хэсгээр үүнээс хойш 4 цагийн дараа, өөрөөр хэлбэл 11:00 цагийн үед ч нар дөнгөж мандаж эхэлдэг. Шинжаан Уйгарын нутагт оройн 22:00 цагт ч нар жаргаагүй хэвээр байдаг.

13/12/2023

Шанхай хотын “Inter Continental” зочид буудал

Дэлхийд 200 гаруй салбартай Интер Контенанталь зочид буудлын нэгэн содон байгууламж Шанхай хотод үйл ажиллагаа явуулж байна.
1950 онд ил уурхайгаар ажиллаж байсан нүхийг ашиглан далайн түвшинээс доош 88 метрт байрлах уг тансаг зэрэглэлийн зочид буудлыг барьж байгуулжээ.
Их Британийн Artkins компани зураг төслийг гаргаж Хятадын барилгын компани 5 жил гаруйн хугацаанд барьж байгуулан 2018 оны 11-р сард албан ёсны нээлтээ хийсэн.
Дэлхийн барилгын 10 гайхамшигийн нэг гэгдэх болсон энэхүү зочид буудал нь нийт 18 давхартай 15 давхар нь газар дор, 2 давхар нь газар дээр ил харагдах бөгөөд хамгийн доод талын 1 давхар нь усан дотор байрладаг.
Нийт зочны 336 өрөөтэй ба өрөө бүрийн цонхоор хиймэл нуур болон хүрхрээ харагддаг. Усан доторхи ресторан, шөнийн клуб, спа зэрэг олон үйлчилгээтэйгээс гадна нисдэг тэрэгний зогсоолтой.
Зочид буудлын ойр орчимд шилэн гүүр, галзуу хулгана, алсыг харагч зэрэг олон үзвэр үйлчилгээ байрладаг тул Шанхай хотоор аялж буй жуулчдын зорин очдог газруудын нэг болсон.
Сонирхуулахад уг зочид буудалд 1 хоног байрлах төлбөр нь стандарт 2 ортой өрөө 1800-2500 юань, усан дотор байрлах люкс өрөө 12,000-15,000 юань байдаг байна.

21/11/2023

Хятад, Тайландаар нэгэн зэрэг аялахыг хүсвэл Юнь Нань мужийн бяцхан Тайланд Ши шуан бан наг зориорой😃
Ши шуан бан на нь Юнь нань мужийн аялал жуулчлалын гол бүс бөгөөд Дай ястаны өлгий нутаг юм.
🇹🇭Дай ястан нь Тайландын Тай үндэстэнтэй нэг угсаа гаралтай төдийгүй амьдралын хэв маяг, хоол хүнс, ёс заншил, соёл урлаг бүгд ижил.
Ши шуан бан на нь баруун хойд талаараа Лаос улстай холбогдож, баруун өмнөд хэсгээрээ Мянмар улстай хиллэдэг,
✅4 улирлын турш дулаан чийглэг уур амьсгалтай байдаг.
1.2 сая хүн амтай ба Дай ястан зонхилдог байна.
⭐️Хятад улсын цорын ганц халуун орны ширэнгэн ойтой.
⭐️Хайнаны дараа орох Хятадын хамгийн том байгалийн латекс үйлдвэрлэх нөөцтэй. ⭐️Хятадын цайны өлгий нутаг бөгөөд цайгаараа Хятадад маш алдартай. Хятадын алдартай цайны навчнууд дийлэнхи нь Баннад ургадаг байна.
⭐️Эмийг ургамалууд ихээр ургадаг учраас эмийн нөөцөөр баялаг.
⭐️Нэхмэл эдлэлээр алдартай, Дайчуудын гар урлал нь үндэсний биет бус соёлын өв.
🌅Баннад Тай хэв шинжийг хадгалсан алтан шаргал чимэглэлтэй сүм хийд, барилга байгууламж олон байхаас гадна зааны хүрээлэн, ойн хүрээлэн, тогосны тосгон, шөнийн гэрэлт зах, Тайланд хоолны гудамж, халуун бүсийн жимс жимгэнэ, иргэдийн хувцаслалт зэрэг нь яг л Тайландад аялж буй мэт мэдрэмжийг төрүүлнэ.

✈️Маршрут:
Улаанбаатар-Хөххот нислэг 2 талдаа 900.000₮ орчим
Хөххот-Шишуанбанна нислэг 2 талдаа 800.000₮ орчим байна. /Нислэгийн хугацаа 4 цаг/
🏨Зочид буудал 2 хүний өрөө: 250.000-400.000₮ орчим

09/11/2023

Туйлын туяа харах боломжтой тосгон

Хятадын хойд хэсэгт орших Аврора тосгон нь Хятадаас туйлын туяа харах боломжтой цорын ганц бүс бөгөөд өвлийн аялал жуулчлал өндөр хөгжсөн жижиг тосгон юм. Хятад, Оросын хил дээр орших уг тосгонд туйлын туяа харахыг хүссэн аялагчид маш их ирдэг боловч цаг агаарын нөхцөл байдлаас болоод гэрлийн үзэгдлийг нь нүдээр үзэхэд амаргүй байдаг хэдий ч энэхүү тосгонд өвлийн аялал жуулчлал хөгжсөн учраас олон төрлийн сонирхолтой зүйлс хийх боломжтой. Жишээлбэл Зул сарын тосгонд зочлон Санта клаустай зургаа татуулан чарга хөлгөлсөн цаа бугатай хамт хусан ойгоор зугаалж болохоос гадна цанаар гулгах, өвлийн мототой аялал хийх, нохой чаргаар зугаалах гэх мэт олон сонирхолтой хөтөлбөр байдаг.
Туйлын туяа харах хамгийн боломжит сар нь 6,7-р сар боловч өвөл 11-ээс 2-р сарын хооронд ч мөн харах боломжтой. Өвлийн улиралд дуртай, цана чаргаар гулгадаг хүмүүсд хамгийн тохиромжтой газар.

Улаанбаатараас Манжуур хотоор дамжин Харбин хотруу нисээд мөсөн хотхон үзэж сонирхоод цааш галт тэргээр Аврора тосгон руу явах боломжтой.
Дундаж үнэ: Аврора тосгон 3 өдөр 2 шөнийн аялал 1.000.000 орчим.
Улаанбаатар-Манжуур нислэг 2 талдаа 498.000
Манжуур-Харбин нислэг 2 талдаа 480.000 орчим
Харбин-Аврора тосгон галт тэрэг К7039 2 талдаа 250.000

22/10/2023

Хуаншань уул (Шар уул) нь Хятадын Аньхуй мужийн өмнөд хэсэгт орших Хуаншань хотод байрладаг.Хойноос урагшаа 40 км урт, зүүнээс баруун тийш 30 км өргөн, хамгийн өндөр цэг нь Бадамлянхуа оргил бөгөөд далайн түвшнээс дээш 1864.8 метр өндөр.
Хуаншань уул нь 1986 онд Хятадын шилдэг арван байгалийн үзэсгэлэнтэй газрын нэгээр тодорсон бөгөөд 1990 онд Юнеско-ийн соёлын болон байгалийн өвд багтсан. Хятадын хамгийн үзэсгэлэнтэй уул хэмээн нэрлэгддэг энэхүү уул нь өвөрмөц тогтоц бүхий хадан хясаанууд, халуун рашаан, хүрхрээ, сонин содон ургасан цайны моднууд, нарс мод зэргээрээ алдартайгаас гадна уулын оргилд нар мандах, нар жаргах мөчийг харахад зориулан байгуулагдсан гайхалтай зочид буудалтай. Хуан шань уул нь нийт 72 оргилтой бөгөөд аялал жуулчлалын бүс болгон тохижуулсан 6 төрлийн үзэсгэлэнт газартай.
Аялахад тохиромжтой сарууд: 03 сарын 01-ээс 11 сарын 30 хүртэл
Хуан шань уулын байгалийн цогцолборт газар нь 3н талаасаа орох хаалгатай бөгөөд аль ч хаалгаар орсон дүүжин лифтээр зорчиж хамгийн эхний үзвэрийн цэг дээр очих боломжтой. Аялагчдын туршлагаас харахад урд хаалгаар орвол илүү тохиромтой байдаг гэж үзжээ.
Хуан шань байгалийн цогцолборт газрын орох тасалбар нь 03-12 сар хүртэл 250 юань байдаг бол 12-02 сард 150 юань байдаг. Тасалбар нь 3 хоногийн дотор 2 удаа орж гарах хүчинтэй. Дүүжин лифт нэг талдаа 80-100 юань.
Бүх үзвэрүүдийг үзэхэд 6-8 цаг зарцуулагдах тул ихэвчлэн 2 хоног байвал тохиромжтой. Хуан шань уулын бэлд байх тосгонд 80-250 юанийн үнэтэй зочид буудлууд олон байдаг боловч Хуань шан уул доторх зочид буудалд байрлавал өглөө нар мандахыг уулан дээрээс харах нь гайхалтай /стандарт твин өрөө 799 юань/.
Хуан шань хотод энэхүү уулаас гадна маш олон сонирхолтой газрууд байдаг тул 5 хоног аялавал илүү тохиромжтой.
Маш их жуулчид очдог тул мэдээж амралтын өдрүүд болон Хятадын томоохон баярын өдрүүдээр аялахад тохиромжгүй.

Хуан шань уул явах маршрут:
Бээжин хотоос онгоц болон хурдны галт тэргээо явж болно.
Бээжингийн урд вокзалаас Хуан шань хотруу хурдны галт тэргээр 6 цаг 30 минут зорчино, тасалбарын үнэ 600 юань орчим.
Бээжин капитал нисэх буудлаас Хуан шань хотруу 2 цаг 30 минут ниснэ. Тасалбарын үнэ 800-1500 юань хооронд байдаг.
Хуан шань хотоос Хуан шань уулын байгалийн цогцолборт газар хүртэл 60км зайтай. Таксидвал 140 юань орчим, вокзалаас болон нисэх буудлаас тусгай автобус явдаг ба 32 юань үнэтэй.

Коммент хэсгээс гоё бичлэгнүүд үзээрэй.
Би 4 сараас Хуан шань уул руу явахаар төлөвлөж байгаа хамт явах хүн байвал явж болно шүү 😁

11/09/2023

Хайнан мужийн Яалонг буланд байрлах нэгэн сонирхолтой зочид буудлыг танилцуулая!
Техник технологи өндөр хөгжсөн орчин үед хүн байгалийн харилцан шүтэлцэл, холбоо хамаарлыг харуулахыг зорьсон энэхүү зочид буудал нь халуун орны ширэнгэн ойд эгц хад асгатай ууланд байрлах “Шувууны үүр” нэртэй зочид буудал юм.
Саняа хотын Финикс олон улсын нисэх буудлаас 31км зайд буюу “Саняа ойн цэцэрлэгт хүрээлэн” -ийн ой дунд байрладаг 5 одтой зочид буудал. Энгийн байшин, далай руу харсан цонхтой байшин, усан сантай байшин, гэр бүлийн байшин гэх зэргээр 25м2-410м2 хүртэл хэмжээтэй 210ш модон байшинтай. Гольфийн талбай, усан бассейн, спа, караоке, лоунж, хурлын танхим, хүүхдийн тоглоомын газар зэрэг олон хэсгүүдтэй. Мөн ойн цэцэрлэгт хүрээлэн дотор байрладаг учир хүрээлэн доторх шилэн гүүр, дүүжин гүүр, усан гулсуур, зиплайн гэх мэт олон төрлийн үзвэр үйлчилгээг үнэгүй болон хөнгөлөлттэй үнээр авах боломжтой.
“If you were the one” 2 хуск-ны зураг авалтыг уг зочид буудалд хийсэн бөгөөд 2010 онд тус кино нээлтээ хийснээс хойш аялагчдын дунд алдартай болсон. Зочид буудлын эргэн тойрон, доторхи орчинг харахыг хүсвэл энэ киног үзээрэй. Дажгүй гоё кино шүү😃 https://youtu.be/KlTDwBY906Q?si=NfrFWruonTHvzS3Q
Байшингуудын үнийн хувьд
Энгийн байшин-1222 юань
Далай руу харсан байшин-1888 юань
Тагтан дээрээ усан сантай байшин-3108 юань /бүх байшин дотроо 1.5 метр өргөнтэй 2 ор эсвэл 1.8 метр өргөнтэй 1 том ортой/ байдаг байна.
❎ Ой дотор байрладаг учир хорхой шавьж ихтэй тул бага насны хүүхэд байрлахад тохиромжгүй.

07/09/2023

Хайхуа арал /Далайн цэцэгсийн арал/

Хайхуа арал нь БНХАУ-ын Хайнан мужийн Данжоу хотод байрладаг бөгөөд дэлхийн хамгийн томд тооцогдох хүний гараар бүтсэн хиймэл арал юм. Энэхүү арлыг Хятадын томоохон групп компани “Evergrande” 12 жилийн турш барьсан ба нийт 160 тэрбум юанийн хөрөнгө оруулалтаар 5 одтой зочид буудал, вилла, олон улсын хурлын танхим, олон улсын үзэсгэлэнгийн ордон, музей, үлгэрийн ертөнц, усан парк, халуун рашаан, далайн парк, кино театр, худалдааны гудамж гэх зэрэг 28 төрлийн үзвэр үйлчилгээний хэсгийг барьж байгуулсан， нийт газар нутгийн хэмжээ 7.8км2.
Хайхуа арал нь 2021 оноос хойш үйл ажиллагаагаа нээж эхэлсэн бөгөөд 2022 онд Хятадын сошиал одуудын хамгийн ихээр зочилсон аялал жуулчлалын газраар тодорсон байна.
Хайнан руу аялахаар шийдсэн бол Хайхуа аралд заавал очиж үзэхийг зөвлье!
📌 Хайнан мужийн
Саняа хотоос хурдны галт тэргээр 1 цаг 45 минут явна тасалбарын үнэ:92 юань
Хайкоү хотоос хурдны галт тэргээр 57 минут явна тасалбарын үнэ: 47 юань
галт тэрэгнээс буусны дараа Баймажин/Bai ma jing/ галт тэрэгний буудлаас таксигаар Хайхуа арал хүртэл 32 юань.
📌 Хайхуа арал руу нэвтрэхэд үнэгүй боловч далайн аквариум, усан парк, халуун рашаан гэх зэрэг бүх хэсгүүд тусдаа төлбөртэй.
Усан парк том хүн-168 юань, хүүхэд-95 юань
Далайн парк том хүн-168 юань, хүүхэд-95 юань
Халуун рашаан-98 юань
Музей танхимаасаа шалтгаалаад тус бүр 38-80 юань байна.
📌 Хайхуа арал дотор 4 төрлийн зочид буудал байх ба стандарт твин өрөөний төлбөр 400-1000 юань байна.
Зочид буудал+үзвэх үйлчилгээ багцаар сонговол илүү хөнгөлөлттэй байх боловч захиалах өдрөөс шалтгаалан үнэ адилгүй.
✅ Хайхуа аралд 4000м өндрөөс шүхрээр буух боломжтой ба 3000 юань орчим үнэтэй.
✅ Худалдааны гудамжиндаа Nike, Adidas, Gucci, Zara зэрэг томоохон дэлгүүрүүдийн outlets байрладаг.
✅ Хоолны гудамжиндаа Хятад, Солонгос, Европ хоолнуудтай.

China travel tips

25/01/2024

20/01/2024

13/12/2023

21/11/2023

09/11/2023

22/10/2023

11/09/2023

07/09/2023

Address

Website

Alerts

Shortcuts

Share

Category

Listing takedown request