10/09/2016
#УншаадҮзээрэй
Саяхан боловсролын талаар нэгэн сонирхолтой судалгааны хариу харсан юм. Тэр нь "Нарийн мэргэжил л биш бол хүмүүс их сургуульд нийт мэдлэг боловсролынхоо дунджаар 5%-ийг олж авч байна. Үлдсэн 95%-ийг ажлын байран дээр олж авдаг" хэмээсэн байлаа.
Мөн Bloomberg телевиз дэлхийн хамгийн шилдэг 100 CEO нарын талаар судлаад нэгэн сонирхолтой тоо баримтуудыг дурьдсан байдаг. Шилдэг 100-ийн
- 98 нь эрэгтэй,
- 50 нь халзан,
- 37 нь нүдний шилтэй,
- 70 нь баклавр,
- 29 нь магистр,
- 79 нь компанидаа тогтвор суурьшилтай ажилласан байжээ. Үүнээс Блүүмбэргийнхэн MBA, мастер зэрэг нь амжилт гаргана, бусдаас илүү гэсэн үг биш хэмээн дүгнэлт гаргасан юм.
MCS Хүний нөөц хариуцсан дэд Ерөнхийлөгч Л.Гантөмөр нэгэн ажлын байран дээр гадаадад төгссөн нэг залуу, орон нутагт дээд сургууль төгссөн залууг зэрэг ажилд авахад 2 жилийн дараа гадаадад төгссөн залуу халагдаж, орон нутагт төссөн залуу тушаал дэвшиж байсан тухай тэдний ажиллах сэтгэл, хичээл зүтгэлтэй холбон тайлбарлаж байсан юм.
Бүүр сонирхолтой нь Bill Gates, Mark Zuckerberg, Micheal Dell, Steve Jobs, Paul Allen, Larry Ellison зэрэг технологиор дэлхийг өөрчилсөн эрхмүүд бүгд сургуулиа төгсөөгүй байдаг.
Мөн Скайтел группын CEO Д.Болор уулзалтын үеэр "Би 30 жилийн турш хүнтэй ажиллалаа. Мэдлэг боловсролыг дээшлүүлж болдог, хандлагыг өөрчилж болдог юм байналээ. Хүмүүжлийг яагаад ч чадахгүй юм билээ" гэж байсан юм.
Хувь хүний хөгжлийн талаарх хамгийн сайхан яриа амьдралдаа амжилт гаргасан хүнээс гардаг. Их сургуульд заадаггүй ч амьдралд амжилт гаргахад чухал үүрэгтэй олон хэрэгтэй зан чанар, мэдлэгийг тэд хаа нэг газраас илүү өөртөө олж авсан байдаг.
Би их сургуулийг ямар нэг байдлаар үгүйсгээгүй шүү. Их сургуульд сурсан зүйлээс илүү тухайн хүний хүмүүжил, ажил, амьдрал, аливаа ажилд гүйцэтгэдэг хандлага, дадал нь амжилт гаргахад илүү нөлөөлдөг талаар өөрийн бодлоо хуваалцлаа.
Porsche компанийн Ерөнхий менежерийн хэлсэн Hire character, Train skill буюу "Зан чанарыг ажилд ав, ур чадварыг эзэмшүүл" гэдэг зарчимыг хүний нөөцийн чадварлаг ажилтнууд алтан дүрмүүдийнхээ нэгийг болгосон байдаг.
Төгсгөлд нь нэгэн joke:
Нийтлэг хүмүүсийн шинж
A+ = Профессор, Доктор, Эрдэмтэн
A, B+ = Багш
B, C+, C, D+, D = Цалинтай ажилтнууд
F = Гүйцэтгэх захирал
Хуулж, аргалдагууд! = Улс төрчид
Төгсөөгүй - Тэр бумтнууд
Ирж буй шинэ долоо хоногт нь амжилт
