05/03/2026
ပြန်လာပြန်ပြီခွင့်လွှတ်ကြပါ။
ကျွန်တော် ဇော်ဦးပါ။
အထုပ်ဖြည်ရင် သိက္ခာတကယ်ကျမှာ ကျွန်တော်မဟုတ်ဘူး။ နဂိုကတည်းက ဒါမျိုးဖြစ်စေချင်တာမဟုတ်တော့ အတတ်နိုင်ဆုံး စဉ်းစားမိတဲ့အတိုင်း တဖက်လူထိခိုက်မှုအနည်းဆုံးဖြစ်အောင်အပြင် သူ့အတွက်အကျိုးရှိအောင်တောင် ကူညီခဲ့သေးတယ်။ ဒါပေမယ့် လက်ရှိကျွန်တော့်ကို သူတို့ လုပ်ချင်သလို လုပ်တိုင်းခံနေရတာ မသိတဲ့လူတွေ အပြစ်ပြောကြတယ်။ စိတ်မဆိုးပါဘူး။ သူတို့မှ မသိတာ။ အများက ဒီပေါ်မှာတက်ရေးတာကို သိက္ခာချဖို့လို့ပဲမြင်တယ်။ ဒါဆို အောက်ကရေးထားတာ သေချာဖတ်ကြည့်ပေးကြပါနော်။
* သိန်းတစ်ထောင်နီးပါးပိုက်ဆံတွေကို အကျိုးအမြတ် တစ်ကျပ်မရပဲ သူများကို ငါးနှစ်နီးပါးလောက် ခင်ဗျားပေးထားပြီး ကူညီနိုင်လား။
* ငါးနှစ်နီးပါးကူညီပေးထားတာကို ပြန်တောင်းတော့ အဆင်မပြေသေးလို့ မပေးနိုင်ဘူးပဲ ဆက်တိုက်ပြောနေပြီး ဘယ်နေ့ ဘယ်အချိန် ဘယ်အခါ ပြန်ပေးပါမယ် ဘယ်လိုပေးပါမယ် တစ်ခွန်းမှ မပြောရင် ဘာဆက်လုပ်မှာလဲ။ ကူညီပေးထားတာသိရဲ့နဲ့ ခုမှ မဟုတ်တဲ့ အပြစ်အမျိုးမျိုးလုပ်ကြံပြောနေရင်ကောဘာလုပ်မလဲ။
*ခုဘာလို့တက်ရေးလဲ ဆိုတော့ ကြားထဲကကူညီပေးသူက ငါသိပြီ မင်း ပိုက်ဆံတွေမဆုံးဘူး။ သူကလည်းယူထားတယ်ငါ့ကိုပြောတယ်။ မင်းဒီလိုတွေလုပ်လို့ ရှက်ပြီးမပေးတော့ရင် မင်းအဲဒီတော့မှဆုံးမှာ။ ဒီမှာတက်ရေးရင်လဲ တရားဥပဒေအရမင်းရှုံးသလို မင်းငွေနဲ့ပတ်သက်တာလဲ ဘာမှ သက်သေမရှိဘူးတဲ့။ မင်းတို့နားလည်မှုလွဲနေတာ။ မိသားစုတွေပဲ နှစ်ယောက်စကားပြောပြီး ညှိလိုက်တဲ့။
*ကူညီတဲ့သူက တာဝန်မဟုတ်ပေမယ့် ကူညီပါတယ်နော်။ ကျေးဇူးလဲတင်တယ်။ ညှိရအောင် ကာယကံရှင်ကိုဖုန်းခေါ်ချင်တယ်။ လူယဉ်ကျေးတို့သဘောအရ စာပို့တယ်။ ဖုန်းခေါ်လို့ရမလား ဒါမှမဟုတ် အားတဲ့အချိန်လေးပြောပါ ပို့လိုက်တယ်။ Seen ပြတယ် စာမပြန်ဘူး။ ကူပေးတဲ့လူကို ဖုန်းခေါ်တယ် မကိုင်ဘူး။ မကိုင်ပေမယ့် အားမလျော့ပဲ အားတဲ့အချိန်လေးပြောပေးပါ ကာယကံရှင်က စကားမပြောချင်ဘူးထင်တယ်လို့ ဖုန်း မက်ဆေ့ပို့တယ်။ စာမပြန်ပါဘူး။
ကဲ လူကြီးမင်းတို့ သူတော်ကောင်းတို့ အောက်တန်းကျတာမကြိုက်တဲ့သူတို့ ကျွန်တော့်ကို အကြံလေးပေးပါလား ဘာလုပ်ရမလဲလို့။ ဒီမှာရေးတာကလွဲလို့ ကျန်တာစဉ်းစားမရလို့ အကြံလေးပေး ကူညီကြပါလို့။
ဒီမှာရေးလို့တရားစွဲ ခံရရင်လည်း ကူညီကြပါဦး။ မည်သူတစ်ဦးတစ်ယောက်ကိုမှ သိက္ခာချလိုခြင်း၊ နှစ်နာဆုံးရှုံးစေလိုခြင်း အလျဉ်းမရှိပါ။ ဒီလိုလေးရေးရင် ဆက်သွယ်လာမလားဆိုတဲ့ မျှော်လင့်ချက်ပဲ ရှိပါတယ်။ ဥပုလ်လပါ။ ဘာသာရေး အရောင်ပြထဲ ကျွန်တော်မပါသလို လိမ်လည်လုပ်ကြံပြောဆိုမှုလည်း တစ်လုံး တစ်ခွန်းမှ မပါဘူးဆိုတာ အပြည့်အဝ တာဝန်ယူပါတယ်။
ဇော်ဦး
